馬六

营业中

休息中

馬六(西灣河分店)位於太安樓地下，距離西灣河地鐵站5分鐘路程，馬六在香港係連鎖餐廳，食物質素有一定水準保證，而且絕不馬虎。今日 #中產窮L 就同女友把握下午茶(2點半至6點)截止前最後5分鐘，幫親佢地既抵食下午茶套餐，餐廳目測大約有50個座位，而且有一半都是卡位，非常舒適。講番正題，下午茶有不同星馬泰湯粉面飯選擇，而且仲有好多食客選擇既海南雞，今日我地就選擇左大蝦喇沙摻摻(62蚊)，非常大碗，喇沙味道濃郁，除左有幾粒爽口彈牙大蝦，還有幾粒魚蛋，豆腐泡，非常入味另外，雞絲紮肉雞湯米線(48蚊)，材料亦非常豐富，除左有雞絲，仲有半隻雞蛋，火腿片，魚蛋和豆腐泡，套餐還額外加配班蘭咖央多士(22蚊) ，多士脆扑扑，夾著一層班蘭和一層牛油，口感十足至於，套餐仲額外加配左馬拉盞炒通菜 (26蚊)，炒得非常有鑊氣，馬拉盞醬非常惹味。最令小編吸引就係佢地有多達十款指定熱飲跟套餐不用另加收費，而今次就選擇左熱桔仔話梅水，味道濃郁，非常好味！下午茶，2位埋單只需158蚊，就食到2碗面，2個配菜和2杯飲品，真係CP 值爆燈。

馬拉盞通菜38蚊分量好大份！同埋好香馬拉盞的味道， 通菜炒得好 爽脆， 而且鮮嫩無渣， 好食！南洋咖吔多士 （斑蘭味） 26蚊南洋咖吔多士有3種味道選擇，分別係斑蘭味，蛋黃味同榴槤味。外層嘅麵包煎到金黃色🤤 裏面搽咗蜜糖同斑蘭醬既麵包夾住一塊過溶溶地既牛油🤤外脆內軟， 每啖咬落去都係幸福既味道，好好食！！！必點！熱紅棗桂圓杞子茶加配價12蚊呢個茶一嚟到有驚喜！我估唔到佢會放咗啲菊花同玫瑰落去😮根本上就應該改名叫做紅棗桂圓杞子花茶先啱😆 一嚟到超香，因為有花茶嘅味道，所以聞落去都已經好清香，好放鬆❤️同埋好足料！滿分！

好耐冇食馬拉菜，經過見到餐廳唔多人，又唔使等位就決定試一試！叫咗個巴東牛肉椰漿飯，巴東牛肉好入味，而且唔會「鞋」，椰漿飯好香，雖然綠色怪怪地，但係味道係唔錯嘅。雞肉大蝦串就不過不失，雞肉幾鮮嫩，大蝦就差少少，唔夠新鮮。凍桔仔話梅水好解渴，啱晒夏天飲。另外仲有一個椰青，椰青都甜，但係稍為有點太熟，冇咗嗰種清新嘅感覺。甜品有兩件斑斕糕，本身想叫斑斕多士但係叫錯咗，就錯有錯着試下斑斕糕😂 佢個口感有啲似大菜糕，味道普通。兩個人總數埋單200樓下，都幾抵食，定係性價比高。

除左日韓菜， 馬拉菜一定係香港人另一最愛，尤其係夏天熱辣辣就好想食啲酸辣開胃菜，第一次食馬六， 初時以為都係一般正常海南雞飯， 點知有驚喜喎自選套餐無骨海南雞飯海南雞水準中上， 皮肉比例幾好，就算係雞胸位都滑， 仲要成碟只有兩件雞胸，無加錢轉雞肶都咁滑， 開心😂碗湯清清地，飲完唔渴，應該係無請師傅的， 碗油飯都唔錯， 有雞油味但不會好油，忍唔住扒哂成碗小食：參峇雞翼原本以為係普通燒雞翼一隻， 原來參峇雞翼咁好味😋甜甜地， 燒到好香口，真係好正，下次再來要獨立叫一碟飲品：桔仔紅茶走甜追加怡寶芽菜為左食多啲菜加多碟芽菜，芽菜有啲醬係面， 撈埋一齊食好好味

高質星馬菜 🍜🍲如果鍾意食喇沙一定要試吓呢間超級高質嘅星馬餐廳，佢喺香港有好多分店，同埋價錢都好抵食👍👍 如果下午茶食仲抵食添😌😌 超推介佢嘅喇沙😋😋 湯底超正！佢有唔同嘅配料 - 魚丸魚條、無骨海南雞、大蝦同埋娘惹茶燻鴨 👍 而麵可以選擇米線或者摻摻🍜 個人就鍾意摻摻😛如果鍾意肉骨茶嘅話就要試下巴生肉骨茶湯米粉🍲肉骨茶味好濃👍佢仲有其他嘅小食都好推介，當然就唔可以錯過佢嘅咖央多士啦！😊

