香港老飯店 (已搬遷) 新店位置

每食滿$100送$20 留返下次使用上個星期二去食叫左清炒河蝦 ,合桃薰蛋, 豬耳, 則魚湯 ,酒釀芝麻湯丸, 鱔糊, 應該還有一個菜但唔記得叫什麼, 埋單$8xx (連停車場收費一齊計)

我向附近番工, 間唔中會去食, 但係一次比一次唔好食.連拷雙方都唔好味啦, 仲可以叫D 咩特式菜呀....塊金華火腿一d 味都無, 中間塊脆脆又唔脆另外叫左生煎包, 都oK, d 豬肉幾香; 上海粗炒好普通, 我覺得茶餐廳會炒得好味D.椒鹽豆腐都ok, 唔係好咸, 都煎得好香.

公司飯局,因其中一位上海來的同事推介這兒,就來試試. 總括來說,一個字:貴. 先說說吃了什麼:冷盤合桃薰旦好醉豬手好鹽水鴨一般海哲頭一般,無咩味但好爽卥水鴨舌一般主菜清炒河蝦無食, 但同事話幾好蜜汁火方都ok干煸四季豆ok葱油餅甜品南瓜八寶飯西瓜酒釀芝麻湯丸飲品女兒紅加話梅其中,蜜汁火方和南瓜八寶飯都是要預訂的. 可能我地唔識食,真係唔覺得話好好食同好特別. 蜜汁火方好甜, 有同事話太過甜. 南瓜八寶飯係日本南瓜, 中間釀了糯米飯. 南瓜幾大過, 好粉好甜, 加埋糯米, 真係濟到上喉龍頂. 埋單三千蚊左右. 後來得知那個用火腿,蕃薯,蓮子做的蜜汁火方要500大元. 每粒湯元要10幾蚊一粒. 真係oooo左咀. 好彩公數. 自己去就一定唔會.

今次一行8人黎食，叫左燻蛋、元蹄、樟茶鴨、小籠飽、煎蛋角、沙鍋雲吞雞、另兩味由部長姐姐幫建議既餸，一個係魚兩味、一個好似係炒筍絲。合桃燻蛋：必食，膽固醇高都要食。紅燒元蹄：夠稔，但好肥，怕食肥者唔好叫。樟茶鴨：好味。小籠飽：一般。煎蛋角：用湯跟菜苗浸住上，無咁乾都幾好食。沙鍋雲吞雞：好大煲，人少唔好叫，我地都食唔晒，偏咸。魚兩味：好好味，又無骨。一個好似係炒筍絲：一般。食完再叫甜品：豆沙鍋餅：OK!高麗雪糕：幾特別，有兩款味雲呢拿&芋頭，但個人唔中意食芋頭。酒釀丸子：OK!芝麻湯圓：OK!整餐算係合格水準，服務唔錯，待應反應都幾快，缺點係枱與枱太迫。

近年經濟暢旺，吸取了去年教訓，所以早一星期前已訂了位。試過尖咀的老飯店，今次又試試北角這間，看看那間水準較好。合桃燻蛋-未入口已有陣陣茶香味，溏心的蛋黃像黃金般色澤光亮；而合桃夠酥脆甘香，可惜份量太少，好快已清碟，大家都不太夠喉。捧捧雞-即是雞絲粉皮，雞絲及粉皮，但最主要的芝麻花生醬，味道唔夠，我再要加芥辣來吊味。紅燒元蹄-那層勁厚極多骨膠原的豬皮，在座的三位男士們就大口大口的品嘗，我真是無膽嘗試，極其量只吃了那些瘦肉，淨肉也不弱，肉質入味而鬆化。松子黃魚-炸得金黃香脆，甜酸味適中，可惜魚肉過鹹，最後吃淨了好多。干煸四季豆-肉碎不夠辣，但很惹味。而四季豆也炒的夠乾身，不油膩。天氣持續寒冷，點了幾款澱粉質來暖暖胃，有上海粗炒、上海湯麵及蟹粉小籠包，上海湯麵不及粗炒好，湯麵不是味噌濃湯底，不合老豆的要求；蟹粉小籠包勁多湯汁，可惜沒有蟹粉的鮮味，與普通的小籠包差不多。不過要讚的是做了紅蘿蔔來墊底，不會一夾黐墊易穿。甜品是煎八寶糯米飯，有白糯米及黑糯米選擇，我們要了黑糯米，一來夠香口，二來也較健康。雖然不是七彩繽紛的八寶飯，看不出那8款材料，但味道一流，煎得香脆又煙韌。最後每枱還送了冬柑來賀團

