香港地

营业中

休息中

今日放假嚟咗美孚呢邊陪媽媽買完野行咗陣街覺得肚餓就周圍搵嘢食，意外地俾我哋搵到呢間叫香港地嘅餐廳，估唔到又幾好食，所以想同大家分享吓，一個福建炒飯竟然都可以做到咁出色，真係不得不讚，唔單止材料豐富，個汁仍調得好好，而且啲蝦仲要大大隻，平時食福建炒飯得個一兩隻蝦😣利到個福建炒飯滿滿嘅餸鋪係面，蝦都有咁多隻，係好味既👍🏻另外我哋仲叫咗個豉汁蒸倉魚餐，條魚大大條，兩個人食都唔係問題，而且佢整得好好，豉油又唔會好鹹，蒸嘅時間啱啱好，魚肉鮮嫩，送飯一流😋連媽媽都大讚呢個價錢食到呢個質素嘅嘢真係好抵，下次會再幫襯🥳

這個豐富的早餐有：通常食早餐好少有很多種類的蔬菜，但呢個早餐包括新鮮蔬菜（法邊豆+椰菜花）淋上小小的黑松露醬，配蕃茄茄汁豆火腿腸炒滑蛋，仲有件多士，嘩，好豐富😋，而家仲好健康👏🏻👏🏻👏🏻👏🏻

前排因為疫情都好少出街食飯難得而家疫情緩和返,又開返戲院就同男朋友去行街食飯睇戲🥰我哋叫咗幾碟餸,整體都好滿意❤️我最鍾意食佢嘅雞,又新鮮又嫩滑仲有佢嘅蜜桃京都肉排都好出色❤️又入味又香,酸酸甜甜夠晒開胃🥰而且配飯食一流👍🏼鍾意食飯嘅我都食咗兩碗,岩哂我!呢度嘅環境夠闊落 唔會迫👍🏼而且燈光夠光,食物質素同服務都好滿意!寫價錢都好平民同合理👍🏼最衰得我哋兩個 如果唔係都想試吓呢度嘅粟米班腩同埋魚香茄子!仲比男朋友話我眼闊肚窄🙈

今日過咗美孚搵friend，我地行去地鐵站的途中見到有間幾裝潢幾復古嘅茶餐廳—香港地。門口白色墻身上紅藍色字牌，顏色搭配同埋故意不平滑的墻身突顯復古感，加埋「香港地」三個字，特有味道，所以忍唔住入去試一試。入到去，地方不算太大，但係都幾舒服，乾淨企理食物上揀咗「胡椒豬肚海鮮木桶雞」，門口有個大大嘅招牌推薦呢款新菜式，第一次黎唔知食咩好，所以就選擇佢地嘅推薦菜式。「胡椒豬肚海鮮木桶雞」份量好足一大盆菜，見到有好多款唔同嘅食物係其中，有蝦、雞肉、豬肚、木耳、西芹等等，望見就令人食指大動。未食菜之前，先飲一啖湯，奶白色嘅湯入口好香濃的胡椒豬肚味，微微地胡椒辣好開胃，每一款海鮮都新鮮。用湯泡飯，太好味了！！唔覺唔覺就食咗兩碗飯！飲品需要推薦「華田奶昔冰」。奶昔冰都大杯，而且賣相吸引，一定要影相！炎熱嘅天氣歎番被華田奶昔冰，太滿足了

今日收工嘅晚飯就係要香港地食飯👇平時好少係茶餐廳食飯，因為屋企人忙於工作個個都同同事去食飯🧐搞到要返屋企煮飯都無，所以佢咪自己一個人搞掂，咁我就去咗香港地道食飯啦，我叫咗個鮮蝦福建炒飯😊望落去色澤都唔錯， 下面嘅飯底係蛋炒飯而唔係普通嘅白米飯🤙，二上面嘅鮮蝦建辦結束了睇落去都幾新鮮食落口先去真係好有口感👍🏻，呢啲瓜菜菇菌，都唔差，個”軒”汁，打得啱啱好，💗 放咗喺啲餸上面好似將啲餸加咗一層玻璃網嘅感覺，總括成點返一個人嘅晚餐都唔錯💓

