影片
营业时间
今日营业
11:00 - 20:30
星期一至日
11:00 - 20:30
以上资料只供参考，请与餐厅确认详情
有关餐厅
呢家餃子店一向出名湯底, 而且餃子都係師傅自己親自人手包製~雲耳椰菜豬肉餃椰菜爽脆, 豬肉係新鮮即剁, 餡料非常豐富,再配上狀元九鼎湯一齊飲, 更有提鮮作用~元貝豬肉餃食到粒粒元貝香, 有淡淡既海鮮味道, 如果想惹味D, 可以配上餐廳提供既菜脯辣椒醬!不過要留意既係, 的確幾辣! 食唔到辣既朋友要注意下龍鳳松茸雙湯餃個人最中意呢款餃, 因為係白松露&黑松露雙併！基本上不用蘸任何醬汁, 都食到啖啖既松露香, 而且份量都幾多, 成個口腔都充斥住松露香味~蜜餞雞翼平時蜜糖雞翼就食得多, 蜜餞雞翼就第1次, 甜味比起密糖無咁甜, 而且仲食得一絲絲既果脯, 味道比較特別黃金原味皮蛋溏心皮蛋, 蛋味香濃, 皮蛋外層金黃呈透明狀~自家製山楂雪梨🍐水好濃郁既山楂味, 消暑必備飲品！飲落去真係透心涼, 飲到最低仲食到少少山楂, 絕對係真材實料!豆漿豆漿好順滑, 飲落去唔會有任何黃豆渣滓, 炎炎夏日下飲返杯, 尤其解渴!
继续阅读
自從食過佢哋銅鑼灣分店，諗起餃子都有佢哋份，今日經過上圍見到有再去食過，見到其實佢都有啲新嘢係未試過嘅。壽喜燒牛肉煎餃($58): 可能因為壽喜燒嘅字太吸引，但係食落去其實食唔到我自己諗住壽喜燒嘅味道，就係甜甜地嘅牛肉味，反而覺得似就咁普通嘅搞，唔算太驚喜。龍鳳松茸雙煎餃($98): 呢個上次都食過嘅，但係就記得好似黑松露嘅味道比較突出，但係今次白松露都幾搶味，不過今次嘅擺盆就食到最後先知道邊一啲係黑松露邊一啲係白松露餃。四川涼麵($31): 呢個反而有驚喜，成個感覺好消暑，而且碟底嘅醬油唔會好搶味，加少少麻醬嘅話夏天食就一流啦！ 日本龍鳳蛋一隻($18): 本身都有猶豫過嗌唔嗌，因為好似純粹係糖心蛋加黑松露或者白松露醬，但係都試咗一隻。竟然出奇地好食，除咗糖心蛋做得出色之外，原來佢仲係好似澛咗一排嘅蛋，所以蛋本身已經好入味，加上黑松露白松露醬成件事好新鮮！ 飲品方便好似上次咁都係嗌咗山楂雪梨水同埋檸檬薏米水($20@)。總結：呢一間嘅餃子其實都真係食得過，真係做到皮薄餡靚，而且除咗餃子之餘佢嘅配菜或者小食都做得幾好，絕對會再嚟過！
继续阅读
約咗好朋友聚會，大家去完旅行返嚟都想食得健康啲，就試吓呢間手工餃子專門店，睇吓係咪真係咁「餃掂」🥟🤭😆我哋叫咗兩款餃子，第一款係8隻龍鳳松茸雙湯餃，入面充滿松茸，皮薄又饀靚👍🏻 佢跟埋碗狀元九鼎湯，超好飲。原來材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨，唔怪之得飲完唔覺有味精，真材實料🍲第二款餃子係7隻元貝豬肉餃，今次餃子係浸喺狀元九鼎湯入面，餃子入面充滿元貝同豬肉，浸住湯有滋潤嘅台感覺🥟小食方面，我哋叫咗一碟日本龍鳳蛋配黑白松露醬，賣相好吸引又惹味🤩🥚🥚 另外，我哋仲叫咗5隻蜜餞雞翼，肉質嫩滑又入味🍗飲品我哋叫咗熱豆漿同熱山楂雪梨水，兩杯都大大杯、又唔會太甜，好滋潤呀🥛🍐
继续阅读
餃餃掂手工餃子雲吞專門店 =======為了無味精低鹽老火湯，所以我經常來吃餃子，上環算是新開，不用行上半山，慳了腳骨力。狀元九鼎湯健康滋潤，粉葛、鯽魚、鯪魚、鮮排骨，扁豆，清熱去濕龍鳳松茸雙灼餃$92 8隻，跟湯有黑白松露龍鳳松茸雙灼餃，真材實料，餃皮薄透，中間的餡料飽滿豐富。大白菜豬肉湯餃10隻 $57 菜及豬肉，菜比例剛好，肉又唔會太肥，健康，皮薄透光最愛！日本龍鳳蛋$18 隻流心蛋，蛋黃味濃郁蜜餞雞翼 食入口是偏甜的蜜糖甜，煮到入味軟腍。
继续阅读
至尊松茸煎餃外皮煎得非常香脆， 肉餡嘅調味適中， 咬落去每一啖都見到清晰嘅松茸菇， 肉餡不算油膩非常容易入口，食多幾嚿都唔會膩韭菜豬肉餃子麵韮菜餃子外皮實淨， 唔會煮到爛曬， 韮菜餃入邊肉餡淡淡肉， 非常唔錯， 而且面質一流， 份量都好大夠飽四川涼皮呢個都算有驚喜， 我哋叫咗中辣味道非常唔錯， 熱天嘅時候食呢個 解暑得嚟又有辣味嘅刺激感上湯松茸時蔬用咗松茸湯底去煮， 啲菜都有松茸菇嘅味道， 值得一時山楂雪梨水夏天消暑 良品， 而且份量極大杯兩個人飲都夠
继续阅读