高興 (已結業)

一向都鍾意港式懷舊風嘅餐廳，今日終於試到位於觀塘成業工業大廈嘅高興。位置有少少難搵，直入大堂後要推門再入。入到去冷氣夠涼，地方寬敞舒適，裝修花咗好多心思好靚。我同朋友叫咗兩個lunch set，佢叫咗豬扒焗意粉。上菜時熱辣辣，豬扒整得好林，意粉份量多，軟硬度適中。另外，我叫咗吉列豬扒蕃茄湯烏冬。烏冬用一個熱鍋上枱，烏冬係用咗稻亭烏冬，睇得出個湯底係用茄膏開,烏冬味道淡啲。吉列豬扒炸得剛好。最欣賞佢杯hazelnut latte, 沖我好飲。整體食物飲品環境ok, 不過不失👍

人流：1:45到，人流唔算多，一入就有位，不過都坐左八成多環境：一直冇變，主要二人或四人細枱，有部分二人枱同隔黎枱好埋服務：不錯，佢地入錯單，張單其實已經比左我地但係我地冇check，到碟餸上枱先發現出錯，staff都好禮貌咁講唔好意思食物：幾香紅桑子味，氣唔算多，岩我每次必叫，自上兩次食已經改善左，做到無血夠熟但仍然滑，不過今次冇咁惹味午餐套餐，比regular餐牌平，故此份量少一點，合理！忌廉較水質，唔漏亦唔稀剛剛好，蟹肉都多嘅不過可以多少少，唔夠啖啖肉嘅感覺，雖然係平d，但係成本始終唔會太高，因為我食到不少「蟹骨」，但味道真的不錯影相可能睇唔出，呢個唔係lunch set貴d，所以份量明顯地多，百吃不壓厭，裡面有大量蝦干，蝦嘅熟度亦剛好，中西合璧得得好，只是有點辣，因為我身體唔好已經好耐冇食辣，所以有少少頂唔順（我以前譚仔食四小）總結：因為未食過午餐，所以寫一寫，因為午餐有set，晚餐反而冇，食左三年，冇咩退步，會繼續幫襯

等了半小時，同我講原來漏單；冷氣凍話想調位，卻話其他位比人book曬！問題係根本坐唔滿！最後，個all day breakfast 分量少，意大利飯味道濃到爆，環境又嘈雜，永不錄用，失望。

今日同細妹請左半日假，一齊買父親節食物 。未買野之前緊係食左野先。妹妹之前食過晚餐讚不絕口，今次就一齊食TeaTea要3點開始，準時到左就睇餐牌有乜食啦！每人一個再Share,我點了高興公司三文治（$41）再加（$4）換了綠茶沙冰。妹妹點了迷你炸雞薯條（$39）加凍檸水高興三文治先上。一向食開三文治唔係配薯條就一定係薯片，今次甚麼也沒配有點小失望。三文治是切開兩半。（佢包實，我影相先拆到咁樣衰）入邊材料有蕃茄，菜肉同煎過的雞肉都幾香口，三文治食時還暖暖地，ok. 綠茶沙冰只有一丁點綠茶味，唔夠香濃，加4元收貨。如果正價必定不點，唔值迷你炸雞都唔算迷你，薯條份量都算多。可惜雞唔夠熱皮厚又唔脆，雞肉又小又唔夠入味。薯條又乾乾地。又唔知用左乜野調味，不喜歡總結：下午茶食物味道好一般，但求填飽個肚的ok.價錢中等，2人食了$84。（無加一）同埋如果坐得出而多人的話都幾嘈。並不是傾計好地方。會再來下午茶嗎？未必。晚餐或許可考慮吧！

我係畀佢嘅裝修吸引而去嘅，佢嘅地方闊落，所以午餐時間唔洗等位都入到去。因為我哋5個人都唔餓，所以只係叫咗4個餐。啲餐點嘅賣相普通，但勝在份量充足，其中最推薦鰻魚飯，完全唔腥。