今日我約咗朋友喺美孚行街購物 朋友因為夜晚約咗人食飯所以我決定在美孚尋找美食 🥳之後我見到一間餐廳環境同氣氛都很很好 所以我就決定去呢間香港地食我的晚餐😚一入到去店員很有禮貌和效率安排我入座服務態度十分好值得一讚 🥰然後我打開餐牌 香港地有好多不同種類的食物 賣相亦相當吸引 最後我決定選擇去骨海南雞套餐☺️海南雞飯送到 聞到香氣撲鼻 佢呢一個套餐會跟埋一個湯 湯的味道鮮甜濃郁😜相當開胃 之後都海南雞雞肉鮮嫩多汁 口感亦很好有好香雞肉味😝然後雞油飯 飲滲透了雞油的香味 相當惹味😋原來佢有配菜及不同的醬料 可以搭配👍🏻這是我吃過最地道的海南雞飯 十分推薦😍 如果大家經過美孚 歡迎大家嘗試不同的美食 呢度嘅食物非常之高質 信心嘅保證 🤗

前日收工，去咗香港地食個晚飯得我自己一個人食所以叫一個人嘅餐因為俾人放咗飛機✈️所以就係屋企附近求其食咁我就叫咗個豉汁蒸倉魚嘅餐有得跟熱飲，凍飲就加$4，一個人嘅晚餐都算唔錯😉完全係屋企嘅家常便飯💕而呢間住得都幾似屋但既感覺！好香豆豉味，倉魚唔會蒸得好鞋口 ，肉質嫩滑🥰唔會有魚腥味！怕魚腥味既朋友可以試下嫁❤️豉汁好入味仲要條魚都唔細條㗎！好抵食！好鍾意食！好友屋企煮嘅味道下次屋企冇飯食都會過返嚟食❤️呢個晚餐一啲都唔求其🤙🏻

今日要過美孚辦事，但係過到去好肚餓，見仲有小小時間可以食野，就即時物色睇睇有咩餐廳係可以快食。見到附近有間美心香港地。都好耐冇食過美心了，不過一直對美心d野都比較有好感，食物質素幾好，即時係嗌外賣，外賣的質素都不錯，連餐具質量都幾好，成日會留抵匙羹循環用，哈哈！所以今日呢個咁緊急嘅時候見到美心香港地，就毫不猶豫地行咗入去。入到覺得環境幾復古，都係比較舒適的感覺。我揀咗個海南雞套餐，選擇好體貼，可以選擇冇骨的海南雞，我最鐘意啖啖肉，所以選擇去骨海南雞套餐。就從份量來說都好大份，雞肉肉質煙韌，跟餐配有一款泰式醬汁同薑蓉，蘸薑蓉係經典食法，既去腥味又令肉質更加鮮甜。不過我個人好辣，所以更喜歡蘸泰式醬汁，辣辣地勁開胃，可以食得更快！另外跟餐的湯都好清甜，非常滿足了~食完即時去辦事！

今日同個老友出街普普通通食餐飯補返慶祝佢生日，話晒都幫佢慶祝生日，就下佢過嚟美孚呢邊食😚因為我唔太熟呢邊，所以都冇特定話想食咩，經過呢間叫做香港地嘅餐廳，老友話之前食過好正，佢話望落好普通一間餐廳但係佢啲嘢食真係唔差，所以相信佢就一於食呢間，我自己就叫咗個去骨海南雞套餐，我老友就叫左個豉汁蒸倉魚套餐，當然啦啲餸我哋係兩份食嘅，兩個人其實真係已經夠曬飽🥳加上跟餐有湯飲😋首先要讚一讚佢嘅海南雞，皮薄肉嫩，點埋個醬汁食一流，而我最最最鍾意係佢嘅油飯，比起出邊好多出名既海南雞餐廳做得更好，另外佢嘅豉汁蒸倉魚我哋都真係食唔停口，食得出師傅蒸嘅時間啱啱好，最怕出街食魚係啲肉蒸到硬晒，豉油勁咸個啲😣利到既豉汁蒸倉魚真係做得好出色👍🏻👍🏻👍🏻鍾意食有屋企感覺嘅蒸魚既朋友仔可以嚟呢度試吓佢嘅豉汁蒸倉魚，包你舔舔脷,老友無介紹錯😍

今晚同男朋友拍拖拖👫睇完戲行完街肚仔餓就去食個晚飯🥰我地就去左香港地食飯😚我簡左我平日最仲意食既福建炒飯加凍檸茶少甜而男朋友就簡左佢仲意食既海南雞套餐跟湯我覺得賣相同份量我都非常滿意!係食物質素方面，福建炒飯配料夠多又夠味而且啲汁好香，撈飯一流！男朋友亦大讚佢既海南雞肉質夠嫩滑、而且又夠哂淋，最重要係佢去骨啊！岩哂我地呢啲懶人啊🙈另外，呢到既服務態度都幾好，而且我幾仲意呢到復古既裝潢好特別，而香港茶餐廳黎講，呢到真係一個非常唔錯既選擇！

