香港老飯店 (已搬遷) 新店位置

舊老闆榮休，我們一班已離職的伙計就請他吃一頓晚飯，也順便和一些久未露面的舊同事敍一敍。地點又老板選擇，他揀了香港老飯店。其實，大家以前在尖沙咀返工，去過尖沙咀的老飯店無數次，但北角的那間，則少之有少。也因為此，大家亦很自然會和九龍店比較兩間菜色的味道。點菜方面無需多煩惱，因有經驗老到的攪手一手包辦，只是等人齊就可埋位吃個痛快。先有冷盤，醉豬手、餚肉、還有招牌菜合桃燻蛋當然唔少得。幾樣都唔錯，豬手的酒香味略嫌不夠，但也好爽口。燻蛋水準一定唔會差，漏油、蛋香、合桃新鮮有口感。燻魚甜甜地，不會太乾身，味道唔錯，可是太多骨。而這店的另一招牌菜清炒蝦仁，細細粒但功夫足，蛋白配合蝦仁的份量岩岩好，幾爽口，我也破例吃了一點點。小籠包一人一隻唔使爭，同樣是皮薄多肉多汁，有水準。湯有冬瓜湯，幾潤喉，岩晒我呢類成日要講野既人。我對大部份餸菜都有好感，但也有兩款要彈一彈。一是樟茶鴨，非常乾，好"鞋"。另一菜色我不知餸名，是用皮包著東坡肉，再加上一塊脆脆的東西。其實應該會是幾好吃的，但東坡肉就累事，又"韌"又咸，破壞了整個菜。總括而言，算是不俗。同時大家也認同香港店是比九龍店好。

通常食蝦越大隻就越矜貴、越好味，不過都有例外。清炒蝦仁是香港老飯店的招牌菜，細細粒的蝦仁是新鮮河蝦，珍貴在要逐隻剝殼，不能貪方便而劑出蝦肉，這樣會失去彈性。賣得貴全因為功夫多，一斤河蝦，只可以剝出四兩蝦仁。加入適量蛋白，炒出來的蝦晶瑩通透，咬下去爽口彈牙，雖然用了蘇打粉醃，但絕不影響蝦的鮮味。這味蘇州名菜做法看似簡單，但原來很講功夫，而且要炒得又白又滑很有秘訣。樓上有人嫌「清炒蝦仁」唔夠「清」，但加入蛋白是它的特色，落油快炒是它的技巧。要吃清淡的請吃「白灼蝦」。

上次去完留園食完燻蛋後，一直念念不忘。知道這裡有得食，便心思思想來一試；早幾日便約了幾個朋友來一試，我們叫了醉豬手、雪菜毛豆百頁、生煎飽、合桃燻蛋、腐皮黃魚卷、芙蓉雞片、擔擔麵和嫩雞煨麵。醉豬手- 肉質幾爽幾入味，但酒香就比較淡。雪菜毛豆百頁- 百頁味道唔錯，毛豆幾爽口。生煎飽- 新鮮煎起，肉質鮮嫩，湯汁又夠，我自已就好喜歡。合桃燻蛋- 今次食的合桃，好新鮮，炸得好脆；燻蛋雖然溜油，但煙燻味唔夠，蛋黃又唔夠香，完全和留園無得比。腐皮黃魚卷- 黃魚包腐皮來炸，所以很香口又脆，但黃魚應該唔算新鮮，完全沒有魚味。芙蓉雞片- 這和賽螃蟹沒有什麼分別，只是多了少許雞片，蛋白炒得幾滑，都算幾好食。擔擔麵- d麵煮得唔夠熟，麵心還有粉的感覺，湯底完全唔得，味道怪怪地，實在過份差。嫩雞煨麵- 麵煮得好夠腍，雞湯味香濃，相信都落了唔少雞粉，這個麵又非常好食，真係一天和一地，可以相差這麼多，實在奇怪。環境就幾好，但食物就表現一般。

