馥苑海鮮酒家

营业中

休息中

Dishes are nothing spectacular for the price they charge, the only one worth trying is the 鮑魚燒賣. Service is terrible, considering they charge a mandatory 10% service fee + appetizer nuts, they need to step up their quality. We had to ask them to add hot water even though the server walked by many times and chose to ignore the open pot lid. Asking them for anything (water, taking the bill, and even paying, felt like we were asking a favour)👎🏻👎🏻👎🏻

今天和朋友到薄扶林至山頂遠足，行完想早些晚飯，諗住去尖東酒樓，應該沒有那麼多人，朋友提議去馥苑，即場致電訂了 6:30 pm 。 由中環坐船過尖沙咀也很方便，一行七人準時到達， 環境都算寬敞，只有一兩枱客 。片皮鴨做緊特價 $ 288，所以就揀咗一份。 侍應生會拎咗一隻鴨出嚟，比你哋睇下 ，然後即場喺你旁邊切片，份量都算多，味道都可以。個薄餅做得唔錯，唔太厚，好細心咁，每塊中間用張紙隔住，味道都好。都係一般片皮鴨嘅配菜，青瓜，大蒜。中式焗牛柳，只有六小塊，冇乜味道，太多醬汁。$ 198梅菜蒸菜心，味道尚可。$ 148咸魚煎藕餅 ，因為得六塊，所以切開咗，呢個味道唔錯，又香口。$ 168鍋燒銀絲中蝦煲, 其實佢整得唔錯， 粉絲做得好乾身，不過份量真係太少，三隻蝦剪開一半。$ 228每人送咗個紫米露糖水，呢個有驚喜， 又夠熱，唔太甜，味道不錯。埋單時，大家真的要查單， 最好自己計定大約幾多錢， 因為佢開頭畀我張單，計多咗我支忌廉汽水同兩樽啤酒， 好彩我發現，佢先同我改過張單，唔係就收多我 $ 122 。 如果係自己飲咗冇問題，唔係就唔抵啦。總括嚟講 ：環境舒適，侍應生服務都尚可，食物味道係

最近與友人齊帶著兩位長老到尖東好時中心的馥苑酒家飲茶。對上一次到這間馥苑飲茶已經大約是三十年前嘅事，即係酒家都已經超過三十年歷史了。最開心係，酒家水準依舊好味，兩位老人家都好滿意，仲話以後要再嚟。 可能因為位處尖東，主要做寫字樓客戶，而宜家又少了遊客，我們11點到達時未有其他客人，到12點後才陸續有客人入座。侍應開茶及奉上嘅前菜是琥珀核桃，核桃脆口又唔太甜，大家都喜愛，掛住食，唔記得影相。我們點了7個點心，包括煎蘿蔔糕、叉燒腸粉、咸水角、雞包仔、鮮蝦菜苗餃、上湯鮮竹卷、山竹牛肉球，另外點了小吃“鮑汁鳳爪”，再加一個豉蒜龍躉片籠仔蒸飯。雖然唔會係貴價飯店那些講究精緻或創新嘅造型，但各款食物水準不錯，新鮮熱辣，用料品質幾好，好味道，不似那些連鎖酒樓用中央廚房流水式做出來嘅工廠點心。當大家食得飽飽時，侍應還送了紅豆沙糖水，就連送嘅糖水都沒有欺場，我們四人雖然已食飽，都把整碗糖水渴光。 埋單共$660，每人百幾，價錢合理。#香港 #香港美食 #點心 #飲茶 #尖沙咀美食 #馥苑 #hongkong #HK #Foodie #dimsum #tsimshatsuifood #Foo

馥苑飲茶都算出名，亦都歷史悠久，但尖沙咀依間就未試過，環境闊落得好緊要，有景睇而又舒服點心、炒野一般既都有，套餐都有既至尊蝦餃皇，大粒，食落好足料而有成隻蝦皮有少少厚既，但個餡都好味，筍味都夾同好味鮮竹牛肉球，都係大大粒咁，肉質腍，但牛味就唔太夠，正正常常上湯鮮竹卷，清清地，味道正常既，卷餡偏淡鮑汁鳳爪，賣相唔錯，食落八角味好重，似滷水多過鮑汁，有啲失望口感就正常，都好腍既北菇棉花雞，賣相吸引，份量大棉花(魚肚)果然係馥苑既賣點，好想食魚肚腍又多汁好味，推介雞滑肉質好味，應該係最好食既點心海參蠔豉燘伊麵，海參都ok，蠔豉真係好細粒，味道都唔錯既，伊麵都好味老火湯，白菜唔知咩湯，水加味精咁真係唔好叫整體黎講普通，棉花雞係最正，其他就無特別，睇埋價錢，實在唔抵，如果好想坐得好舒服傾野既都ok食嘢真係唔好，同九龍城馥苑簡直天同地#不如食返好時沙爹#附近兩枱都係傾野傾保險

Not value for the price. Food are stale. Could have much better choice for Chinese food in the area. No reason to settle for a pricy, mediocre, run-down Chinese restaurant. The food was mediocre. Can’t even cook a simple stir-fried dish. The decor is a bit aged. Not a good ambiance.

