馬來亞春色綠野景緻艷雅

营业中

休息中

「馬來亞春色綠野景致艷雅 椰樹映襯著那海角如畫 🎤」餐廳名字認真盞鬼，主打馬來西亞菜，餐廳細小，但臥虎藏龍，菜式都非常好味(//●⁰౪⁰●)//中午光顧，坐得滿滿，證明餐廳有一定既人氣，幸好小女子更早時間黎到，感謝神明既幫手，不用等位就能享用美食｡^‿^｡食評：8/10 💛💛💛💛價錢：7/10 💛💛💛推薦度：8/10 💛💛💛💛正宗巴山肉骨茶 HKD$76 💛💛💛💛小女子點了搭牌菜—肉骨茶，餐單上列明三代祖傳（外公）秘方，係馬來西亞福建派既肉骨茶，湯底用左大蒜、當歸、八角、廿草等補健食材v(￣︶￣)y由於小女子見識少，不能分辨何為正宗，不過呢間餐廳既肉骨茶暫時係我覺得最好味既版本，藥材味不會太重，湯底重嘗到少少小女子最愛既甜甜味道，食完整個人又暖粒粒了o(^▽^)o餐廳非常認真，在當眼位置到明肉骨茶推薦既食法，呢一點值得讚揚！油炸鬼浸滿湯底中，索到湯汁，令油炸鬼保留少少脆身之餘，又能嘗到湯底既味道´･ᴗ･`豆卜索盡湯汁，口感與油炸鬼相比又帶了不同既層次，比較淋身٩(^ᴗ^)۶排骨非常淋身，容易拆開，就算不用點上醬油，已經非常入味(•‿•)湯底淋上香口既馬來蔥油飯，搞到忍唔住食多左，

馬來亞春色綠野景緻艷雅係一首著名金曲，亦都是這一家店的名稱，主加的是正宗馬拉菜，親民的價錢品嘗最地道的味道，肉骨茶、沙嗲 、叻沙、巴東牛肉等等。.海鮮叻沙 油麵米粉👍椰香香濃有鮮味 聞落香口 配上油麵米粉的參參是雙重的口感👍海鮮雖然沒太特別 但是光是湯底已令人回味無窮👍吸湯底的豆卜是必食的 性價比高 也是推介的推介指數: ⭐⭐⭐/⭐/5.炸蝦餅👍蝦餅彈牙有蝦味 不腥 好好食推介指數: ⭐⭐⭐⭐/5--------------------Overall 評分時間(每項最高5分):💚食物:👍👍👍👍💙抵食程度:👍👍👍👍(所有評分係由 價格同相關質素之比例)總結: 07 /10⭐

之前行過幾次，逢午餐時間都大排長龍，今日終於有機會係非繁忙時間去果一頭，就同朋友去試吓。我地都係叫左喇沙，因為本身都鍾意食喇沙，所以當飲咗第一啖湯，就已經覺得失望，除咗鹹味，其他味道都吾出，亦都冇椰汁提味，咖哩雞唔夠入味，喺重味嘅喇沙湯下仍然有好重雪味，真心係失望 尤其$68呢個價錢 覺得吾太值 (口味人人不同 而且馬來西亞唔同洲份嘅做法都有唔同 所以以上只係我個人意見 整體感覺 超級市場買嘅檳城公仔麵 個湯都好味過佢)

天氣涼涼地, 自然好想食d暖粒粒又有湯既野食..就諗起佢喇呢間鋪頭細細, 坐得close d.次次lunch黎都滿座。肉骨茶係我幾鍾意食既野, 雖然d肉次次都食唔晒, 一係就懶得咬🙈🙈不過我最鍾意都係飲藥材湯肉骨茶煲仔入面有幾件大大件既肉骨排, 豆腐卜, 大大舊冬菇, 枝竹, 好入味有埋油炸鬼, 點住湯好好味, 湯底濃郁後尾我地加$10追加一份油炸鬼。太好味😋係肉排有小小鞋, 同埋每次食完都好口渴要飲番多d水🙈隨餐送上既桂圓茶都好好飲，清清甜甜

