馬六

营业中

休息中

下午茶一向好食的，今日再叫喇沙摻摻，要豬頸肉，個湯唔同咗味，失望，$48，凍飲加$3，橙茶，真係有橙片的。巴東牛肉綠色飯，其實還衣個就一直都好一般，朋友鍾意食，加拉茶，就有水準的。$58。斑蘭咖央多士，正，大火仲好，$28包熱飲。最大特色係去到6點，所以都好多人食。

是一次非常非常差的一個體驗。店員服務態度差，得過且過，非常不建議大家光顧。進店時不招待客人，亦不主動為客人下單，直到我與朋友多次要求下單，店員即表示已過時間（但距離菜單上的時間還有2分鐘，無論我還是友人的手錶和電話均顯示還有2分鐘），令人非常失望。我十分懷疑店員的說明是違反商品說明條例：在所有菜單及門外的說明均表示下午茶會直到下午六時，但原來未到六時，原來已經不會為顧客提供下午茶服務。其實光顧的顧客多是平常來的街坊，店員這樣的服務態度令人真的不想再光顧⋯其實我也很少寫食評的，但是這次的用餐體驗真的令我感到非常失望，沒想到今時今日，店員能有這樣得過且過的服務態度，實在不希望再光顧此餐廳。

{馬來咖喱豬扒 - $62}超趕時間嘅晚上，求其諗住入一間連鎖快餐店食嘢，走咗入呢間馬來西亞嘅馬六！叫咗呢個馬來咖喱豬扒飯，質素相當普通，冇咩特別😅純粹係有啲魚乾仔，同埋花生增加去馬來亞風味，完全冇驚喜咁樣完成咗我今晚嘅高速晚餐！返嚟睇返openrice，見到大家post嘅都係呢間餐廳嘅下午茶，就咁網上同埋餐牌覺得比起晚餐吸引！我覺得下次可以試吓下午茶時段嚟呢間！美味程度：😋😋😋環境指數：🎇🎇🎇番食機會：🦍🦍🦍📍 #馬六 (西灣河)西灣河筲箕灣道57-87號太安樓地下G24號舖

呢間餐廳有好多分店，今次去咗西灣河分店⭐️海南雞飯配紫菜湯⭐️如果轉雞髀要加$10雖然我冇加到，但係有幾件雞係雞髀位置肉質都好嫩滑🤤有幾舊係雞胸位置，但係肉質都唔錯，唔會太嚡海南雞飯配上三款醬汁，薑蓉，黑醬油，辣椒醬海南雞同汁嘅份量好充足☺️ 本身係配油飯，不過我想keep fit嘅關係轉左白飯一般海南雞都會配雞湯，不過呢間就配紫菜湯紫菜湯不過不失😕感覺有落到味精🙈總結：海南雞質素幾好，如果紫菜湯換成雞湯整體會更加好🙈

9-7-2023大約下午15:45左右，本人致電西灣河馬六分店，購買外賣後，大約16:00到店詢問外賣是否已安排妥當，分店員工表示外賣仍未準備好，到大約16:30左右我再次詢問當值主管外賣還需時多久，那位主管立即幫我叫在場員工幫我跟進，之後那位員工立即大聲說，追都冇用快唔到架喎，然後那位主管和員工說 這位客人已經等左半小時 可否盡快跟進一下之後那位說大陸口音的胖嬸嬸說 出一個外賣要15分鐘 自己計啦 唔等得入去自己追囉😓😓 以後唔會再幫襯呢間垃圾餐廳 馬來西亞菜大陸服務態度 咁既員工都請 衰過茶餐廳Ps: 16:45先拎得外賣 足足一個鐘

