魔膳廚房 (已結業)

觀塘有好多美食，今次就搵到魔膳廚，佢房位於工廠大廈內，但很近觀塘地鐵站，位置方便沙律吧入面款式唔算多有中華沙律，螺肉，不同雜菜🌿，自選沙律汁仲有西瓜🍉，菠蘿🍍，啫喱，味道都不錯☺️餐前開胃小菜：熱辣辣餐包+餐湯。菇味濃而且仲好香好滑。香煎三文魚柳配藜麥沙律😋三文魚厚身充滿油脂😆都幾大條，肉質唔乾夠滑，外皮煎到香脆香口，幾好食!配埋藜麥沙律食真係好正！藜麥有營養又高纖維的穀類，還有大量水果，非常健康，份量亦不少，十分飽肚。不過個黑醋汁食落酸左少少，但都好好味😋 香煎帶子黑松露意大利飯黑松露很香，滿滿的 鋪滿彈牙的，每粒飯均沾到黑松露，口感和味道均充滿著驚喜。材料好豐富，帶子大大粒 ，仲有唔少嘅蟹子同埋筍同菇。感覺有咬口，個飯外軟內韌，黑松露味道濃郁。 焦糖咖啡高水準咖啡整個都佈滿了香濃咖啡味香濃樸鼻, 口感非常之豐厚, 吃每一口都充滿咖啡香，唔澀，唔會太熱，唔會酸 

今日同個老友一齊去食魔膳廚房因爲上網見到好多人推介想trytry開始驚觀塘好難搵路咁多工業大廈點知地鐵站一出行幾步就到行過見到有條樓梯掛滿d插畫上去就係架啦簡陋既外牆隱藏住有氣氛既餐廳行緊上去突然成廿幾個人行翻落黎可能lunch time啦不過心諗咁多人食實冇伏啦一睇餐牌即點西拉牛扒 五成熟口感一流軟硬程度岩岩好🤤🤤跟餐既薯角擺耐左都仲係脆卜卜 平時跟餐既西蘭花竟然會係林既 平時伴碟個d通常都好難食 但而個出奇驚喜朋友就點左安格斯牛肉漢堡肉汁鬆軟正出面仲有沙律bar 可以出去夾最愛既哈密瓜🍈好完滿環境幾好幾岩傾下計hea下 影下相呃下like，真係值得推介

之前經朋友介紹觀塘工廠區美食-魔膳廚房，令人回味無窮，所以今日再帶另一位朋友去試下，果然繼續保持一貫水準。上次無試過沙律吧🥗，今次就試下啦，$38一位任食，有沙律、螺肉、青/黃椒、蕃茄🍅、西瓜🍉、啫喱...我哋叫左2兩個set，一個香煎帶子黑松露意大利飯🍴，另一款係德國烤原隻豬手配薯角。跟餐有餐湯，我哋揀咗一個羅宋湯，一個忌廉湯。羅宋湯夠晒濃味，蕃茄味好突出，雜菜豐富；而忌廉湯夠濃稠，亦都有好多雜菜。最欣賞嘅莫過於係個餐包，真係好好味，又鬆又軟。香煎帶子黑松露意大利飯有兩大隻帶子，面頭有芝士粉同埋脆脆，意大利飯有好香嘅黑松露味，味道濃郁，飯夠晒creamy。德國烤原隻豬手配薯角：豬手表皮烤到脆卜卜，肉質都好嫩滑，配埋少少酸菜，中和肥膩感，配菜薯角做得一啲都唔普通，非常香脆，充滿薯香味。跟餐仲可以揀兩杯飲品，揀咗熱蜜桃紅茶，如果想轉凍飲加多$5，叫咗杯青蘋果梳打，青蘋果味都好香，唔會太甜。食完飯，沿路落去仲有好多圖畫欣賞，成個藝術廊咁。

