馬祖台灣養生湯麵館 (厚福街)

营业中

休息中

昨晚跟朋友到尖沙咀，經過這台灣麵店，門外的餐牌款式和價錢也十分吸引，我們便進去晚餐。與同區的餐廳作比較，這餐廳的性價比非常高，特別是全日自選三餸面套餐，只需$61，而且不用加一，份量也多。還可以以$6低價，加凍飲或熱飲。飲品也是大杯裝，真是超值！這三餸麵有不同湯底選擇，這點以養生命名，我們當然選擇藥膳湯底。藥膳醉雞湯、藥膳麻辣湯（小辣），以藥膳為基底的湯底，加上醉雞湯或麻辣湯，帶出豐富的味道。其餘的食物配料，選擇也不少：醬汁豬扒、肥牛、墨魚春卷、花枝丸…。除了自選三餸麵，我們還叫了滷水雞翼小食，$39又五隻，雞翼十分入味。

作為米線和藥膳湯愛好者，必試養生湯米線。馬祖是台式米線店，藥膳湯簡直是拿手戲；這次破格試藥膳黑蒜更驚喜，除了本身藥膳湯的紅棗香味，還有黑蒜油的淡淡黑蒜香，味道10分融合，配上新竹米粉更加吸湯。配料隨意選，主要是湯底和米粉。無論是否身體不適，冬天夏天喝過熱湯粉也是一級棒。

📍馬祖台灣養生湯麵館 (尖沙咀)📍尖沙咀厚福街10號地下A號舖🟡藥膳農場醉雞：藥膳黑場雞佳手工麵 $82✨（凍）柑桔檸樹特飲（+6）✨麻辣鸭血（4片）（+14）🟡藥膳古早牛肉湯：藥膳古早牛肉湯手工麵 $76.00✨（凍）無糖唐茉莉花茶（+6）馬祖台灣養生湯麵館主打藥膳湯底，食落有一種暖胃養生嘅感覺。試咗藥膳農場醉雞麵，黑羽雞肉質結實有咬口，帶藥膳香氣，唔會太重藥味反而幾清潤。麵條彈牙，吸咗湯底之後更入味，成碗飲落去有一種舒服嘅清甜感。加咗一份麻辣鴨血，軟嫩入味，微微辣度同藥膳湯底形成對比，幾特別。藥膳古早牛肉湯麵嘅湯底顏色比較深，藥材香氣濃郁，牛肉燉得好腍，入口即化。麵條同樣係手工製作，口感彈牙，浸喺濃湯入面唔會糊爛。飲品方面，柑桔檸樹特飲酸酸甜甜，解膩又清新；無糖唐茉莉花茶就比較淡雅，帶清花香，配牛肉湯麵啱啱好。整體食完唔會覺得heavy，有種養身同舒服嘅感覺，啱晒想清清地又想食得飽嘅日子！

常常聽到以「馬祖」字頭的餐廳名字，今晚就到了尖沙咀厚福街的「馬祖台灣養生湯麵館」，和朋友各自吃了「自選三餸麵套餐」，都幾抵食！🔸藥膳麻辣湯（小辣）配貢丸、墨魚春卷、蟲草花新竹米粉：湯底香辣藥膳味道平衡，台灣香菇貢丸彈牙帶鮮菇香，墨魚春卷外皮香脆，內餡鮮甜有墨魚鮮味，質感豐富。  蟲草花入口微甜帶有草本香氣，健康養生又夠味。  新竹米粉吸滿湯底精華，配料味道相輔相成。  🔸香辣養生湯（小辣）配木耳、高麗菜豬肉餃、麻辣貢丸米線：湯底辣味細膩帶有藥膳回甘， 木耳爽口彈牙，質感鮮嫩，  高麗菜豬肉餃皮薄餡多，豬肉香濃且鮮嫩，  台灣麻辣貢丸辛香濃烈，肉質彈牙。🔸台灣麻辣鴨血拼凍豆腐:鴨血鮮嫩嫩滑入味，凍豆腐彈牙清爽，辣味襯得恰到好處。  🔸無糖茉莉花茶香氣清雅，回甘不苦，能中和辣味，回味無窮。  🔸愛文芒果茉莉茶甜香融合，果香濃郁，茶味清新淡雅，消暑醒胃。  

