影片
以上资料只供参考，请与餐厅确认详情
因为有长辈系中华游乐会会员，所以之前每隔一段时间都会去食吓嘢。但系因为疫情，好耐冇出嚟聚，所以都好一段时间冇去过。疫情缓和，就梗系聚一聚嘅时间啦，主菜真系差咗好多，我叫嘅海南鸡饭，睇个样都已经知道够晒干身，毫无油水。油菜都一样系冇有嘅，就咁斋烚熟佢。汤同埋饭都系正常嘅，但系同以前真系有距离。听返啲长辈讲，因为呢两年走咗太多人，所以厨房青黄不接，水准好唔稳定。但系点知到上甜品𠮶阵，呢个真系一个大大大大嘅惊喜。我叫咗苹果批伴雪糕，雪糕当然系现成货，冇乜特别，但系个苹果批，唔……我可以讲从未食过咁好食嘅苹果批，个皮又薄又香脆，馅料嘅苹果蓉够淋，而且甜到啱啱好，可以用精彩两个字去形容。至于疏乎厘，我哋叫咗橙酒味同埋朱古力味。佢个疏乎厘整得好靓，够松软亦唔会好容易塌。上桌嘅时候，个朱古力味好香，令人垂涎三尺。不过真系食入口，朱古力味反而一般，个橙酒味就好香好味。
继续阅读
星期六去CRC看davis cup-香港对oman。点知落大雨，等等等，等出太阳，等铲水，等等等。最好kill time 方法就系食。CRC西餐厅装修中，所以 coffee shop 有供应比平时多既食物。照旧要餐蛋面同红豆冰。CRC既红豆冰好好味，大大杯，红豆好埝，加埋云呢拿雪糕，大热天时好消暑。公仔面呢度用出前一丁，其他食物都ok。同场见到cookies个kary著住蓝裙仔到场支持佢男友比赛。awww, so sweet.
继续阅读