平日夜晚唔多人，招呼唔錯六個人叫了以下菜式燻蛋：招牌菜，枱枱都叫，亦的確唔錯燻魚：奇差！好多地方都做得好過佢菜煨面：麻麻地，小南國好D上海抄年糕：OK啦，但無驚喜上海粗抄：都係OK貨色小籠包：算係唔錯鈔鍋豆腐：好多料，都幾好各種菜都無咩特別，亦唔特別好食而且小點全部分十件十件上，太多，食唔哂

為甚麼沒有人介紹燻蛋呢??可知道是皇牌菜啊?!!?...它們的燻蛋絕對是全港no.1~每到新年的年初三,我一家人也到此用膳的...常客~X)

老飯店的烤雙方..清炒蝦仁..砂鍋雲吞雞好好味.而樟茶鴨就有種茶味係到.....翅都不錯不過貴了少少..　不過令我記得的就係有道小食都唔錯就是粉正骨...好香好野味..雖然是20元.細細地..不過都幾抵食..包得幾靚下

環境都不錯, 砂鍋雲吞雞真係好好味, 清炒蝦仁d蝦味, 小籠飽都O.K., 芝麻擂沙丸好軟. 不過就貴左小小, 叫左一個六人套餐加一籠小籠飽及一碟菜肉鍋貼.

tonite, we ordered a shanghai noodle, mushroom with cabbay, tofu with oyster sauce, stir fried prawn, deep fired salty bones, xiu long bao and fired red bean cake total for $840. actually, taste is ok. but a bit expensive. not very special!

同兩個朋友食晚飯，其中有人大力推薦這裡所以就姑且來了。冷盤叫了皮蛋豆腐、薰蛋同鴨舌。皮蛋豆腐有水準，皮蛋有糖心，豆腐亦夠嫩滑；薰蛋亦不俗，蛋黃糖心而蛋白充滿茶葉香味；鴨舌還可以，但伴碟的合桃就有些少益益地。熱盤叫了清炒河蝦仁，糖醋里脊，松子魚。炒蝦仁略嫌唔夠爽，每隻蝦仁上好似coat左層茨咁，感覺亦幾油，所以徒負「清炒」之名。糖醋里脊有水準，豬排整得鬆化。松子魚就淋上一大pat甜酸汁，見倒就怕怕，所以食左少少就無食，但我的友人就猛話好食，又話好送飯咁，都好，佢唔食就無人掂架啦！埋單位位兩佰多唔算平，總括來說中規中矩咁啦。

這間上海菜館( 負責網頁資料的, 應糾正!) 價錢不便宜, 菜色卻是十分精緻, 十分好味. 據說老闆以前是另一間上海菜館的經理, 自九龍分店開後, 常要兩面走, 十分勤勞. 為啥這麼辛苦? 為了保持食物的水準嘛! 環境是十分好, 內有不少名畫. 其實" 香港老飯店" 那招牌, 也是國畫家劉海粟先生提的字, 已成招牌了. 本身都凝造舒服乾淨的格局和氣氛. 從較貴的小菜說起, 先來一個雞燉翅, 雞肉已沒有味的了, 老雞肉質本身也不怎麼樣, 鮮味都盡在湯裏了, 金華火腿真的鮮味, 可以自湯中取出當另一道菜吃, 尤其肥味的皮, 翅身十分粗, 且煮腍身( 彈牙的不是好貨色). 再來一個紅燒元蹄, 以小白菜鋪底, 濃烈的獻汁, 元蹄在中間, 放得很好看, 肉腍而不致稀爛, 鮮味得很. 這兩道菜花功夫, 不只價錢貴, 且要預訂的. 價錢較相宜的( 當然, 不要以為真的很便宜, 這不是大件夾抵食的店! 買點是可口), 可叫點心, 如鍋貼餃子一類. 不要以為這些江南點心很普通, 做得好也是不易的, 大多數上海酒家, 連點心也做不好