尋日去左呢度食我同其他人分别叫左個是蒜香煙肉炒意粉、紅豆土司同漢堡。意粉正常味，不過感覺比較多油紅豆土司同漢堡都ok嘢飲方面，其中一杯嘢飲賣相麻麻，歪埋一邊而蜂蜜牛奶就怪怪地，我friend話味道怪怪地，有陣大叔唔沖涼嘅味（聽到嘅時候笑咗）份量我覺得都夠，食完個tea之後翻到屋企食唔落夜晚飯😂最後承惠百幾蚊

呢日前一日女朋友話想鋸扒，最後就去左呢間佢之前已經食過既cafe食啦！咁當日我地訂左8點枱，但因為公事遲左半個鐘先到，咁好彩cafe夠大夠多位，去到都仲有好多吉位，唔洗等即可入座。我地叫左一個高興雞翼配特製牆，香辣雞肉意大利粉同埋一個美國肉眼扒配薯菜，野飲就叫左個柚子檸檬冰沙。最先黎既係雞翼，雞翼熱辣辣，本身雞翼微微的辣味，配埋佢地既特製醬（少少酸酸地，似有牛油果係裡邊既醬）其實幾夾，但女朋友就鐘意唔點醬食，我就點唔點都覺得不錯。意粉既外觀就mama地啦，不過份量有番咁上下，而且味道香辣得黎意粉質感岩我口味，雞肉就好明顯係普通雞扒切塊而成，沒甚麼特別味道，不過咁大碟意粉先68蚊，唔可以要求太多了🤣但反而個肉眼扒有驚喜，煎到岩岩好五成熟，亦都有足夠時間rest件肉，一切開頭幾舊係食到皮脆肉嫩，比想像中好太多，薯條真心好味，但係沙律配一個柚子醬我地就覺得唔太岩口味！本身仲好想食佢個pancake ,但由於份量太中，我地都飽到食唔落了！但下次黎一定要試五下佢既Pancake 呢，其實見到格離枱叫既炸魚薯條都超吸引呢！總結黎講，平價得黎有番咁上下質素，地方大不會坐得太迫，下次一定會再黎呢！話曬

今日經觀塘朋友介紹下 去左麗港城隔離既工廈cafe. 探索之下發現工廈內有超多cafe. 而今日介紹既happiness 高興咖啡店， 就係地下層，地方闊落， 裝修唔錯， 幾靚。下午茶menu 都唔錯， 價錢比起單叫飲品平好多。 最出名既公司三文治， 忘記影相了加一杯茶或咖啡都只係41 蚊， 最重要係個三文治真係， 極品。 份量都幾大下架， 兩等份一份就有面咁大。 裡面有新鮮蔬菜， 蕃茄， 生菜， 大大份厚雞扒，卻完全冇油膩感，怪不得個個都叫。 我杯玫瑰latte成為36 蚊，早知當茶餐叫！ 但係36 蚊都大杯，抵飲過星巴克， 個拉花真係靚到尼....心花恕放 一定會再尼食佢個公司三文治

第二次食高興，係夜晚食，今次一去就有位😼雜莓乳酪沙冰唔記得幾多錢🤣好似跟野食就$17，一杯幾平常既沙冰，酸酸地，唔會太甜，岩哂食漢堡餐呢啲heavy野。賣相普通，個人覺得舊cream唔太好味🤔黑松露雜菌意大利粉$78賣相如圖一般，比較淡味，黑松露味不突出，不過欣賞佢啲雜菌夠大粒。略嫌貴左啲，因為唔係話好好味🤔手打牛肉芝士煙肉漢堡$104賣相都ok，睇落幾吸引，薯條好新鮮、熱辣辣又夠脆，個漢堡好足料，牛肉都好juicy同嫩口，塊洋蔥係連住一條咁，令人食得有點狼狽🤣檸檬忌廉楓糖pancake $50賣相好靚😽岩哂打卡少女風味道都好好，檸檬配合pancake，成個味道好清新，唔會因為太甜太膩而唔想再食落去，個楓糖漿好香。推薦！

