魔法甜品屋

营业中

休息中

食飽飯，就試吓粉嶺附近嘅糖水舖由於呢度附近都比較少糖水舖，呢一間甜品店喺粉嶺都開咗一段日子，由一開頭純甜品，到而家食物多樣化，我見佢連一啲鹹嘅小食都有，例如雞翼尖啦同埋瑞士雞翼等！ 我老公帶咗呢間甜品屋嘅名物-就係榴槤至尊，因為都好抵食所以好多人叫！ 一個價錢食到三樣嘢！一set三樣榴槤嘅食物(有榴槤班cake，榴槤布丁啦，同埋榴槤西米露)榴槤西米露入邊有好多榴槤蓉，用料夠足！ 佢哋鋪頭聲稱佢哋係用D24嘅榴槤肉,榴槤又香又濃郁！ 我老公大叫好好味！ ！！另外我想叫燉椰皇，但係原來一早賣晒，所以就叫左蛋白燉桃膠！ 桃膠好足料！ 好滋潤！ 味道唔係太甜！ 桃膠係近年好熱門嘅甜品食材，因為佢係有豐富的植物骨膠原！ 食完皮膚都會彈彈啊！

魔法甜品屋係我同朋友由中學到依家食疾差多8年我諗。講真野食唔係特別好食架喇，但粉嶺冇咩甜品好食，有時食完野想食返碗甜品就惟有揀佢。今日黎到呢度真係一肚氣，建議大家如果用e字頭個app千祈唔好黎。不嬲食開用果個app遲十五分鐘內都ok，我唔係話遲到應該，但位黑面店員（相信成日去既都知邊個）一聽到我都有折就話我地遲到，應該準時到。我就好有禮貌話返比佢知不嬲會留位15分鐘，佢就話你book果個時間就應該果個時間黎。（想講講間野係空，一個人都冇）我心諗，你加盟果個app時有冇用眼睇清楚？你咁講全世界餐廳唔洗留位啦？果下完全覺得因爲我地有折扣佢就好似唔係好想做我地生意咁，亦有種比佢奚落既感覺。我同友人都心諗一場黎到，食埋先啦。繼續好有禮貌咁叫佢落單，諗住叫雪花冰同椰皇。佢同我地講呢兩樣野夜晚先有？？你當我傻？一之前中午食過都有，二我唔覺得雪花冰呢樣野會夜晚先準備到，果下完全覺得因爲有折佢唔想整呢兩樣野比我地。想我地食豆腐花西米露算。然後我地走左。真心覺得個黑面神服務好差，細個到依家都唔係咁据佢，唔係冇甜品店我真心唔會去，經常今日我呢世都唔會去，上樓上食新地仲好！你嫌人用你個折就唔好加入個app喇

屋企樓下唯一選擇甜品屋無飯煮婦，今日happy friday 出去搵老公去葵涌廣場行街搵食喺葵涌廣場淨係搵左小食食，所以都唔係太飽。老公冇揸車所以今日搭巴士返屋企，坐車尾暈車浪，落車老公提議食甜品，我當然話好啦咁就去咗屋企樓下間甜品鋪到食啦。（屋企樓下唯一選擇嘅甜品鋪）入到去，我叫左凍既薑汁燉奶，提一提神補充能量，好快就有得食，而老公去親甜品鋪都只會叫朱古力心太軟，食佢鐘意既曲奇雪糕。呢樣也係佢專一既優點

食完飯喺屋企附近搵朋友吹下水， 粉嶺區甜品舖冇乜選擇， 經過就入咗呢間魔法甜品屋試下。。 應該全部客都係街坊~坐低叫咗個雪糕涼粉， 有一球曲奇味嘅雪糕， 牛奶冰同埋抹茶涼粉。 基本上呢個甜品真係三樣嘢放埋一齊喺個杯入面。。 冇賣相可言😅。。曲奇雪糕就普普通通。。 都幾甜。牛奶冰只係一啲白色冇味嘅冰。。 抹茶涼粉就係一啲有少少抹茶味嘅蒟蒻。。。呢個甜品又唔可以話佢係難食嘅。。 但係唔係好食只可以話係正常。。 雖然話做街坊生意。。但都真係希望用心少少🙁

呢間服務態度差係一向的事喇!!所以唔期望有服務可言點知食物質素變得越黎越差芝麻糊><好難食，連超市買的即沖產品都好味過佢淡而冇味 南北杏木瓜燉雪耳><超甜真是得超甜糖水味，冇其他喇木瓜燉雪耳好似後放入去甘不斷有幾隻蚊滋仔飛黎飛去趕極都番黎仲有隻直插入碗糖水度好彩碗野唔好食，原本都冇打算食曬姐花都華明得佢一間獨市生意令呢間不斷退步越變越差款式十年如一日衞生環境差左服務態度一向差希望有新糖水加入，可以多一個選擇

叫左碗熱合桃糊豆腐花、黎果陣已經唔熱、只係室溫咁上下。一食落口、合桃糊有酸味、叫人check下、佢攞左入廚房一陣、拎返出黎、話無問題。我真係覺得有問題、成碗無食。收完錢果陣、個女既問我係咪食物有問題 好明顯啦。。佢真係醒呀、收哂錢先問呢間野永久blacklist、唔會再幫襯、仲要叫身邊所有fd唔好去呢間野。d野又唔新鮮、又難食！