睇完d人評價, 未去試吓lor .我唔覺得咁好食, 一d驚喜都冇, 仲要貴. 叫個, 蟹粉豆苗要$400 仲要係個餐牌冇價錢, 估佢唔到要400 就叫左, 都算, 食完, 腸胃炎, 痾嘔6日5個人食, 每人食左$280 ,貴到爆

追補食評。幫襯最少兩次，整體良好，最難忘是流沙燻蛋，好有風味，明知膽固醇高都要多吃幾個（每份半個）

昨晚來慶祝友人生日,叫了1個2人套餐,再散加多1個份量1)薰蛋拼夫妻肺片-薰蛋: 有2隻,開邊切,中央蛋黃溏心到漏,入口薰味10足,帶小"nor",幸好無over到-夫妻肺片: 切得好薄,肉的部份唔多,大部份是類似透明膏,平時好少食這味菜因是出名辣,所以唔知這個比例是否正確。入口只是小辣,惹味,應是改良版,連我都食到,不錯2)清炒蝦仁-蝦仁細隻,但好在都爽,小鮮尤其加埋醋食-幾好3)担担麵-額外多加1碗-有肉碎,麵質唔會軟晒,適中,湯底仲滲有花生,麻醬味,温和,只帶小辣,好味,食完唔覺膩,唔知是否我肚餓呢?4)蒸素餃-1籠4隻,皮做得好薄,又軟,饀料唔佑是咩菜粒。雖是用素材料,但味道1d都唔單調5)海中寶-額外多加1盅-開蓋望落去有好多料-冬菇,花膠,瑤柱碎...-覺得最差這味因有咁多料嘅話,個湯理應好鮮,但就出奇地淡(當然唔喺誇張到好似水咁啦),但d料食落又無晒味,真喺唔知點解,仲收$60/盅添6)高力雪糕-額外多加1粒-蛋白與雪糕之間是1層薄糯米皮,雪糕是vanilla味,幾vanilla味,份量算多,要食到好中心才feel到雪糕的凍-ok,如平時食得太多高力豆沙,這也是不錯選擇,

香港上海菜老字號;甫進門已感受到老店的獨特氣息。烤雙方是該店推介美食。

因婆婆係上海人, 今年生日訂咗老飯店, 之前多數食灣仔世紀酒店地庫一字嘅老上海.嘩, 簡直兩回事.老上海保持到水準, 但今次唸住試下另一間老字號吧!食物不平, 但座位太迫, 一望就覺得好有壓迫感.我叫咗2隻薰蛋,素鵝,醉鴿,蛋黃蝦,四季豆,小籠包, 一家人都食唔飽, 最後切個大蛋糕食.首先個薰蛋跟合桃都唔錯, 醉鴿幾入味,小籠包亦有湯汁,但蛋黃蝦$180就貴之餘咸蛋只係喺蝦殼; 四季豆太乾,埋單成九百七十, 食唔飽味道又失望, 不會再去.

不是太鐘情上海菜，但老飯店是少數我會光顧的上海店之一。燻蛋必吃，一流溏心蛋。烤雙方也是至愛，其他如素鵝等冷盤樣樣喜歡。上次試了個高力雪糕，一絕。我向來不嗜甜品，但異常喜歡高力豆沙的蛋白皮，這個高力雪糕的組合太妙,沒有豆沙的甜膩，蛋白又炸得剛好不是太油。好。

一間老字號的上每菜館，這次有少量的現金作招來，就試試一些廉宜的菜式。雖然菜式平凡，但味道的確是想不到的恰到好處！可見廚師的真功夫！此處有相片：http://www.fotop.net/fanshu/HK_Old