好少機會來觀塘這邊，皆因公司愈搬愈近這區，今日放工後相約友人食晚飯，經朋友帶路，有緣來到這家餐廳。上樓鋪由上樓梯到門口佈置得很溫暖，好有亞熱帶風情，牆上掛滿各式各樣的圖畫，很有聚會派對感！鋪進餐廳，令人耳目一新，闊大的空間加上富大自然感的木檯和梳化座，讓食客坐得非常舒適。點這兒的套餐還有自助沙律吧，讓您不忘進食多點蔬菜。黑松露忌廉湯，很香濃滑口，味道溫和。餐包熱騰騰，鬆軟非常。創意黑松露千島醬鳳尾蝦大蝦配合香甜旳千島醬很惹味，配合提子乾一齊進食很新穎，惹鹹味調輕一點就完美。自家製芒果他他香煎帶子小妹尤其喜歡這道前菜，酸酸甜甜的他他醬很是醒胃，上面加入香濃黑松露，和新鮮的帶子一齊進食，彈牙香口。自家製海膽汁海鮮意粉愛海膽的朋友必定愛這個以濃濃海膽汁烹調的意粉，每口彈牙的意粉流出陣陣海膽香，加上以海鮮做主菜，海洋感返哂來。香煎三文魚柳配藜麥沙律不得不讚這個以慢煮烹調法炮製以成的一道主菜，做刺身級的新鮮三文魚慢煮出來，加入少許帶點甜酸味的配汁製清新，口感十足美味。藜麥配新鮮沙律蔬菜和士多啤梨鮮橙藍莓，既美味又健康。最後點了凍檸茶和熱蜜桃果茶，不知不覺享受了整頓美食，閑談了無數話題，大家帶著滿

今天午飯再次和同事來這裏，上一次試過鴨胸，這次想試試其他的。同事上次試了卡邦尼意粉，今天她點了鴨胸，還加了$10添加餐包和餐湯。而我就點了《蒜香欖油巴馬火腿蝦球意粉》，明顯賣相沒有上次的鴨胸吸引，巴馬火腿只有一點點，看似煙肉般，蝦球都算大隻，口感挺爽口的，但沒有蝦味，意粉味道挺好吃的，有咀嚼感，香香帶一點點辣味。餐飲方面我們這次沒有加錢要其他飲品，只是點了伯爵茶，味道很香。因為星期一，三，五的餐單跟二，四的有點分別，所以下次可能在其他日子再來試試吧。

又係官塘搵食，係街邊見到派紙話有 BRUNCH BUFFET，價錢又實惠不如試下。依家出街食個 LUNCH 都貴啦 !! $80/位任食都算抵食 ~~我地坐底之後就出去搵食喇 ~~ 野食唔算太多，但都 OK，有個沙律吧位 / 熟食位 / 甜品飲品位 ~~ 我地先先去沙律吧開一開胃 !! 有兩款湯，有生果 / 沙律菜，沙律都算多選擇，仲有好多醬汁俾你選擇，仲有個俾人夾哂面既 火腿蜜瓜，呢個後黎我先知 !! 我以為係生果黎 ~~ 哈哈 !! 再出去見到火腿同凍肉係面 ... 但都俾人掃哂 ~~ 剩蜜瓜同沙律菜 !! 隻佬要左配意大利菜湯，火腿芝士酥佢仲食左幾件添，炸蝦片我都有試，仲拎左幾次添 !! 佢話芝士都唔錯 ~ 蜜瓜同西瓜都好甜呀 !! 我用黎配沙律菜/青瓜/菠羅/粟米同蕃茄仔添 ~~ 好開胃 !! 我好似食左兩碟菜 ~~ 呢排食左好多滯野 !! 呢個岩哂我 ~熟食我唔係試左太多，但瑞士雞翼我食左兩轉 ~~ 哈哈 !! 野飲我唔岩糖，所以只係飲左茶包 ~~ 唔錯 !! 

平時嚟開食晚餐，今日經呢度用Apps，半個鐘前都訂到位，方便。環境依舊咁浪漫，黑炆炆😂午餐有十幾個選擇，加送飲品，不過如果想飲湯同餐飽，就另加費嘞，如果食唔多就可以選擇唔要湯，唔洗咁飽肚。今日叫咗個黑松露什菌意大利飯，黑松露咪都香但唔太重味，什菌份量OK，意大利飯軟硬適中。另外朋友叫嘅白咖哩豬扒同埋蝦球粉意粉都不錯👍🏻最後加杯香濃齋啡，感覺滿足。價錢合理，服務員都好nice👍🏻 不過有D位冷氣較大，記得帶外套

