養心亭

营业中

休息中

呢間舖頭真係睇佢唔出，第一次去幫襯，食咗個藥膳醉雞米粉，米粉好爽口，老細話佢哋用霸王花米粉，所以好爽口，個醉雞湯好好味，藥材酒香味好夠，雞有雞味，個湯飲完唔會口乾，涸喉，呢個藥膳醉雞湯完全係女士因物，得閒去食好過自己煮。食完之後我第二日lunch再去食過，叫咗個霸王雞飯配蔥油汁再配肉骨茶，嘩….碗肉骨茶令到我真係好有驚喜，一啲都唔馬虎，比起出面嗰啲話肉骨茶專門店好味道多多聲，碗肉骨茶好香濃，又非常足料，有骨，有豆卜，枝竹，蒜頭，霸王雞個蔥油汁又係好好味，平時我食飯都係食少少，因為有呢個汁我成碗飯食晒。始終佢哋喺荃昌呢邊，啲舖頭都係細細間，座位有限，所以我自己都會揀一啲唔太忙繁忙嘅時間去食。佢賣嘅嘢唔貴，係物超所值，用心製作，我仲有好多嘢未試，會成為我嘅飯堂。

好耐幫襯荃豐入面幾個商場既小店...今次揀左養心亭~雖然係星期六...可能我地又較晏接近9點先去幫襯...所以人流就比較少...我同hubby一人一豌米線~hubby叫左蕃茄牛肋條米線...個湯超級濃...唔似坊間果D蕃茄湯~牛肋條亦相當淋~!我就叫左豌台式麻油雞米線...好香麻油味~飲一啖就成身暖晒~雞好滑!跟餐加錢叫左個3拼小食(水魷,鵝腸,牛肚絲+豉油汁)...小食就較為失色...可能2豌米線都較濃味...蔥油霸王雞肉夠滑~蔥油好香!!!值得一提既係...佢地免費提供既茶水...都係會每日唔同...我地今晚係有微微蔘味既茶~好好飲~refill左幾次!

收工即刻睇下有咩好食好耐冇食過藥膳湯既野就去試下呢間養心亭7點半去到冇人食緊舖仔細細 但都坐得幾舒服好彩早左少少去 好快就坐滿人都幾多選擇，叫完個主食加埋個小食抵呀！優惠價👍🏻自選湯底-麻辣湯海鮮米線轉粉絲$68，麻辣唔算太辣，幾好飲，海鮮都幾多料，蝦兩隻，青口一隻，鵪鶉蛋兩粒，魚蛋一粒開半，花枝丸一粒開半，豆卜三粒。配料全部都好食，米絲估唔到幾出色！硬身爽口，煮得岩岩好。古法藥膳雞湯配粉絲$62，藥膳湯好多，唔會好濃藥膳味個人認為啱啱好，都係轉左米粉米粉真心好食鍾意食硬身爽口嘅朋友一定要試！雞件都幾多！切得幾好冇乜碎骨！雙拼小食配麻辣汁$20，唔算好大兜，但係幾好食可以一試！

試過三樣嘢：藥膳雞飯：之前喺其他地方食過藥膳嘅米線，覺得好甜好好味，以為自己都鍾意藥膳，所以喺度都想試吓，但呢度嘅藥膳我就唔係好受到，可能太足料藥味好重。（之前食過嘅藥膳唔太正宗吧？）。雞湯銀針粉（加魚蛋腐竹）：呢個menu冇的。因為我唔想lur骨，所以問老闆可唔可以比多幾舊腐竹我而唔要雞，佢好nice話俾埋幾粒魚蛋我，但魚蛋較重味精，令到湯都咸啲，下次都係食返雞😅。花膠鮮雞飯：大大嚿花膠，雞湯好飲唔太咸，雞肉好滑，如果係手撕雞我相信會更掛湯。附送嘅熱茶味道較淡（熱羅漢果）。