收工，跟同事去附近搵飯食，原來開左間新嘢，台灣養生藥膳湯面，正呀。好耐冇飲過湯喇😄叫麵加$6就可以有飲品🌟檸檬柑橘、冇糖茉莉花茶🌟蟲草花藥膳農場雞手工麵加餃子🥟，話好大一碗，份量足😍有家味道👅，有紅棗、桂圓甜，真係好味，雞味濃厚，農場雞真係好味啲，雞肉滑，入晒味，好正👍水餃細細粒，但餡料足，餡好食有汁👍 手工拉麵，煙煙韌韌有口感😋🌟藥膳古早牛肉湯手工麵加墨魚春卷，好爽，有粒粒墨魚肉，點上自家制辣椒油，正👍同樣有紅棗甜，牛肉跟白蘿白超級好食，牛肉、蘿白都吸收湯精華，牛肉又滑又濃牛味😋🌟上湯浸時蔬🥬菜都是用藥膳浸，連菜湯都咁好味😋藥膳味不會話太濃了，但就好似家煲雞湯味道👅而且價錢經濟，真材實料煲靚湯

📍 馬祖台灣養生湯麵館 (尖沙咀)尖沙咀厚福街10號地下A號舖✨藥膳田園蕃茄農場雞新竹米粉加配 滷水鵪鶉蛋（5粒）唐生菜 💰87👉🏼呢碗藥膳田園蕃茄農場雞新竹米粉真係好味！湯底香濃，有蕃茄嘅酸甜味，搭配新鮮嘅農場雞，肉質鮮嫩，米粉吸咗湯汁，食落好有味道。加配嘅滷水鵪鶉蛋好入味，蛋黃滑溜，唐生菜又脆又新鮮，整體好平衡。✨蜂蜜茉莉花茶💰6👉🏼呢杯蜂蜜茉莉花茶清香怡人，甜度啱啱好，茉莉花香味濃郁，飲落去好舒服，正好解膩！✨蟲草花藥膳農場雞手工麵（多芫茜）新竹米粉加配 麻辣凍豆腐（4件） 💰76👉🏼呢碗蟲草花藥膳農場雞手工麵都好有特色！手工麵口感滑順，搭配雞肉同蟲草花，味道好豐富。湯底有藥膳嘅香味，飲落去有益健康。加配嘅麻辣凍豆腐唔錯，辣味啱啱好，豆腐嫩滑，真係好搭！✨無糖茉莉花茶💰6👉🏼呢杯無糖茉莉花茶飲落去好清新，冇糖嘅味道更能突出茉莉花嘅清香，適合想要保持健康嘅朋友。✨上湯浸時蔬💰22👉🏼呢碗上湯浸時蔬色澤靚，保持住時蔬嘅鮮味，湯底清淡，食落好輕盈，幫助消化，整體都好健康。回頭:yesss，馬祖台灣養生湯麵館嘅食品真係好有水準，味道健康又美味！😚😚🫶🏼

下午茶嚟好抵食，人均唔洗$50就食到好飽🤤位置就腳，環境闊落 唔使等位，打工仔同養生人士一定要收藏🥰🐮鍋燒牛肉香蔥海苔燒汁飯 ($68)日式燒汁鹹甜平衡，脆海苔+香蔥勁香口😍 牛肉片份量十足，好嫩滑，配飯食一流🐔下午茶輕量雞麵餐 ($46)必食！藥膳雞湯清澈香甜，當歸枸杞香溫潤入喉，飲完喉嚨冇乾渴感。手工拉麵咬落彈牙，雞髀肉嫩滑離骨，性價比好高！🥩鹽酥濃汁手作牛丸 ($19/3粒)有驚喜！外層脆口帶椒鹽香，咬開肉汁流出😍🐥滷水雞翼 ($39/5隻)滷水香料滲透雞翼 非常入味，肉質肥美鬆化，微甜香唔太鹹～🥬上湯浸時蔬 ($22)健康之選🥰 生菜嫩綠無渣，上湯清爽零味精，啱晒平衡濃味小食

