影片
付款方式
座位数目
400
以上资料只供参考，请与餐厅确认详情
今天約上同事於青協戶外訓練營作退修，話說大家已工作了一年，剛剛完成了一件大事，現在是時候需要休息，鬆一鬆了。記憶中曾來過此營地一次，但沒有機會進入營中食一餐，今天有幸再來，當然要食餐啦！ 第一炮，當然要食cafe晚餐，cafe內裡裝飾簡易，地方寬裕，有沙發椅，有長型枱，簡約中帶點舒適，旁則是面對大海，真得十分正，點餐後，需等手上電掣響起方可去取餐，今天晚上不算太多人，但食物是即叫即弄，因此需等片時。電掣終於響起，隨即去取餐，此餐份量不算多，一個人食就剛剛好，個人就較為喜歡食蘑菇，因為不會太濃味，略嫌意粉不夠爽口，白汁味道略微淡，如果加入芝士粉，會更香口吧。
继续阅读
一行24人去到香港青年協會賽馬會西貢戶外訓練營玩，餐廳位置在主樓，大落地玻璃作外牆，將戶外景緻融入餐廳中，可以邊食飯邊欣賞窗外美景。營餐要預先按人頭訂定，可以選擇嘅餐幾多，因為營地剛裝修，白色主調，樓底好高，所以唔嘈雜，入內先在門口電視，睇下枱號然後入座！坐低店員會極速攞晒啲餸出來，餐具已放在枱面！先助式！晚餐（$1080x24人）再每人加$8糖水，用餐時間1800-1845hrs. 白飯：好乾硬！ 例湯：瓜湯，唔味精好清熱，不過唔夠熱！ 柱候蘿蔔炆肉排：蘿蔔炆得入味，肉排都滑，但最大問題係唔熱，所以汁醬已糊了！ 榨菜豆卜蒸排骨：賣相好核突，啲排骨仲要係粉紅色，汁醬啞啡色！榨菜唔突出！唔想食！ 洋蔥火腿炒滑蛋：賣相好醜，啲蛋炒到乾碎，散晒，唔能夠同火腿洋蔥混成一體！味道又淡，調味唔夠！係我食過最難食嘅火腿炒蛋！ 郊外油菜：最唔鍾意嘅黃芽白，清炒好淡！無味嘅淡，好似無調味咁！黃芽白好韌！ 菠蘿生炒骨：樣子正常，但生炒骨炸唔透，炸皮好厚！而且排骨好肥！配菜正常，菠蘿酸甜，青椒洋蔥爽脆！汁醬酸甜！ 西檸煎軟雞：汁醬酸酸開胃，但軟雞炸皮多過雞，似食炸皮多過雞！ 腐竹蛋花糖水：唔熱兼太甜，食唔出腐竹味道，只有單一嘅甜！ 水果：切橙，食橙自己唔喜歡切，只喜歡剝皮！食了一塊，新鮮多汁！基本上啲餐係預先煮好，所以唔夠熱！第二朝指定時間，再去餐廳食早餐！菠蘿包早餐（$24一份）時間0800-0845 雪菜肉絲湯米：米粉好嚡，雪菜肉絲粉，撈勻之後唔夠味！腸仔：白灼腸仔！淡而無味！火腿：煎都無煎，火腿好韌！菠蘿包：好大個，不過菠蘿皮唔脆，夠甜！麵包鬆軟！不過唔熱！炒蛋：好醜樣，又乾又碎兼無味！ 好立克：一大壺，好淡，無味！啲阿姐店員唔係好清楚客人啲餐，好似晚餐我哋加咗糖水，食完啲餸就問店員，佢哋一臉迷惘，一個問一個都無人知，又唔答我哋，行咗去（可能去了解喇）之後放低兩窩糖水就行咗去，乜都無交待！食完兩餐營餐，僅可以唯生，呢度提倡惜食！但都要啲食物好食，點可以煮到咁難食？咁⋯⋯點可以惜食？
继续阅读