一看到店舖的名字, 就知道他是一間馬拉家的餐廳, 這裡主打的是肉骨茶和叻沙, 當中的肉骨茶是老闆娘外公的祖傳秘方, 就是傳統的馬拉風味, 深黑包的湯底, 味道甘香而且帶些天然的甜味, 七十多元連馬拉蔥油飯, 份量不少, 相當飽足. 排骨有五大件, 湯的精華滲了進去而令其相當入味, 只是肉質有點老, 不能用筷子一夾就將骨肉分離, 這也許是令排骨煮得入味但Overcooked的缺陷. 附上的馬拉蔥油飯外表油亮但不油膩, 除了有蔥油的香味, 也帶有由甜豉油帶起的微甜, 比一般只配白飯更有誠意. 小菜點了馬拉咖喱角, 和印度咖喱角味道相似, 同樣是外面酥脆, 內裡有咖喱薯蓉的軟糯口感和香味, 只是外表比較扁平, 說是原於葡萄牙的Empanada, 對我而言, 就像農曆年吃到的角仔一樣.

已經第唔知幾多次嚟呢間餐廳因為同事好鍾意食遲咗佢哋嘅古早肉骨茶肉骨茶大大煲有2舊排骨仲有支竹東菇等等肉量多湯既中藥味濃有少少苦不過就勁甘真材實料相信好多人都會好鍾意

成筒油嘅肉骨茶 第一次見十級負評睇圖自己唸 呢份肉骨茶喺餐廳企足30分鐘先等到 碗肉骨茶仲要係落重油不了老闆未準備好份餐 但㩒制叫人12:45拎 去到話未有 安排實在令人強差人意。企喺餐廳外呆等半個鐘 其間有追問 但老闆娘劣質態度和語氣 表示有餐就會放喺岀面 明知未整好 就唔好㩒制叫人黎拎等到1:15 覺得唔合理第二次追問老闆老闆很快就喺廚房準備好 拎岀黎俾我 點知俾我叫中一份有生以來第一次最油嘅肉骨茶🙂成份餐我最後無食 亦無咗半個鐘 貼錢買難受就係咁。

平時間唔鍾意呢間餐廳度食喇沙因為佢哋嘅喇沙好出名除咗湯底好濃摻摻煮得啱啱好佢哋既串燒非常之好食我通常會叫串燒喇沙餐會有2串豬肉2串雞肉串燒點會沙嗲醬非常香口而且燒得啱啱好肉質嫩滑完全唔會鞋仲會送冬瓜茶一杯唔使80蚊就食到都算高cp

咁岩平日放假，下午就同屋企人去左呢間出名馬拉菜既餐廳食😋菜式選擇唔多，但全間餐廳都好有馬來西亞嘅風味，原來都有榴槤賣海鮮🦞喇沙 （$68）⭐️ 鐘意食喇沙既朋友唔好錯過，佢個喇沙湯底真係好香濃好好味。聞又香，食又香👍🏼但唯一個米粉太吸水，未食完已經吸曬d精華🙈正宗巴生肉骨茶 （$76）肉骨茶份量多而大，配料有有支竹，豆卜，青菜，冬菇😋當然仲有排骨 （排骨係經長時間煲，有滿滿骨膠原）飲左啖湯😋 感受到正宗馬來西亞🇲🇾肉骨茶嘅味道，有濃濃嘅中藥藥材！排骨亦有一個黑醬油可以點，提升整個鮮味👍🏼 亦有油炸鬼，浸左落個湯，漲卜卜好好飲😋個湯淋埋上去個飯上面，加埋油飯既香味，簡直一流😋

