魔膳廚房 (已結業)

最近發現了這間餐廳有好多讚好食評，於是同黃兔來試下，可能期望高左所以就。。。週末自助餐每人原價＄168，但有優惠價＄98，在openrice買優惠劵只需＄88。另要以正價加一服務費！用餐時限2個鐘。其實食物款式不算太多，以＄88價錢食還可接受，如收正價的話，本人覺得就不值了！熱食款式有咖哩雞，炆牛肉，炒肥牛烏冬，菠蘿海鮮飯，蝦片，印度薄餅，薯蓉，蒜蓉包，pizza等。味道普通，沒有特別難食！沙律有西瓜，罐頭菠蘿，車厘茄，啫喱，粟米粒等，食材尚算新鮮！飲品有花茶，果汁，咖啡等等至於甜品方面，大部份係泰式椰汁糕，只得椰汁－個味，只是不同造型吧了比較遜色。另有爆谷同棉花糖！其實吸引度－般似聖誕聯歡會到會，本人覺得食－個鐘已經足夠了，見到隔離坐客人食左半個鐘已經走左。

話說(可憐的)老公生日，因兩母子輪流中手足口，都無機會好好咁準備(其實只係訂枱)。生日當晚，原想在家煮海鮮餐，老公話唔好太辛苦，出去食啦! 突然醒起魔膳廚房，即用app book，仲要book到！之前已經食過一次，餐牌的性價比很高。這次也沒有令我們失望。只是那個毫不驚喜的沙律吧，繼續毫不驚喜。anyway，叫2個main course已滿指定價錢免費享用，所以就超愛吃粟米的仔仔就狂食了！今次點的分別是「三色芝士醬燒豬肋骨配薯角」，忘記影相的「香煎帶子黑松露雜菌意大利飯」，還有兒童餐。「三色芝士醬燒豬肋骨配薯角」是比邪惡更邪惡的RIB!平常食開的燒豬肋骨已是heavy的朋友，這個加了三色芝士醬更是final boss級heavy!! XDD但味道是很好很惹味的，會令人引不住一吃再吃。所以，叫多幾個朋友一起來分享肥胖吧！！香煎帶子黑松露雜菌意大利飯一上枱就香氣四溢，相都影唔切就被KO了！煎香的帶子依然嫩滑、黑松露的份量拿得準。真心推介！

今日同屋企人食生日飯，想係官塘區食，揾到魔膳廚房，睇過下之前食評同相都話ok就打電話訂位，原來佢地話晚餐轉左做Buffett, 可以由晚上6點食到10點仲有6拆每位都只係$198，又問左生日有冇優惠，店員話會送個甜品仲可以寫字好，就訂3位，6點入座唔多人，只得幾枱客，可以慢慢攞嘢食，見到佢地嘅宣傳單張有優惠追加海鮮包，5款$48,8款$98，但已經係食自助餐如果每人加一份海鮮包就太多，就問下可唔可加一份試，店員話得，我地就嗌左一份98蚊嘅試下，估唔到個海鮮包真係好好食好新鮮，自助餐其他食物都不過不失，3個人食左$800,有下次😍😍

平時同同事、朋友嚟食，今晚帶住爸媽食好西。一行六人，叫一個二人餐再加四個主菜，經openrice訂位仲送埋沙律吧，個吧經過改良之後吸引力大咗有簡單甜品，個椰青糕淡口咗少少西瓜正，菜夠新鮮，沙律無試，黑醋唔錯今晚菌湯，唔夠香濃二人餐又嚟兩盤菜😂😂仲有薯茸焗田螺二人餐，漢堡多咗隻太陽蛋？味道都OK鹹豬手，不過不失豬肋條，基本上次次叫嚟食唔記得檸檬汁咩魚，鍾意食酸會鍾意食16安士西冷扒，叫五成，做到五成，牛味夠香二人餐嘅大蝦意粉，都係唔錯嘅一碟經Openrice book位註明生日就送你寫碟甜品一客，一D都唔揸流。