喺荃灣心思思想食醉雞，最後入左呢間養心亭，舖仔細細，服務好。一入座就問要凍茶定熱茶，飲落有d桂圓味，都幾好飲，又會主動refill。好窩心雖然本身係想食醉雞，睇到餐牌樣樣都好想食，因為今日唔想食辣，所以最後試左 《霸王雞飯 蔥油汁 配藥饍湯》如果食辣佢仲有麻辣汁同香辣汁簡。個雞好滑好多肉食藥饍湯食完唔會口渴，覺得好好味，感覺都好足料。食左大半已經飽，不過唔想浪費，所以食晒！一定會再黎食，支持小店下次要試醉雞米線

雖然唔係住荃灣，但成日都心思思想去食，今日專登去幫襯。去到已見舖頭坐滿人仲有人等緊外賣。之前已食過佢地既藥膳雞湯米線、海鮮喇沙、肉骨茶，蔥油雞飯，麻辣小食，見有新出品 「麻辣撈米線」，又買黎試下，買佐麻辣雞撈米線同什錦撈米線外賣，好驚喜！份量多又惹味，外賣返到屋企口感味道仲好好，麻辣帶少少酸味，好啱夏天食，以後又多一個選擇👍🏻。呢間小舖值得一讚，見佢開佐好似只係幾個月，食過幾次品質都keep 到，會繼續幫襯

第二次幫襯Lu，依然係食到laam laam脷，麻油雞湯好入味好香，啲雞嘅份量多到女仔可能食唔晒，湯底好足料，我食食吓米粉啲湯都飲到差唔多到底👍🏻好啱注重養生嘅人士🥰一入到去就會問你飲熱茶定凍水，連杯茶都好香好特別，前菜就會係有幾舊辣嘅青瓜仔。另外個重點就係價錢好合理，$60蚊左右咁足料，大家經過不妨一試。鋪頭既姨姨同有個肥哥哥都好有禮貌，feel到佢地好用心經營，想比客人最好既野👍🏻所以平時冇乜打食評既我都想支持一下。寫得唔好多多見諒😁

呢日因為食左個好豐富嘅午餐，所以晚餐諗住食得健康一啲，上網搵到呢間藥膳湯底嘅鋪頭，其實香港越來越多藥膳湯底嘅鋪頭，可能因為大家都開始注重健康，而我本身亦都好中意食，所以都想來試一試。呢間鋪頭喺呢個商場，都係細細地嘅舖啦，餐廳都有好多客人，好彩我地都有位，仲見好多人買外賣，我同朋友都一樣嗌左藥膳湯底嘅雞，我米線，朋友係飯。食物送上的時候當然第一啖要試下個湯底，藥材味濃郁，又唔會過搶，真材實料，亦都好滋味，朋友直頭飲哂成個湯，而飲完個湯亦都唔會口渴，值得一讚，雞肉份量都好多，屬於正常發揮，略嫌肥膏偏多，雞肉有雞胸亦都有雞髀，雞胸都唔算鞋。總括黎講我覺得湯底係非常出色，雞就係一個配襯嘅感覺，都有興趣會再嚟多次，之後餐廳亦都會送上羅漢果茶，我地揀左熱嘅，本身都好鍾意羅漢果茶，佢嘅甜味適中，好好飲，呢個亦都係加分嘅地方。

今次係小妹第一次寫食評，好耐冇去過荃灣，行過荃昌聞到好香，見到間小店lunch幾多人食，3點鍾再去冇咩人就入去試下，叫左個嫩滑鮮雞湯米線。雞好滑好有雞味，湯好清甜，完全冇味精，呢個係算水準十分高。份量十足，一個人食唔曬，可能我細食。姐姐好好人，比左一小碗藥膳湯我試，我覺得好好飲，下次來一定要食藥膳湯米線。裝修好新，餐具好乾淨，不過地方細，lunch都好難有位坐，得4，5張枱。姐姐話今年先開，咁細間舖多人識後就一定要排隊先有得食。下次去荃灣一定再來

