饗和民 (萬宜大廈)

营业中

休息中

今日同琴日連繼兩日都上左萬宜大廈搵食，和民就食過好多次，但饗和民就第一次食，不過我諗兩間應該都一樣。我兩日分別食左「石鍋黑椒牛肉飯同滑蛋雞扒鍋定食」朋友就叫左「吉列咖哩雞扒丼飯」，另外加左$28叫左一串燒雞翼。不過好失望囉，兩日食嘅飯唔同，可惜結果係一樣「好咸」囉！點解亞廚咁重手呀！今日果份滑蛋雞，雞蛋唔滑而唔且薄，雞扒表面嘅炸粉吸晒啲汁咸到一個點琴日食嘅牛肉丼，原來牛肉送到時是「生歐歐」，要自己諗辦法將牛肉收埋，用石鍋嘅熱力整熟啲牛，但又係咸咸咸！眼見朋友嘅咖哩飯賣相都👌🏻嘅，但味道就唔知喇！但加$28嘅雞翼就燒得好好，但可惜味道都一樣.......我諗今日會係最後一次嚟呢度

於OpenRice 叫左鰻魚牛肉飯便當，味道唔錯！但係價格貴，而且份量太少啦！無論是沙律菜，還是牛肉及鰻魚，就連飯都是一個女仔既量！男士應該樂難飽肚！另外，鰻魚都唔夠汁！有些失望！

呢間野都幾有趣, 明明係中環中間, 地點方便, 偏偏係2樓, 唔易發現.  D野個樣似貴,  但又好好食兼抵!萬宜大廈上一層就見到佢入面環境都OK都OK多野揀十勝豚當定食 - yum yum yum!!! 真係超掂呀, 朋友!  豚肉入味燒得啱啱好, 值得 encore!  宮崎南巒炸雞井定食 - 炸雞堅一絕, 唔油又有肉, 推介 ! 滑蛋雞扒鍋定食 - 滑蛋滑溜溜, 都唔錯豚肉天婦羅定食 -  天婦羅炸得好好, 最緊要唔油淋淋, 入面有件炸紅椒, 好甜,  驚喜!特製餃子 - 買相唔錯, 但食落林林地, 好似唔係煎,  有D失色壽喜燒鍋 - 天氣開始涼涼地, 食呢個鍋真係perfect!  仲有碗烏冬淥來食,  OL一個人點會食得晒呀~呢間野食堅唔錯, 服務既哥仔態度好好, 非常友善,  值得encore! 

食日本餐無數次，我覺得和民有一定水準，我細細過就已經同女友幫襯，由和民食到高級版和民，看見佢哋不斷成長，連自己都成長（年齡）👦🏻-》🧔🏻，每次食都好像去了日本旅行，好有風味，環境又舒服，服務態度表現專業，每次好滿足地離開，呢D地方賣少見少了。另外，有一次收工同朋友去食晚飯慶祝生日，出面買咗個蛋糕，樓面嘅經理好主動幫我雪好，重話可以幫我切餅，之後重唱生日歌，超窩心，服務態度超好，比我預期喜出望外了。

約左朋友中環食晚餐 想搵個舒適d既地方食飯😁當然都唔想太貴啦呢間真係岩岩好❤️fulfill到我既要求：坐得舒服、味道ok、不太貴😆😆呢個海鮮沙律好大碟 d海鮮都好充足 正啊😆不爭氣的我 同朋友一齊share一半 我食完呢個已經飽左3-4成🤦🏽‍♀️呢個係「軟殼蟹牛油果壽司卷」感覺好豐富～～ 牛油果味濃 軟殼蟹亦好足料讚👍👍👍（如果軟殼蟹有返少少溫度就更好食了😬）冷麵就比較淡味唔係我心水😝呢個係「日本產魷魚燒」個醬汁好入味 魷魚既咬感好好超級推介❗️❗️❗️最後叫左杯「凍柚子蜜梳打」下面有勁多柚子蜜果肉😅😅😅 甜甜地 好飲呀！唔知係咪疫情關係好似唔係好夠staff要等一陣先叫到staff來下單不過問題都不大最緊要環境坐得舒服 適合傾計👭

