鬍鬚仔 (已結業)

今日難得入到黎青衣，朋友推介我幫襯青衣黃店首選的鬍鬚仔，主要係食美式快餐既熱狗同漢堡。在等待出品時得知，青衣店將在3月尾結業，想試既朋友就要快手，如果唔係就要去屯門店先試到佢地既手藝小店主打漢堡系列，可以揀配套餐或者單點，一個包都只係$30-$40左右，相當便宜加勒比海牛堡餐 $61 8.5/10叫左個期間限定既加勒比海牛堡，非常足料，牛肉非常厚身，肉汁鮮嫩☺️每啖夾雜著清甜的配菜，唔會覺得太肥膩，燒雞軟骨串有孜然粉，惹味有咬口👍🏻南瓜蟹肉忌廉湯每一啖湯都有蟹肉絲，真材實料，鹹味同南瓜既香甜搭配得好😋

在青衣這個美食沙漠，難得有這麼駞名好吃的小店，今天特意來朝聖，享受美食，也支持良心小店。點了「加勒比海牛堡」($42)，加配「洋蔥圈」和罐裝可樂($16)。這個「加勒比海牛堡」用料充足，有煙肉、菠蘿、車打芝士、牛堡、蕃茄、生菜，對女生來說，一口實在咬不盡所有材料，只好分幾口來把所有味道囊括。蔬果夠新鮮，味道清香，口感爽脆；芝士微微拉絲，味道鹹香濃郁；菠蘿香甜多汁帶一點點酸；兩片煙肉有咬口又惹味；重點厚牛肉扒份量感滿滿，火喉適中，口感柔軟鮮嫩，肉汁豐富；外層麵包稍微煎香，微甜又不會乾硬，各種味道在口腔內綜合爆發，惹味又滋味！把整個吃完，已經飽足感滿滿！「洋蔥圈」炸得夠香脆，吃的時候可以感覺到洋蔥顆粒，爽脆又香甜。{鬍鬚仔}食物質素不錯，如果有堂食的地方，相信在食物外觀、環境衛生各方面都會更加分。後來得知原來青衣店因舖租過份昂貴，所以快將結業，實在非常可惜。希望{鬍鬚仔}的屯門分店生意興隆，繼續進步後，有機會要重回青衣這個美食沙漠呢！

上星期第一次幫趁，點了fish and chips，因為係街市環境，冇預過要企20分鐘，建議可以同客人講聲要等咁耐。店員態度對等緊的客人亦超惡劣，雖然係黃店，但好似當正所有客人都係林奠咁，係最典憤世嫉俗的年青人，下次想幫趁，要問問自己，為乜呢？返到屋企先知份量偏細，一個男人唔會夠飽，下次要預左去隔離叫多份煎釀三寶先夠。魚冇乜味，估計係雪藏，但最慘係D野太油，食完即晚唔舒服，第二日腸胃都唔妥，所以第一次經驗係唔好的。今日因屋企人想食，即管再返去，叫個至尊漢堡，但因屋企人唔食得蕃茄，以為走蕃茄係相當等閒的事，但職員話：「冇得走，我哋「缺一不可」」有D意外，但仍客氣地解釋，我屋企人唔食得蕃茄，另一職員就話：「走唔到呀，你返屋企liu走佢啦！」我唔係好同意佢地既堅持，我都係鍾意民主，所以決定唔幫趁。

🍔至尊牛堡（$42）包皮係烘過嘅手打牛好大塊又厚身煎得好香但唔會過熟熱辣辣好juicy😍配菜仲有洋蔥圈半熟煎蛋🍳煙肉🥓車打芝士番茄生菜🍅加埋蜜糖芥末醬食到唔同嘅口感好滿足呀😌🌭️肉醬熱狗（$40）呢條腸超級長囉😅皮脆肉嫩又唔會好咸肉醬味道都ok➕$16就有忌廉湯同洋蔥圈湯就正常啦洋蔥圈💫出奇地脆口粉唔會厚仲食到入面嘅洋蔥甜甜地又唔油膩💁🏼‍♀️影相前已經忍唔住偷食左幾舊😽雖然佢只係屋村街市檔只做外賣🥡我攞返屋企都15分鐘但依然熱辣辣保持到☝🏻終於明白佢點解咁多人買好食過好多高級餐廳喔👻