情人節訂了7點半，7點半去到，重要排隊入座，得1個人安排入座但還要排隊等了20分鐘叫了2人套餐，每人$328加一，初時覺得情人節黎講都唔錯幾抵食，食完真係覺得唔太值咁既價錢，但都無計，情人節係會貴。2個湯都唔係熱係暖的，頭盤既青口唔多似係法國藍青口😅都係唔熱的。主菜: 龍蝦太乾羊架還可以，都係唔熱的，較為熱既只有另一個主菜: 扒帶子海鮮龍蝦汁扁意粉，這個較為滿意。2個甜品算幾好，但未感覺到係法式甜品

行完街，去咗apm附近嘅餐廳食晚飯。呢到出名lunch buffet同埋晚市都有嘅任食salad bar，可惜當日飲完嘢先去食晚飯，同salad bar就無緣了。當晚叫了甲羅燒海鮮意大利飯 $168 個risotto份量好多，齋食都幾淡味吓，望落個甲羅燒好似都幾細，心諗係咪中伏，點知原來個甲羅燒係足夠撈勻成個飯，而撈完又真係好夠味，非常神奇，撈完之後成個飯都好鮮，好creamy又好香蟹膏味，加埋蟹籽，口感十足！慢煮法式豬鞍配紫薯蓉 $198 賣相好靚，豬鞍又大塊又厚肉，一啲都唔鞋。而且配菜都唔馬虎，特別係個紫薯蓉，好香口，一大球超滿足。以上兩款食物都係a la carte，加+$28可以轉做餐，會有餐湯、餐包同飲品。需加一服務費，埋單2人約$460。如果你鍾意睇我嘅食評，不妨關注我，支持吓我，謝謝你☺️💕

間中去一啲裝潢特別既餐廳好好食個晚餐，好似能夠避開出面既世界一陣子，今次係去一間好多人覺得裝修特別既西餐廳試下先。由樓梯行上去見到有好多畫掛係牆上，再行見到有大條紫色毛毛條掛係門口，幾有心思呢。坐底點完餐，店員問要唔要加$38試下沙律吧，就加試試吧。包，忌廉南瓜湯同雜菜湯都係跟餐有。甲羅燒海鮮意大利飯$168飯好creamy同甲羅燒幾夾。撈勻蟹子同蟹膏加入飯食，蟹膏味同奶油味中和左。食落唔太滯但夠飽。深海龍躉配檸檬香草牛油汁$198汁幾開胃，望落特別有種親切感，好像有魔法令人回到中學午膳既時光。btw 原來魚扒下有薯蓉，點點汁配厚實既魚扒食有不錯口感呢。

放工同女友過左隔黎食晚餐 - 魔膳廚房今日點了個二人行大蝦和牛套餐，配餐包及餐湯，貪吃的我們更加了沙律吧☺任食沙律吧有沙律菜，西瓜， 薯仔沙律等等。我最愛就係沙律菜同薯仔沙律， 因為有千島醬， 日式麻醬同柚子醋可選配做sauce, 任君選擇。 女友最愛就係不停食既既酸瓜開胃。 今晚叫既2 份主菜係：扒大虎蝦配龍蝦汁扁意粉虎蝦好大隻， 肉質爽彈， 沒有overcooked; 而蝦味鮮甜， 啜埋頭內的膏，爽快！扁意粉沾上龍蝦汁，味道濃郁， 陣陣香咪伴隨意粉入口。 極上和牛漢堡配薯角呢到既Burger又係一個推薦菜。 漢堡非常厚身， 切開Juicy. 再夾上太陽旦，煙肉， 蕃茄，生菜， 豐滿中帶點小清新作點綴；絕對可稱上極上！

