香格里拉米線專門店

营业中

休息中

叫左薯粉，一嚟到個薯粉未熟，入口硬，問個侍應薯粉正常唔係煮完會半透明嘅咩？？佢答我唔知，响度做日日對住碗嘢都可以話唔知，我真係想鬧岀嚟，我自己食左咁多次薯粉呢間真心差，食物質素服務態度差，連個魚腐個心入面都重係凍，服務又差，我坐正响對住水吧，樓面嘈到拆天，啲食客望住佢地都唔覺得有嘢，又頭嘈到落尾無諗過啲客嘅感受

睇到香港米線關注組有人推介食呢一間，作為最鍾意食米線嘅，我就決定咗即刻嚟試食啦😏香格里拉米線主打雲南、貴州傳統的米線。配料都好多: 菜類分別有雲耳、蘿蔔、腐竹、豆卜、豬潤、包心丸、牛丸、貢丸、雞肉、腩肉等等，同埋唔係度度都有嘅豬腸、司華力腸、豬扒、豬耳等😏😏今次就叫了四小辣（其實四小只不過喺BB辣高一級😂😂😂平時吃譚仔3小辣)但覺得個辣度就唔係好辣但就非常之麻！ 鍾意食馬味嘅大家，我覺得係幾好食！另外個豬紅很夠味，吸曬個麻辣湯，而腩肉只有2塊，冇咩太特別。個炸豬扒呢就係即叫即炸嘅！上到枱嘅時候係非常之香，同埋熱辣辣！個炸豬扒嘅粉係一啲都唔厚！ 個厚度亦都非常之啱晒我食，口感非常之有。同埋我哋都嗌咗個豆漿，諗住食完重口味米線飲啖豆漿清清個口。

🍜🍜🍜失望，性價比低米線🔘米線 （沙嗲湯） -$32一個餸都未包就$32，Menu寫秘製沙爹湯料，惹味濃郁，但事實一點都吾濃，只有淡淡沙嗲味，佢話配菜有芽菜、腐皮、韭菜，但芽菜得幾條，少到差啲見唔到，而腐皮更是一塊都冇，貨不對辦。米線係比好多，多到你食唔晒，但好淋，冇咬口，都係浪費晒。🔘豆卜 / 腐竹 $6@呢兩個餸都收$6，豆卜有三粒有雪味，叫腐竹俾咗炸支竹？！想點？🆗腩肉 $8 腩肉好大條，但仲有軟骨係入面☑️鮮竹蝦春卷$9蝦春卷得兩條會另上，幾脆口同彈牙，但係份量都較少。圖片係兩份☑️蒙古大汗烤豬腿 - $50呢個一份三件，上面落咗好多孜然粉，個皮烤得幾靚，微辣惹味，肉都吾算老，算係比較出色。

有個米線控朋友帶我去咗食米線，本身唔鍾意食米線嘅我竟然愛上米線,呢間嘢真係不得了酸辣味岩岩好，米線夠淋雞肉入味唔食辣叫左4小辣佢真係得小小辣又唔會唔辣必食之選酸辣雞肉豬皮米線

Intro: 香格里拉都有米線賣？呢一間其實係一間牛頭角嘅米線店，聽講呢到嘅米線幾高質，最出名係餸特別同埋湯底，難得黎到就緊係要試試～___________________🍽 鹵肉+雞肉+沙嗲米線（四少辣）💰 8+9+32（凍飲+$7）= 56 ⭐️ 8/10✍🏻 鹵肉肥肉比例多，大約係六四比，有咬口又濃味；✍🏻 雞肉真係好滑好彈牙，唔會食到雪味，係高質嘅雞肉；✍🏻 沙嗲湯底真係幾濃，香氣噴鼻，四少辣都算幾辣，米線好彈牙，好掛湯；✍🏻 兩餸份量就岩岩好，唔會多唔會少，當然更多會更開心。___________________🏠 香格里拉米線專門店📍 觀塘牛頭角道345號地舖⭐️ 8/10___________________

📍 香格里拉米線專門店 (觀塘)觀塘牛頭角道345號地舖之前應該係喺旺角開舖，近呢幾年搬咗去觀塘，都食咗好幾年。佢係我心目中食米線嘅頭幾位🤪配料都幾多嘢揀，另外仲有串燒，以前會有埋魚肚，不過而家已經冇咗了🥲$49 雞肉，春卷，酸辣湯中辣走韭菜米線+$7跟餐凍奶茶佢辣既水准幾飄忽，有時嗌小辣唔夠辣，所以多數係嗌中辣。佢哋酸辣湯會有好多酸菜，可以多酸。雞肉好大塊好滑，每次一定嗌！另外春卷都好脆，入面又軟！米線我個人中意食淋d，所以每次都會叫米淋。