今日落大雨，好彩之後停雨放假出街行下食下野今日要去行尖沙咀美麗華商場順便食個平平地下午茶去左馬祖食台灣牛肉麵之前喺銅鑼灣食過一次覺得幾好味今次喺尖沙咀食下午茶價錢好抵我點咗一碗藥膳麻油雞手工麵老公嗰碗係古早味藥膳麻辣牛肉麵因為我近排戒食牛所以點咗一碗雞麵 下午茶價錢$47一碗包飲品一杯凍飲仲唔使加錢麻油味好香湯底帶甜味雞卷十分大件性價比好高老公嗰碗係正價牛肉麵勁大碗牛肉又多又淋湯底香濃牛肉味手工麵口感煙靭彈牙爽滑藥膳味十分適中點咗兩款小食椒鹽花枝丸花枝丸彈牙鹽酥雞炸得十分香脆每人一杯蜂蜜茉莉花茶甜度啱啱好清甜帶有茶香

今日嚟到厚福街馬祖台灣養生湯麵館， 呢度嘅菜式都係注重健康養生的啱曬我朋友，店內裝修簡約舒適 ，店員服務友善。牛肉香蔥海苔醬汁飯：牛肉煮得恰到好處，鮮嫩多汁。香蔥嘅香氣與海苔的風味相得益彰，醬汁不油膩， 仲有香菇粟米做伴菜 豐富美味。黑蒜藥膳農場雞米粉：黑蒜湯頭香氣撲鼻，搭配藥膳的獨特風味，雞肉鮮嫩，米粉滑順。整體而言，這道菜不僅美味，還有益健康，十分推薦。鹵水雞翼：鹵水雞翼肉質鮮嫩，鹵水的調味恰到好處，讓人忍不住一口接一口，口感豐富。養生湯麵店嘅每一道菜品都展現左對健康的重視，無論係口感還是營養都做到了平衡。下次我一定會再來嘗試更多菜式！

6月尾食過一次條頭髮喺面所以即時換咗，今日再食個頭髮同米線痴埋一齊無發現，食完先知，其實廚房定樓面係點解可以經常甩頭髮落碗麵度？你地廚房入面係咪成日R頭所以先甩咁多次頭髮😰😰😰本身只係貪方便所以入去食，我以後都唔會去🙏🏻希望睇到食評嘅人都唔會去🙏🏻座位冷氣大到碗麵放低就已經“鯨”咗油，嘢飲係正常，環境就好似港式米線扮台式餐廳，啲雞就好似平時食海南雞飯嘅雞，其他丸類話自己台灣入貨就賣得貴咗啲，其實一啲台灣味都無🙅🙅🙅

藥膳古早牛肉湯手工麵 $70香濃味道的藥膳湯底，加上鬆軟的牛腩，再送一口煙韌有咬口的手工麵，是一道令人回味的食物。台灣麻辣農場雞米線 小辣 $63雞肉嫩滑，而且件數很多辣味足夠，也沒有掩蓋本身的湯底 ，湯底有甜甜的紅棗襯托 感覺是新奇的。高麗菜豬肉餃三隻 加配 $14大隻足料而且有咬口，味道不錯，配上湯底入口也是一個很好的選擇。蜂蜜茉莉花茶 加配 $6蜂蜜的甜味與茉莉花茶的香味是互相融合的，吃了濃味的麵，用清新的花茶清清口腔是不錯的選擇。黑糖冬瓜茶 加配 $6冬瓜茶是炎熱的夏天消暑的良品。#小師奶 #美食 #尖沙咀

