高佬明食店

营业中

休息中

中午時間,又要在上水找新地方食飯,唯有在橫街窄巷穿插..大概這類舊區,總有不少裝潢麻麻,套餐公式一樣的食店.而上水少說也有十間八間同類食店.店內能叫得出的,都已經寫在牆上,大可不必看餐牌,午餐就來一個鮮魷炒勝瓜,看看配料竟然還有木耳,其實算是不錯,只可惜玻璃茨是汪洋一片,多得離奇.就算勝瓜夠嫩綠,份量不少,但茨汁多到接受不了.加上例湯及凍飲,亦不過廿幾蚊,但水準如此,午餐是不會再來.

坐下一看全女班服務員, 可叫高佬明高佬明可在? 她們的招呼不錯, 服務態度非常好, 用心做好份工, 十一點半去到還有早餐食? 於是便叫了一個吉豬蛋湯意 + 凍檸茶早餐 ($23; 已加價), 另叫一個黑椒吉豬蛋飯 + 凍檸茶午餐 ($25; 已加價), 兩吉豬都另碟上溫度垥好跟沙律醬, 皮脆肉汁算多, 但黑椒汁黑椒味不足, 凍檸茶的茶味不夠. 但總體來說此食店是物有所值, 在未加價前相信是物超所值!

每逢星期六,日我都會同妹妹係度食野我覺得沙爹肥牛米線係必食的,多肥牛,d汁又o岩o岩好而且好抵食,飲埋野都係21蚊今日去到,見到多左紅豆冰,膽粗粗試新野紅豆冰夠凍又多豆,夏天飲好正

每逢星期六我地放工都會煩緊食乜好~今次我睇到呢度d吉列豬扒好似好好味咁，同埋又睇到話佢有2樓，即刻覺得而家好少茶餐廳有2樓之餘又有書俾客睇~淨係甘openrice睇到呢度都覺得好吸引！我地一去到睇住錶係1:45pm~ 但眼見佢tea time係2:30pm就諗住走，點知有個waitress走出黎sell下我地食乜，跟住我話想食tea set果個吉列豬扒拼沙律，我話我地行陣先黎~佢話叫杯野飲，落住order先就好快有得食，又可以睇下D漫畫同埋小說先~我地行入去時有遮o係身，佢叩我地放o係遮架度，我一定唔制喇！如果自己唔記得拎，又或者俾人拎左(<---試過幾次怕怕了)，咁點算呀？佢俾個膠袋我地放住~我地問佢係咪有2樓，原來2樓唔係o係鋪位入面上去，係o係隔離既樓梯上一層~一上到去，嘩左一聲！雖然呢隻有相睇過個樣，但佢用黃燈，又有好多漫畫+小說睇，個waitress 一直o係我地隔離好有心機咁介紹食乜好，佢知我地第一次黎，連隻碟既size都講埋，超有heart！好期待既tea黎喇！吉列豬扒拼沙律+凍檸茶($20)︰佢跟埋沙律醬，我超愛的！d豬扒好juicy，雖然唔係東記咁厚切，但佢脆

前排見到大家對呢度ge 食評咁好.......就同男朋友一齊入去試下la入到去見佢樓面係好普通ge茶餐廳心中暗叫不妙......去錯地方添.....男友叫左咖哩斑脯我叫左泰式沙嗲肥牛檬野飲就七喜梳打檸檬咖哩斑脯飯黎先, 個賣相無咩特別男友食落覺得太spicy但我就覺得岩岩好~~非常之正!!我個泰式沙嗲肥牛檬呢個賣相就無咁吸引.....但係一食落......wow.......真係好好味個湯d 味岩岩好睇佢個樓面完全估唔到會咁好味...

好中意黎高佬明食野吉列豬扒真係好正！食極都唔厭…炸得好好味!!好脆D肉又唔會同皮分開=]LUNCH 1定要揀吉列豬扒+太陽蛋+意粉+黑淑汁$23!下午茶就一定係吉列豬扒沙律...$19=]仲有…呢度D泰式蒜香雞扒+金邊粉都好好味!D泰式蒜香雞扒要加青檸汁！食落去酸酸地…有少少辣、但又煎得好好味真係得呢度先食到另外、最好就係呢度可以上樓上坐樓上好舒服好似CAFE=]有漫畫、書任睇…坐幾耐都OK!成日黎食、食極唔厭PS..圖個豬扒好似好農咁、其實唔係係樓上燈光問題

我黎呢度多數食早餐, 以前鍾意食牛扒餐,覺得佢果D加左料既茄汁好好味,而家轉左汰...次次都食XO牛肉福麵,佢個D自家制XO好香,仲搭兩條菜心比你伴麵...好過平時例牌果D雪菜肉絲,沙爹牛肉多多聲....其實佢D午餐都好有水準,因為而家好少食,所以唔知推介咩好, 基本上佢所有野都係有水準既, 多人時候上樓上仲好, HAHA有好多漫畫書比你睇,完全諗唔起我地係茶餐廳食緊早餐

When I was a secondary student(last year) I enjoy commin' here(second floor) with classmates during lunch time n spend the whole hour hving fun n reading magazines.Excluding magazines, comic books stand the vast majority of the population of the books collection.Despite of free books to read, food quality(student meals) n price are acceptable, drinks are quite diluted that we hv to remind waitress to make the drinks more concentrate every time we visit.

算是上水茶餐廳中的首選,價位算同類中的中位.坐的算是舒服,比起新晉茶餐廳的光鮮過豔的燈光裝潢老舊,簡單,略暗的燈光更能提起我的食慾.個人比較喜歡前往該處吃下午茶和早餐.早餐愛吃D餐:薄煎牛扒配蒜角茄汁,加蛋治一份.餐茶.牛扒是普通茶餐廳那種薄切,略厚一點和更具咬口,肉汁較多和甜.tea則推薦西多(香口,厚度適中)和牛腩粉(入味)

上樓角樓環境一流, 適合同朋友傾偈飲野,又有雜誌漫畫睇.消遣一下,都好ok!

呢間野有個特別ge 地方就係有樓上位地舖旁有一條樓梯上到去就有一道茶色玻璃門裡面好有cafe feel又有漫畫睇同樓下截然不同~

某日一個人路過哩間唔起眼o既食店, 又有d 餓,於是就試一試, tea一tea;叫o左西多士非常唔錯, 又香又唔太甜, 可以再幫襯