價廉物美新馬菜一打開個餐牌有啲嚇親，原來新馬菜都可以咁抵食，本身期望唔係好高，因為見到個價錢咁平😂😂點知原來性價比咁高，仲發現馬六原來有咁多分店，下次一定會再encore!!馬六無骨海南雞飯併新加坡喇沙米線海南雞好滑唔嚡，真無骨😂😂個雞飯都好香，（三款醬汁：濃豉油好濃味、辣醬微辣唔會太辣、薑蓉味道正常）另外，新加坡喇沙味線好足料，有豆卜有蝦有雞蛋，味道都好濃，滿滿喇沙香料味，重口味人士必點°

良好外賣自取體驗一開始叫左雞飯跟紫菜湯，落單後先想轉改跟喇唦，原本的已包裝好，謝謝經理幫忙作臨時更換😄無骨雞飯雞肉嫰滑份量十足，喇唦辣度適中，班蘭咖咉多不會太甜很美味，特別是盛載的膠盒開了一個小孔透氣，十分細心。

分別食左幾次lunch同下午茶。都好推薦時間許可的話食tea當late lunch/early dinner。因為真係抵食d (平$10-$20不等)，份量都多！海南雞喇沙摻摻($53連飲品) (摻摻即係油面同埋粉絲)🐔喇沙湯底夠Rich，海南雞全部都冇骨，好方便懶人～- 份量方面，自問都大食，下午茶海南雞喇沙有mark輕量，但我覺得大份過lunch portion嘅蝦麵，都覺得好夠飽。🍞班蘭咖央多士($32連飲品)不過不失，不過有時好撞手神👀睇下多士夠唔夠熱。見到唔少人會特登六點前叫多一個外賣返屋企😋如果真係唔夠飽都可以優惠價配啲小食（試過串燒味道幾好，但個人覺得小食性價比一般，自己會揀隔離麥當勞😂）雖然價錢來講未算係西灣河最平最抵食嘅餐廳，但係真係啱晒有時突然好想食喇沙/馬拉野嘅時候去～～

早幾日朝早有野做到好晏都未食lunch, 行得去食嘢已經係下午茶時間啦，食tea都好，又平幾蚊，希望唔會細份左啦，因為今日做左成朝野未食嘢好肚餓呀！第一份種黎到嘅係無骨海南雞飯，一定要走油飯，怕肥渦🤭飲左杯熱桔仔話梅水，都好足料呀，有粒桔仔，有粒說梅，酸酸甜甜，好味！跟住仲嗌左碗厚切豬扒喇沙參參，大碗到你唔會以為係下午茶，咁就岩哂我啦，我真係勁肚餓！加埋杯特飲，最愛嘅芒果沙冰😄成餐好完美啦！總括佢啲下午茶係好扺食，size同午晚市一樣，係價錢平左一截！扺！

喺附近逛完，未到晚飯時間、肚子有點餓但又不想吃太多的尷尬時刻，好在仲有下午茶。店內燈光明亮，座位寬敞，店員也耐心等待我們點好餐後才換晚飯菜單。魚仔醬櫻花蝦蘿蔔糕好多櫻花蝦，醬汁鹹鹹地幾好味，蘿蔔糕煎（炸？）得金香，外脆內軟。最喜歡這一份。娘惹蟹肉酥盒用酥皮製成盒仔形狀，放上蟹肉與蟹粉，外觀豪華，酥皮略乾硬但味道不錯。南洋咖央多士也是麵包偏乾。相對其他餐點較為遜色。桂圓紅棗茶滿杯紅棗，和黃菊，不見桂圓

参觀完香港電影資料館,係附近呢間馬六食午餐。正值lunch time,都要等一等先有位。店舖唔算大,但都幾乾淨企理。午餐介乎六十幾至八十幾,包埋飲品,都算抵食。點咗碗厚切豬扒喇沙摻摻+杯熱飲$68,唔使加一。熱飲叫咗杯紅枣菊花茶,有紅枣嘅微甜同花香,都唔錯。如果加個杯蓋焗一焗,味道應該更濃些😜。碗麵份量都唔少,湯底微辣中帶椰香。半個糖心蛋嫩滑,大大塊豬扒幾入味。一碗麵滿足兩種口感,油麵光滑唔黏口,米線爽口。

