馬仔粉麵

营业中

休息中

溫度急降，最好一定係打邊爐。 星期日晚五點幾嚟到已經全場爆滿，無辦法，港式火鍋平靚正，打邊爐之餘仲可以食吓泰國菜，係九龍城熟食中心才做到。 最精彩嘅係非常相宜嘅價錢，你可以試到唔同嘅火鍋料，有單點有雙拼，鵝腸、豬腰、豬潤、魷魚、墨丸、牛丸、魚皮餃黑栢葉、韮菜餃、鯇魚片鯇魚腩等等，最貴雙拼都是$75。 不過最出名嘅一定係牛肉同沙嗲湯底，加個公仔麵，最正嘅係呢度嘅沙嗲味冇方榮記咁濃咁飽，超滿足嘅一晚，有興趣嘅記得早啲去排隊，六點後基本上一位難求。 馬仔粉麵  九龍城九龍城市政大廈3樓2號舖

而家九龍城四通八達嚟呢度都好方便！九龍城呢邊出名美食多除咗地道泰國菜仲有好多餐廳今次專程嚟食沙嗲牛！你以為我講緊某沙嗲牛名店？Nonono! 朋友推介左另一間都非常出色嘅沙嗲牛邊爐 位於九龍城街市熟食中心！今次一於嚟試吓佢🤤呢間馬仔粉麵日頭就賣粉麵夜晚就搖身一變做火鍋晚市超旺場 一到時間啲食客就各就各位/ 🍲湯底 /沙嗲湯火鍋湯底除咗沙嗲之外仲有清湯 皮蛋芫荽 蕃茄湯底可以單一湯底或者雙拼一場嚟到梗係食沙嗲湯啦聽講呢度嘅沙嗲湯同同區名店好相似自己就未食過所以比較唔到但呢度嘅沙嗲湯底真係好出色🤩一望色水就知超濃郁！食落都係超濃沙嗲味有花生香 帶微微辣 結結地/ 🍢配料 /配料方面亦都係散叫除咗打邊爐唔少得嘅牛肉各式各樣嘅基本配料海鮮 蔬菜 丸類 乜都有有啲可以單拼/雙拼牛肉 HKD$280打邊爐點可以少得牛肉仲要係沙嗲湯添！呢度嘅牛肉係手切絕對唔係Hea你貨色！細份都超大份牛肉切到厚厚一片肉質鮮嫩 肥瘦均勻一啲都唔嚡口牛肉索滿沙嗲汁 正到呢🤤炸魚皮 HKD$45次次打邊爐個湯底未滾 一定會係咁齋啪炸魚皮😂呢度嘅炸魚皮超酥脆 大大塊份量好足夠 食到唔停口 鍾意空口食又得 浸住沙嗲湯底食又得

有人說 , 打邊爐可以把朋友的距離互相拉近 , 尤其是男人之間的在酒精影響下 , 大家可以互說心聲.九龍城 , 呢一間火鍋店 , 聽說是下面前方X記的伙計開的 , 是否真實我也不清楚 . 但是 , 馬仔記的沙嗲湯底是做得不俗 . 湯頭中有細細粒的花生 , 而且飲完不會口渴 , 應該不會下了太多的味精. 但說到美味的程度 , 始終下面的方X記勝一籌.但這裡作為一家可以常常來的飯堂 , 價錢上反映了出來 , 如果不食牛肉 , 人均點食也不會超過$150 , 而且呢到勝在可以同一個價錢 , 選擇 2 個食物 , 最合的人少少的時間食 , 保証不會另人失望.

其實鍾意嘅話🤗，約埋三五知己，就可以去烚下烚下🥘，配合質素高嘅手切肥牛🐮、鵝腸🦢、生菜🥬，加埋幾枝啤酒🍺，就已經可以開心一個晚上，你又係唔係滾友呢？🤭

朋友帶路之下發現左呢間沙嗲窩無得頂既火鍋店，仲可以邊打邊爐邊食泰菜，食完整返個芒果糯米飯perfect!除左沙嗲都有其他鍋既，不過我老遠已經聞到沙嗲味同埋眼見有一半以上食客都叫沙嗲鍋就知係不可錯過啦。叫完店員9秒9就送到，快得跨張。。個湯真係好甜好香，辣就唔辣既，不過差咁樣野！就係餐廳無蒜茸提供😔鵝腸爽甜又多膏！正！滑牛配沙嗲鍋不能少啦，色澤紅潤，新鮮嫩滑，牛味亦好濃厚。脆骨腩肉就少啲，但都係好新鮮好嫩口，早d放入湯底更甜！果隻雞不得了，好滑好有雞味 ，雞胸位都唔鞋口，細細件又易入口！仲可以點旁邊泰菜嫁，不過等二間既菜唔係度評論啦。

