香辣軒

营业中

休息中

8月5日同老婆黎食tea，點知Verandah爆咗，唯有落樓試Spices。個tea set每位$138，食物與Verandah的不同：咖哩角、春卷、煙salmon toast、ham + cucumber sandwich、鮮果吉士撻、朱古力+士多啤梨蛋糕、creme brulee、仲有scone。老婆杯冰咖啡好淡，真係淡到滴一滴cream已經成杯白色。同個server講，佢好禮貌offer換個杯。然後個tea set 到，不是三層，而是一隻玻璃盆上，再發現creme brulee 面頭有灘水，脆焦糖就差不多無哂。最敗筆係熱辣辣的春卷掂住朱古力蛋糕，令朱古力蛋糕的邊緣溶出一絛坑，件春卷又有朱古力味。同個server講，佢亦好禮貌全部換過，不過以淺水灣酒店嘅class來講，咁樣嘅creme brulee都照上枱，真係失禮，係server無知？定當顧客無知？食物其實算ok（咖哩角、春卷、鮮果吉士撻好味；scone合格，其他普通）不過下次都係去Verandah好D。

好grand, 停車場全部都名車, 入到去好多貴婦同外國人食緊野。價錢唔平, 比九龍城每樣菜都貴$40-80 一款, 即係出面食百幾蚊, 呢度要二百幾。食個lunch 都四百幾蚊, 無set 食, 食物放得好grand, 一睇就知用心design 過放好先出來, service 都幾好, 好polite, 環境都好grand, 個feel 同平日唔同左, 講野同食野時唔敢粗魯

以前好鐘意黎食, 貪佢個view好, 食物choice多又好食,個日一行九人去食依舊安排番以前個張圓枱, 不過無左轉盤, 喂, 九個人大枱無轉盤點食啊?? 個waiter話無咁都無計啦!!叫了兩個亞洲併盤($98)有咖哩角, 炸蝦, 牛肉串燒, 烤雞各2件, 咖哩角幾好, 少辣並有一大舊咖哩薯仔係入面, 炸蝦大隻, 肉質鮮, good, 牛肉串燒肉地厚, 但係燒得過時, 有d黑, 烤雞炸過, 炸得過左時, 重要係皮多過肉, 炸到舊肉硬晒, bad……泰式炒雜菜(都唔想叫呢個, 不過無咩菜類可以叫, 無奈之下唯有叫呢個) 炒得同我自己無咩分別, 好行貨囉……….泰式鮮蝦炒金邊粉($78), 味太淡, 粉炒到一舊舊, 料都足, ok啦. 印度薄餅叫了三個favour, original, 洋蔥同garlic, 相比之下, original當然失色啦, garlic好多garlic, 好香食落軟熟, 洋蔥烤得乾身一點, 食落脆口. 三個都very good. 肯德雞炒雞個香料唔夠香味又淡個頭, 色素太勁, 螢光橙色, 好恐佈…….青咖哩雞都keep到水準, 唔食得辣的人都可一試甜品叫了併盤一

係淺水灣游完水，本來想去The Verandah食個high tea，點知俾人包場，唯有拉大隊落樓下食。大家都非常失望，因為一心想食dessert，變左食東南亞野，不過最後大家都食得好開心，因為水準出乎意料。薄餅都要了四客不同口味，烤麥餅雖然冇味，大家認為最好食，因為烤得香脆，點埋咖啡汁簡直一流；特色薄餅有nuts及乾做，甜甜o地幾得意；仲有個雞肉薄餅，唔覺有雞肉，味道一般，但都好食過埃及d地道薄餅多多聲。小食有咖哩角，雜菜做，炸得好夠脆，咬落口可以聽到聲的，所以唔夠喉，再o黎多碟；印尼加多加多，呢碟就冇CWB間印尼餐廳咁好食，下次o黎食話可以不叫。咖哩有三款，馬來咖理雞大家一致公認最好味，啖啖雞肉，雖然d汁唔夠辣，咖哩香味搭夠，可以使人不知不覺食成碗飯；咖哩椰菜薯仔，咖哩汁較少，唔夠咖哩香；另一道咖哩魚，可能魚身好大舊闗係，唔夠入味，碟邊配菜仲好食。馬拉盞炒通菜就不過不失；本應仲有一道菜，但因為叫得多，我已經記得左係咩tim。以食物同環境而論一D都唔貴，8個人都係食左$7XX，好抵。如果天氣冇咁熱，坐outdoor環境仲正