加班連續多餐大魚大肉、漢堡、薯條、牛舌飯，咁啱無乜胃口，又想食沙律，但又怕唔夠飽，想食的澱粉質（沙律+少少飯就應該ok)見到可以apps買呢間餐廳嘅外賣（雖然遠左少少，但一去到就可以攞，又ok wor)散叫卷壽司半份及沙律半份；正常食完唔多夠飽、但如果無openrice平$20的優惠都成舊水（中環$100內又食得飽嘅大把選擇，就係唔想食飯盒先揀佢）沙律整體新鮮（除左青紅椒好似變壞左咁，有怪味），而且配搭有驚喜，加埋芝麻醬超開胃（但半份唔夠喉）叫一份就超晒預算沙律、壽司都無肉，食完到喉唔到肺（個陣又無做炸雞半價），睇下今個星期加班攞唔攞到$20折扣先再考慮幫唔幫襯

係附近返工，好耐之前食過一次晚餐，類似一人鍋咁，感覺一般，雖然係好食，但份量有d少，太貴，唔抵食，反而午餐就抵，外賣一個鮭魚飯$7x，份量足，配一碟細沙律，沙律好新鮮，鮭魚唔鹹，都好新鮮，飯似係日本珍珠米，大大粒好軟身，中環黎講算唔錯。

去完長洲番到中環就去左呢間到食🤪去到8點30左右 平日就唔洗排隊環境舒適！2個人叫左*滑蛋吉列豬扒飯 唔知係咪好肚餓 又幾好味 😋 珍珠米同汁好夾 而且雞蛋份量好多 吉列豬扒幾厚 而且有d仲係脆嘅！好滿足 而且份量好大 2個人食一碗都夠飽 😂*牛油果沙律🥗 外觀唔錯 份量都算多 先$48蚊幾抵*壽喜燒 很普通 等了30分鐘後才上桌牛肉比較老 而且整體冇咩特別 有好多菜不過以100蚊鬆d嘅價錢 都算做okay la! Hahahaha

今日係開心星期五🥳 老細話疫情有放緩跡象，決定搞一次公司聚會💕慶祝慶祝🥢早早打電話去訂坐，準時12:30到達，準時入座。跟足政府規矩，量左體溫先可以入座。裝修走日式東洋風，主要以木色做主調，簡潔乾淨明亮，提供卡位及BAR枱。掃描QR CODE下單，十分環保♻️方便，而且上菜速度快。入黎個陣，望到人地食十下十下🍲好吸引❤️御膳(九洲產和牛壽喜燒鍋配烏冬）HKD 138:和牛超滑，色澤均勻，雪花❄️分佈平均。豆腐吸左壽喜燒湯汁味，好嫩滑又不會死咸。烏冬好有咬口， 似係讚歧個款，而且煮沸左好耐都咁有彈性，好好味😋仲配左好多金菇、白菜、蘿蔔、生蛋。成個餐包埋沙律🥗同甜品。甜品係紅豆蓉小丸子🍡，不過紅豆蓉偏甜，甜到打冷震系列，一般。總結：中環區抵食午市套餐性價比高

夜晚有啲飽飽地, 同朋友仔約咗去食位於中環嘅饗和民因為好耐冇食過壽喜燒, 有少少掛住, 所以就同朋友仔嗌左個大鍋再加配料<辣味增豬骨湯豚肉鍋(大)>豚肉鍋嘅份量幾大, 下底有好多白菜、菇菌、蘿蔔同豆腐上高有我地加配嘅牛肉另外豚肉鍋仲附有三隻生雞蛋我哋先發咗雞蛋再將煮熟嘅菜同肉沾上生雞蛋, 食落甜甜地, 又好嫩滑我哋食完啲餸菜, 就再追加左份烏冬入去個豚肉鍋, 再打咗隻蛋入去, 食落好暖胃<軟殼蟹牛油果壽司卷>軟殼蟹脆卜卜配上牛油果, 食落都幾清新

饗和民有日式早餐同西式早餐，款式有好多選擇，可以話包羅萬有，变化都幾多。我哋選左一份日式和西式早餐各一份，分別玉子壽喜燒朝食，另一份煙火腿脆皮腸朝食加熱柚子蜜。日式朝食嘅玉子蛋香蛋味濃，滑豆腐有豆香味，有小量薄牛肉，有一碗白飯，白飯系採用日本米，味噌湯略為淡味。至於西朝有炒蛋，火腿同香腸加沙律菜，味道不過不失，杯柚子蜜柚子味濃而且幾大杯同夠晒熱，系寒冷天气下飲，有潤喉感觉，好舒服，味道都吾錯。