一直都知道呢間係高質良心小店💛今日特登行遠啲過黎幫襯下星期六一點半既時候去買6️⃣有啲想食既野都已經賣曬🍔有少少失望呀😔而且都等得比較耐⏱始終即叫即做而且lunchtime時間比較多人🥢櫻花蝦他他魚堡 $35呢個係性價比超高既漢堡🍔入面係超多蝦🍤而且個魚炸得岩岩好 唔太硬又keep到啲魚汁🐠又唔會超多粉個包仲要係我最鐘意食既甜甜地又淋既包份量黎講一個女仔就岩岩好男仔就最多叫多個薯條先夠飽🍟🥢至尊牛堡 $42塊牛係大大塊勁厚身🐮雖然係接近全熟但係勁多肉汁流出黎個漢堡仲有一塊大雞蛋 炸洋葱 蕃茄 生菜同火腿🍳🧅🍅🥬🥩成個口感係勁豐富雖然一定係要外賣🥡但呢個漢堡係比起餐廳坐係度食果啲係好味好多一定會再試埋其他漢堡架

黃店唔係大哂，唔好以為有個黃店冠冕就唔怕無生意做。事源今日到鋪頭買野，店鋪無人排隊落單，已經同店員講想落order，佢叫我等，我足足等左5-10分鐘，佢期間只係回應電話，同其他等拎野食嘅人，完全無視我。間野實在比人吹捧得太勁，但其實唔太特別。如果店員可以有禮貌叫我等一等盡快幫你，或比大約時間我，起碼都有個預算要等幾耐，而唔係就咁冷落客人。問左幾次都叫等等，等等，最後我迫於無奈放棄，睇番本身嘅食評，到底其他人知唔知咩叫好食？希望黃店都應該要有番基本嘅顧客服務。

青衣長發廣場嘅街食有條美食街，專賣熟食，入面有一間深黃小店，無懼白色恐怖，依然張貼連儂牆，至於memo 紙上面寫左咩，當然在心中啦！！小店出名食漢堡，我唔食得牛，所以食熱狗。#三重芝士熱狗#肉醬熱狗望住佢地即叫即整，餡料超多，熱狗腸勁長，未食已經覺得自己會再幫襯。加埋個收據上面寫住嘅金句，未食過咁好食嘅熱狗囉！！

係青衣呢個美食沙漠入面，鬍鬚仔絕對係呢度嘅清泉😃🌈.....宜家間間商場都係啲大型連鎖店集團..食來食去都係嗰啲嘢😥良心小店少之又少，真係要大大力支持先可以💪🏻💪🏻💪🏻。今次叫咗個大啡菇漢堡同埋經典牛堡🍔，都係新鮮即叫即做🍅❤️👍，包新鮮軟熟，配新鮮生菜同埋蕃茄，牛肉香口又保持住肉汁，OMG。大啡菇🍄味濃郁，係素食人士之選👍，個包都係$35 一個咋，加多1x蚊仲有個小食同埋嘢飲添，性價比好高呀。呢啲咁高質嘅嘢係唔可以同嗰啲垃圾Mcdonxxd 比，大家根本就唔係蘋果對蘋果🙇🏻‍♀️

其實經過左鬍鬚仔幾次，一開始唔知佢咁出名，以為會係街坊野、無咩特別就無試到。後來聽朋友爸爸講先知佢不但係黃店，仲要好好食😋所以就山長水遠去試左啦！佢係長發街市內，得幾個企位，所以大多客人都係外賣拎返屋企食既。我叫左加勒比海牛堡($42)朋友叫左四式芝士牛堡($46)，再share個鹹蛋黃薯條($30)。落單後等左10-15分鐘就拎到熱辣辣既野食，然後急急走人返朋友屋企開餐。朋友話四式芝士牛堡好重芝士味，牛堡煎得岩岩好，好juicy 🤩加勒比海牛堡就有煙肉、牛堡、菠蘿、生菜、蕃茄、芝士，好豐富😋菠蘿既酸甜令個漢堡無咁「濟」，呢個組合💯 個漢堡排都唔錯，一d都唔乾身。鹹蛋黃薯條都唔錯，好重鹹蛋黃味，但略油🤭總結來講，CP值幾高，如果你住附近就一定要試！Food: 8/10Service: 8/10CP: 8/10

朋友話青衣有間有heart嘅漢堡包小店，請咗啲後生仔女做店員，味道very good，我最鍾意支持有heart小店，咁就專程入去青衣食漢堡包。由地鐵站行去大約七、八分鐘，小店喺街市裏面，都唔太難搵。大約8pm去到，前邊都有三、四個人客等緊。我叫咗「韓式泡菜牛堡」，即叫即做，大約等咗7分鐘店員就遞上熱辣辣嘅漢堡包。行咗去商場搵張凳坐低，即刻開嚟食，仲熱辣辣。漢堡包賣相唔錯，非常飽滿大件。牛肉漢堡扒好有份量，裏面有碎洋蔥，好香，美味可口。配料除咗番茄同生菜，當然仲有韓式泡菜，泡菜微辣好開胃，好Juicy。我擘到個口最大都唔可以一啖咬晒個漢堡包😅，要分開兩層嚟食😆分量充足，食完好飽，頗為滿足😁