餐廳位於工廈2樓 觀塘B3出口一出沿大街好快行到(我行過龍好彩識返轉頭) 入口掛左多幅精美畫作 唔難認架 一上樓梯就係啦! set dinner既餐湯比較中意忌廉湯 香濃得黎又充滿蜆肉既咬口 餐包係提子包德國烤原隻豬手配薯角跟黑椒汁 $186呢間既豬手皮係 超 級 彈 唔似夏捌月果種少少鹹卜卜脆既style 更能夠食到啖啖骨膠原感覺! 兩種我都buy😍豬手肉已經預先拆骨 肉質都juicy 唔會好鞋 如果再淋多少少就更加正(廢老表示沒牙力🙊)味道方面唔會太鹹岩岩好 面頭亦有黑椒香 加埋酸菜同黑椒汁食係正😋btw薯角勁香脆惹味秒清左~香煎帶子黑松露雜菌意大利飯 $168帶子大大粒煎得幾香 仲加左蘆筍同蟹子😌 但略嫌risotto偏硬同乾身 creamy點就好了 黑松露味道亦唔算突出唔夠香btw +$38仲可以任食沙律bar估佢唔到連螺肉 西瓜 啫喱都有🤣🤣餐飲要左cappuccino同荔枝玫瑰梳打 味道正正常常

未試過工廈的食堂，今次跟朋友嚟呢間試吓，環境超闊落又坐得舒服，感覺唔錯自助沙律吧晚餐跟餐加$38可享用自助沙律吧，種類唔算多但蔬菜勝在夠新鮮餐湯：忌廉南瓜湯南瓜香甜，將忌廉撈勻後入口順滑餐包：干果核桃包麵包超鬆軟，核桃香脆干果唔硬，好味，唔似一般跟餐的包，從細微處看得出餐廳的用心邪惡黃金芝士雞膇雞膇炸得香口又有肉汁，配埋芝士醬食認真邪惡法式白酒煮活藍青口青口肉質鮮嫩唔韌，配以白酒煮味道一流德國烤原隻豬手配薯角跟黑椒汁豬手皮烤得香脆軟糯但肉質又唔會乾，配上黑醋沙律醒胃又唔怕滯墨西哥香辣豬肋骨配芝士焗瘋薯墨西哥醬香辣得嚟又夠惹味，豬肋骨烤得剛剛好，肉質非常嫩滑凍朱古力咖啡咖啡順滑易入口配甜甜的朱古力好味熱茉莉蜜花茶有茉莉花茶的清香，蜜糖香醇易入口

人氣超高魔膳廚房，曾經懷疑係廣告加請打手令到人氣咁高，一直都無去試（心邪mode)...咁岩聽到朋友話ok,就決定去試下。（觀塘方便大伙兒收工一齊食）去到發現環境唔錯，心諗價錢都應該唔會便宜～點知，相當廉價！仲要搞promotion, 7:30後入席，每人滿$188就享有salad bar任食。(最後食唔到，因為未夠$188已經好飽）人數5人，女生比較細食，打算先叫4個set先，唔夠再叫～餐前麵包，無太大驚喜，但熱熱的不錯～仲有紅白湯（但最多放12張相就唔放湯的相啦～）我飲左白湯，但相當足料。前菜係薯蓉焗響螺，正常！ribs係朋友推薦，好大份，都有肉喔，又無烤焦，又無雪味，唔錯前面細細碟係芝士焗薯仔，成碟野好豐富和牛burger, 都無太大驚喜，但尚算有牛味，麵包也是烘過的，脆脆的。最推薦呢個，大蝦扁意粉，食曬！搶住食咁，好好味。另外再叫左個意粉餐無影到相，但果個就黎都無食曬🙊一比較，明顯呢個大蝦意粉好食好多每人叫埋特飲，都係每人$150咋坐得又舒服，食左兩個半鐘好relax!會再encore!

每逢週末都係約朋友出外覓食既時間今日朋友約左我黎到觀塘食午餐佢話有朋友介紹呢間餐廳幾好食一睇原來黎過，今次係第二次嚟到魔膳廚房，原來呢度新推出左午市嘅自助餐，款式多籮籮，淨係熱食都有15款，而且仲有沙律吧同埋麵包可以選擇，最後仲有每人一杯嘢飲添。 呢度地方夠大，裝修又靚，都幾岩一大班人開party！雖然自助餐只係$88,但都有好多野食。頭盤有蝦片、芝士、炸春卷、吉士酥等等 ，仲有沙律餐湯有紅白兩款，我試左蘑菇湯，蘑菇味好濃，好creamy，但紅湯睇落都唔錯架！食咗個日式炒烏冬烏冬炒得好香而且色澤均勻，有少少洋蔥作伴，惹味非常。呢度都可以食任食瑞士雞翼，仲有雞扒食添！瑞士汁唔會太杰身，幾入味，雞翼肉白有咬口又夠大隻，仲可以送白飯88蚊 就食到咁高質既buffet! 仲要係假期雖然無一般酒店既海鮮冷盤，但呢個價可以食到咁高質既食物我真係覺得好抵！