今日黎到中環同朋友食飯，6點幾又唔係話好餓，就簡左黎食日本菜。見到有相當豐富既2人餐，價錢都好抵，$358 有9樣野食或者$498 簡10樣。但同朋友都覺得會食唔哂以未餓既情況下。所以我地就散叫左d 小食同壽司。叫左個串燒盛盒，有免治雞肉棒,燒雞胸串,燒雞翼串等一共有7串唔同既串燒。岩哂d 選舉困難症，樣樣都有得食下。之後叫左個三文魚刺身同三文魚腩刺身，三文魚腩既油甘香味較重，每片刺身既厚度偏薄，刺身都幾新鮮。壽司方面，蒲燒鰻魚壽司卷,鰻魚汁好惹味，軟殼蟹牛油果壽司卷,軟殼蟹好香脆，加埋牛油果口感更有層次。鮭魚牛油果卷，鮭魚同牛油果，一齊食就係份外軟滑。抹茶牛奶,濃郁既抹茶加埋香滑既牛奶，甜度適中。水果紅茶，入面有多款水果，味道帶少少酸，飲落都幾清新。

和民同饗和民一直係頗親民既"平民"日式料理. 各種2人套餐cp值都頗高. 今日同女友試咗饗二人豪華套餐. 其實分量都頗大, 3個人食分量都啱好, 而價錢不過係$498! 價錢同分量一樣高cp呢!套餐包括凱撒沙律:有芝士粉,麵包塊,煙肉片,爽脆生菜同埋黃紅椒啱曬鍾意食菜既女友.精選刺身組合包括5種新鮮既刺身:三文魚, 油甘魚, 帶子, 甜蝦, 同三文魚籽. 分量唔細,出邊同樣新鮮既刺身價錢差唔多都要$500幾!鍋物我地選咗和牛夀喜燒. 和牛分量都幾大, 配上蘑菇,豆腐,大白菜等仲有甜豉油湯底,湯底夠鮮甜!主食就係鮭魚溶岩壽司卷. 甘薯絲配上半溶芝士同蛋黃醬既三文魚卷. 大份得黎,色香味具備👍大蝦天婦羅. 大蝦新鮮得黎,炸漿薄薄一層頗鬆脆.隨套餐仲有飲品. 不過我地加錢order兩杯韓式果醋配鮮果. 新鮮既鮮果配上藍莓/士多啤梨有氣果醋. 好飲得黎又健康!最後甜品有日式傳統水滴餅. 配上花生粉同黑糖漿. 味道方面就遷就香港人唔算太甜. 得意又好味呢!

呢排中環人流比較少但係呢間餐廳都仲係要攞飛等位今日我哋三個人嗌咗呢個二人餐 價格好好又多嘢食 完全夠食 4人加多少少都夠食！性價比高刺身夠鮮 又大塊天婦羅蝦又爽又脆又大隻燒雞扒大大塊 味道好好有肉汁 勁香和牛壽喜燒鍋 和牛超滑好好味 特別啲豆腐超入味 啲汁好好食成個餐最鍾意就係特盛燒牛飯超級大碗牛肉汁勁好味撈埋個飯好好食 牛肉又大塊又多絕對好食過 呢個價錢三個人食都非常飽 絕對抵食鋪頭侍應服務良好一坐低會比酒精搓手液 同你探熱 安全又放心價錢唔貴仲有好多選擇

就係高級版和民Sell靚牛靚魚生首先講下新嘢🥘九州和牛壽喜燒今次叫咗個大嘅size有三隻蛋加送一碟大野菜呢碟菜直頭係個鍋除左牛之外俾多次你勁大碟另外追加個烏冬個人食火鍋最鐘意食烏冬吸哂入面湯嘅精華👍🏻另外叫左鰻魚丼🍱鰻魚肥美燒得香口加上燒汁👍🏻正仲有小食🍲清酒蜆同明太子玉子其實係每次食和民必食清酒煮蜆比較其他日式餐廳佢好有良心隻隻蜆都又大又有肉唔係空得殼唔係死嘅蜆清酒湯清香鮮甜飲左幾啖👍🏻