青衣區既BURGER店幾隻手指數得晒，而係有名既青衣市集入面就有呢間係該區好多粉絲既小店！一直都未食去幫襯係因為經過既時候都太多人，而且冇位堂食~呢一晚宵夜時段去到，隔離鋪有位坐，就決定今晚要食佢！本身想ORDER既賣晒，退而求其次要個熱狗！要左RED HOT肉醬跟餐，洋蔥圈+蘑菇忌廉湯~太多單既關係，叫左食物後等15分鐘左右先有得食！RED HOT肉醬熱狗 - 條腸真係好長 = o =麵包部份有一邊比較燶，扣左少少分~條腸好食，醬汁亦都OK！洋蔥圈 - 份量都幾多，炸得剛好，合格！蘑菇忌廉湯 - 呢個一般般喇，有進步空間！總結 : 價錢、味道都成正比，性價比高，路過想食BURGER可以支持下！(期待下次試到BURGER)

今日放工打算返屋企前食一食漢堡包，在搜索過後，發現青衣有間即叫即整的漢堡包店，於是就過去買來試試。去到發現原來是一間小食店，只有外賣沒有堂食。總數有十款漢堡包選擇，而我最後選擇了四式芝士牛堡套餐，套餐中我選擇了湯跟薯條。等了大約10分鐘左右就能取餐，不算等太耐。不過漢堡卻係令我失望，本身期待四式芝士的口感，但就感覺不到芝士的香味，而且味道有點淡，幸好牛肉還有牛味和夠厚。而湯則係西式白湯，不過太鹹，剛好同漢堡成了一個強烈的對比。而薯條最正常，而且份量十足。整體而言，作為正餐份量的確十足，但味道有些太鹹有些太淡，實在令我大失所望。

青衣南部算是一個美食沙漠，入夜後可選擇的餐廳廖廖可數，筆者經過一天的工作疲憊不堪，打開網上外賣平台卻發現曙光，鬍鬚仔店舖位於長發，該區都不乏美食選擇，可以說那邊的居民真的幸福。這次筆者點了韓式泡菜漢堡配薯條和檸檬茶人越大，越喜歡吃泡菜，當中的酸酸甜甜辣辣，長大了才喜歡，配合在漢堡包中的泡菜，另有一番風味。漢堡肉十分鬆軟，不會很乾身，我喜愛這個size的漢堡包，不會太大個亦都會太少，配合一份薯條就剛剛好很飽了。

呢間漢堡包店一直想試，但成日好早售罄，所以未有機會試， 今日經過見仲有得賣就買左個，雞扒玉子漢堡來試材料有： 雞扒，煎蛋，生菜且廿蕃茄不得不佩服雖然係幾樣好簡單的食材，但配合得好好首先個雞扒，唔會有雪味，大小剛好，個汁又唔會太搶， 知道自己食緊煎雞扒，肉質又唔會「鞋」，又食到煎雞的香脆，好難得；至於個煎蛋火候控制得宜，雖然係全熟，但唔會好老， 有蛋味，應該原材料的質素唔錯 ；蕃茄同生菜唔會太濕，而且都算新鮮。最後個包，個人覺得比「嘉堡漢堡」好一點，起碼有少少脆邊， 但個雞扒啲汁多左少少， 漏左落底整到個包淋左但唯一不太滿意的是留意到製作食物的其中一位師傅（略胖有紋身那一位）不太善待食材。

今晚行過長發街市, 見到呢檔個門口竟然有幾個人等緊外賣!好少見街市入面賣漢堡, 一於試下"四重芝士牛肉"同"至尊牛肉"先。揀左餐, 分別跟炸洋蔥圈同炸雞翼。拎到番屋企, 老公一見到個包已經話唔係cheap 野。哈哈! 跟住佢已急不及待食洋蔥圈。買完外賣我仲要搭車先番到去, 但因為食物係即叫即整既關係, 拎到番屋企洋蔥圈仲脆! 炸雞翼好鬼香, 香到我搭車時都覺得好大陣炸雞翼味, 外面夠脆, 入面夠味。跟住講兩個漢堡包, 個包唔係平時快餐店用嘉頓果隻芝麻漢堡包, 係大隻好多同鬆軟既。牛肉幾厚下, 食落去係近乎全熟而有d 肉汁既! 見到塊肉, 已經覺得值回票價!"四重芝士"係一大pat 芝士醬, 其實我分唔到係邊隻芝士, 只係覺得有好濃既cheddar cheese 咋, 哈! 呢個芝士醬, 隻味好似當年哈迪斯個牛仔芝堡呀! (唔小心出賣年齡系列)"至尊"係我同老公既favorite! 入面有香口既煙肉, 炸洋蔥圈, 蕃茄, 生菜, 蜜糖芥末醬, 加埋夠份量既牛肉, 好好味! 係一口入面食到有唔同既口感! 我同老公都覺得呢個包好正!呢間值得encore 呀!