驊記糕點屋

营业中

休息中

入到去元朗 元朗出名有懷舊特色味道專登去搵左呢間有傳統風味假期長期排長龍既懷舊小店買糯米糍食 呢間有茶果 砵仔糕賣 但如果買糯米糍一定要排隊先買到今次排左45分鐘先買到每人最多限買三盒糯米糍🔸花生糯米糍 （$36）即叫即整 人手製造 非常新鮮👍🏻一盒有六粒 名副其實皮薄餡靚個皮薄到咬落去都唔覺食到層皮😂但我本身比較鐘意食煙勒既厚少少皮😅糯米糍裡面既花生爆晒餡 咬一啖已經瀉左出嚟花生好香口夠乾身 配埋砂糖椰絲 口感係不錯的

驊記糕點屋琴日喺形點食完法國菜就上網睇元朗仲有咩好西可以帶返屋企慢慢食，一搵就搵到紅爆嘅花生糯米糍，睇見張圖爆多花生就衝去買！🤣🤣🤣店舖除咗有花生糯米糍賣之外，仲有硬花生糖、茶果、糉等等...我1點幾去到大約排第十個，都要等大約半個鐘先買到，老闆娘一路整，我就問佢最多一日賣到幾多粒，佢話最多試過賣到700粒一日，真係好利害！👍👍👍花生糯米糍$6一粒（6/10）我買咗兩盒12粒，店外寫住每人最多限購3盒，第一次買唔敢買咁多，返到屋企一食真係爆多花生餡，加埋椰絲，成個咀不停咬咬咬，雖然唔會太甜，但美中不足係花生唔脆，仲咬到花生有少少苦，個皮又厚咗少少，我唔覺得有網上寫咁好味，花生糯米糍暫時覺得最好係銀浠，銀浠世一！地址：元朗元朗安寧路20-24號利群樓地下#花生糯米糍 #元朗美食 #驊記糕點屋 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #

元朗最強的花生糯米糍，除了糯米糍外更有多款懷舊糕點，例如鬆糕、茶粿、砵仔糕等等，全部都大件抵食。茶粿人氣亦相當高。糯米糍是即叫即包，外皮厚要適中，花生餡包裹在糯米糍皮內漲卜卜。

呢間鋪雖然唔起眼，望落去同舊式雜貨店，但佢真係好出名，長期都要排隊先買到。是日朝早經過，得幾個人就排隊買下啦。全程大約要10分鐘，因為佢係收到order先逐粒人手包，而且一盒有6粒，所以都需要啲時間。(聽聞過最勁係排成個鐘)花生糯米糍 ($6/ 粒; 一盒6粒):出名爆餡，個皮薄到一個點，真係好佩服佢手藝，可以包到咁薄。不過我係啲鐘意食皮嘅人，感覺有啲錯配咁。內餡非常足料啦，絕對係要一個盤墊住嚟食，一口咬落去好有滿足感。不過對我嚟講有少少偏甜，花生未算香。如果經過唔多人可以試下，如果要排好耐隊，感覺就唔係好值得。鋪內仲有茶果、砵仔糕、鬆糕、花生糖等，可以試下。TIPS: 拎到最好盡快食，我等左成日，食嗰時已經有少少潮，影響口感。

因為疫情真係少去左元朗，今日行過就順便去買埋聞名已久嘅糯米糍啦。其實以前去食蟹麵都行過好多次，只係一直無留意，亦都無試過，但不知是否假期關係，好多人排隊見到老闆娘已經做唔停手，而我哋大約排15個人左右，一路排都聞到炒花生嘅香味，最後都排左一個鐘，今次我哋就買左糯米糍、咸香花生🥜、炒花生同炒米餅。買回家已急不及待要試下個糯米糍。第一口咬落去，皮好薄，餡好多，可惜我覺得啲餡料唔夠味，只得花生同極少量糖，沒有椰絲之類嘅料，有點失望反而包咸花生好香好脆，炒花生就更加野味，我老闆一邊睇波，一邊花生啤酒🍻，邊食邊讚已比佢食左一大半因為在元朗逛街途中（中國銀行門口）見到有檔車仔賣「茶果、雞屎騰」熱辣辣，已馬上即買即食所以喺驊記就沒有試佢嘅其他手工食品。

依間馳名糕點屋，位於元朗安寧路馬路旁角落位置，主要賣傳統糕點，糯米糍、砵仔糕、茶粿、鬆糕等等……連鹹肉糭、鵪鶉蛋都有賣。糯米糍全人手製作，每粒都係即叫即包，每次經過遠距離都聞到花生香🥜。紅日超級無敵多人排隊😨，2:00去到前面已經有6-7個人等緊，每個人起碼買2-3盒，排左一個鐘左右就到我，後面總有十幾人排緊，諗著買埋砵仔糕，點知早早賣哂。⚠️糯米糍每人限量3盒——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 花生糯米糍 $36 / 6粒糯米糍每粒都圓轆轆脹卜卜，外皮非常薄，軟熟滑身，巨量級餡料，一咬落去即刻瀉出黎，滿滿花生香味，甜度岩岩好，價錢經濟實惠，暫時係我食過最好味既糯米糍🤤。💟溫馨提示：一定要墊著黎食，啲餡真係會瀉出黎跌到周圍都係😂- - - - - - - - - - - - - - - - - - - - - - - - - - - - - - - - - - - -——————————————♥———————————