時間唔晏吾早，未到六點。成日喺太安樓掃街，都未試過附近新開嘅餐廳。所以入咗嚟試呢間😈因為太肚餓，叫咗好多嘢食🫣男朋友就叫咗佢鍾意嘅海南雞，啲雞都好滑唔會有血絲，仲有三個醬汁，仲有一個紫菜湯，好多紫菜好好飲🥳我就叫咗個大雞髀伴油麵，都送菜湯入邊有青瓜花生脆卜卜，仲有一個特別嘅鹹魚乾配菜。仲有嗌咗兩份，沙嗲雞肉串，全部都係肉哈哈🤓不過我覺得啲汁多得滯又啲口渴，下次都係要嗌嘢飲🥹最後叫咗個斑斕多士，斑斕味唔係好出，淨係食到煉奶同脆多士嘅感覺，大致上覺得e個少少吾扺！如果有下次嚟，我想試吓啲湯麵

This has been our go to restaurant as they give a good amount of Hainan Chicken & serve their service at night time is swift & smooth. Also, if you’re juggling between having Laksa or chicken, this is the place to go! They have meal sets that have laksa on the side, which still has a bit of all the filling. Or for the main dish, they could also serve laksa with seafood or chicken. 🔸 LAKSA 🍜🦐The creamy soup and texture was what kept me coming back to this restaurant.😋 The soup wasn’t diluted and

今日去西灣河探朋友時間尚早，所以食個下午茶先～～～～～～～～～～呢間餐廳嘅裝修好靚下午茶餐嘅選擇好多～～～～～～～～～～因為一陣仲要去太安樓買嘢食所以叫個清清地嘅餐〔雞絲豬頸肉清湯米粉〕配一杯凍嘅馬來白咖啡～～～～～～～～～～～米粉個湯有啲蝦米🦐令到香味提升左米粉係類似台灣嘅新竹米粉好彈牙雞絲份量有啲偏少但都有淡淡嘅雞味豬頸肉大概得三件食得出有胡椒粉醃過所以無咩雪味總括嚟講以下午茶餐份量黎計可以接受～～～～～～～～～～～馬來白咖啡☕️偏甜同埋好細杯一杯飲晒都唔夠喉杯咖啡除咗甜味之外都飲唔到有咖啡味～～～～～～～～～～～成個餐要55蚊如果肚餓應該唔夠飽但係港島區嘅消費偏貴又正常嘅

馬六(西灣河分店)位於太安樓地下，距離西灣河地鐵站5分鐘路程，馬六在香港係連鎖餐廳，食物質素有一定水準保證，而且絕不馬虎。今日 #中產窮L 就同女友把握下午茶(2點半至6點)截止前最後5分鐘，幫親佢地既抵食下午茶套餐，餐廳目測大約有50個座位，而且有一半都是卡位，非常舒適。講番正題，下午茶有不同星馬泰湯粉面飯選擇，而且仲有好多食客選擇既海南雞，今日我地就選擇左大蝦喇沙摻摻(62蚊)，非常大碗，喇沙味道濃郁，除左有幾粒爽口彈牙大蝦，還有幾粒魚蛋，豆腐泡，非常入味另外，雞絲紮肉雞湯米線(48蚊)，材料亦非常豐富，除左有雞絲，仲有半隻雞蛋，火腿片，魚蛋和豆腐泡，套餐還額外加配班蘭咖央多士(22蚊) ，多士脆扑扑，夾著一層班蘭和一層牛油，口感十足至於，套餐仲額外加配左馬拉盞炒通菜 (26蚊)，炒得非常有鑊氣，馬拉盞醬非常惹味。最令小編吸引就係佢地有多達十款指定熱飲跟套餐不用另加收費，而今次就選擇左熱桔仔話梅水，味道濃郁，非常好味！下午茶，2位埋單只需158蚊，就食到2碗面，2個配菜和2杯飲品，真係CP 值爆燈。