一大班人食左好多野，不過冇逐樣影。呢間野既性價比，我會比滿分💯！⁣⁣🥗柚子大蝦沙律 ⁣大蝦都真係大，個醬感覺唔肥⁣🥔黑松露醬粗薯條⁣想講薯條呢家既真係就咁睇樣都知好唔好食，挺身乾爽唔會油淋淋，個黑松露係超正，第二次食水準依然。見到幾乎每枱都有碟薯條，可見係必嗌😋⁣🥑牛油果鮮蝦麥西哥片⁣牛油果新鮮，個醬真係有粒粒蝦⁣⁣🍝蕃茄帶子意粉⁣帶子既size(睇圖)⁣個醬微微辣，我地食完個意粉，仲用薯條/墨西哥片點埋個醬食，爭在未👅埋隻碟⁣🍄松露雜菌意大利飯⁣松露味濃郁（但我唔是好鍾意食risotto🤫)⁣⁣🥟蕃茄菠菜芝士意大利雲吞⁣呢個真心推，好似唔係好多cafe有得食，唔小心食左3，4粒🤫🤫🤫⁣

同朋友搵地方食下野傾下計，高興已經bookmark左好耐，今日終於有機會到訪。蕃茄大蝦意大利粉，呢個要留意係有少少辣㗎，不過好野味，番茄醬好足夠，唔會食到最尾冇醬汁。黑松露雜菌意大利粉，佢啲意粉好大碟，一碟可以夠兩個人食😂啲配料都好多，勁多菇，都幾creamy😋高興雞中翼配特色醬 5隻 雞翼冇咩特別啦，有啲似超市買到嗰隻翻熱雞翼。嗰醬就係牛油果配酸忌廉醬，如果用嚟點墨西哥片就幾夾嘅，但係同雞翼就唔係幾襯🤔😂青檸青蘋果梳打特飲 唔錯，唔會太甜。檸檬忌廉楓糖pancake 佢塊pancake 太過厚實，硬得濟，嘛嘛地😶我鍾意餐廳嘅佈置，我哋坐咗喺打卡位，傾偈都傾左兩個幾鐘，唔會俾人趕走，幾好。啲意粉都唔錯，幾好食嘅，不過個甜品就有啲失望🙈

午餐大概食左六七十蚊左右，叫左個蕃茄豬扒烏冬。蕃茄湯夠濃，不過吉列豬扒就有點上火。我加錢跟餐叫大紅袍茶，飲到三四杯，都幾好飲。同事叫左個oreo 加cream 嘅朱古力，雖邪惡但幾好睇又好食！

內在環境佈置得好有懷舊感覺，空間寬敞，座位舒適，唔係繁忙時間黎可以飲杯野慢慢坐美式炸魚配粗薯條 $48炸魚柳好大件，炸得金黃香脆，魚肉嫩滑，點埋他他汁食好正。薯條份量好多，熱辣辣脆卜卜好食日式淡咖哩牛肉漢堡溫泉蛋飯 $66日式咖哩甜甜地微辣，牛肉漢堡面層煎得香脆，牛味都幾濃郁，撈埋咖哩一齊食好好食美式黑豚扒 (黑椒汁) 配薯菜 $138黑豚扒外層煎得好香脆，肉質好淋，一啲都唔鞋，仲有好多肉汁，點埋香濃既黑椒汁一齊食，好正！

午餐叫左個烏冬lunch set, 但係太spicy, 食左大半真係食唔到落去。食開辣既都食唔到。檸茶太結，都係飲左一半，唔好味。最後勉強成個餐只可以食左一半朋友叫左雙層芝士焗海鮮飯。唔好話兩層，d芝士一層都冇，似白汁撈飯，d汁都係比較稀。D飯一d都唔香，成個飯好似冇咩點焗。正常焗飯係熱辣辣，但上菜時個飯只係暖，味道真係麻麻。環境寬敞，坐得舒服。呢度可以加番dd分裝修亦都有特色。但食物質素始終最重要。質素真係有待改善。飲品有熱維他奶選擇

水準極差 大失所望 與過去相距甚遠 此餐廳為本人中學經常流連之處 畢業後再次踏足 簡直不知所謂 侍應下單態度惡劣 食物等候時間長不説 點了一客蟹肉意粉 多次吃到蟹殼碎 難怪門可羅雀 !!