香味屋 (已結業)

本來，此店也是太公愛到的食肆之一 - 因為幾年來，樂富區內算得較能入口的，只有這家；寶太郎也是後起之秀；然而，自從午餐的烤肉撈檬由$26飛擒大咬地加至$40元，太公對此店的好感銳減 - 就算此物受歡迎，也不需飛擒大咬至此。算了，不吃撈檬，轉吃其他；此店的午餐款式雖多，客飯炒粉麵等味道雖不俗，但往往不夠熱，送上桌時往往已是半涼的，鑊氣欠奉，大為失色。同事體貼地推介了冬蔭功湯河 - 對，光顧了這麼多次，就是沒有試冬蔭功 - 正確點說，連湯河系的也沒吃過，據說比炒飯和餸類的較保溫，也就要了一個冬蔭功。的確，冬蔭功湯河送上時尚是熱的；味道則偏酸，但尚可入口；最大的問題是，雖然有蝦在內，但湯底的香料之香味和蝦味也實在欠奉，似乎是以湯膏混和出來再加工的那種，沒有厡汁厡味煲出來之感，味道始終差了一截。不過，若但求就腳方便，想要個香辣的東西過過癮，這個冬蔭功尚算可以接受。湯底可以接受，河粉不太可以；有一半的河粉都只與其他河粉疊著的 - 雖然不是沾至乾身的那種，但終究令河粉太厚，不夠爽滑也口感奇怪。總的來說 - 這「香味屋」(與老尖那家雖同名，但是完全不一樣的！) 只能讓附近上班/上學/居住之人士，在樂

的確係我地公司真正的飯堂~因為拎住我地公司的員工証係免加一的~真係得呢間做到嫁咋...........................LUNCH的時候~凍凍地~好想食熱嘢~唔太食得辣的我~拼死叫左碗冬蔭公湯河嚟到~奶白色居多~唔會死掛~而且有半開的蝦~扎肉亦很夠~一食.......冇咩嘢姐~酸酸麻麻咁~OK呀~接受到食食下...唔係WO~D酸開始攻鼻WO~D麻開始令條脷痺痺地WO開始係咁飲茶了~哈哈~但真係食得過癮WO~~比較食得辣的同事紛紛話好味~~而我的確都享受嗰種(就嚟頂唔順)的感覺~旁邊的女同事~飲左大半碗湯TIM~~~~~我都差唔多食得晒~~GOOD呀~加埋凍飲~$41~OK啦~~~足以令到上班時心情好左~哈哈~

家人飯局, 十多人要分兩圍檯, 在我那檯得四大人兩小孩, 見四人套餐($498)算化算, 就叫這再吃其他咖哩蟹 - 味道不辣只重椰味, 吃了蟹拑肉質結實, 味道亦鮮甜芭堤雅燒雞 - 外皮燒得香脆, 但可惜味偏淡泰式古法香芋魚頭湯 - 魚頭味帶腥, 湯亦不夠清甜燒雞翼 - 沒吃馬拉盞炒通菜 - 馬拉盞不夠濃炸魚餅 - 魚味欠奉, 相反香草味很濃烈, 小朋友不太好蝦片豬肉濱海 - 豬肉有點兒乾身, 偏實, 食味亦很淡椰汁泰式官燕 - 說賣清只淨兩客, 問侍應一客要多少元, 賣$48, 但後來只放下數件甜糕當補償很是不合理. 說回這甜品, 很多啫哩狀的物體, 質感硬硬的, 味道很怪

