餃子駅 (太古城中心)

营业中

休息中

今日呢間餐廳食咗好多次,佢個下午茶超級抵食,仲要免加一服務費😁 叫咗個 酥炸豬扒拉麵跟一杯嘢飲. 豬扒新鮮即炸,外層個皮好薄好脆,肉 質鬆化.湯麵都係即叫即做,上枱熱辣 辣. 麵質彈牙有咬口.飲品叫咗熱柑桔蜜🍹下午茶: 酥炸豬扒拉麵 +飲料 $38下午茶供應時段: 2-6pm 我 3:30pm ,唔需要排隊

餃子駅在太古城中心的3樓，扶手電梯旁，容易看見。點了套配A- 酥炸排骨湯麵跟6隻餃子，另加配酸辣湯，昆布粟米湯麵，時菜酥炸排骨湯麵 份量夠，排骨ok外脆内有肉汁素菜餃味道ok酸辣湯味道不算傳統、不算好辣、是偏酸昆布粟米湯麵其實即是配酥炸排骨湯麵的湯麵一樣，只是沒有跟那碟酥炸排骨，味道和麵質都ok。健康時菜是菜心，份量少一點，有一兩條是有點苦。總括來說性價比高，乾淨企理，不過不失，上菜快，食物質數對得起價錢

擔擔麵 配 韭菜豬肉煎餃 加熱豆漿 $85擔擔麵麵條爽滑彈牙，湯底鹹香濃郁超惹味😋而且唔會太辣，幾啱香港人口味👍🏻上面配以肉碎同花生，食落口感好豐富🍜餃子煎得啱啱好，皮薄而且煎到脆卜卜，入面啲陷料好足🥟而且好香韭菜味，雖然餃子係煎嘅，但依然keep 到入面好juicy，我眨下眼就食哂6 隻🙈原來啲餃子全部都係係分店現場新鮮包制，唔怪得知咁好食啦🤤🤤見餐廳仲有其他特別嘅餃子，下次要再嚟試試佢🤩

這間在太古城中心已經營業了有一段日子，一直沒有去過。今天下午入去試一下，怎知就中伏！叫了一個$89套餐，選了炸醬麵、韮菜豬肉蒸餃及一杯酸梅湯。炸醬面先來，放下在我面前已聞到一股肉類的雪藏味道，我先試一口麵，其實面質不錯，但那股經冷凍後的雪肉味，真是令人大倒胃口，是我有史以来在香港吃過最差的炸醬麵！韮菜餃味道還可以，但不特出。酸梅湯就只是一般樽裝貨式而已！之後上開飯網看食評，唉！原來差評已不少！早知去附近食快餐好過！

年初六下午時分叫咗個酸辣湯套餐上枱嘅酸辣湯好明顯一啲都唔熱食落去好似擺咗喺溫室好耐咁嘅溫度之前幫襯幾次，萬事都唔會咁望吓啲侍應，佢又覺得好似冇乜嘢咁好心做餐館唔好做得咁冇質素上枱嘅食物可以唔熱嘅都得叫佢整返熱之後碗湯個樣又唔同晒由酸辣湯變咗酸辣水咁嘅樣真係一啖都食唔落快快食完個餃子連豆漿都唔想飲就想埋單做嘢咁求其再幫襯佢都好難同店員反映其實以後下午都唔好叫酸辣湯餐，因為啲酸辣湯一啲都唔熱就上枱“佢話我已經有煲返熱”講真，呢啲嘢係最基本嘅要求根本就唔使搞到咁

少有地晚飯時間喺太古出沒，唔想食商場連鎖店，記起有間餃子店，諗住餃子比較少中伏..叫左酸辣湯，十隻煎餃，連飲品，$95酸辣湯，一上枱，好稀😑一聞落似碗仔翅，一飲落味道一言難盡……味道方面，欠缺左啲咩我講唔出，不過攪唔勻我就好肯定，飲到最底先超多胡椒粉….最後幾啖筍味好重。係我咁大個人飲過最奇怪嘅酸辣湯（唔話佢難飲我覺得已經好厚道…）煎餃，唔係一般嘅形狀，唔緊要，肉餡咬落冇肉質可言，唔乾，不過係多油，唔係肉汁。芹菜唔香。脆嘅。飲品正常，感動🥲

