影片
以上资料只供参考，请与餐厅确认详情
扒爐唔夠熱去煎蛋，腸仔濃到就黑，湯冇味又凍，最大獲係個丹麥多士，落枱見到冇牛油我問侍應佢話係咁。。。冇牛油嘅多士你哋不如唔好出啦又乾又硬點食，真係唔知邊個智商咁高諗出嚟 你哋簡直浪費食物，住呢個屋苑就係得呢一間冇得選擇
继续阅读
又貴又難食，食物質素同價錢吾合乎正比，外賣慢，可以等半個鐘都拎吾到個外賣，以為堂食會好啲，點知堂食落單錯，仲要怪個客，問個客做咩唔講，所以生意差係有原因嫁，好耐無食過甘差既餐廳。
继续阅读
鹹魚叉燒粒炒飯 $56啲叉燒粒都切得幾大粒而且成盒飯都好大盒好足料，炒飯係加埋啲鹹魚碎同雞蛋炒出嚟，食落都幾香口，幾好味！焗咖喱薯仔雞扒飯 $64啲薯仔切得都幾大嚿，雞扒都係好足料，食落去好juicy！一開個飯咖喱味勁香，咖喱食落去唔係好辣，而且d飯唔係普通白飯而係炒飯底，所以令成盒飯更加好食！
继续阅读
極少寫食評，逼人非寫寫評既餐廳好少（荃灣富華餐廳都是其一）呢次食左幾啖，完全無胃口食落去，太得閒，寫下食評先。本來食過幾次已沒什麼期望，以為豉椒排骨飯應該正常吧，想不到這次更大伏。🤢🤢一上碟，幾件沒什肉的「排骨」，份量少得可憐。食落排骨無味，肉質又柴又騷。完全無法食落去。🤮🤮同一價錢$66既話，我寧願揀雙餸飯，都唔揀呢個「排骨飯」係因為附近無其他餐廳既關係吧，但都唔使以咁既價錢，俾啲咁差既質素吧？成碟飯最終食左十分之一，我就放棄了。
继续阅读
🐽咖哩牛腩呢度既下午茶都幾抵食，尤其係飯同粉麵類，我幾鍾意食佢既咖哩牛腩飯，椰香味都幾重，辣辣地，幾好送飯，最緊要係幾多汁🤤而且牛腩都唔會韌，但又未算好淋😂，份量都幾大，都幾夠飽🐽奶醬多包烘得好夠脆，奶醬都好夠多，但花生醬未算好濃
继续阅读