幾個朋友聚舊，選這裡，因為要將就在附近工作的兩個大帝。在香港吃上海菜，頭幾名從來都是那幾間，留園之去，又補上留園雅聚，也沒有多大分別。這裡如同陸鷺，永遠都是二、三線，不能說是差，起碼有好幾味菜都仍有老上海師傅的手勢。星期五晚七時許，全場滿座，檯擺得很密，插針不下。好醜在這裡都吃了多年，點菜不看菜牌也沒有難度，又幾位都是老朋友，不用什麼特別菜色，簡簡單單已可以。要了冷盤四併、樟茶鴨、蜜汁火肪、螞蟻上樹、雲吞雞及清炒豆苗一碟。冷盤要了薰蛋、素鵝、肴肉及海哲。薰蛋是這裡其中一味出色的前菜，煙薰味淡淡的不過重，蛋黃絕對的溏心，連在中間的芝麻合桃都香脆美味，仍然出色。席上友人問：「不怕蘇單紅1號嗎？」我立即說：「誰不敢吃？我唯有捱義氣吧！」這裡的素鵝是炸的，以冬菇絲作餡，非平時的煙薰版，不過就較香口，外皮是脆脆的，啤酒良伴；肴肉不過不失，廋的部份不夠爽；海哲不過不失，至少穩陣；樟茶鴨是全炸的，好處是炸得都幾香脆，壞處是，等如一隻炸鴨。可幸鴨肉幾夠味嫩滑，加上碟邊的夾餅，很快清碟；蜜汁火肪肉質太硬了一點，雖然蜜汁很香甜，但跟老上海相比，差得遠了；螞蟻上樹這裡的版本是醬油烘粉絲，是晚的烘得幾乾又夠味

尋晚，約左阿爸、阿媽、阿妹同男朋友一共５個人去食．因為阿妹佢地之前已經黎食過，根據佢地既意見，最後我地叫左～鹽水鴨拼醉雞　－　兩樣既味道都幾好，不過鹽水鴨就略嫌唔太夠味，反而醉雞就好香清炒河蝦　－　幾爽口，味道就稍為咸左d炒鱔糊　－　好味，唔油紅燒元蹄　－　肥肉連皮煮得好好味，入口即化，不過瘦肉部分就真係好瘦，雖然未至於咬唔到，不過就好有湯渣feel銀絲卷　－　一條蒸一條炸，蒸既夠熱亦都幾軟熟，不過炸既就麻麻，唔脆之餘仲要有d韌高力豆沙　－　熱辣辣，豆沙唔過甜，好味生果（西瓜）－　主要講既唔係ｄ西瓜好唔好味，而係佢地會跟一樽話梅粉俾你，最重要既亦唔係ｄ話梅粉好唔好味，而係一樽好似胡椒粉咁多既話梅粉，佢地賣$68一樽食物平均$80－$200，視乎你叫ｄ咩啦，點心類既就會平ｄ，好似碟河蝦咁就會貴ｄ，要$160一碟．至於服務方面，所有侍應都幾好招呼，加茶換碟都好快，係冷氣唔多夠，坐坐吓真係有ｄ焗埋單５個人，扣左張$100既coupon之後，總數$7xx

上星期五同一班同事靜雞雞約埋去北角老飯店做冬. 可能受上海話老師影響, 總覺得老飯店比其他地方好味同正宗,尤其北角呢間... (以前老師間中會安排去上海總會食飯, 好耐無收到佢call 啦, 唔知係咪總會轉左人, 佢地班老上海覺得無咁好食呢?) 同樣老飯店,硬係覺得尖咀美麗華果間味道偏甜, 無咁啱食.我地一行八人, 叫左三個頭盤: 醉鴿, 素鵝加合桃醺蛋. 主菜點左松鼠黃魚, 沙鍋牛尾, 冬姑菜心加蟹粉豆苗. 另外再黎一客小籠包.我至愛嘅醉鴿同醺蛋都重係咁好味. 其他食物都ok 啦!唯獨係果味牛尾, 我就覺得一般. 佢個味道其實好唔錯, 但係呢, 唔知點解, 連埋層皮一齊炆, 但d皮又炆得夠"淋", 咪唔夠好味囉. 我覺得我自己用紅酒炆果d 好食好多, 哈哈!佢地菜上得夠快, 就晒我地食晏趕頭趕命嘅schedule.咁大家食到飽飽, 最後用佢地奉送嘅沙糖桔做甜品, 都真係十分美好架! 埋單送番二百幾蚊coupon, 即係引我地再去架遮... 咁講, overall 都算得上一頓好唔錯嘅冬至午飯嘅!