因為食飯時間有限，所以揀咗一間可以容易啲入口的餃子店進餐。我哋一行三人到達店裏可能12點嘅關係，未係最繁榮嘅lunch time時間，所以即刻安排入座。我哋嗌咗三款餃子，包括煎京蔥羊肉餃，蒸蟹黃蟹粉豬肉餃同埋煎松露豬肉餃。（呢度嘅餃子係可以揀煎啦同蒸仲可以揀湯餃。）京蔥羊肉餃咬開充滿着驚蔥羊肉嘅味道有羊肉嘅香味，但係冇羊肉嘅蘇味，可以滿足到喜歡羊肉嘅人，算係好濃烈嘅羊味。蒸蟹黃蟹粉豬肉餃呢個咬開都有蟹粉味，算係濃烈因為食完個羊肉餃之後都仲食到蟹粉嘅味道，我同事第一嚿就食呢一個蟹黃蟹粉餃，所以佢覺得個口係充滿蟹粉蟹黃嘅味道。松露豬肉餃咬入口口已經充滿着松露嘅味道，你仍然都會覺得好滿足，三款餃子都咁濃烈，但係食三款餃子嘅時候都食到佢嗰個主題嘅味道，所以我哋呢間店係一個好高嘅評價。咁說實話，佢嘅價錢係比較偏中上如果好似lunch淨係食餃子都要七十幾$80只係得六隻餃子係有啲貴嘅。我哋仲加咗酸辣湯係好酸嘅味道，如果鍾意酸應該好開心，但係佢就算係比較稀唔係好濃嗰款。叫做食餃子嘅時候有啲湯水冇咁乾口。可能我冇乜期望嘅關係，所以我係幾滿意嘅一餐餃子加上我本身好鍾意食餃子，推薦俾大家。

晏左少少出去食lunch, 見到唔洗等位就俾個機會試下啦。叫左個中午限定套餐，有一款麵食，一款6件餃子（+$6 轉煎餃）同一杯野飲。麵食當中揀左雪菜肉絲，碗麵一嚟到就見到好厚既一層油，即係如果放凍左，面頭係會有一層白色油嗰隻。再食一啖，好咸，再者，個麵底有兩「主」都拿埋一舊，好似曾經煮過再整熱咁。成個麵真係唔係好合格。煎餃，曾經食過一d好出名小店既作品，呢間真係普通得好普通。

本身自己好鍾意食水餃或者餃子，見到太古有一間未見過嘅餃子店，即刻入去試吓。門口有推廣下載個太興app去攞迎新優惠，原來呢間餃子駅係太興集團旗下。餐廳原來可以用QR code自助叫餐，開頭唔知道叫咗侍應過嚟，之後自己發現到原來可以自助點餐，持應就轉過身走咗😅😅😅完全冇行業應有嘅態度⋯⋯叫咗個10隻餃子套餐，加咗$19換酸辣湯，於是就叫侍應拎兩個碗同朋友分享，點知個碗污糟到呢⋯⋯叫咗兩款水餃，分別係韭菜豬肉餃給帶子水餃$6X/10隻mix，價錢都算實惠，味道就一般般，外貌唔係好吸引，都係啲味精水餃。酸辣湯就比較辣，唔食得辣嘅朋友就未必可以揀啦。

這是我平生第一次寫食評.  因這次遭遇, 後悔不早預覽Openrice 而中中伏, 感Openrice 的確有參考價值, 立刻登記開戶, 以作警戒： 慎之,慎之.當天與友人在5:50pm 入座, 只有客人一二, 選擇了卡位. 點了兩個套餐(因只有套餐): 豬扒麵, 雪菜肉絲麵, 牛肉芹菜和韮菜蒸餃各一,豆漿, 柑桔蜜. 大概在6pm後客人漸多, 20分鐘後友人完成了她的晚餐, 我還有大半杯桔蜜和餃子一整隻在盤子裏, 心在想著硬硬的雪菜還卡在食道咽喉處, 有點消化不了,還要吃下那餃子嗎?  但待應大嬸已箭步到桌旁, 收起友人的碗碟,站著不動看著我和我的餃子!!!我感奇怪淡淡的問: 你想趕我走嗎? 回答又是淡淡的: 不是. 但大嬸還是和那些碗碟站著在旁不動, 氣氛異常兀突!!! 喝了口如淡開水的蜜,猶豫了一會, 轉身結賬離去. 共$178 . 店內幾近全滿,門外沒有在等候的客人.