喇沙有質素 但店員態度非常差明白lunch time繁忙時間店員都會比較燥但呢間餐廳嘅女服務員真係惡到呢無論係問佢攞落單紙，同佢講食物嚟錯咗，定係飲品遲遲未上都好似要俾佢鬧咁😂😂真係連叫多佢一次都唔敢已經唔該前，唔該後🙏🏻簡直係澳牛樓面升級版😂不過喇沙的確幾好味食咗三寶喇沙（有魚蛋魚片同埋魚餅）朋友分別叫咗沙嗲串燒喇沙，咖喱雞喇沙大家都話係好味😋個湯底真係好濃加上我揀咗米粉 米粉吸湯底吸得好快所以個米粉係進充滿着湯底嘅精華🤤有時覺得一間餐廳好唔好要睇：食物要有質素，店員都唔可以太過大對比呢一間就真係要自己衡量下有幾想食喇沙其實附近喺海光街都應該有好選擇😘同埋睇返呢一間舖位置唔多預咗食午餐都要等一陣位

其實唔係第一次嚟，今日喺鰂魚涌就諗起呢間野，但係我諗極都諗唔到依間鋪頭名，search唔返地址，搵到之後，以後應該都唔會唔記得。🤣喇沙湯麵幾好食，湯底好濃好夠味，分量方面係正常的，另外叫左個少少貴既串燒加魷魚飯，反而呢個就覺得好細碟，啲餸極少，好唔抵，至於味道就正常啦！因此建議食喇沙好啲。

在鰂魚涌的一個小巷子裡，發現了這間小小的店，好奇心驅使之下便進去嚐嚐!叫了一個沙嗲叻沙麵，有兩串豬兩串雞，叻沙湯底嘅有濃濃椰汁味，又香又甜，真的很美味!!沙嗲汁也極度香濃，鹹鹹的沙嗲味非常突出，而且夾雜一些花生碎粒，咬下去的口感十分特別，花生有帶有一種獨特嘅甜味，很有趣！肉質也很好，送上來的時候仍然是熱熱的，相信是即叫即整，十分新鮮~是日的特飲是冬瓜茶，個人來說有點太甜，但飲一兩口後，發現原來開胃一流~

馬來西亞春色綠野景緻艷雅，椰樹影襯住那海角如畫。 無諗過有間食店個名係咁長，同埋以歌詞作店名今日又一行4人去食晏，去到「馬來西亞春色綠野景緻艷雅」，等咗15分鐘就有位，算快。餐廳內大約30個座位，唔算大，加上屬家庭式員工營運，特別親力親為選擇唔多，可專心揀肉骨茶或麵其中一樣。今次就試下正宗巴生肉骨茶。1. 正宗巴生肉骨茶($76)，先睇份量，排骨份量合理，大大件。肉骨茶包括有支竹，豆卜，冬菇，青菜，油條。而湯底濃郁，配埋油飯確係一流食咗無耐就已經飲晒，仲送洛神紅莓茶

食物質素我未知道但眼入到去既時候有個女人坐係度完全黑口黑面都唔緊要但當你叫野食 想問下個餐紙點寫 同埋個問下個菜色係有咩材料佢非常態度差咁話 自己睇。本人以禮相待 並沒爭執 直接走人！另外 店舖個味非常不好聞。

正宗巴生肉骨茶＄76：盛傳三代家傳秘方，配合排骨、冬菇、知足、豆卜、青菜、油條，入口完全不辣，古早味肉骨茶湯味濃郁，藥材味較重，若然你是藥材愛好者就一定要點這個招牌菜。枱上附有食法和味道解說，可見老闆對食客和食材的認真。沙嗲串燒配喇沙米粉＄68：沙嗲有兩串豬肉和三串雞肉，沙嗲燒得時間剛好令肉質不死實，而且肉味濃郁，沙嗲醬重花生味很香。喇沙湯底味濃，配合麵食一流。另配有少量通菜、豆卜和半個雞蛋，非常豐富！眼見其他食客點的炸蝦餅和春卷賣相很好，一定是下次惠顧必試！唯一意見是座位較逼，可考慮改善餐枱和餐桌的舒適度。