疫情比較嚴峻，好多坐冷氣房工作嘅人都話home office，但係呢啲只係社會嘅一部分。有好多人唔係坐寫字樓辦事嘅，始終都係要通街走，外出工作，就要出街食飯。唔好成日講話唔留喺屋企， 因為時勢唔容許，呢個係事實。今晚就去咗香港地食晚餐 粟米脆魚柳跟飯，以前通常會叫「粟米班腩」 不過因為大部分都唔會用石班肉，又因為商品條例，所以就改曬種魚柳就算，我食唔出呢啲魚柳係用乜嘢魚肉做， 但係就唔係太好食，因為粟米汁過多，浸到魚肉淋曬，一啲都唔脆口，魚柳冇魚肉嘅鮮味，肉質又好散，味道又好鹹。粟米魚柳其實都好容易煮，唔明白點解可以煮到咁差。

疫情影響，下午茶有八折，性價比變高。點了至尊公司三文治配雜果薯仔沙律。三文治份量很大，一個人實在不能全部吃掉。饀料有生菜、蕃茄、火腿、雞蛋和雞肉，加了點沙律醬，味道不錯。雜果薯仔沙律，放在一個小杯子中，雜果不多，以薯仔和紅蘿蔔為主，味道可以。飲品點了凍奶茶，以往這店的奶茶不錯，這次覺得沒以前那麼好喝。以往這店經常人山人海，這次顧客少了，比較舒服。以往這店的服務不太好，侍應禮貌欠佳，這次好像有了點改善。

两点几入到餐厅，叫佢餐牌嘢食，先叫佢地推介咖喱猪扒飯，冇，買哂，再叫咖喱牛腩飯，又话買哂，再叫黑椒鷄扒，又话冇…我真係想知道，咁大个集团，放得係餐牌度，一叫三嘢自己餐厅推介嘅三样嘢都冇，开嚟做咩？摺左佢啦好嘞，迫你叫左碟和牛炒河，上到嚟，得个几塊牛肉，收你六十几蚊，真係火都嚟…自问都帮襯左好多次，越食越差，真係咁样做街坊生意，吾怪之越来越少人，成个美孚吾係得你一间茶记，你做到咁点下次再帮襯你？真係谷气

咁啱同家姐有事來美乎，來到啱啱2點，想食個下午茶，見啲下午茶都唔平，都要50幾蚊，同午餐差唔多，算啦，都係行下先，行下行下就來左呢度，家姐見我肚餓，就話我食過呢間，都幾好食㗎，試下啦！🥺🥺🥺2:25pm 去到，未到下午茶時間，等左一陣問下個姐姐呢度有無下午茶食，佢話2:30pm 先有，咁我地照等啦！姐姐態度少少唔好咁收返等地個餐牌，再掉個下午茶餐牌落來 。。感覺有啲唔開心！🥺🥺🥺😱😱下單時，舉手舉左5mins, 姐姐哥哥唔係聚埋一齊傾計就係serve 其他客。無人理我地，可能我地坐卡位佢睇唔到我地啦！🥺🥺🥺🥺下午茶餐，其實都幾豐富，我叫左個招牌咖喱豬扒飯+單骨雞翼薯條+華田! 而家姐就同我差唔多，係叫左滑蛋蝦仁飯，其他都一樣！來到時，嚇親我，好大份囉。一塊勁大既豬扒，一碗好大既咖喱汁，其實係幾好食，豬扒唔油，咖喱汁好濃，不過都幾辣🌶🌶🌶，我唔太食得到，但係幾好食嘅，家姐個滑蛋蝦仁飯都幾好食，無咁多栗粉味，個汁唔錯。雞翼薯條無乜油，幾好食，不過我諗極都唔太明個中西combination 又飯又薯條，好似好奇怪咁。😂😂😂食完之後我餐我買單，竟然仲有8折，原來2月份星期一至五食下午茶都有8折

午飯時間好多人，而且第一次去食，唔熟餐廳環境，被一個摌青中年男員工點我地行到好入嘅餐枱（其實行到餐廳盡頭途中見到有一張空枱，不過當時不為意：點解明明有張咁近我哋，反而點我哋行到入一入？！不過後來就明喇！！）再叫佢落單，佢望都唔望，就叫我地等等就行咗去，喺等到唔對路嘅期間，才發現原來點我地去坐廁所隔離，嗰個男員工就坐喺頭先途經同廁所冇咁近嘅枱度食飯，佢最不堪跟本冇諗住幫我哋落單，只係亂噏叫我哋等😡😡而且就留意到佢唔單止對客衰，對啲下屬語氣同態度都差。仲有就係呢間嘅乾炒牛河唔夠料（成碟牛肉得兩塊同少少肉碎）啲牛肉又鹹，唔會再幫襯！！