因為唔想諗食乜，見唔洗等位，所以去左依間餐廳，佢只係一間連鎖餐廳，唔好太高期望。食左幾樣嘢紅菜頭去皮雞肉餃【煎】：賣相只係普通，味道無話好驚喜。健康時菜：表面上價錢唔貴，但原來只得6條。15隻灼餃(韮菜豬肉餃+白菜豬肉餃+黑松露豬肉餃)：每款5隻，可以一次過試下唔同味道。 韮菜豬肉餃，同一般的韮菜餃一樣味道得重，白菜豬肉餃則感覺輕盈一點，黑松露豬肉餃就好有黑松露醬的味道，適合重口味的朋友。灼餃有另一個特別之處就係個外皮煙靭。另外加配左昆布粟米湯麵：只係為左填飽個肚而叫的，味道一般。

夜晚唔想食咁飽所以同朋友行咗入依間餃子店，八點左右都唔使等位，可以直接入去。舖頭門口就見到餐牌有幾款嘅餃子都幾吸引。餐廳係自助落單，好容易睇吓有咩食。因為想試招牌餃子，所以同朋友嗌咗個特盛組合15隻，包含三款主打餃子。📌泡菜豬肉餃子自己唔好食辣，但係呢隻泡菜都可以接受，因為係蒸餃子所以到幾多汁📌邂逅蟹粉餃子有少少蟹肉味，唔會好咸，呢度得三四隻就啱啱好如果一次過食10隻，可能就有啲溜📌黑松露松茸豬肉餃三隻款最鍾意食呢隻，未食已經聞到黑松露味，有菜有肉感覺好平衡打開

好耐之前曾經喺九龍灣食過，今次其實係因為買咗太古城coupon所以先會嚟食‼️ 不過真係有驚喜😛 叫咗個套餐，有一個麵食，同埋任選唔同味嘅餃子，如果煎餃就要加$6，今次嗌咗酥炸排骨湯麵同孜然羊肉餃，本身自己都好鍾意食羊肉，佢個羊臊味好正‼️原來放係餃子🥟度可以咁出色😛 不過下次我會寧願嗌12隻餃子，唔嗌套餐😂 因為佢嘅麵食就好普通🤔 由於coupon係有6折，所以呢嗰餐只係需要56.4，正常要$88+6，有coupon嚟講好ok，但原價嚟講性價比都有啲低🤔

路過見有位，睇啲相又好似幾特別，就⋯⋯🥢🙂胡椒豬骨湯麵，拼4隻餃子$49 （包餐飲）紅菜頭去皮雞肉餃 (2隻)，泡菜豬肉餃 (2隻)📝碗麵湯底比較淡，無胡椒味，麵質過淋😨紅菜頭去皮雞肉餃，有紅菜頭味，唔覺有雞肉😅泡菜豬肉餃，味道正常。🥢京式炸醬拌麵拼六隻蒸餃子 $88 （包餐飲）蒸餃，鮮蝦滑蘆筍帶子餃，味道清淡，餡少。📝整體食物質素一般，麵同餃子皮都淋Pat Pat ，餃子扁平，餡料少🥟，唔算好食，不過唔難食，價錢偏貴🤑唯一覺得好食係辣椒油🌶️

今次去左太古城食餃子！餃子嘅種類都幾多同平時一般食到嘅種類都唔同😯😯😯個人黎講覺得都幾特別有泡菜味 海膽味等等你仲可以選擇要煎或者係灼餃都可以過下餃子引😆價錢方面都唔算貴！我哋叫咗晚餐嘅set有餃子、麵同埋一杯野飲餃子方面 我哋就叫左灼餃因為唔想咁熱氣😆麻辣鮮蝦豬肉餃同埋泡菜豬肉餃佢嘅麻辣味 唔算好辣 食落都幾香😆麵嘅話 就揀咗排骨麵但係個麵身實在太淋⋯淋到食左幾啖已經唔太想食如果硬番少少🤏🏻我諗應該會好啲🥲排骨方面就不過不失咁啦😆