做完運動，上了一間不起眼的酒樓午膳，但我所知這字號屹立很久，還記得二十多年前朋友結婚已在這品牌酒樓擺婚宴。坐下選了芋絲餅，很香脆但有少少乾。另外點了上湯鮮竹卷，不過不失還可以接受。XO醬炒蘿蔔糕又香又滑亦惹味。最後相公再選了銀牙肉絲煎麵很香口，雖然銀牙肉絲連芡汁也放在麵上，但卻沒有阻礙麵的脆樂樂，反而顯得很香脆可囗。但今天我卻去了尖沙咀分店，也有當年的回憶。

用 Openrice 多年，第一次寫食評，就在『馥苑』邊吃邊寫。『馥苑』粤菜水準之高質，不用多介紹。 疫情之下，少咗出街用膳。今日想帶老人家飲茶，早一晚想起『馥苑』，就於 Openrice 網上訂位。食物水準依舊出色，今日點了點心! 另有中午厨師套餐，下次再來試試!我把第一次食評，給了『馥苑』，因為在用膳中，經理話於 Openrice 訂枱，會送客人一款新推介點心「植物肉燒賣」, 味道及口感非常之好!因為訂枱時無想過『馥苑』送上點心，經理細心講解是為了推介植物肉菜式。我被誠意打動，我的第一次，就給『馥苑』了!

今天假期日子又陪同女朋友外出閒逛閒逛，女朋友月事身體不適老還是到酒貼心，因而便特意帶她來到尖東這間酒樓，一同品嚐一番。馥苑海鮮酒家是一所擁有多年歷史的餐廳，重新裝修後的設計風格甚為現代化，予人一種高級貴氣的感覺。店內格局設有大廳和數間廂房，配搭上多棧大型白光吊燈，環境寬闊光亮。琥珀合桃入座後職員便先為我們奉上小食享用。合桃加入芝麻、糖漿製作，富有色澤的外觀猶如琥珀一般。入口甜度恰到好處，加入芝麻令味道增添鹹香，口感香酥爽脆，濃郁惹味，絕對是必點的小食款式。白灼生海蝦師傅把海蝦漂亮地擺放圍成圈狀，賣相美觀。此酒樓是以海鮮作主打菜式的，因而海鮮類皆比較有名，此盤蝦隻便可嚐出肉質新鮮爽彈，飽滿清甜，蝦味濃郁，額外還配搭有辣椒粒加豉油的調味料，沾上同食更有風味。玉樹深海麒麟班職員奉上時已貼心地用小碟子把各人的份量分配好，值得一讚。魚肉色澤雪白，連有少量魚皮，加入蒸魚豉油調味，食用口感結實爽嫩，滑溜鹹香，鮮味十足。而副食材則還有濃郁鹹鮮的火腿、爽滑鮮香的冬菇、清甜脆嫩的菜心，還有特意加入以去除魚腥味的薑片。千層脆蓮藕餅師傅使用荷葉做底，頂層加入砌作心形的蓮藕餅，並添加白果於中間位置，外觀甚至精美

好耐冇去過尖東食嘢，今日嚟到位於好時中心一樓嘅馥苑海鮮酒家飲杯茶食個包。我第一次嚟呢間酒樓，地方闊落，擺位有一定嘅距離，食得好安心。見有中午廚師套餐推介，除了前菜、手工點心、主食和甜品之外，還有滋補靚湯，但價錢只需百零蚊一位，覺得都幾抵食，於是就叫了嚟試吓。陳村醋貓耳朵雖說是前莱，但吾細碟，雲耳爽口，酸酸地好醒胃。西洋菜陳腎煲生魚湯呢款滋補靚湯一上枱已經聞到好香，煲得好夠火喉，味道濃郁，飲落好香陳腎味，最鍾意就係有埋湯料上枱可以食番。至尊蝦餃王即蒸即上，熱辣辣，蝦餃皮不算厚，蝦肉爽口。斑蘭梅菜包顧名思義，不出我所料，個包係綠色嘅，夠特別。外包好鬆軟，裏面包着滿滿嘅梅菜肉碎粒，味道比起傳統嘅叉燒包毫不遜色。我反而仲鍾意呢個班蘭梅菜包冇咁漏。花膠蠔豉炆伊麵百零蚊一個餐有花膠蠔豉食，真係意料之外，而且份量比想像中多。味道恰到好處，不會太鹹。滋潤紅豆沙呢碗甜品用料非常足，有好多紅豆和蓮子，還有陣陣果皮香，非常滋潤。雖然已經食到好飽，但係都忍唔住食晒成碗紅豆沙。