曾經我發誓要食勻全港海南雞😆雖然這間是集團式的東南亞餐廳,但是有海南雞我怎可以放過他呢？！-自選套餐~主食+小食+飲品HK$92馬六無骨海南雞飯~皮下沒多餘脂肪，我想過雞胸肉的肉質也滑, 雞油飯好濃香雞味又不會太膩，飯粒飽滿；雞湯非常清甜,飲完沒有口渴感👍小食：娘惹咖哩角(2件)~金黃色千層酥餅，一口咬下去是酥脆,內包著軟綿綿的薯仔餡,微辣的咖哩,真是惹味；-HK$92 巴東牛肉斑斕椰漿~外表差不多接近黑色的牛肉,鮮綠色的斑斕飯,在視覺上形成強烈視覺效果。入口微鬆化的牛肉帶點椰漿的味道配上清新感覺斑斕飯,是溫柔與熱情之間的感覺。旁邊的銀魚仔非常香脆,令我一條接一條吃個不停-新加坡咸蛋黃魚皮~脆卜卜的感覺好像吃薯片一樣😁如果鹹蛋黃多一點就會更加好😝-香茅橙茶~一絲絲的橙味散發出清幽的香茅味道配上紅茶有點透心涼的感覺,可惜是甜了一點點-南洋白咖啡~味道不酸不苦不澀,滑順口感,令我也忍不住搶來喝-追加HK$16巴生肉骨茶（小）~這款性價比高的細份的巴生肉骨茶,內有大大件的排骨,淡淡的中藥味，沒有胡椒辣味。蒜頭吸收了肉骨茶及排骨的精華很好吃😄-沒想過這間餐廳也可以打卡,喜歡餐廳卡位上的吊燈好有

海南雞飯 $102轉左雞髀，賣相更加吸引😍😍😍肉質嫩滑，配上甜豉油，甜甜地幾開胃👍🏻👍🏻👍🏻鹹蛋黃魚皮鹹香惹味，跟餐份量比較少，唔夠喉😝😝😝😝下次一定要單點🤣🤣🤣🤣🤣新加坡喇沙摻摻 $90有少少辣，鹹鹹香香幾惹味，加上椰汁特別香😋😋😋😋豆腐卜吸晒啲汁，好juicy🤣🤣🤣斑斕糕綠色特別靚，口感似大菜糕，食落似比較硬身嘅啫喱凍古仔路芒果冰 $8夏天消暑一流🤪🤪🤪🤪

忙碌了一大早係時間要搵食😁，天氣炎熱又下着雨☔️，正在太安樓附近找餐廳，離遠看到在橋邊有一大群人在餐廳門口等候，便走去看看為何人山人海？原來是一間馬來西亞餐廳-馬六🏬，見餐廳內裝修舒適，等了15分鐘便可進內。服務員態度有禮👍🏻，環境乾淨，裝修舒適，價錢平宜，便盡情下單叫了好幾款菜式報答今早的辛勞☺️🐥海南雞飯拼巴生肉骨茶（$75 ）: 雞肉肉質嫩滑，米飯鮮味，肉骨茶味道恰好😋🦐大蝦喇沙摻摻（$62）: 材料十足，湯底香滑，口感層次分明😉🥕蘿蔔餅（$16）：蘿蔔成份十足，脆口好味👍🏻🐔雞肉串燒（$26）: 肉質嫩滑香口🥥椰子斑蘭冰及薄荷桔仔梳打 （套餐+$8）: 賣相及味道不錯👍總括來說，今日可嘗試到一間價錢便宜，味道一流的餐廳😋，非常推薦去開西灣河嘅人去試吓😄

喜歡吃新新加坡馬來西亞美食的朋友馬六這個名字不會陌生吧，遍布香港有9家連鎖店。簡約裝修風格給人舒適整潔的感覺。招牌菜馬六無骨海南雞飯：雞肉好淋無骨，肉質嫩滑，油飯雞油香味濃郁夠水準，配有一碗東瓜湯好好飲。巴東牛肉班蘭椰漿飯：顏色驚艷的綠色椰漿飯非常有特色，配有靑爪和半只糖心蛋，牛肉軟腍惹味，色香味俱全令我胃口大開。馬拉盞通菜：大大碟少油夠健康。風味小食娘惹咖哩角和蘿蔔餅：美味香口，令我回味。平民消費，物超所值，以後還會光顧！

呢個係我最最最失望同有啲嬲🙄睇餐牌(圖2)見L03號餐中文寫茶燻鴨，再睇埋幅相都唔會想像得到係煙鴨胸🙄🙄🙄真心有少少覺得間鋪玩我但我睇返英文字，你又吹佢唔脹😒所以今次有啲一肚火不過平心而論, 佢碗摻摻係唔錯既成碗面真係除左又咸又大舊既鴨胸好差之外(我只咬左一啖,真係太咸食唔到)同埋講真 一舊煙鴨胸係街市買都係十幾蚊，你咁樣擺落碗面，成個成本好低，有啲感覺被呃錢！所以今次真係不愉快經歷,亦怪自己大意無望埋英文餐牌🤡但 撇除呢舊鴨胸 其他野唔算好差--完--

