馬德里餐廳

营业中

休息中

無意中發現深水埗有間餐廳有小菜之餘，仲有得鋸扒！我睇中左佢個招牌二人套餐$188🔸鐵板美國西冷牛扒x蜜椒芥末咸豬手🔸配羅宋湯、餐包、甜品，好吸引😋 最鍾意用牛油餐包浸羅宋湯！鐵板美國西冷牛扒可以擇黑椒汁或者燒汁，我擇左燒汁，西冷牛扒大塊又厚身，肉質軟腍但都會有少少筋，加埋薯條和配菜已經好飽！招牌蜜椒芥末咸豬手好大隻！！外皮脆卜卜，啖啖肉，完全無乾爭爭！配蜜糖芥末醬食落甜甜地，仲有沙律菜可以減下膩，真心唔錯👍🏻甜品係黑加侖子味啫喱，食完飽到傻～ 呢個餐唔洗二百蚊真心抵食！！

招牌2人晚餐($188)配羅宋湯,餐包,啫哩。鐵板美國西冷牛扒配薯菜鐵板燒得好熱, 每次淋汁都好似睇表演咁, 渣渣聲大冒煙。 牛好大塊,叫了5成熟, 厚度和肉質剛剛好😋招牌密椒芥末咸豬手豬手皮脆多肉, 表面有層蜜糖,不會太乾太咸,大讚👍備註: 高質扒餐, 套餐份量好多, 晚餐每人$100有找, 性價比非常高👍👍周末夜晚7點前較少人, 唔駛排隊。

第7次寫食評西班牙的馬德里沒有資格去，但深水埗馬德里冰室的一份早餐，我還負擔得起。睇完餐牌，決定試試這個《金牌早餐》。火腿素鮑片公仔麵：素鮑片同火腿一樣係“絲“上，味道可以，公仔麵質算爽口煎蛋餐肉多士：重點係多士，夠脆身，明顯夠新鮮，配上牛油，正凍檸茶：正常，茶底可以濃一點合共：45蚊

🥢深水埗$188抵食西冷牛扒蜜椒脆皮豬手二人餐🥢這間餐廳在深水埗開業了一段很長時間，主要是食港式西餐，今日經過見到有咁抵食所以就去試下🥢經典鐵板招牌二人餐$188🥢這個二人餐份量真的不小，除了跟羅宋湯餐包，飯意粉薯菜，仲有甜品，羅宋湯味道很濃酸甜度剛剛好，主菜的西冷牛扒size 夠曬份量，正常港式據扒級素，可以揀幾成熟，仲有燒汁同黑椒汁，店員可以即幫你灑到鐵板上🥢豬手上檯很大隻，燒到脆皮的，肉質無咁咸，甜甜的蜜椒汁同咸豬手很夾，肉肉很多根本一個人食唔曬🥢份量覺得抵食啱曬大胃王，難怪大部分客人進店都是為了點這個餐，而且餐廳都因為疫情關係，檯與檯之間有非常遠的距離，感覺安心

好耐未据扒，就和老彿爺啖啖肉，去馬得里整返個鐵板餐先。呢間店扒餐都吾貴，88蚊起，有二人餐，但一定要配德國咸豬手，今日係主打扒，所以各自一人一個扒，其實吾食扒仲有好多焗飯意粉選擇的。我叫了什扒，老佛爺叫西冷8成，跟餐有羅宋湯和餐包，甜品有啫喱，出奇地原來不包餐茶，熱飲加6元，凍飲加9元。什扒分量足，有牛扒雞扒豬扒，大香腸和一片煙肉，只有两款汁，黑椒和照燒，豬扒略鞋，其它都好食，最緊要係夠熱，鐵板看似冇氣色，但一加汁，就好似仙境咁，大家小心燙手啊。老佛爺點了西冷8成，但我目測係10成熟，比較亁，大家下次點要叫少两成，但都夠肉味和夠份量，配埋餐包意粉，飽到呢~~~要另加錢的餐茶有點吾開心，但好在有個啫喱送，平衡吓都好。埋單214元，人均107元， 鐵板扒黎計，還可以。