在尖東午飯時間路過這商埸内樓上的不顯眼食店。外面簡潔清雅吸引了我的注意决定坐下一試，侍應服務態度專業有禮胡亂挑了數個點心，先嘗xo醬炒蘿蔔糕，辣度適中而太油，上菜速度快令糕粒熱度足夠👍芋絲餅中規中矩，最讚上湯鮮竹卷，湯鮮饀正。銀芽肉絲煎麵麵脆料味恰到好處。

一坐低女侍應放低前菜(花生)，本人說不需要了，喉嚨痛，個女侍應亦即時攞走了前菜，到埋單時我見到收了前菜費，我說我沒有吃你唔收得錢，她竟說她放低過就要收錢。不想為了少少錢爭拗，只好照畀，我說我想要這張單，她說這張單(印有點心前菜details)唔攞得走，只可畀手寫單寫總數給我，真係好奇怪，單也不可印一張給客。嘢食係正常嘅，但服務真的不太好，沒有下次。

食物又唔係特別出色，部份服務員態度差極，由其果個唔知係經理定店長之類既人，叫佢執一執枱面d嘢，佢竟然同我講佢好忙，去食飯仲要睇佢地面色，請我都唔會再去。🤬🤬🤬

尖沙咀東好時中心稪苑剛重開試下飲茶一碟琥珀合桃20$大點38中32小28义燒酥3只38$用西式牛油酥皮不似其他酒家豬油酥皮小籠包反而不算太貴定價42$叫特點也挺熱辣皮幾薄餡料豬肉都多汁雞飽仔是小點餡中肉類很硬怪怪地是最不能推介的一種點心义燒酥內的义燒就好些有活魚缸裝修幾奢華感覺上這裏,還未準備好做大眾茶市冷氣不夠茶錢18$未食野先打18$加20$（合桃）😅如果係普通飲餐午茶就不會選擇黎因為收費一級（今時今日香港）但出品不過如此而消毒程序也不算特別講究！都幾失望。

做孝順女陪父母去「馥苑海鮮酒家」飲茶。酒樓位於尖沙咀好時中心，商場設計舊式，停留係六七十年代，若非父母帶路，未必知道呢到。新鮮魚雲應該係招牌菜，幾乎每枱都有，打算叫一碟試下，但經理話已經賣晒。點心質素唔錯，如鳳爪、鮑魚燒賣、腸粉等，比市面上的酒樓好，亦有罕見的傳統點心，如香西魚翅餃評語：位置偏遠，商場古舊，點心出色

星期六下午茶所有點心紙上食品7折,包括燒味/ 炒粉麵飯往日會覺得呢度消費幾高下, 不過時移世易當旁邊的食肆都整體上升時, 佢又好似正常返D,上一個食評已經係好多年前嘅事了,而呢幾年睇住佢又裝修又唔要樓下門口, 尖東呢個市場唔易做呀, 近排佢又做團購, 又在同區派紙仔話以出示名片就正價8折, 實行搞市場學, 不過茶位, 小碟則不變, $18/茶位,$20/碟花生,喺呢個骨節上還是放不低!如果正價的話, 小點$24,中點火28, 大點$32, 特點$36, 頂點$42, 精點$52而現在有7折, 還有好些點心可以逐粒,逐條叫之類的, 以下價錢是折後價,牛肉球粉太多，$22.40好少地方做呢個點心做大點, 呢度較特別啩, 三粒大大粒肉丸囗感實淨, 同牛肉球扯唔上太多關係, 下次唔叫！蝦餃$16.80(兩粒)蝦肉新鮮，餃皮做得剛好惜其中一隻爆開囗, 但係完全係好食嘅蝦餃,雞絲春卷$16.80(兩條)炸色剛剛好, 餡料豐富咸水角$19.60 見炸衣外層功夫到家亦不會太厚，餡料咸香！瑤柱帶子菜苗腸粉(特)$25.20, 腸粉皮ok, 帶子肉有點蒸過了頭但勝在菜苗夠多, 下次會叫其他餡料腸粉,點心類