香味屋 (已結業)

香味屋D 炭燒豬頸肉同串水準唔錯.外層香氣撲鼻,內層重有肉汁保留到. 甜品品種又多,芒果糯米飯香甜可口.唔錯唔錯.

朋友介紹去樂富香味屋食燕窩,心想三十幾蚊邊有燕窩食呀. 點知食個先知好味.問經理係唔係真係三十幾蚊,佢話公司冇錢廉, 只是當廣告費. 我最後包三個走. 心想出真空瓶包裝,就好.

同事話請食飯, 去了香味屋,地方有D難找, 但食物真的唔錯. 我們叫了兩次咖喱蟹, 由其D 汁加入蒜茸飽真係好好食. 令外金邊炒粉好正宗.一定要再去.

星期六中午食叫了兩個午餐,熟牛肉湯河+凍檸水($27) - 牛肉太厚兼無肉味, 湯底亦太淡豬肉炒飯+凍奶茶($38) –豬肉都幾多同幾滑, 而個炒飯除了有D豉油色水外, 基本上個飯好似無咩味味道唔得, 都唔會再有下次

見到Advertisement, 吃滿$50 可以以$19.8 要一隻咖喱炒蟹~ so 來試... 叫了個沙嗲串燒雞炒飯，一個豬肉腸，一隻咖喱炒蟹~ 沙嗲串燒雞炒飯--- 都可以~ 炒飯都ok, 不過雞肉ma ma 而且沙嗲汁不夠... 豬肉腸--- 味道都幾特別~ 不過... 不太好吃~ 咖喱炒蟹--- 抵食~! 味道都不錯~ um... 整體... 我覺得普通啦~ 不過吃得好飽飽=0=~!

佢有傳單寫住咖喱炒蟹$19.80, 見咁平就去試下, 去到除了叫咖喱炒蟹另叫了其他食物, 兩個人埋單百多元, 講真都算好抵, 味道也算不錯, 下次有機會都會再幫襯

因為見到雜誌賣廣告話$19.8有咖哩炒蟹食所以今晚同bf去左喇, 我們2人一共點左:咸魚炒芥蘭$42香葉包雞$48咖哩炒蟹$19.8白飯x2 = $16其實d 小菜都唔係平架, 唔係有優惠都唔會來呀.香葉包雞一般水準同出面d差不多, 咸魚炒芥蘭咸魚唔夠碎, 炒出來唔夠香口,咖哩炒蟹, 真的有一隻蟹沒呃秤, 不過隻蟹有d水同"脢", 應該死左好耐, 同埋d咖哩汁裡面沒蛋既, 我在出面食既多數都有, 不過好彩個汁都ok既, 可以送飯食~同場加映樓下足球場荷蘭vs英格蘭~

之前經過呢間泰國菜館都勁多人排隊,心諗:可能喺地鐵d廣告成日賣$19.8咖喱炒蟹,$48明爐鳥頭等等,所以好多人,一見到多人,我就唔想食;點知尋日6:00到冇人等位,而我又有少少肚餓,o甘就嗱嗱聲入去食.原先想食二人套餐,又想食咖喱炒蟹,而個餐又冇飯,計計埋埋都唔抵,o甘咪散叫lor!我地二人order如下:- 咖喱炒蟹$19.8- 冬陰公蝦湯$48- 馬拉炒通菜$38- 蛋包飯$48冬陰公蝦湯夠濃夠辣,足籵;咖喱炒蟹直倩係水準之作,好冶味,仲有少少甜,呢個本住肥死都要食;馬拉炒通菜就咸咗些少,一般;蛋包飯就勁大個,有少少淡,撈咖喱汁就最正啦!後嚟就因為太口渴,心思思點咗個芒果冰$18,唔太甜但又冇乜芒果味,ok可解渴o甘啦!價錢~$190,攬住個肚走,好過去九龍城!Service都唔錯,成日走黎加水,但有某waiter放低d餸嗰時,唔知可唔可以細力少少呢!

學生餐好平~~抵食!!

昨晚和媽咪姐姐妹妹一行四人來到.待應問我們食唔食煙,原來是有分吸煙區和非吸煙的我們叫了個二人餐:可以選一個炸物和兩款小菜和甜品(都有十幾款食物可以選)炸物我們叫了個鳯爪,味道一般和份量少小菜要了炒通菜,味道一般和辣得滯. 青咖喱雞:沒有辣味甜甜地,雞也幾滑最奇怪個餐是唔跟飯,要食飯要散叫了我們叫了個海鮮炒飯:是一個熟蛋包住那些飯,都幾大份的,味道幾好.還有要了個生熟牛肉檬粉$28都幾大碗,如果下晝一個女仔食應該都夠飽,最好味是這個. 因為早走沒有食到甜品,問番媽咪和家姐都話唔錯,是日甜品是大菜糕待應態度幾好,也幾細心的,沒有問拿碗仔也懂得自動拿來,斟茶也好頻密呢

去過食晚飯,真係好鍾意,佢價錢唔貴,食物又好好味,食左炒蟹,咖哩牛腩,菜,炒飯等,好美味,service都好,成日心思思想再返去食. 有機會試下啦!

午市套餐由$25 - $38, 有一一飯套餐, 亦有泰式香芒雞肉炒飯、越式湯粉、印尼炒貴刁等等多款選擇, 並送飲品一杯。同朋友叫泰式炒飯及炒貴刁, 份量非常大碟, 足夠三至四人份量。味道OK啦, 但個炒貴刁完全唔辣, 仲好似干炒牛河, 由於我戒食牛肉, 問餐廳經理碟炒貴刁D肉係豬肉抑或牛肉, 點知連佢都唔肯定, 卒之要問廚房至知。餐廳環境幾好, 有卡位及有玻璃窗可望街景。

午餐平均$28..低! 我最鍾意食蠔仔炒蛋,好多蠔仔,配埋滑滑炒蛋,一絕!另外,腰果炒辣雞丁好野味!腰果香脆!份量幾大,男仔食埋碗飯一定好飽!餐飲可揀青檸冰,珍多冰,紅毛丹冰,大樹菠蘿冰等;青檸冰同珍多冰好飲!甜品方面,椰汁西米盞同椰汁千層糕好味!又唔太甜,椰汁味重!芒果椰汁糕則麻麻,"冇0黎聞味"!佢地0既撈檬都唔錯,好多料同好碗!