影片
港铁深水埗站 B1 出口, 步行约2分钟
继续阅读
营业时间
星期一至日
13:00 - 00:00
以上资料只供参考，请与餐厅确认详情
戴頭盔先 我無買到嘢飲 我無消費 亦都無相證明可以證明我有去過11月14 大約下午5點5x分，6點前搭緊車諗起有呢間飲品鋪喺附近就打算返屋企前兜去幫襯下喺車到已經睇緊menu 揀咗杯啱心水嘅我個首選喺紫薯波波行到鋪頭打算問清楚杯嘢嘅波波喺咩波波我又第一次買 睇menu又唔喺寫得好明確見配料有寒天 珍珠 芋圓 所以想問清楚唔好誤會我：唔該～想問紫薯波波喺咩波波店員：喺寒天波波 我：可唔可以轉芋圓之類店員：唔可以我：咁我照要一杯紫薯波波 走冰半糖店員：呢杯淨喺可以少冰(我當刻諗 如果唔可以走冰 咁我寧願飲沙冰啦～)我：咁如果芝士荔枝呢～可唔可以...(我都未講完)店員：呢杯喺沙冰😮💨無得走冰 要走冰就飲奶茶！我：好，其實我想問嘅喺，呢杯可唔可以揀糖度店員：你想嘅話唔落糖都得！少糖半糖咩都做到頓時成個氣氛好似嫌我煩咁 我都唔想比錢買難受我都好聲好氣講咗句：唔好意思 我再諗吓先然後就離開咗間鋪其實我唔喺傻仔 唔喺第一日買手搖我都喺個會睇menu嘅人 但你哋menu無得走冰嘅飲品 又唔寫明不設走冰當客人問起嘅時候店員又好似發悔氣咁並且我都知芝芝乜乜嘅多數都喺沙冰喺我問得唔夠快 比店員當我喺傻仔因為佢見我上一杯紫薯波波想叫走冰 就即刻串我呢杯芝士荔枝喺沙冰btw希望店家再執執個menu😄重要事要講多次 我喺無消費㗎 成件事大家可信可唔信
继续阅读
-因為真係超超口渴，呢一間收好夜所以啱晒我，之前飲過一次好難飲，因為佢唔係用真果汁，但今次決定俾多次機會佢。手打檸檬🍋茶依家周圍都有手打檸檬茶，點咗少甜少冰，一飲落去都有香水檸檬茶嗰隻味，當然有少少人工嘅味道，但比我想像中好飲，入面仲有好少好少嘅檸檬碎，不過係苦嘅，因為連埋檸檬皮，最後呢杯嘢令我喜出望外，同埋真係解到渴。
继续阅读
今日我去咗深水埗一間叫做「飲棧」嘅小食店，試咗佢哋嘅手搖飲品，真係好滿足！第一杯係竽泥波波，佢哋混合咗竽泥同椰漿，再加埋啲新鮮嘅竽圓，味道好香濃又唔會太甜，竽圓就好軟嫩，啲口感好豐富，真係一款好有層次感嘅手搖飲品。之後我又試咗另一款好特別嘅飲品，就係霸氣菠蘿沙冰特飲。菠蘿味道好濃郁，每一口都有好香甜嘅果味，再加埋啲冰沙同珍珠，啲口感更豐富呀。最後，我試咗一杯芝士宇治抹茶，質素同味道都好正，茶味濃郁又唔會太甜，令到我一口氣飲晒！整杯飲品仲有一層芝士加持，啲口感更加豐富。總括而言，「飲棧」嘅手搖飲品真係好出色，唔止味道正，仲有好有創意，真係可以感受到佢哋嘅用心同誠意。如果你都想試下啲唔同嘅手搖飲品，就要去深水埗長沙灣道154-156號鑽石樓地下A1-1號舖啦！飲棧 (深水埗)深水埗長沙灣道154-156號鑽石樓地下A1-1號舖#飲棧 #竽泥波波 #霸氣菠蘿沙冰特飲 #芝士宇治抹茶 #深水埗 #手搖飲品
继续阅读
周日與朋友出咗深水埗行街，正當行到口渴之時，咁啱就經過呢「飲棧」，見到店內牆壁裝飾頗吸引，掛著多幅小圖片砌成時鐘掛飾。此外，店內更設有數張坐椅供客人使用，可以小坐休息一下，十分貼心。飲品選擇頗多，包括有七個系列：《厚椰乳系列》、《3.6鮮牛乳奶茶系列》、《梳打系列》、《芝士厚奶蓋系列》、《純茶系列》、《霸氣沙冰特飲系列》，和《手打香水檸檬茶系列》。價錢方面，一般約在三十元左右。正當心大心細考慮飲的乜，店員向我推介《芝士白桃》（$38），芝士白桃面鋪有濃濃厚厚芝士奶蓋，認真超正。至於入口味道充滿白桃香，味道很清香，果然好正好好飲。《紫薯波波》（$42），個人認為呢款飲品賣相最靚，而且份量頗多。純白椰汁加上顏色超美的紫薯蓉，入口淡淡紫薯香，配上粒粒紫色波波，亦都很好味好特別。《新鮮芋泥烤奶茶》（$36），呢款的茶杯是最美的，杯上印有中國大戲面譜，一面是女生面相，另一面則是男生面相。至於芋泥微帶沙香，茶味則正常。
继续阅读
天氣又開始熱係時候飲手搖飲品今日未到深水埗，見到呢間餐廳，決定一於試一試。本身打算飲芋泥，飲西瓜，飲芋圓，但都買哂，睇黎好出名。 下午一路等候期間一路有人買飲品，睇嚟感覺應該不錯最後同朋友叫咗以下兩款飲品1.碳培烏龍珍珠奶茶（ $30 ）茶底香濃，帶有淡淡的碳培的香味，珍珠煙韌，帶點微甜，半糖甜度剛剛好，不會太甜。2.藍莓波波（ $42 ）椰奶系列，藍莓味道較為出眾，帶有藍莓果肉，且內有帶有口感的波波。值得試飲
继续阅读