本來係去永順食沙嗲牛麵，嚟到呢間鋪聞到一陣好香嘅花生味，見到有人排隊當時唔知排緊乜，越行就越多人排，最後先睇到原來係賣即制花生糯米糍。因為今日係預左嚟食麵所以都無唸住買，點知食完碗麵出嚟見到條隊短左好多，基於唔好蝕嘅心態，無心插柳下又買到一盒爆餡糯米糍我地嚟到咁啱4點，排排下老闆娘不斷問排隊嘅人要幾多盒糯米糍，原來老闆娘開始計數截龍，續個問每人買幾多盒，遲嚟嘅就無緣了，雖然人龍短了由於是人手即造所以都等了半小時，糯米糍係由每日10：30 - 16：00有售，一盒6粒糯米糍$36。呢盒糯米糍皮薄軟糯，花生餡爆多，花生好香，唔會太甜下次在再嚟元朗一定會再買嚟食老闆娘現場包糯米糍

//元朗超人氣爆餡花生糯米糍🥜😋〰️〰️〰️〰️〰️👅 #yumyumfood元朗✨ 呢間喺元朗嘅糕點舖長期都排晒長龍 最多人買就係佢哋嘅花生糯米糍 就算平日晏晝去 都要預番少少時間去等吓啊🫣🫣✨ 因為係即點即包 所以特別新鮮👍🏻佢嘅糯米皮做得非常薄 口感軟糯 而且真係好足料🤭超爆餡 咬一啖即刻瀉晒出嚟🤤滿滿嘅花生砂糖椰絲 口感好豐富 甜到亦啱啱好👍🏻✨ 傳統糕點真係買少見少 如果經過元朗都不妨買黎試吓 佢哋仲有好多其他嘅傳統糕點賣添👍🏻🍴花生糯米糍 $36/6粒📍 驊記糕點屋🔍 元朗元朗安寧路20-24號利群樓地下

飽足的午餐後😋從🦉餐廳離開...出門同一條街向前行🤔見到約有十幾人的長龍...由龍尾一直行到轉彎街角位，原來為要買即叫即整糯米糍？！🤤雖然未吃過，但見烈日當空下仍排著長長的人龍，而且移動得很慢，似乎很有名的糕點？必定是很好吃才能吸引到多人願意花上半小時至一句鐘來排隊🤔屋企人難得來到元朗揾食，當然趁機找齊必吃之店家完成任務，更鎖定了下一個目的地吃甜品🤭反正剛才午餐吃得太飽都需要時間消化一吓🙄但另一半沒意慾停步下來，等待他們排隊時便繼續四處逛逛😝後來得知...原來排到他們的時候很多糕點已售罄，只能買到剩下無多的即整糯米糍，真辛苦了...好不容易的足足花了一句鐘有多才買得的"糯米糍"🥰家人的愛❤分享了兩件給我們😍回家後急不及待即刻品嚐🤤果然係皮薄餡靚，超香花生味🥜🥜🥜😙😲🔪飽滿的芝麻花生碎粒滿瀉，不算太甜😋好味道👍🏻💯💫喜愛沒有椰絲💋不會黐牙👏🏼👏🏼🤭😂😍真心有驚喜👍🏻😋如下次路經必定要返尋味🤤🤭

呢間係區內出名嘅糕點屋，次次入去元朗都慕名而來，但見到條人龍次次都好長所以都有啲怕排隊。今次嚟到元朗見到條人龍唔算超長所以就決定排一排，試一試佢嘅食物。今次我買嘅係糯米糍呀，望落人龍唔算長，但我都排咗半個鐘😅原因係因為呢一間舖頭嘅糯米糍，全部都係即叫即整，所以係好新鮮，食新鮮即整嘅嘢，係要啲時間嘅等嘅。排咗咁耐隊，我梗係買返一盒糯米糍補返數啦🤣🤣呢盒糯米糍一拎上手，一個字：重。見到成盒糯米糍個膠盒都脹卜卜，就知用足料啦。咬開糯米糍發現入邊好有驚喜喎，糯米糍嘅外皮好薄，花生蓉嘅比例比較多，如果鍾意食花生嘅朋友就啱晒啦。但因為佢嘅外皮比較薄，所以如果鍾意食煙韌皮多啲嘅朋友，就可能會略嫌佢比較少。🫓另外佢相比起一般嘅糯米糍冇咁甜，所以如果好鍾意食甜嘢嘅朋友要留意啦。🍬🍬基本上我咬開第一啖之後，啲花生餡料係湧出嚟，大家如果想買來一試嘅朋友要小心啲，記得拎咗張紙巾先至好食呀。另外呢間舖頭其實除咗糯米糍之外，仲有售賣其他嘅糕點。例如砵仔糕、茶果等等，就連糭都有得賣。有興趣嘅朋友不妨買埋一齊試😝😝

