影片
更多
2023-07-30
619 浏览
🍲 馬來亞春色綠野景緻艷雅 (鰂魚涌) 📍嗰日碌IG 放大鏡🔍嘅時候，見到有個高質喇沙集合嘅post，好似好吸引咁🤤，而有間就係喺M先生返工附近，所以就決定搵佢食lunch啦。🍴正宗巴生肉骨茶 $80 6/10但去到見到痴住咗好多海報喺鋪頭，寫住正宗肉骨茶，三代家傳秘方等等，先發現好似係主打肉骨茶，咁梗係即刻叫返個啦🤩。戴返個頭盔先👷🏻♀️，我冇去過馬來西亞或者新加坡食過肉骨茶，所以我唔知點先算正宗。我唯一一次食肉骨茶嘅經驗就係喺北角嗰間古月，下次有機會介紹吓。一上到嚟就俾佢個沙煲震懾到，即刻覺得勁正宗😂。然後有附上油炸鬼，黑醬油，蒜蓉以及指天椒粒，仲有最最最重要嘅油飯‼️因為之前食古月佢係配白飯，仲要呢個油飯唔係平時食海南雞普通嘅油飯而係「馬來蔥油飯」，我覺得勁好食，勁香但唔油👍🏻。 如果油飯單獨俾分嘅我會俾💯。咁係時候講吓肉骨茶啦，um….我就覺得個湯底麻麻地，可能我食唔慣「正宗」啦，飲第一啖湯嘅時候，係feel到好有藥材味，然後就係得返甜味，甘甜嘅味，食到後尾會覺得膩，我係冇飲晒個湯，冇乜層次，感受唔到大蒜味，不過可能係佢標榜唔辣嘅關係啦。相反，之前食古月肉骨茶個湯底係會有多啲層次
🍲 馬來亞春色綠野景緻艷雅 (鰂魚涌) 📍嗰日碌IG 放大鏡🔍嘅時候，見到有個高質喇沙集合嘅post，好似好吸引咁🤤，而有間就係喺M先生返工附近，所以就決定搵佢食lunch啦。
🍴正宗巴生肉骨茶 $80 6/10
但去到見到痴住咗好多海報喺鋪頭，寫住正宗肉骨茶，三代家傳秘方等等，先發現好似係主打肉骨茶，咁梗係即刻叫返個啦🤩。
戴返個頭盔先👷🏻♀️，我冇去過馬來西亞或者新加坡食過肉骨茶，所以我唔知點先算正宗。我唯一一次食肉骨茶嘅經驗就係喺北角嗰間古月，下次有機會介紹吓。
一上到嚟就俾佢個沙煲震懾到，即刻覺得勁正宗😂。然後有附上油炸鬼，黑醬油，蒜蓉以及指天椒粒，仲有最最最重要嘅油飯‼️因為之前食古月佢係配白飯，仲要呢個油飯唔係平時食海南雞普通嘅油飯而係「馬來蔥油飯」，我覺得勁好食，勁香但唔油👍🏻。 如果油飯單獨俾分嘅我會俾💯。
咁係時候講吓肉骨茶啦，um….我就覺得個湯底麻麻地，可能我食唔慣「正宗」啦，飲第一啖湯嘅時候，係feel到好有藥材味，然後就係得返甜味，甘甜嘅味，食到後尾會覺得膩，我係冇飲晒個湯，冇乜層次，感受唔到大蒜味，不過可能係佢標榜唔辣嘅關係啦。相反，之前食古月肉骨茶個湯底係會有多啲層次，有胡椒味同蒜嘅辣味，係飲得晒成個湯嘅。不過佢哋係唔同風格啦，一個係新加坡🇸🇬，一個係馬來西亞巴生🇲🇾，但我個人鍾意新加坡嗰款多啲🙈，所以我應該唔會翻兜呢個。
但值得一讚嘅係佢嘅配料好足，啲肉好大舊，又唔會好柴，肥瘦相宜，又有冬菇、豆卜、枝竹等嘅索湯配料。同埋佢有黑豉油俾你點，另到味道冇咁單一。
🍴喇沙 咖喱雞+參岩魷魚 油麵+米粉 $85 8/10
終於嚟到重頭戲啦，就係我期待已久嘅喇沙啦🤩。佢點餐個方式有啲似車仔麵，但湯底就固定咗做喇沙，餸就揀咗 咖喱雞+參岩魷魚🦑，麵可以揀mixed埋嘅油麵同米粉，咁有趣，就緊係試佢啦。
佢個湯底係勁濃厚，有椰奶香、甜甜地，唔會辣，好有層次❗️，勁好飲，最後我係飲晒成個湯底😍。同埋佢附有豆卜，勁索湯，勁正。
但我覺得個咖喱雞就正正常常，冇乜特別，下次應該唔會叫，會試吓海鮮，而個魷魚就唔錯，幾彈牙同入味。
而米粉勁索湯，油麵又將口感增加咗多一個層次，咁配搭法有意想不到嘅夾，幾有趣吓。
跟餐送是日飲品—洛神紅苺，正正常常，幾消暑吓，但味道略嫌有啲藥水同假，要另外加錢嘅唔會叫❌。
💰 翻兜指數: 7/10
整體嚟講，我覺得價錢以lunch算偏貴，但佢嘅地段又喺鰂魚涌，咁諗諗吓又好似還好。
喇沙湯底真係推薦，下次我應該會再翻兜喇沙，但肉骨茶我真係麻麻哋，鍾意食古月嗰個多啲，應該唔會再翻兜。
不過留意番啦，要人齊先可以入座，同埋店舖都比較細，座位有少少逼狹。我去食嘅時候成場爆滿，有機會需要排隊。
馬來亞春色綠野景緻艷雅 (鰂魚涌) 📍
鰂魚涌英皇道881號麗華樓地舖
张贴
