馬仔記客家菜館

营业中

休息中

這間小菜館在上水開業已久，由小菜，打邊爐，煲仔飯到點心都再供應。夜媽媽想食點心的上水人都會來這裡，款式都很多，今次點了幾款，因為熱辣辣，都很不錯。糯米雞很大隻，而且足料，值得推薦。不過腸粉比較差，粉皮很厚，蝦亦很細隻，下次不會叫腸粉。另外要一讚服務員的水平，親切有禮，大概是小店獨有的人情味。

這間馬仔記在上水都有十幾年、記得初時環境衞生非常好、各服務員也很好有禮、我每天下午都在食個蒸魚飯超新鮮好味！最近年來左班阿叔阿伯又食煙又飲酒搞到烏煙瘴氣，仲有事打交好影響生意。

水晶蝦餃，形狀端莊穩重而且大小一致，半通透的外觀十分靚仔。微暖送上，沒怎麼熱騰騰噴煙的激情。餃皮略為變硬了，幸好蝦仁依舊鮮爽，美味指數甚高。蠔皇鮮竹卷，靜態的演繹，同樣不是滾熱辣，蠔汁熱都會偏油，唔夠熱就更油。油浸鮮竹卷，蠔汁杰杰的抱住鮮竹卷，味道濃濃可口，腐皮嚥韌捲著甜美肉鬆雜菜，但油膩感爆燈，雙脣潤澤令立立。薑蔥牛柏葉，Albert Yip 您點解臉色那麼差、那麼可怕啊？青咇咇既？手腳冰冷青色的牛柏葉，成堆垃圾凌亂不堪的掉係碟上，真的不知道好嬲定好笑，女友完全不敢放入口，唯有由我一力承擔。蒸到二十成熟，少點牙力都 handle 唔到呢！干蒸燒賣，看得見到大量肥豬肉，半透明肥膏鋪滿每粒燒賣頂部，新外觀 design 來的嗎？亮晶晶反晒光喎。微暖燒賣整粒啪入口，豬肉味濃厚，肥膏釋放大量豬油使到更加香口，滿意的質素。豉汁鳳爪，眼見成兜油又唔熱，味濃唔熱有點咸。從未如此地獄過，比死更難受！幾乎每次都係零晨醉後才來坐低宵夜，第一次星期日下午跑馬日坐低堂食，環境超乎想象的惡劣！完完全全被嗅叔嗅伯包圍嗅氣沖天，全場 99% 係阿叔阿伯，剩低 1% 係大媽。污煙瘴氣、喧嘩吵鬧、空氣混濁，食煙、吐痰

食物小炒好夠鑊氣，好似生炒骨，乾炒牛河都好好食，仲有夜茶點心，上水獨有。開得又夠夜，幾夜去都有嘢食， 夜晚去食飯仲可以見到人情百態，好有香港味。 難得而家仲有百零蚊可以兩個人食兩個飯餐再加一支啤酒， 食耐啲，啲店員又唔會趕你走， 係值得支持嘅本地食店。

當前數天還是穿著短䄂衫時，一日之間突然氣溫急跌幾度，寒天之下最佳妙品非煲仔飯莫屬。臘味趁煲仔飯從來都是最佳拍檔。這兒的臘味沒有過重的油份，臘腸甘甜而不膩，膶腸勁香，臘肉亦不會過硬，飯有飯焦，帶點點脆身；加上咸魚後又是另一個層次，咸香更盛。淋了豉油後令人吃不停口，在冷冬之中不來三碗飯實在對不起自己！煲仔飯始終較為膩滯，伴上一碟清湯豆苗，菜灼得剛剛好，還是爽的，吃口飯吃口菜，既香且暖，是一對完美的組合。小人做了一隻開心的馬仔。

放假放平日, 眼見近中午, 上水茶記貴夾唔好食, 但食飯時間都要落街都要同人你逼, 食過無情趣既午餐就無謂。所以洗幾粒米, 走去馬仔記買個點心, 配上自己的香飯, 一樂也。此店大部份點心都係20大元, 小部份如雞札就24, 小弟選了雞札, 貪佢乜都有: 香芋,雞件, 魚肚, 豬肚味道偏鹹, 但佐飯一流, 自已的午餐, 一樂也

點心一般，但小菜唔錯！推介:（必食）1.啫啫豆角煲-好多海味(冬菇，蝦米.......）-好味，抵食2.魚香茄子煲-好多汁-好香茄子味，咸香味3.南乳炸雞-香脆可口-香濃南乳味重點:-有例湯/茶飯-上菜速度快-收银员態度超超超.........超差（扔錢？）omg！整体ok！抵食！