喇沙～雖然唔會成日食但小編都鐘意既～一於試試一間都好多分店既餐廳搵食～就睇下好唔好食同大家報告下先😎今次同大家到西灣河搵食😝巴東牛肉拌油麵油麵唔會好淋～口感爽口彈牙👍醬汁用上屬於比較濃味既一種～牛肉入口偏淋夠哂入味😍大大舊啖啖肉～正😬燻鴨喇沙摻摻上枱見到有失望🥲燻鴨…..胸😔小編以為鴨件黎～個摻摻好淋😣😣喇沙湯底唔夠味😞差啲差啲咁😭雞肉大蝦串普通到…雞肉偏咸無特別～蝦肉乾憎憎😫無口感—————————————————☻非專業食評·純個人口味☻—————————————————📍總結:有失望既～可能見過唔小好評～或者又係小編個句～可能係小編唔岩口味～但會想再試下試埋其他野～今日講住咁多先～有咩喇沙好食不妨係下面留言介紹俾小編～

見到主餐牌平均都要$70-80蚊，所以食套餐應該係抵啲。估唔到一嚟嘅就係斑斕糕！朋友仔揀咗喇沙睇相以為係燒鴨，嚟到原來係鴨胸，不過味道都唔差嘅，但係油飯不像油飯…. 最好食嘅係呢個邪惡蛋黃炸魚皮，真係好食！呢杯話梅桔仔都OK，總括嚟講都可以嘅，沒有驚喜，食物普普通通。不過座位舒服！聽講平時排晒隊，不過我哋晚上早到～ 所以都唔見太多人⋯

星期六一家三口嚟食晚飯,佢唔算多人又唔使排隊,希望唔會中伏。我叫咗海南雞喇沙米線,一次過滿足兩個希望,有海南雞又有喇沙。海南雞就一般般,喇沙味就唔夠濃,湯底略嫌稀左d。所以我估到海南雞飯都係一般般,好彩佢跟餐係有個肉骨茶,所以整體覺得呢個套餐好豐富。至於串燒咖哩麵,好有睇頭,兩串串燒好吸引,食落都係一般般,麵都係一般般,不過不失,唔算太辣,鍾意食東南亞辣嘢嘅朋友就覺得唔夠過癮。最後,上埋跟餐嗌咗嘅三杯飲品,拉茶、香茅茶同薄荷桔仔梳打都係一般般,ok囉。所以整體都係嗰句……一般般。

今日落雨唔想去咁遠食嘢，近近地就選擇左去太安樓食。呢到下午茶好抵食，我地叫左幾樣嘢。新加坡大蝦喇沙摻摻 味道濃郁，辣度非常適合我，大蝦鮮甜爽口，摻摻咬落有口感。馬六無骨海南雞飯起哂骨啖啖肉好正，雞肉嫩滑，雞皮爽口滑嘟嘟，油飯香，加左三色醬汁更加惹味。老街雞絲扎肉清雞湯米線叫比小朋友食，味道鮮甜清淡，雞絲嫩滑，非常適合小朋友。咖央多士烘到外脆內軟，好邪惡啊。美祿哥斯拉味道濃郁，唔會好淡，仲有脆脆係上面。

今日去西灣河太安樓馬六吃下午茶。此店的下午茶餐款式多，價錢實惠。馬六海南雞飯($60)好食。馬六採用的三黃雞賣相吸引，雞肉嫩滑有鮮味。由雞油，雞湯和班蘭葉煮的米飯也可口。不要油飯可揀白飯。雖然是下午茶餐，份量足無欺場，還有冬瓜雞湯，正。馬六什錦椰漿飯($62)值得推介。除了好味有咬口的椰漿飯，還有很多惹味的配料。巴東牛肉微辣，香料惹味令人很開胃。雞翼調味佳，大大隻香脆多肉。還有魷魚，花生，江魚仔，半隻糖心蛋和青瓜，充份滿足你的食慾和口感。每份茶餐可追加一份風味小食。因為雞翼($16)太好食，追加了一份打包回家孝敬媽媽。還叫了份南洋班蘭叻吔多士($22)。多士一份4件，香甜惹味，是媽媽和我最愛的comfort food。下午茶配熱飲，凍飲加$3，加$8可升级地道特飲。馬來手工拉茶有特色，香濃有茶味。馬來香茅蜜(+$8)順喉微甜，好飲。茶餐不用加一，抵食好食飽肚，推介。此店的員工服務態度佳，讚👍🏻雖然黃雨，嘆完下午茶，心情靚哂。