很久沒和媽媽去逛街，趁著放假就和她往吉之島閒逛。一輪瘋狂購物之後，我和她就決定在香味屋完成我們的晚膳。座位非常舒適，透過旁邊的大玻璃窗可以看到球場上的人追逐。說回正題，終於到了上菜一刻，串燒是普通貨色，但串燒附上的醬汁有花生碎粒，香氣四溢，略嫌不夠辣；鹹魚炒芥蘭屬平庸之作；重點咖喱蟹香而不辣，肉質鮮甜，用蒜茸包沾上醬汁，外脆內軟的滋味令人回味無窮；另外特別推介椰汁西米糕，椰汁味香濃，我和媽媽還沒吃主菜就先吃了甜品。侍應很細心，看到我們碟子上滿滿的蟹殼就主動替我們更換。每次結賬時侍應都會送上優惠券可供下次使用；另外一提惠顧滿 $100 就可以超值價 $29.8 換取咖喱蟹一隻。

食左碗雞翼豬頸肉米線,22蚊,凍飲加2元 ,學生免加一金邊粉同湯底一般啦,粉比較硬身同埋湯冇乜味香茅雞翼醃得幾入味,但豬頸肉就乾身左d環境方面,我一入去就聞到由燒香發出混濁既香味,坐冇耐眼開始澀所以一食完就走左

個黃咖哩牛腩一定要食呀~仲有個濛粉添呀~d味岩岩好~咖哩唔會辣到食唔到~真係好正架!!仲有個烏頭魚~真係好鮮味~而且個咖哩炒蟹都好得~~真係一隻蟹呀~個蟹鉗好肥美~~你地經過一定要食呀^^

因為呢度近學校...琴日就同fds試下啦..食左個lunch...豬頸肉河粉+凍檸茶...fds多數食咖哩牛"月南"飯...2樣都試左...一般姐我覺得...就26蚊...我個人覺得唔抵

尋晚在"香味屋"食晚飯...試左好多推介....我地2個人，食左:咖喱蟹明爐烏頭雙菇炒露笋苗咖喱海鮮焗南瓜青檸sodaTotal:$279食滿$150 就可以+$68 叫1份明爐烏頭(夠份量，最正係熱辣辣點個酸汁嚟食)食滿$100 就可以+$29.8 叫1隻咖喱蟹(都幾大隻，好多肉，又有蟹膏)我老婆最鍾意咖喱海鮮焗南瓜，味道唔錯，好有椰香味其實如果叫埋飯食，4個人都夠食。

叫咗兩個午餐豬頸肉飯($40)--豬頸肉份量頗多,又唔肥,不錯,配一碗白飯剛剛好.泰式炒金邊粉($45)--都算大碟,但無想像中咁好食,有啲失望.總體來說,味道唔值這個價錢.

咖喱蟹x2 ★★★★★★★☆☆☆Weekdays 食滿$100 就可以+$29.8 叫1隻咖喱蟹~咖喱唔辣, 有椰香味~ 用黎撈飯都幾好食~海鮮石頭飯★★★★★★☆☆☆☆夠熱, 飯面有d豬肉鬆, 撈埋一齊幾好味~明爐魚★★★★★★☆☆☆☆食滿$150 就可以+$4x 叫一條條魚肉質幾好, 但係d湯冇乜味~炒貴勺★★★★★☆☆☆☆☆一般泰式拼盤★★★★★★★☆☆☆幾好, d蝦餅幾香~蟹籽芝心蝦球★★★★★★☆☆☆☆食落口同蝦餅差唔多~ 冇乜芝士味~生菜肉碎★★★★★★☆☆☆☆少辣~ 味道一般海鮮咖喱堡★★★★★★★☆☆☆d咖喱同咖喱蟹d咖喱差唔多~ 海鮮冇乜味~但係層包有好香蒜蓉味~ +埋d咖喱汁好好味~芒果西米露★★★☆☆☆☆☆☆☆芒果冇味, 西米一patpat , 唔好食~

前晚在"香味屋"晚飯...試左好多推介....Oh!d餸好淡,冇味道!咖哩蟹又冇咖哩味..淨係甜!烏頭又係冇味道!石頭飯又淡.又唔夠乾身!泰式鳳爪...都係得外面個汁酸.未入味!串燒d肉都冇味架!金柚沙律個汁又怪怪....!竟然比較好食的是"蒜蓉飽"和"泰式炒飯"見到網上的食評ok....於是咪去試下啦.....竟然可以咁差...!!!!!我一定唔會有下次!好失望!!!!