 難得入上水食午餐，同友人本身想飲茶，但又吾想等位，當然即刻上網搵搵有咩平靚正啦！呢間馬仔記聽人講已經開左好耐，點心亦十分出色，所以就決定黎一試便知龍與鳳～排骨～肥瘦適中，味濃吾油膩，伴碟豆卜吸晒D味簡直世界級牛肉球～多肉小粉，有香菜嘅清香，牛肉味可以再濃DD就好鮮竹卷～皮薄，足料，但肉較肥同醬汁有點咸燒賣～大大粒，肉多過蝦，紮實但小左蝦味金錢肚～吾算好辣不過吾夠淋，有點un，但墊底嘅蘿蔔一定要食！

難得反上水緊係去食地道點心馬仔記同巴打2個嗌左5籠野食鮮竹卷非常足料牛肉球 實淨唔粉金錢肚夠入味最鍾意就係呢個 每次黎都一定叫幾籠呢到最她既係開24小時夜晚黎食點心 飲幾杯 嘆到一個點除左點心 仲有唔同小菜話時話 仲有波睇添

人工智能系統啟動，醉後自動到達馬仔記 ﹗AI 暴走，獨獨醉後宵夜食幾個點心加埋飯，癲左，第二朝起身隨時飽到嘔。AI 自動波黎馬仔記搵食，照舊醉後一盅兩件，幾乎每次都係依位苗條短髮姐姐招乎，殷勤又有禮貌，真係唔該晒。清晨六點食早飯？定係食宵夜？爆醉的我已搞不清楚。飲左一支多紅酒 high high 地，AI 又話我知要食野喇，先去魚滑食碗牛腩河，但都未夠喉，再搭的士去馬仔記食盅排骨飯加籠雞紮，最後整多罐可樂，爽晒！食到癲左！發現跟上次醉後食既野一樣既？又係雞紮加排骨飯，但多左碗牛腩河做前菜囉 ﹗水晶蝦餃、乾蒸燒賣，依兩款活寶貝永遠都係形影不離，有蝦餃就會有燒賣，脣齒相依 ﹗好多時睇一間食肆點心做得出唔出色，最先都係蝦餃燒賣打頭陣。因為好睇師傅手藝、食材質數及能否好好掌握蒸煮既時間，樣樣都考功夫考經驗。水晶蝦餃，蝦爽味濃，仲有筍粒添，係餃皮硬了一點點，滿意既。蝦餃餡料合格，蝦仁鮮味仲混入筍粒加強口感，正呀 ﹗係餃皮太厚又唔夠滑，有點美中不足。雖皮厚帶乾，但蝦爽味濃，都合格既。乾蒸燒賣，啖啖豬肉，質感鬆軟，一啖一粒勁開心，豬肉香濃又帶肉汁，而且唔係太肥，可接受。燒賣添上少許橙色咸蛋黃粒粒作點

上晝同屋企人去和合石拜完山，撘左的士落上水石湖墟度揾食。周圍望睇下有乜正野先，𥄫倒個古舊甩色嘅霓虹招牌，好似幾有風味喎，就揀佢-馬仔記！除左招牌舊，連室外裝修都好八十年代feel!佢地叫自己做客家菜館，咁一於叫番兩客家名菜，梅菜扣肉同埋客家鹽焗雞食下。兩個午餐三個人食。套餐跟例湯，紅蘿蔔同一啲骨煲嘅，呢度有賣燒味，而通常有賣燒味嘅鋪頭，啖例湯都唔錯嘅，因為好多下欄骨肉剩低，掉哂去煲湯，唔甜有鬼囉。呢碗湯一如所料好甜，仲冇乜味精，抵讚！兩個餸同兩碗飯同時送到，一碗等如酒樓兩碗飯。三個人等如有四碗飯食，決定冇錯，二個午市套餐夠哂三個人食啦！飯份量好夠嘅，但飯味一般，好可能用左越南米，家陣啲酒樓食肆好多為左慳成本，都改用越南米，外型討好嘅，身長長似泰國米，但飯味就只係一般。梅菜扣肉份量超大，有六大塊，圖中所見已經俾我食左一塊。呢個扣肉南乳味好重好香，梅菜亦甜口冇沙，調味做得好好，瘦肉部份已夠淋，但肥肉未夠火候，需然都焾，但未做到入口即熔嘅效果，要做到呢個效果要隔水蒸成四到五個鐘，好多食肆依家都唔會用咁多時間去做喇，呢味餸整體都算中上啦。份量都算大，賣相唔好睇因為雞比較瘦，但有雞味冇雞腥，應該