經理話想Outing，約左一齊去淺水灣食晏，佢知我鍾意食辣，所以揀左黎Spices。因為天氣太熱，所以都係坐室內，環境非常舒服。兩個女仔，但都叫左唔少野，一個拼盤、一個咖哩雞、一碟炒菜、蒜茸烤餅同兩杯特式野飲。個拼盤有四款小食，蝦餅、串燒、咖哩角同香葉雞，各兩件，剛好唔洗爭。其中最好味係個咖哩角，因為好香好脆。而個咖哩雞真係好正，咖哩味香濃，正，配埋個蒜茸烤餅真係一流。我地雖脄係兩個女仔，但都可以食晒咁多野(我仲食左白飯黎撈咖哩添呀)，真係勁﹗不過食完呢餐，飽到亞媽都唔認得，晚飯都食唔落囉﹗(唉﹗不過席間收到個壞消息，真係食左好補唔返﹗)p.s. 因為經理請，所以唔知幾錢﹗

今日下午老闆請食飯，估唔到去到淺水灣咁遠，真係咁大個女第一次呀﹗差唔多全部都由老闆發板，Appetizer叫左雞串燒、咖哩角同豬頸肉，豬頸肉好爽，好好味；咖哩角又香又脆；而個串燒又乾身左D，但個沙嗲汁又幾好。主菜我地叫左印尼炒飯、咖哩雞同炒通菜，咖哩雞又雞麻麻，但係個咖哩汁真係幾香；印尼炒飯一般啦，但不太特別；炒菜無乜味，清清地。老闆話呢度D鮮芒果汁好味，咁我就叫左杯鮮芒果汁，果然好香，好甜，唔錯﹗最後甜品我叫左至愛0既雪糕，兩個球，本來想清清地食荔枝味同Lime，點知兩樣都無…咁就揀左個Mango Sorbet同黑芝麻雪糕，嘩﹗超香，超好味啊﹗黑芝麻雪糕真係極好味，本來都好飽0既我開turbo食晒兩個球，因為真係太好味囉﹗呢餐都好滿足，又好飽﹗可能因為唔洗錢關係，所以食左好多野，如果要自己俾錢其實都唔係好抵，4個人，要成八百幾蚊，每人二百蚊個lunch都幾少有，真係要多謝老闆囉﹗

今日去左呢到食lunch佢有set不過唔attractive所以就a la carte佢既炸餅30蚊甜甜地幾得意個vegetable curry就麻麻喇~但個chicken curry 就幾好個fried noodles就唔係咁好好oil而個軟殼蟹就好油不過都幾香既個炒貴"刀"就好似牛河啦個indian fried rice就幾好既dessert 得ice cream得個芒果糯米飯就ok既others...........唔得servers 都唔係好好冇咩用心lo成日都唔refill water飲晒既椰青又唔收走.......

食物唔錯,環境一流.都抵食gar!

一初以為呢間餐廳o係淺水灣,又o係酒店度,一定好貴,原來又唔係, o係呢度食,一定要o係露天, 夜晚可以見到滿天星星(如果天氣好的話), 佢地的串燒真係燒o架,唔係炸,不過就唔好試海鮮串燒,咖哩棷子雞湯唔錯,其他o野食都好好,而且價錢同蕉葉咖哩屋一樣,我覺得仲好食D添,仲有佢地的棷汁西米糕好正,唔同一般味道.<br><br>其實呢度有好多外國人來食, 但係D侍應全部都係中國人,唔洗講英文o架,唔似其他餐廳咁,淨係識講番話,服務態度又熱情。