成日上網見到 都好想食🥹食完永順行過 見到有人係到排隊 係我心心念念嘅糯米糍如果唔係有人排隊 我諗就算我行過都唔會留意到😂條龍得8-10個人 心諗應該唔使好耐呱 就去咗排隊🫣等咗3個字發現唔對路 條龍無郁過咁但都仍然等🫠等咗半個鐘之後 洗濕咗個頭返唔到轉頭了🥲最後等咗一個鐘 終於都買到😭全部都係人手即叫即包 所以唔好低估排隊嘅時間花生糯米糍 $36/6個絕對係良心價坊價一咬開就爆晒餡滿滿嘅花生 好香加咗少少砂糖 甜甜哋 皮又夠薄 好好味🥹食完去咗瞓晏教 瞓醒之後嘅第一件事 就係去啪返粒🦦😂除咗糯米糍 都有好多人嚟買砵仔糕同茶粿下次會想試埋茶粿希望姐姐會keep住一路包落去🥰

元朗國美食雲集係眾所週知😌 但經常黎元朗搵食既我竟然唔識老字號驊記🫣 我間唔時就會突然好想食好多花生既野，例如潮洲花生軟糖、花生糯米糍、角仔等等我都係係IG post 見到介紹元朗必食店舖，先識呢間人氣店🤩店舖細細，只有一位姐姐即叫即整糯米糍。每人限買三盒。當日係星期日，我睇openrice 其他食評話預排半小時，我前面約有8-9個人，我低估左搓糯米糍既時間。等左半小時都唔對路，但已騎虎難下，我係炎熱天氣下排左一小時隊😱 認真我寧願唔食都唔中意排隊🙈 姐姐其實好友善，佢都好辛苦🥲 唔知係咪等得耐，個個都想買多盒抵d咁，個個都買盡三盒🙈 等到2046既花生糯米糍，果真超好食！皮超超超薄！花生靚同足料，我諗九成花生，糖唔會好多，仲要係溫熱嫁😍 你地睇下！無花無假！我一口氣食左六個😆😆😆🙈提提大家要即日食先好味嫁！唔好貪心買咁多啊！🤗

散水西餅、散水蛋糕、散水茶、散水雪花酥等等都耳熟能詳要派就派一種有香港情懷的感覺 🤔元朗有間驊記糕點屋的糯米糍好出名 有紅豆 餡🫘 和花生餡 🥜買來作散水糯米糍在一般情況下，都是即叫即包，逐粒逐粒包不過買大量，要預先預時間和講定聲果然，是世一糯米糍 👍糯米皮好軟熟，夠薄又多料 😋紅豆和花生餡，兩款食落微甜花生糯米糍超有口感用膠剪剪開花生糯米糍，一剪開花生餡湧曬出黎花生粒不會過硬大家試過都覺得好好食下次去元朗一定要買 

話說係永順食完個沙嗲牛行返出嚟旁邊有一間賣茶果、中式糕點嘅舊舖～糯米糍即叫即製，所以都有啲人排緊隊，但因為得花生味嘅關係，我唔等啦～直接買茶果就算～(個人喜歡食豆沙嘅)茶果$30 五個豆沙x2、綠豆、眉豆、蘿蔔茶果我例牌食豆沙嘅～呢度個豆沙偏甜，茶果表面有啲厚，有咬口、唔癡牙！除了甜左少少，其他都OK！下次嚟要試埋佢個砵仔糕！如果糯米糍唔使等嘅話都會試下😛

✨人氣爆餡糯米糍 可惜皮太乾✨.星期六約1點左右去到驊記排遠近馳名嘅花生糯米糍，當時陰陰地天都已經有十幾人排緊，因為即叫即包，大概排咗1個鐘就到我，排咁耐就梗係買多少少，最後買咗2盒花生糯米糍同2隻茶果～佢捧場客真係好多，但人人口味唔同，呢間就唔太啱我口味😮‍💨.▫️花生糯米糍 $6粒（6/10）佢個餡其實幾好食(^^♪幾香花生味而且唔會過甜，亦係食過咁多間糯米糍入面皮最薄餡最多嘅一間，價錢亦非常實惠只係$6粒💓可惜個皮真係非常乾個人覺得幾難食，同煙韌扯唔上任何關係🥲我諗如果同我一樣鍾意食皮嘅會失望，但你鍾意食餡嘅相信好啱你！.▫️蘿蔔茶果 $6粒（7.5/10）個蘿白絲餡幾好食😋價錢又係好抵食，不過個皮都係硬咗少少，茶果都係鍾意附近個間多啲🤣（冇記錯附近個間就貴$3）.▫️眉豆茶果 $6粒（7/10）呢間真係好抵食(˶ˊᵕˋ˵)又係爆晒餡，眉頭都唔錯，不過皮同樣係硬咗少少🤏🏻順帶一提茶果係唔洗排可以直接買.❥…本身以為呢類人氣傳統小店姨姨會幾串，但又估唔到幾nice😳btw食完後我覺得呢間賣點可能係夠經濟實惠，同埋可能係食情懷，加上餡真係好多，價錢又咁平～不過我口味就偏向煙韌嘅皮，所以覺得