我最鍾意食嘅米線，火都嚟lunch time完結都未定嘢食，香格里拉觀塘分店終於試到，點知一點10幾分落單去到一點接近50分鐘仲未有，搭枱嗰個大叔遲過我到遲咗好多落單都已經食緊，真係lunch time完嘅趕住走，跟住佢話即刻煮轉做外賣，都已經嬲嬲地見佢哋打份工，咁就比佢哋專做外賣等多陣嗱嗱臨俾錢走，另外有角色客都係火都滾佢就直程俾返張單，佢話唔識你俾我都冇用，我都冇時間去食冇轉外賣佢就已經走咗，我都嬲嬲地㗎啦，跟住唯有逼住轉做外賣走，真係平民生活餐廳食米線又唔喺法國餐，lunch time真係冇可能出菜咁樣我根本就食唔到

最中意食嘅食物其中一樣就係米線啦✨️😋加埋一個人 最適合當然係食碗米線飽肚又滿足🤰🏻 今日經開觀塘 就黎左呢間香格里拉食雖然好多人話佢好咸又話唔好食但我個人黎講幾中意食 唔係第一次光顧早幾年都開始食緊 覺得水準依舊👍呢度同舊時一樣都仲係寫緊紙仔 畫圈圈圈完就交比店員入單 成個過程都好便利當日3點左右食 下午茶時段所以唔算十分多人 舒適😁👉自選米線 $65米線 麻辣湯 $32 豬腸 $13 牛柏葉 $12豬潤 $8作為一碗米線黎講 其實算係小貴 但我覺得佢啲餸對得住個價錢先首先我嗌左多湯 碗麵黎到啲湯真係好滿 就瀉咁濟其次係啲餸唔會話你嗌得多餸就少左份量 全部都好多豬潤睇到係薄啲 但份量都係好足另外仲配2塊腐竹同韮菜麻辣湯叫左小辣 個湯底有花椒咪 但湯完全無渣 呢樣幾細心總括黎講 我係覺得呢間好食嘅 之後經開都會再食😋💫

薯粉煮唔夠耐，硬又幼。薯粉份量極少，吃了個空虛。豬大腸唔講以為叫咗豬小腸，份量又係極小氣。串燒得雞肉好食，食完仲要拉其它嘢食先夠，湯底係好流卡表面嘅辣，一啲都唔好味。

尼間米線專門店係米線關注組入邊嘅排名都好高嫁，所以今次特登黎試下！原來佢有兩層，所以都唔使排隊，一去到就即刻有位，我地叫左一碗蘿蔔、雞肉酸辣湯三小，另一碗係豆卜、鮮竹蝦春卷沙嗲湯bb辣，另外仲叫咗啲串燒，包括有蒙古大汗烤豬腿（$48），牛柳串燒（$18）米線都係偏軟，酸辣湯個碗既雞肉都大件，而且好嫩滑、蘿蔔唔算好入味，但係酸菜太酸🫣🫣沙嗲湯反而都有驚喜，但係兩個湯底都好似李錦記既火鍋湯底甘haha，鮮竹卷炸左都好脆，而且豆卜好吸湯，豆味重，食落去軟綿綿，好食！！串燒都幾特別，豬腿食落去好滿足，一食落去熱辣辣，而且唔硬，相對就係豬度落好多調味，上面有好多孜然粉！！牛肉串燒都幾好食，食落去都好易咬開😌😌仲有汁可以點下，所以一d都唔乾！！價錢唔貴，得閒都可以試下

N咁多年前我好鍾意食位於旺角都有間 ‘香格里拉’ 米線🍜，但執咗笠😊😊冇得再食，早兩日碌YouTube 見到有間同名嘅米線🍜鋪但就開左係觀塘，咁今日就同🤴🏻睇吓係咪同一間先🤭🤭入到去我就肯定係同一間因為見牆身有老闆同藝人嘅合照同舊鋪一樣😛😛～～～香格里拉米線🍜套餐～～～配料非常多，每款大約有兩三件就冇乜特別，但最出色嘅算係 ‘ 炸醬 ’ ，佢勝在夠濕潤但唔會太油，辣辣甜甜好好味😋😋～～～雞中翼+魚片頭+金菇辣湯米線🍜～～～正常！冇乜特別！😃😃～～～蒙古大汗烤豬腿～～～都幾重孜然味，不過豬腿就乾咗啲😃😃總結：兩碗米線我同🤴🏻都覺得味道就同之前一樣但就冇以前咁濃味，只係可惜咗啲，算係還咗個心願啦😝😝