經過馬德里, 被佢地門口"經典鐵板餐"哩幾隻大字吸引!話係時光倒流價$188蚊有塊西冷扒有隻咸豬手有湯有甜品.唔想諗食咩唔想煩, 而且差不多成年無食豬手，就入咗去幫襯.優點:1, 西冷扒點7成, 份量比想像中大, 肉質鬆軟, 食唔出有肉鬆粉味, 滿意.2, 誇張! 墊底嘅薯條居然有一條成7吋長! 有相有真相!3, 兩個餐飽係熱嘅! 唔似其他餐廳麵包冷冰冰.4, 另一份咸豬手講到明密椒, 味道當然帶甜, 留意只係個汁係甜味, 我中意重味, 所以其他人可能覺得太甜.5, 大大隻咸豬手都係熱嘅, 而且皮超脆.6, 牛扒同咸豬手都無偷工減料, 份量足夠, 重有炒飯同意粉跟, 我點咗意粉, 質量唔差，飽哂，抵食！有待改善:1, 唔夠冷氣呀! 熱屎人咩!2, 男女待應個個都勁忙, 想搵個待應停落嚟點餐落單都有D困難.3, 西冷牛扒配菜係瓜粒, 唔係我中意同懷舊嘅雜豆.4, 甜品係啫哩, 如果雪糕更理想.5, 無忌廉白湯提供.

其實之前嚟過一次，不過冇寫食評今日影多幾幅相，所以就寫下呢度嘅鋸扒講真佢嘅大，佢嘅厚，真係令我都幾印象深刻佢有個二人餐嘅，不過二人餐一定要逼你食豬手，所以我就冇嗌，而且二人餐只係抵咗幾蚊，其實分開叫就 $196，二人餐就 $188，所以我同老婆都食牛扒不過我覺得呢度最大嘅問題就係唔包嘢飲一定要加6蚊或者加9蚊，去加熱飲同凍飲呢個行為我覺得有啲孤寒，小小投訴羅宋湯好好飲，餐包好軟熟再加舊凍嘅牛油，一流！主角出場，我係從來唔鍾意用鐵板上所以一定揀碟上，我揀咗炒飯底，黑椒汁，五成熟 佢配嗰啲毫不起眼嘅翠玉瓜同埋紅蘿蔔估唔到又整得幾好食配個飯加黑椒汁其實已經好好味特登放把刀係側邊畀你哋睇下究竟有幾大塊再打橫畀你哋睇下有幾厚真係好厚咁食呢方面當然就唔係什麼頂級牛肉㗎喇都係嗰啲豉油西餐，淹到啲肉淋曬嗰種啦但係厚嘅程度有真係好滿足佢地無乜材過塊牛扒，所以仲有好多根呀筋膜呀都係返到嘅，咁你要用少少時間切走佢但係我覺得98蚊咁大塊扒又有湯又有餐包臨尾仲有個啫喱我仲要唔知佢送啫喱問佢呢個係咪包埋㗎？除咗係冇餐飲之外，真係冇投訴

在深水埗逛完街，買齊要買的東西後，找間餐廳坐低食點東西休息一下。這時是下午茶時段，我們分別點了乾炒牛河和雞扒喇沙，配凍奶茶和熱奶茶。乾炒牛河（$48）份量剛好，不多不少。炒得算有火喉，不錯，都香口。河粉質地軟彈，亦夠厚身，讚。牛肉嫩滑，味道正常。雞扒喇沙（$45）略嫌過咸，而且花生味不夠，缺少了喇沙那種特有味道。米線和雞扒都ok。凍奶茶（+$3）凍奶茶好飲，茶味算夠，又夠甜。熱奶茶茶味夠濃，口感亦濃厚，只略為嚡口。

話說聽日就搬走，諗住今晚一個人去食下扒！咁岩見到馬德里重有開，個西冷牛扒又唔太貴，就入去試下啦！點知....除左個羅宋湯好飲之後，其他都係伏☹️☹️ 塊西冷叫左五成，出到黎如圖重有血水的，但真係何奇的UN😑😑😑😑，好多筋，見到大大塊重好鬼開心，誰知咬到我牙鉸都就快甩！無食晒，放棄！我切到幾細粒先叫食到！個意粉唔夠熱，好似就煮完放左係到一段時間咁😟😟😟😟但個羅宋湯係不錯的，但就係無影到佢🤦🏿‍♂️，唔好食既就影晒🤦🏿‍♂️

