香港茶餐廳 (已結業)

上星期六同老公要去將軍澳新都城買d野，於是過去食埋午飯。 見到開咗間「香港茶餐廳」，人幾多，於是走去試下。 枱同枱之間好少空位，好迫，坐得比較辛苦。 食物普通，不過有一樣東西都值得一試。 係魚片炒蛋三文治，魚片略帶鹹香而且彈牙，雞蛋熱辣辣， 麵包已經烘底脆卜卜，唔錯囉! 好特別，暫時係我第一次食，配搭非常新鮮。

原本美心快餐摺左之後開左米線餐廳，極速執粒之後就變成呢間新鋪，於是就去試新野。點左個高級警官咖哩牛腩。個咖哩都唔錯，辣得黎唔會太油膩，天寒地凍食咖哩真係唔錯。d牛腩都OK，份量岩岩好。不過好老實講，我覺得個餐唔值$46(凍飲+$2)。佢咖哩入面d用料係咩就唔知，不過味道未致於令人回味無窮。其次係牛腩，真係好一般，係一般到周街d普通茶記廿幾蚊牛腩飯都有佢o既level...但係呢間香港茶餐廳竟然賣成四十幾蚊，個價位真係一d都唔街坊。相比之下，我寧願去樓下間翠華食佢個招牌咖哩牛腩飯，雖然$42，但係味道同份量都出眾過佢...另一個不滿o既地方係，原本美心快餐時個靚境，佢竟然封左佢...以前晏晝一路食午飯，一路感受出面o既陽光，d飯都格外好食。但係而家個環境，感覺上好似無以前美心咁開揚。不過，佢d 侍應都幾有禮貌，而且行動迅速。清潔功夫都跟得幾足。侍應生們亦都好留意食客，真係一捸手就即刻黎到。(不過長遠黎講應該唔係好事...)總括黎講，味道係OK的，但係d野食偏貴，根本係揀唔落手。加上新都城真係大把又平又好食o既野食揀。如果個價唔下調，或者佢唔出d價錢大眾化o既野食，我諗佢好有可能會步上手間