服務員差到爆，唔知老闆點解仲留住佢！一入門口已被鬧番出門外等但當時係有位的，如果禮貌地要求在外等候是沒有問題的。都落單才最精采，服務員站在收銀機，要求客人大叫落單，我們表達不想大叫，問服務員可否行近落單。服務員説要我地等等，她專登走去送完另一枱甜品才回來落單。終於可落單，怕她太忙記不下四個項目，要求服務員重覆項目免下出爭吵。她的記性的確好，全對但大家想像到她當時的咀臉了。我們最嘆息係，甜品不錯的食店（筆者係跨區再來為好食品），但食得受氣便不來了。

呢間甜品屋既服務員態度真係好差極！我地係真金白銀比錢黎消費，唔係受氣服務員落單黑口黑面，出甜品又黑口黑面咁難頂，點解仲要做？已經唔駛點樣去service ！果晚十一點幾去食，差不多12點既時候佢地已經係到做咩都（並並磅磅）拖地，搬椅子！但重點係，佢地仲keep住比客入黎果時計埋我地有4枱客人係咁比面色我地睇！既然覺得我地阻你收工，就唔應該比客人入黎坐入黎坐低，比錢受氣！我唔知果位係員工定老闆如果係員工@@嘿！你個老闆真係多得你唔小！

首先，態度非常惡劣 女店員黑口黑面 一點禮貌都冇 其次，糖水制作馬虎 賣相求求其其此外，味道一般 西米露及刨冰淡而無味 薑汁鮮奶燉蛋白 奶多過蛋總括而言價錢貴 味道差 服務態度差

之前慣左一夜返就會買呢間野或者係石磨坊ge糖水做宵夜，但之後石磨坊執左，呢間野又好似食食下冇咩好食，所以漸漸少食左。咁今晚又心思思想食宵夜，所以隔好耐之後再次幫襯佢。5知係咪我去到果時仲係太早定5係假期，所以去到果時都5算多人，因為之前去，d人係多到入面都坐5哂，要係出面開枱。今日天氣都5算熱，所以冒一冒險叫左個蘆薈雪糕涼粉，都係果句啦，因為熱氣呀，如果5係會叫糖水而5係涼粉。返到屋企拿拿臨開餐，好彩個雪糕都仲未溶🙈 食落成個甜品都ok啦，都冇咩特別，係個雪糕有少少驚喜，原本我以為佢只會比雲呢拿雪糕我就算，但估5到佢竟然比左個oreo雪糕我，呢個係令我有D驚喜，因為我本人大愛orea😍

未食完就趕客8人去唔留位比6人位我地觀察後得知4人以上不會留位熱食唔熱 糖水得甜味比錢果陣老闆娘西面如果係花都想食甜品建議去M記食杯雪糕算唔洗比錢買難受*因為服務態度差 我就開openrice account 寫 我第一次食評

先唔講食物,服務態度真係好差,客人食緊嘢喺隔離執檯執櫈,仲要吸埋塵,唔憂做都唔使趕客掛仲要未食完就想收我地啲嘢。啲食物幾好都冇用啦,況且唔係真係好好食,叫啲服務員做嘢個個黑哂面,俾錢買難受,免費都唔會再去

食完勁辣譚仔後需要甜品中和一下，男友鍾意就榴槤班戟，我就想食芒果西米露，感覺清爽d,榴槤班戟$25味道很濃郁～有新鮮很甜的榴槤果肉，加上佢個cream不會太溜～同發記果隻一樣咁～好好味～芒果西米露好稀$27⋯還好芒果肉算甜⋯不過真係無乜味道～有點失望！做街坊生意，但都幾多人幫襯～～下次再試其他😜

依間甜品店特別既地方係除左一d傳統既糖水 仲有好多佢地自己自創既甜品好欣賞佢地既創意!今日就試左佢地期間限定既紫薯燉椰王椰王非常之清甜 好有椰香 唔會淡某某佢d紫薯同d椰王水燉成一體 甜香既紫薯同椰汁融為一體 兩隻食材好match 依個配搭係其他糖水店我真係未見過我仲試過佢d mango pancake and durian pancaked cream真係好滑 配上chocolate醬 好香既mango 同durain味 係用新鮮水果但依間鋪頭既傳統糖水就做我比較差 好似佢地既蕃薯糖水 啖某某 好似係有糖既薑水加蕃薯 唔似用猛火煮得好耐 求求其其甘

今天天氣很好呢~於是約了幾個朋友踩單車學"衝線"踩著踩著到了晚上, 原來還沒吃飯呢~路經這家門面漂亮的甜品店,突然肚子就餓了由於帶了狗狗,所以我們打算在門外享受,以免打搞店家做生意自問並非要求十分高,想不到所謂招牌菜竟然那麼差...賣點是冬日精選, 竟然只是微溫,是忘了煮? 還是微波爐壞了?紫心蕃薯味道很假, 死甜之餘毫無咬口,一咬即爛...乍看之下色澤漂亮的糖水非常甜,就好像糖+水一樣,嚐甜的我也喝不完...椰子肉硬得把膠湯匙也用壞,問她們拿一隻鐵匙竟然說沒有?隨意拿了一隻膠湯匙給我不止,還給我看見那女侍應的手指沾了湯匙的勺位...結果只好放棄餘下的椰肉, 不過其實椰肉的味道也不新鮮,不吃也沒所謂了