約左舊同事食飯，我都好耐冇返黎觀塘區，d餐廳好似變動得幾大，有好多新開既店，佢推介哩間話晚餐唔錯，而且又可以就佢工作地點，去到餐廳正門見到有好多同藝人合照既相，相中既男士應該係老闆！餐廳位於工業區內樓上鋪，所以環境比較大，坐得舒適，中間位置有個沙律吧，可以任食。點左主菜後，跟住上餐湯和麵包，忌廉或羅宋湯可以選擇，我飲羅宋酸酸味味幾開胃，另外個麵包仲好食，好軟熟，入面有粒粒雖然唔知係乜，似果仁粒。德國烤豬手配薯角黑椒汁($186)，見到已經流口水，size唔算大，比拳頭大少少，但兩個人食一定夠，表皮好腍帶點肥膏，必須連埋肉一齊食，否則會好膩，真係好香口又啖啖肉。牛肝菌闊條麵($148)，擺得好靚，炸金菇好好味，好大隻雞脾菇。凍檸7蘋果汁最後食左$458，價錢中等，我覺得還可以，最重要食物質素唔差，而且同舊同事傾得好開心。值得一讚係侍應服務態度超好，有求必應，而且主動斟水。

又嚟咗呢間魔膳廚房皆因之前黎依度食晚餐覺得幾高質所以就返兜左不過今次就唔係食晚餐見佢午餐價錢唔貴所以黎左試吓佢嘅自助午餐睇吓同夜晚嘅質素爭幾遠—先睇吓佢嘅熟悉區域大概有八至九樣嘅選擇呢個價錢來講算係咁有啲炒飯、咖喱、雞翼、豬肋骨等等當中🐷肋骨一定要試試！個醬汁好好味🐷又夠淋👍🏻推薦！另外咖喱同埋雞翼都可以試下—至於沙律吧嗰邊就同晚市嘅種類一樣都係啲沙律菜、蕃茄、西瓜、波蘿之類食飽飯可以食返啲消化下—去到甜品區喇有幾款牛角酥可以選擇有吉士味有朱古力味有提子味仲有個芝士火腿味我覺得最好食係吉士味不過佢啲酥皮如果脆啲會更好另外佢仲有燉蛋呢個就要手快啲啦因為佢好似唔會點refill食完就無🤷🏻‍♂—總括來講呢個價錢食到呢個質素係唔差嘅都不枉我為咗佢返兜👍🏻

今日約左朋友喺觀塘食晚餐，觀塘一向有好多餐廳選擇，我地上openrice見到魔膳廚房有咁多正評所以就食！見好多人都推薦帶子黑松露意大利飯同埋墨西哥香辣豬肋骨，我地都跟住叫。一開始先有兩碗餐湯，餐湯揀左周打海鮮湯，同平時周打蜆湯比仲多左好多海鮮，好正。帶子黑松露意大利飯用料豐富，有兩帶隻帶子同埋勁多蟹籽！意大利飯唔會住得太淋太熟，唔錯。墨西哥香辣豬肋骨配埋芝士焗瘋薯，仲有幾件燒菠蘿。豬肋骨一上檯有啲嚇親，原來咁大份！絕對抵食！最後餐飲加左兩杯梳打，一杯藍柑檸檬梳打，一杯荔枝玫瑰梳打。兩杯特飲勁靚！係漸變既顏色，而且仲有果肉同埋片鮮薄荷葉喺面，好新鮮！今餐真係大滿足！

星期日，好想亨受下二人世界又休閒吃吃喝喝，經朋友推介就未到魔膳廚房，這個午餐是＄88、兩個鐘一位、任飲任吃。朋友果然无介紹錯，食物新鮮美味，地方方便，官塘地鐵站B3出口走不到三分鐘就到。入到店內，優雅的擺設，隔音做得好，讓顧客有寧靜舒適空間。我的頭盤是沙律菜好新鮮的番茄仔、甜椒圈、洋葱圈西生菜加上美味沙拉沙拉醬。一個人吃左兩大碟，好滿足！到熱吃啦，熱吃有許多選擇，有瑞士雞翼，吃返兒时的味道、惹味牛扒、照燒BB骨、鴨胸意粉、鮮牛炒伊面、還有我最愛的芝士焗西蘭花，厚厚的芝士加上爽脆的西蘭花十分夾有兩款湯，南瓜湯和羅宋湯，南瓜湯味度頗濃，值得一讚最后是甜品，燉雞蛋和乳酪布丁兩樣都十分嫩滑，看得出師傅心思廚藝。