本身一直都食開呢間但啲嘢食同服務態度越嚟越差酸辣湯一次淡過一次豬大腸細件到夾起我都睇唔出佢係豬大腸 蘿蔔以前好入味 今日食有渣又五入味杯檸檬茶篤到檸檬爛晒都冇檸檬味又冇茶味好似加錢買咗杯糖水咁服務態度就更差我同佢講杯檸檬茶好甜想換過個杯佢語氣好差，問我有冇嗌走甜我冇嗌走甜 但我都唔係想飲杯淨糖水有個姐姐木無表情咁企喺度我餐飯食咗一個鐘都冇見佢郁兩下好似有個CCTV喺隔離望住你食野買單又係木目表情講咗句（218蚊）其實我都識睇，如果唔想出聲真係可以唔講嘢再上一次嗌咗個蒜泥白肉想走葱上到嚟都係有葱我同佢講，我要走蔥架喎佢話俾個碗我叫我自己撩返出嚟😂😂一句唔好意思都冇就咁行走咗老細可唔可以管理下自己啲員工？

香格里拉米線是一道香辣可口的雲南特色美食，以其獨特的風味和豐富的食材在中國和世界各地受到了廣泛的歡迎。在一個美食節日的午後，我和我的戀人來到了一家名為“雲之味”的小店，試著品嘗這道美食。我們點了一份香格里拉米線，等待著香氣撲鼻的美食。不久後，一碗熱騰騰的米線被端到了我們的桌上。這碗香格里拉米線的配料豐富，有豬肉、雞肉、牛肉和青菜，還有一些豆芽和香菜作點綴。米線本身也非常有彈性，口感十分細膩。我們一邊品嚐這道美食，一邊聊著彼此的生活。突然，我發現我的女友一直在看著她手機上的畫面，表情有些悲傷。我好奇地問她是怎麼了，她告訴我她最近因為工作煩惱不斷，感到有些失落。我見她如此煩悶，決定用香格里拉米線來安撫她的心情。我輕輕地拿起她手機，打開音樂播放器，放上她最喜歡的歌曲。我們一邊吃著香格里拉米線，一邊聆聽著音樂，心情漸漸變得開朗起來。在那個美食節日的午後，我們不僅品嘗了美味的香格里拉米線，還在這道美食的陪伴下，分享了彼此的煩惱和喜悅，彼此的心靈也得到了交流和撫慰。這一刻，我們彼此之間的愛情更加深厚和溫馨。總的來說，香格里拉米線是一道令人愉悅的美食，而在這道美食的陪伴下，人與人之間的情感也可以在不

鍾意食辣嘅一定要嚟試下, 唔係咁食得辣嘅都推薦沙嗲湯底因為朋友仔唔係好食得辣🌶所以叫咗沙嗲湯底， 沙嗲湯底好少米線舖有得叫，而且好香唔會死鹹麻辣🌶湯底鹹香帶辣有層次配上鮮竹蝦春卷、司華力腸， 肥牛，牛柏葉 ， 仲有佢嘅肉醬都好好食，幼米線食落好爽口~麻辣🌶湯中辣真係🌶辣得好過癮！即炸鮮竹蝦春卷🥰，食落好香口~司華力腸同雞肉腸炸至香脆，好似街邊檔燒出嚟果種味道同口感。蒙古大汗烤豬腿(豬仔脾🍗)~好香孜然味道，不過 。。。係有一點點失望， 因為啲豬仔髀 🍗肉質有啲乾，而且好鞋口感一般😅

呢間米線鋪之前有人喺米線關注組推薦過，咁岩經過附近就去試下，米線同食物份量比較少，味道不似預期，食三哥同譚仔仲抵過食佢，有啲唔明點解咁多人推薦佢。重慶酸辣湯米線+雞肉+鮮竹蝦春卷一開始碗米線上枱，覺得佢好清，以為會無咩味，但係食落都幾辣下，佢嘅辣度比三哥米線辣，不過湯就無咩配料，得兩塊腐皮同幾條芽菜，感覺似味精湯。雞肉係雞脾肉，所以都幾嫩滑，不過份量好少。鮮竹蝦春卷係同米線分開上，因為佢係即炸，我差唔多食完碗米線佢先上，味道一般，但好油，我個人鐘意南記個款多啲。