七個人山長水遠嚟呢度食飯，叫咗好多嘢食，有乾冬陰公海鮮石頭鍋飯、酸辣鳳爪、咖喱海鮮焗南瓜、泰式炒什菜、糯米釀雞翼、明爐烏頭、泰式蠔仔蛋、香蔥蒜茸包、青檸梳打及甜品芒果糯米飯。本人最鍾意咖喱海鮮焗南瓜及香蔥蒜茸包。咖喱海鮮焗南瓜既咖喱味不太辣，啱晒唔食得辣既我，加上南瓜茸伴上香脆熱辣辣既蒜茸包一齊食，很好味。其他如糯米釀雞翼及泰式蠔仔蛋亦做得不錯。不過酸辣鳳爪就略嫌太辣，嗜辣既朋友就啱晒。埋單六佰一十一蚊，唔係貴。

之前在openrice看到不少食客投訴這間食店的服務不好，但我上星期跟朋友到這裏午膳，感受卻不同。我跟朋友在那裏點了炒飯、沙嗲串燒、咖喱飯等，味道一般，不見突出，但亦不會難吃，當中以咖喱味道最好。我們在內坐閒聊，把飯也吃完，侍應不但沒有趕我們走／或暗示要我們埋單，反而友善地不斷為我們加水等等，一坐就坐了超過兩小時，當我們走時，他們仍然笑容滿面說多謝。餐廳雖小，但整體感覺也很好，如果對食物不是有太大要求，這裏其實也是個聚腳的好地方，若可以坐卡位，看到開揚景觀，會更舒適。

睇到某雜誌上的廣告, 決定特豋山長水遠去到樂富"香味屋", 試吓d 軟殼蟹同咖哩. 入到間餐廳入面見到個景幾靚, 選定卡位坐下.睇睇menu, 見到有幾多選擇, 要左:1. 泰式海中寶2. 王子汁軟殼蟹.3. 冬蔭公湯河+ 青檸冰見到隔離幾枱都要咗d 炒粉, 炒飯好似幾靚, 隔幾枱都聞到. 有d後悔要咗湯河添! 點知湯河嚟到時即刻聞到好香ｄ香茅味．個湯唔錯，不過味道唔不太濃，當然沒有黃珍珍的好．ｄ料都幾足，不錯．青檸冰鹹鹹地甜甜地，好好味.海中寶是用麵包做碗, 包含咖哩海鮮. 賣相不俗, 但味道一般, 如果你喜歡印度咖哩, 一定覺得淡味. 可能比葡汁濃少少. d 蝦唔太新鮮, 魚塊d粉好厚, 不過夠熱. 軟殼蟹--很糟! 不夠熱, 王子汁直情喺咖哩+ 花生醬很杰很甜, 食唔到d蟹因為粉漿多過蟹, 最差喺唔似食緊蟹, 真喺過火!走嗰時見到人地叫咗海南雞,很"奀". 有人都覺得泰式拚盤唔夠熱. 是次visit 不太滿意, 應該唔會再去...

今日o係呢度食下午茶, 叫了蝦醬炒飯, 海鮮炒河和炸蝦餅. 蝦醬炒飯和海鮮炒河都有一個共通點: 冇咩料!! 蝦醬炒飯只有兩塊\"怪味\"臘腸同極少量豆外就咩都冇, 又冇蝦醬味! 海鮮炒河好油膩, 海鮮就只有兩三隻雪藏小蝦和兩三片魷魚, 連魚也沒有! 炸蝦餅亦不見得出色, 一點蝦味也沒有. 這樣普通的食物也做不好, 其他菜式相信也好不到那裡, 所以不會再幫襯!!