細細個媽咪就帶我食方榮記個時已經覺得驚為天人但之後屋企賣左部車我都冇再食過👉🏻👈🏻依稀只係記得濃濃既沙嗲湯底係食過最好味既沙嗲😋但係方榮記真係好貴好貴一直都唔捨得去食😝意外發現九龍城熟食市場有間馬仔四季🧐又係專門食沙嗲牛肉火鍋而且聽聞同方榮記相似度有99.99%😂一早已經bookmark 左一坐低唔駛講野 目標絕對清晰沙嗲鍋 $50細牛肉 $260公仔麵 $15鱔片拼鵝腸 $70可樂 $10牛肉一上檯真係俾佢嚇一嚇又話叫細份既？多到咁兩個人點食得曬😂手切牛肉色澤好靚而且夠淋又有肉味唯一挑剔係牛肉切口唔夠有時會黏連一舊舊咁但呢d都係好minor好小事公仔麵唔駛講必點！杰杰既沙嗲汁最掛湯保證好食過過江龍既沾麵🙊鱔片同鵝腸都係新鮮貨只不過晌沙嗲牛肉公仔麵既面前所有野都只係配菜根本叫咩都冇所謂純粹係令個火鍋多少少野碌下😂你可能會話「車～咪即係食緊沙嗲牛麵😒駛唔駛食成$200個呀」咁就要睇下你對沙嗲牛麵既要求喇？當拉麵都要百幾二百蚊碗時你又捨得食？你唔返屋企碌個出前一丁拉麵😂你懂的😌

上星期日約左朋友去九龍城食飯， 朋友提議去熟食中心打邊爐 呢間馬仔粉麵位於街市頂樓，一直都聽聞過佢既沙嗲湯底係好正既。湯底非常出色，好濃郁。餸菜方面就唔算話有好多選擇，但係都非常新鮮。尤其係墨魚丸同菲菜餃，真係做得非常出色👍🏻不得不提，鱔片真係非常新鮮又大碟👍🏻

今日去西貢玩完水，揸車出返嚟九龍城食個晚飯。突然間想打邊爐，就選擇左呢間位於街市頂樓嘅馬仔，聞說佢啲沙嗲湯底係幾好嘅。😀一坐低就梗係挨個沙嗲湯底，不過有朋友唔食得辣所以加多個芫茜湯底。餸菜方面，叫咗一個大牛肉，菜，豬腸，魚片，牛丸墨魚丸，仲有其他啲邊爐野咁啦。一嚟到已經見到個湯底好濃郁嘅顏色！講下食嘅餸，啲牛肉老老實實其實普普通通，唔算話太出眾。但係值得一讚嘅係個菜好新鮮，無論生菜西洋菜睇得出都係好新鮮嘅。另外個豬腸都做得好好，好香好滑，但係最最最估唔到嘅最有驚喜嘅就係佢啲丸係非常非常之好食，極力推介。我哋食咗魚片頭，牛丸同埋墨魚丸。佢三樣都係非常之正！絕對值得一試。👍🏻👍🏻👍🏻👍🏻👍🏻👍🏻👍🏻最後臨走之前當然唔少得整返個沙嗲公仔麵啦！加左幾次湯個沙嗲都仲係咁濃郁！非常之有料。😋😋😋

九龍城街市熟食市場這間馬仔火鍋，雖然來過無數次，這裏的本地手切肥牛，依然keep到很高的水準，非常有咬口，不像一般安格斯和牛頸脊，特別一提，牛肉份量非常之公道是一大堆的，(不像其他火鍋店把牛肉攤開緊貼在碟上)，$320絕對超值 ！濃厚沙嗲湯底配合得天衣無縫！其他方面就比較一般，魚皮餃和脆肉鯇魚，也是不錯的選擇！

九龍城一向為九龍美食之區，泰國菜、甜品店等林立。是次美食團同友人試試馬仔既火煱，地鐵站仲未開，交通都要轉兩程，相信日後會更方便。馬仔係市政大厦3樓，樓下係普通街市(都係多水tun同有街市既味道）反而入到三樓環境比想像中好很多呢，而且每檯地下放有兩個紙皮箱可供放置隨身物品，幾貼心。食物方面，簡單既菜單，對有選擇困難既朋友係一大福音。由湯底揀起，友人一早已經話要沙嗲湯所以冇其他懸念。主食方面，相信牛都係必點既，因五個人關係叫左大份，份量可以接受。由於大部份朋友吾太喜歡處理魚骨所以友人力推既翠肉鯇就冇叫到，叫左其他肉丸、餃類同菜。整體食物質素不錯，主要賣點都係沙嗲湯底同公仔面，但隨住水干後其後加水，湯底明顯無一開始既時候濃，所以建議可以先食公仔面，食盡個湯底。同埋，如果三五知己一齊食就吾好遲到啦，否則，俾人食左頭啖湯就無癮啦