食點心蒸飯都係食嗰啲啦，睡前宵夜早餐勁飽！蝦餃、燒賣、雞紮、牛肚、牛柏葉、牛肉，再加個排骨飯！點心真係唔差，仲要開廿四小時，唔怕無野食。豉椒排骨飯，排骨同飯還可以啦，不過不失。如果飯粒可以乾身一點、嚥韌飽滿一點就更好。如果排骨可以再棉滑一點、再香甜一點就更好味喇！同大埔新明發既排骨飯仍差好遠。四寶雞紮，真正既魚肚喎，good 呀！非常軟棉，唔係爽口嗰隻喎，不過質感好正，好滑又索晒汁，好味道！最討厭用豬皮扮魚肚。雞柳醃得入味，咬落結實，滿意既。居然係豬肚，已經好多酒樓無用喇！爽彈肉香，喜歡。芋頭我唔食架呢，每次都垃圾桶，無辦法。豉汁金錢肚，好爽口呢！豉汁香濃而不濁，厚薄適中唔會漿住個咀，食得過。薑蔥牛柏葉，難得無蒸到過晒龍而又鞋又硬，依家食落爽到索索聲，清香薑蔥味帶點甜，滿意。山竹牛肉，普普通通無咩特別，牛肉球夠彈，添上喼汁好醒胃，唔難食。乾蒸燒賣，結實豬肉唔好肥，香甜穩陣啖啖肉！有豆瓣醬就好喇，哈哈。水晶蝦餃，皮薄 see through 滑溜溜，約隱約現好誘人。蝦、筍同爽味香又鮮甜，正！

原本想去東記點心飲夜茶食點心架麻，點知突然執左笠！好采逛逛吓發現馬仔記都有茶飲有點心食，仲係24小時添！水晶蝦餃，晶瑩剔透又唔會腍劈劈濕淋淋，口感好而鮮蝦爽，味香濃不過火，滿意。乾蒸燒賣，貌似蟹籽燒賣，但只不過係無味咸蛋黃碎。豬肉結實香甜，既 juicy 而帶豬肉香，美味。四寶雞紮，好味！雙肚雞紮，用魚肚同豬肚，大愛，正！豬肚爽，不苦不澀。魚肚真材實料，棉滑少少膠，無油益味，都幾好。腐皮夠香口、滑溜中帶點嚥韌。最衰我係唔食芋頭的呢，浪費左。豉椒排骨飯，兒時情意結，幼稚園已經食大埔林記高質排骨飯。馬仔記質數唔差，雖然第一次食，ok 架喎。只不過飯粒濕左少少、排骨咸左少少，不過味道、香氣同質感都幾好！紅燒魚頭煲，突然好想食魚，整個煲開心吓先。嘩，勁大個頭，居然係大魚頭，估您唔到。仲勁多料，豆腐、燒肉載得滿滿的。豆腐香滑索晒味，燒肉有皮又肉既帶咸香亦好惹味。炸過既大魚頭啖啖肉，魚雲滑滑骨膠原加上滑溜啫喱狀體，好好食。味道一流，係衰在唔夠熱，有點凍，個煲半點氣氛、半點聲氣、半點煙都也沒有。水晶蝦餃、乾蒸燒賣、四寶雞紮、豉椒排骨飯、紅燒魚頭煲，抵食經濟，舊區老店茶樓環境衛生都比較差少少，明白既。

飲到醉醉地其實又唔係肚餓，只不過口痕啫。好采上年發現左馬仔記通宵營業，唔洗怕無飯食無點心食喇。豉汁排骨飯，估唔到上水排骨飯都可以好食架喎。大埔街市林記以前全港第一，依家時好時壞。大埔德發酒樓，清晨三點的早飯，三甲必入，但已經榮休了。大埔新明發質數最穩定，坐亞望冠。馬仔記約第二第三名啦，都好好味架喇。豉油香甜清新，不嗆不濁，滿意。排骨半肥瘦，肉多骨少又無肥膏，靚！入口棉滑帶趙口，餡得可口而肉味濃郁。飯粒質地香味合格既，可以再香啲再嚥韌啲再飽滿啲。勁撈潤志辣椒渣，又香又刺激，更香口和味。蟹籽燒賣，點解今次腍劈劈又勁咸呢？咸到醉左都醒一醒呀。四寶雞紮，魚肚雞柳正常香甜美味，但我依然係唔食芋頭架呢。

以前和我一同係卓思廊幫手的一個女性朋友約我在這兒喝早茶，其實這間食店我也經常來的，但只限於外賣，通常都是買蝦餃及蝦腸等，好正！佢ｄ蝦餃好大，好爽口，而腸粉好滑，ｄ蝦好鮮甜！正！不過，裡面的衛生好差！好污ｊｏ，而且地面仲有好多鞋印！今日和那女性朋友出來吃早茶，吃完準備走時發覺地面好多鞋印，於是便叫附近的一名女伙記，提醒她個地下好多鞋印，叫她找同事拖一拖！但她竟然黑面不應我！有無搞錯！下次都係外賣好了！