馥雲 (已結業)

之前聽個FD講話西九food court有間餃子好正,佢上食到爆晒汁咁今日經過就想去試下啦,去到見到八方,即時打電話話佢玩我,點知佢話雲就雲,不過係過係咩雲(佢話唔知個字點讀),我行兩個圈之後終於見到=.=(有餃子食唔該貼番幾張相比人知道下,唔係個fd講我都唔知你賣咩)去到見到都有幾款選擇,最後買左栗米餃同芝士餃(芝士餃要加$3,但兩款都未食過試下先),加栗米湯栗米餃超多汁,勁有栗米味勁甜,一個字正,芝士餃D芝士真係拉得長,感覺好似食緊pizza咁,不過個味淡左D個栗米湯亦都好足料,真係好低食!!!!

呢間由以前叫餃餃陣食到呢間, 我諗佢都係轉左手姐, 因為d食物都係差唔多今次o係團購買左4張coupon, $26就可以食到好多野~ 餃子、餐湯、餐飲、麵食及小食今次我揀左以下既食物~ 黃金粟米煎餃 + 京蔥黑椒豬肉煎餃~ 五花茶~ 黃金粟米湯~ 香茅雞中翼~ 印尼撈麵真係覺得用$26有咁多野食真係超抵煎餃係即叫即整, 黃金粟米煎餃一如以往既好食, 抵我幫襯左咁多次, 粟米係食到甜架, 又多汁; 第一次試京蔥黑椒豬肉煎餃, 黑椒味唔會太濃, 但一咬就好多汁, 都ok而家團購價有埋個粟米湯, 真係好正~ 熱辣辣都足料~其他既都ok, 係印尼撈麵爭少少, 如果撈得雲d會更好~食到勁飽, 好滿足的晚餐

又一次唔知食咩好...我本黎就去黃金買野. 當然買完野就E下自己個肚, 但係念唔到食咩的情況下就上咗去一個好似好多野食, 但實質又無咩野食嫁地方(西九個美食場)... ... 全部都係雞排...豬排飯麵, 睇見仲難念食咩~ 把心一橫食餃子算了... 之前食八方覺得一般, 所以就行過去, 不過行過個角位見到間都係賣餃的鋪 ( 加番D大圖上去啦~! 我行過都差D當間野透明, D字又細.... 唉~ ), 好彩行到過去招呼都唔錯, 店主極力推介栗米餃, 跟餐可以要兩種餃, 我就要咗栗米同韭菜, 加炒麵( 估佢唔到~ 係即叫即炒 ), 仲有杯五花茶( 散叫都係$4 )~~ 個人覺得餃子比八方X好食, D餃子入邊好多汁(係肉汁) 栗米係幾好味, 真係好栗米下, 韭菜? 咪又係安全食品~ 炒麵一般, 同市面差唔多... 個涼茶都OK啦.... 不過係等得耐 , 我望住隔離個個食, 感覺好肚餓......食完起身念住走, 睇到佢係度炸野( 炸得幾靚 ), 好奇問下店主咩東東, 佢話比粒我試下~ 原來你牛奶糕( 都幾好味 ), 感覺店主都幾好, 仲話遲D有新野