古法藥膳醉雞湯配飯配小食手拍青瓜併花枝丸好耐無食過健康養生又足料又滑嘅雞湯飯！平時放工咁攰，唔食啲健康嘅嘢真係對唔住自己嘅身體。今日經過呢間養心亭，雖然已經夜晚八點啦，但舖面同外賣都仲有唔少人。我一入到去就已經聞到陣雞湯味，二話不說就嗌咗古法藥膳醉雞湯配飯。入面有杞子、人蔘、枝竹，當然唔少得主角滑滑嘅雞，以前食開呢類雞湯，如果浸喺湯嘅雞一定係好鞋，但佢仲係好滑，啲雞皮又唔太肥，個醉雞湯更加飲到個身暖暖的，好值得一試如果鍾意食麻辣小食嘅話，可以叫多個小食併盤，我喺因為食完佢個配菜手拍青瓜，覺得超mm7所以就嗌埋佢併花枝丸食，唔錯唔錯！

復活節去荃灣搵朋友, 經過聞到好香蔥油味, 以為有蔥油餅.好奇怪陣味係一間食藥膳的店散發出來.門口餐牌見到有霸王雞飯蔥油汁. 比蔥油香吸引左入去,店面好細,得十幾個位, 好多人都食藥膳同蔥油雞飯我叫左個霸王雞飯蔥油汁+清雞湯.雞好滑好有雞味, 最出色係個蔥油汁, 好香蔥味又唔覺好肥膩, 豉油個味道超正, 唔識形容, 總之就好食清雞湯似雞煲翅個D雞湯味, 佢加D翅入去就接近雞煲翅, 飲落完全無味精, 好正$62我覺得超值, 而家好多小店越來越出色

Came to this restaurant in Tsuen Wan this afternoon on this Easter break with my mother in law. My mother in law was interested in this shop known as Yummi Pavilion that she wanted to try the medicated / herbal chicken pieces. I tried Chicken soup with Maw and chicken pieces. The maw was made not too hard or not to soft just right to bite. The chicken soup was very soothing to the throat and tasted very flavourful. In the soup there is also white bamboo and cloud ears in the soup. They were very

推介指數值5星一向都喜歡幫襯本土小店，自己又係一個米線Fans。係荃灣地鐵站行去悅來坊中途的昌寧商場，經過一間中式食店，聞到好香藥膳味，見入面都幾多人食，就入去試下。坐底姐姐問我要凍茶定熱茶，有凍茶都幾好，係金銀花菊花茶(free)叫左個藥膳雞米線藥膳味十分濃郁，我覺得香港食過最好食的藥膳雞湯。米線份量十足雞滑好食，豉油都唔駛點。真係好得。出面食過好多間藥膳，大部份都唔會咁濃郁藥膳味，呢間碗藥膳米線都有好藥材係入面，當歸黨參我都食埋。正

荃灣養心亭係網上見到好多人介紹荃灣呢間食藥膳的小店，專登由元朗出來試下，位置係一個住宅下的商場，平時真係唔會行呢度。新開店面幾乾淨舒服，中式裝修。食物價錢唔算貴，食物似新加坡馬拉野。我試左個嫩滑鮮雞湯米線，睇落份量都好足。食落雞又真係好嫩滑，好有雞味，米線彈牙，湯底好鮮，飲落覺得無味精，份量十足，雞有7，8件。雞湯米線呢間真係算出色，值得推介。見到其他客食霸王雞飯，聞到個蔥油味好香，下次一定要試下。

今日返中班，諗住喺屋企樓下食過快飯就即刻返工。行過見呢間開咗一排嘅養心亭小店唔多人，又未試過，所以入去試下。餐牌有個麻辣牛肉米線，寫明話係用牛肋條嘅，鍾意食麻辣及牛嘅我，就試下啦。又估佢唔到有啲驚喜，個麻辣湯底唔油膩之餘，仲有啲甜味及老火湯嘅感覺，冇諗過麻辣湯底都可以飲得下，我飲咗幾啖。呢間舖主要賣雞湯，唔知會唔會麻辣湯嘅湯底其實都係雞湯嚟嘅。牛肋條整得幾好，軟硬適中。最後要讚一讚啲米線，好好味。