養生糊甜品專門店 (已結業)

點了一個芝麻杏仁糖水，食落有陣苦味，吃了唔夠一半便倒了，失望。家人點了西米露，啲芋頭很硬，味道亦太淡，不會再光顧。建議店主先就食物試味，才賣給顧客。苦的杏仁糊第一次食….

砲台山北角一帶岀名多野食，淨係一條英皇道已經好多舖頭。我自己就鐘意捐窿捐罅揾食😋😋今次依間「養生糊」真係俾到驚喜我🤩🤩雖然舖仔細細，但老闆哥哥好好人。一坐低佢話有車仔麵架，好啦睇睇有乜食先。平時車仔麵基本野佢都有。重點係佢竟然有埋花膠🤩🤩不過我冇點到，我點左四餸(蘿白，冬菇，豬大腸，水魷) 油麵，沙爹汁。人少少。好快就有得食。樣樣食材都好好味😋蘿白好淋冇渣😋冬菇唔係細細粒果d Hea 你，佢竟然係大隻冬菇扒, 勁入味，必食推介🤩🤩豬大腸都ok 好食，食到滷水味👍🏻水魷彈牙爽口，冇梘水味，讚👍🏻👍🏻食完麵，食埋個腐竹雞蛋糖水加湯圓就perfect啦😋👍🏻

話說呢間糖水之前食過覺得正。今日又口痕痕，想食個車仔麵。所以放lunch黎左買外賣。環境嘅野，叫得外賣同食得車仔麵，沒所謂啦。男人老狗，最緊要好味。食左好耐冇食嘅豬大腸同豬紅，仲有豬皮，冬菇。同埋車仔麵就梗係油麵沙爹汁做底㗎啦。水準非常高，豬大腸夠肥又唔膩，冬菇超入味，豬皮同豬血又爽滑。個油麵外賣都覺得夠爽同彈牙。已經諗住下次再黎試下其他。絶對係返單之選。

一直都好鐘意食傳統中式糖水，但要系香港搵到好味嘅中式糖水有d難，誤打誤撞入左呢間糖水舖，覺得系其中一間好味嘅中式糖水舖。《生磨芝麻合桃糊》（加湯圓）$31呢碗嘢芝麻味好濃，唔系個d好稀，用即沖芝麻粉溝出黎嘅糖水，絕對系生磨嘅。食落口糊嘅質地好滑順，芝麻味好出好濃，再加埋合桃糊，淡淡嘅合桃味，非常之夾。而粒爆餡嘅芝麻湯圓都好好食，鐘意食芝麻嘅人，一定要加湯圓！《生磨蛋白杏仁露》$26呢碗嘅杏仁味都好香好濃，入口都系好順滑，而且都系食得出系生磨，無渣流灘，自然嘅杏味而唔會過甜，食落去好潤喉，食曬成碗都唔覺得膩，系暫時食過最好味嘅杏仁露。養生糊甜品專門店嘅中式糖水相當出色，而且價錢親民，CP值高，如果系附近食完飯，可以黎食返碗糖水！

都知道轉咗手，諗住質素應該唔會差好遠，所以買咗一碗腐竹糖水同桑記蛋茶來試下，真係名副其實糖水好甜，亦都好稀，同以前舊店質素差好遠，味道都唔一樣，所以未必會再幫襯了。

這家甜品店老闆已易手，見到最近有兩個後生仔頂返嚟做，買咗碗凍椰汁芋頭西米露，啲西米發脹到珍珠咁大粒，得兩粒芋頭仔喺度游下游下，碗嘢非常稀。食落去屙咗幾次。啲嘢唔得，好心就唔好攞出嚟賣啦！份量少，啲嘢又貴，失望！已經唔係之前舊店主嘅食物質素！已領教過，以後唔會再幫襯