馬仔粉麵晚市以沙嗲火鍋為主，沙嗲湯底$50，鴛鴦湯底都係加$10。環境就裝修欠奉，但勝在夠地道，樓底高冷氣夠凍，真係別有一番風味😗食物方面選擇不算多，肉類只有牛肉選擇，如果唔食牛既朋友仔可能就要自己加餸。其餘一般火鍋生料，大多都可以雙拼，都係$30至$60一款，除左牛肉同蝦比較貴，其他都真係幾抵叫😋沙嗲湯底夠濃，咩都未落過已經好杰身夠晒味😋牛肉(大)$320,味道都ok,份量5個人share都夠食炸魚皮$40,大概有成20件,雖然稱唔上出色但都叫脆豆腐蘿白豬皮枝竹，雙拼$30，味道正常魚皮餃拼水餃$50,每樣各5粒,魚皮餃幾好,水餃真係唔得🤢最後 沙嗲火鍋又點小得出前一丁,睇張相都見到d湯夠杰身,味道夠濃,加埋牛肉真係👍🏻👍🏻埋單計埋野飲一人都係$120到,雖然食物唔算好食，但價錢真係幾相宜,又無限時,如果對環境食物唔太高要求,呢度都係幾唔錯既選擇👅提提大家,假日未夠7點已經半滿，過左7半簡直坐無虛席，唔想等位既朋友建議7點前到加電話約定先:）

約咗好耐冇見嘅舊同事食飯，幾個男人就決定去打邊爐。有同事提議左呢一間馬仔粉麵，一開始都以為唔太好食，因為係熟食中心裏面。點知食完之後，我對呢一間野係完全改觀！嚟到嘅人都幾乎清一色嗌沙嗲湯底，因為呢度嘅沙嗲湯底實在係太出色。我哋三個人帶咗一碟手切本地肥牛，一疊鯇魚片同埋芝士腸拼魚皮餃。個肥牛實在係好出色！同平時食到嘅有雪花嘅肥牛係好唔同，呢款肥牛食落去非常有嚼勁，而且很有牛味。另外亦建議大家一定要嗌麵，加埋嗰個越嚟越濃郁嘅沙嗲湯底，真係人間一大美食！😋

早前聽聞九龍城街市有間比方榮記更好食的火鍋店，咁岩平日時間早放工一於去試下！8點左右去到已坐無虛席，好采只有我跟友人，兩人枱不用等太耐！因為只有兩個人的關係不能點太多菜，只叫了沙爹湯底和數款配料打邊爐不少得的一定是牛肉，這裡的牛肉比方榮記的厚切，友人覺得這裡好吃點，我就覺得方榮記重味多點。沙爹湯底方面我跟友人都覺得沒方榮記的濃郁同香辣，只係普通的沙爹湯底，沒有大家說的好吃。不過沙爹湯底是愈吃愈濃，去到後來煮麵係幾夾。不過如果是一大班人打邊爐的話這裡是比方榮記便宜。但若說環境和食物質素，一定是方榮記！（後記：不知是街市環境差還是吃了未熟的食物，友人跟我翌日都拉了一整天肚子😷）

半價沙爹 - 馬仔·香港沙爹湯底打邊爐最出名應該係方榮記，我就食過一次，味道係可以，價錢正常，服務極差。但如果你係想食沙爹湯底，同打邊爐鍾意食牛，其他配料鋪頭既我就極度推薦你去隔離街市熟食中心既馬仔，馬仔以前做午餐粉面既時候做唔住就轉型做晚市打邊爐，佢既沙爹湯底同方榮記一模一樣，牛肉其實大家都係係街市批發，質素一樣，但份量就多好多。唯一唔好處係食物選擇非常小，連午餐肉都無-憐可😢。但係價錢差唔多係方榮記既一半，又唔洗看火計面口。沙爹湯底打邊爐呢到係我首選。

九龍城火鍋店林立但間間價錢都不菲其實大家如果唔厭環境無咁好馬仔先係最佳選擇個沙爹湯同樓下出名既方榮記一樣，夠曬濃而且價錢平好多，底只係$68牛肉大碟$328，兩個人食好似食唔曬既感覺唯一唔好處係選擇比較小，但對於我地呢啲想食沙爹同牛來講既人，絕對夠滿足PS，大家可以叫指天椒落啲醬油到，更惹味