11:00pm 收鋪 ，九點十已經一落單，就已經催埋單，駛唔駛咁趕呀。叫份豬手餐，極速一分鐘內送上，明顯係做多左啦，番熱都唔做，呢到凍冰冰，配菜，炒飯，餐湯全部凍冰冰，唯有打包番屋企，自己整熱，真係仲衰過大媽處理既街邊檔，大家如果去開黃金，高登記得Mark ，千萬唔好去，因為由佢咁樣既表現，與其說係餐廳，倒不如叫快餐店，快餐店既水準也不如，但係就收餐廳價錢，同樣係集團式既餐廳，那間花X 餐廳 ，都高佢地幾班。

晚上路過，被呢家新裝修嘅餐廳吸引，於是就入去試下。侍應都幾有禮貌，環境唔錯，有特色。點咗星洲炒米。餐前還有一個羅宋湯送。味道可以嘅。食物賣相還不錯，不過睇落唔夠乾爽。入口味道不夠，淡咗少少。其次真是濕咗D，本人鍾意食乾爽D嘅炒米。配菜方面還可以，有幾粒蝦仁、叉燒、火腿等。米粉好似唔係平日茶記食開果隻米粉。呢種米粉煙韌D。總體來，呢碟星洲炒米嘅味道同質素一般般，同平時食開嘅有D差別。價錢略貴，只喺送羅宋湯。

自從馬德里裝修了就沒再來。但想不到裝修後由一日餐廳變成了懷舊茶記。。。囧以前的靚靚Led都沒了，但價錢便宜了🤣什至平過茶記餐包和餐湯的都沒變，也包括碟碟碗碗，由之前貴貴的變成大件夾抵食168元2人套餐，有齊餐湯餐包餐飲，但建議3～4人來。。。因為真的好大份和cow bean比較，這西冷牛扒應該300g份量了， 2人吃一塊+餐湯餐包都飽晒了🙊🙊🙊至於豬手，很好吃，蜜糖芥醬也很惹味，配上煮得剛好的意粉，甜甜的，而且是原隻豬手上，烹調很入味，好軟，口感不錯，比其他餐廳的豬手(某花園)不用互相各力就可以輕鬆切割😍so good

今日黎到深水埗搵野醫肚時間，經過呢間馬德里餐廳，見咁多人排隊，就一於入黎食下❗️入到去地方其實幾大，可能值午餐時間，真係好多人午餐選擇有五款，日曰新鮮今日星期三叫左個B 餐先黎羅宋湯，個湯其實幾高質，多湯料，而當然最重點係湯酸味重，好正❗️❗️❗️到主食出場喇❗️❗️喜出望外的係佢有好多配菜，如翠玉瓜同蘿蔔仔，補充下纖維蒜蓉汁好有蒜蓉味，唔錯唔錯加上塊雞扒同午餐肉都好厚，雞扒煎得脆脆地但又咖會太燶，唔錯唔錯❗️

Notebook 壞壞地, 緊係要落深水埗x金度格下價啦,現在砌機原來都算平.之後見有點肚餓, 就望望有無像樣的茶仔在附近可以令我快速食過午餐.一見到呢間餐廳個門面, 好似幾有裝修咁.二話不說就入左去卡位選擇野食了.Menu 感覺上對鐵板燒好似有點心得咁.見到午餐好多選擇, 今天是星期一, 就試試午餐B 香煎雞扒拼吉列帶子配蒜茸汁意粉+凍啡 吧.先黎我最愛的湯水, 羅宋湯.  不算太辣. 不算太多牛, 蔬菜為主. 好入味. 轉眼已被我秒殺.主菜到, 蒜茸汁不多, d 汁沒有鋪上意粉上. 可以使客人食到淨意粉又得, 撈埋d 汁食又得.雞扒和帶子不過不失.再加埋杯提神凍啡, 好愉快的午餐啊! 

焗咖哩雞扒飯, 咖哩唔算辣, 咖哩味好香, 喜出望外嘅仲有一層厚厚芝士, 這一點在其他地方食比較少見, 雞扒夠嫩滑又厚, 唔會又霉又硬, 例牌配有少量薯仔, 整體又香又惹味。