很喜歡馬祖的藥膳湯底，已經光顧數次，今日點了兩份兩餸自選套餐。餐廳轉用QR code自助落單後，新餐牌價錢似乎有所調整，兩餸套餐只需$49起。🍜鍋燒牛肉（加$6）配 高麗菜豬肉餃 手工拉麵 藥膳醉雞湯底 - $54📍湯底貫徹餐廳風格，味道偏甜不覺有味精，湯料有杞子和紅棗，聞落有藥膳味但食落不明顯，醉雞味道突出，每次飲完湯都覺得好補，但是湯底偏油📍牛肉是一般肥牛，味道普通，肉質油脂分布平均，不會太多筋📍餃子出色，皮厚餡多個人非常喜歡，餃子吸滿湯汁但皮餡不會分離，十分推薦📍麵質軟硬度適中，能夠掛湯，手工拉麵令麵質更加彈牙📍跟餐+$6配柑桔檸檬特飲（凍），清爽開胃，夏天點非常合適🌟整體8/10🍜濃汁手工牛丸 配 高麗菜豬肉餃 手工拉麵 藥膳麻油湯底 -$49📍湯底麻油香味濃郁，比醉雞味更濃，但可能蓋過了藥膳的味道，而且也是有少許油膩📍牛丸不是爆汁那種，但味道不差，有牛肉味，配合麻油更能帶出牛丸香氣📍蜂蜜茉莉熱飲不過不失🌟整體7/10 湯底比較油，比較推薦藥膳醉雞湯底餐廳環境潔淨，店員有禮，晚上9點半左右入座不用等位，不算多人，整體推薦指數7.5/10👍🏻

凍飲不知所謂！難飲似藥水。主食: 湯底唔得，藥膳唔入味，紅棗仲要切一半的三粒，普通一個米線！手工拉麵，又硬又唔入味冇口感，完成唔似手工，食唔落，呢間嘢完全唔掂！一個字！劣 。

無論嘢食定嘢飲，都係超乎想像咁難食。藥膳醉雞湯有酒臭味（好嘅醉雞湯係唔會苦澀臭），芒果茉莉綠茶藥水味。叫做鹽酥雞係基本炸嘢都冇乜點樣衰都係粉多咁解啫。整體嚟講呢間嘢係唔需要食手工麵唔係手工麵嚟㗎純粹係普通機械製造，真正嘅手工嘅拉麵。湯底淡而無味，叫做唔係貴兩個人食兩個麵加埋兩個小食。打開如果用$200去食米線或者面嘅話，我會去佢對面嗰兩間都唔會搵佢囉。食佢基本上係浪費晒自己啲錢。完全唔明白點解佢唔執笠。

晚上去文化中心睇表演，此前先來厚福街這邊醫一醫肚。剛好趕得及6pm下午茶時段完結前來到馬祖台灣養生湯麵館，下午茶餐$45便有一碗麵及一杯飲品，都算抵食！藥膳麻油湯米線配台灣大甲芋頭貢丸，藥膳湯的配料有木耳﹑紅棗﹑杞子、龍眼肉，湯底的香甜就是來自紅棗及龍眼肉的天然甜味，沒有那種強烈的中藥材味，味道溫和可口，帶淡淡麻油香而不會過份油膩。米線份量適中，麵質稍為稔身。台灣大甲芋頭貢丸，大粒又彈牙，內裡包裹著香滑芋泥，一咬開就嚐到香濃芋頭味，好吃！藥膳醉雞湯米線配墨魚春卷，反之覺得這碗米線不夠出色，可能是覺得以前在銅鑼灣分店吃過的比較好吃。醉雞湯底味道不夠香甜濃醇，酒香味也較淡。墨魚春卷夠大條，彈牙度一般。選配的飲品分別是蜂蜜茉莉花茶及柑桔檸檬特飲，前者好大杯冰，味道淡，完全沒有茉莉花茶味；後者則是過甜。這頓下午茶，唯一覺得好吃的就是大甲芋頭貢丸了。