早兩天跟一位住九龍的朋友逛APM，但你做當然不會在APM吃飯，價錢不太便宜之餘又沒有什麼選擇。之前早就對魔膳廚房有興趣，源於它夢幻的環境，而且位置就近地鐵站，吸引不少人前來。餐廳沒有很明顯的門面，只有一張很大的海報。進去了餐廳的正式的範圍，還真的令我感到驚嘆，柔和的燈光，一束束的乾花，完全迎合了少女們的喜好，對比一般的西餐廳，明顯花了更多的心思在裝潢上。而最特別的是，餐廳竟然有自助沙律吧，相信香港只會有極少的餐廳有自助沙律吧，種類不算很多，但令人可以在吃正餐前先吃沙律，能暫時埴滿肚子的「空虛」。沙律吧旁邊的裝飾有花朵和燈串等等，令人感覺更為舒適。近座位的牆身則像花園，有優雅的環境，吃東西的時候心情也會好一點😊套餐包括餐湯和餐包，餐包沒有什麼特別，特和朋友分別點了野菌忌廉湯和雜菜湯，野菌忌廉湯真的十分好喝足料非常，每一口都能喝到野菌蓉，味道濃郁不已。先點了一份大虎蝦扁意粉，廚房為大虎蝦的殻開了邊，方便客人食用肉質結實，味道新鮮，是高質素的虎蝦。另外龍蝦汁則比較欠缺，與其說是龍蝦汁扁意粉，我覺得比較像橄欖油意粉。三文魚柳拼藜麥沙律，三文魚柳應該是挪威三文魚柳，油脂豐富，肉質也是正常的軟稔，

魔膳廚房其實係好幾年前我已經幫襯過一次，今日就同朋友再一次光顧呢一間餐廳，我為佢慶祝生日。餐廳嘅樓梯依舊仲係有啲畫展覽喺走廊到，啲畫好靚：）餐廳入邊仲係播着一套好多年前都播嘅卡通片，哈哈好搞笑。我忍唔住又係咁睇。同朋友一齊嗌左個二人行蝦和牛大餐（ $438 ）加$18就可以食到沙律吧！餐湯我哋叫咗一個紅湯、一個南瓜湯，個人覺得南瓜湯比較好飲😋仲有餐包......前菜係法式焗田螺薯蓉呢個前菜正喎，特別係啲薯蓉索晒田螺啲精華🤤主食就有大蝦意粉同和牛漢堡🐮個和牛漢堡睇落勁吸引，粒蛋好犀利，啲蛋漿仲未爆出嚟🤣食落都味道唔錯喎，我最鍾意就係佢嘅飽底加咗陣芝士，正！而個大蝦意粉如果可以再濃味啲嘅話，我會更鍾意，利申我比較重口味，個意粉係OK好食㗎😝我哋仲叫咗兩杯梳打，分別係青蘋果梳打同荔枝玫瑰梳打（+$5） 顏色鮮艷奪目，幾吸引眼球😌最後仲有兩個跟餐甜品，分別係蘋果芝士蛋糕同芒果蛋糕🍰。呢餐飯真係食到滿載而歸哈哈😄其他圖片：

今天約了男友晚餐，但他要OT,唯有去近他公司一點的地方吃～上網搜尋後，這間魔膳廚房的食評都很正面，所以就決定這間了！餐廳有set dinner, 但散叫也可以加$28升級套餐，選擇都算彈性。我們想補充多些蔬菜，所以加了$38任食沙律吧。沙律吧有：沙律菜，車厘茄，青瓜，甜椒，粟米，菠蘿，西瓜和水果沙律等。 醬汁有三款，我就最喜歡油醋汁，比較開胃。升級套餐會包括餐湯和麵包，我比較喜歡紅湯，酸酸地頗開胃。主菜要了甲羅燒海鮮意大利飯。本身很喜歡吃甲羅燒，用仔配意大利飯頗特別。意大利飯的醬汁應該混合了不少海膽，不但顏色變得呈黃色，每一口飯也滿滿的海膽味，還不錯吃。慢煮豬鞍配紫薯蓉，豬鞍和紫薯的分量都很多，醬汁調味適中，豬的肉質亦不會很乾。飲品要了桂花蜜和伯爵茶，桂花蜜頗潤喉，喝完很舒服。

久違了！有驚喜😌😌😌 (今次不是叫餐，是加28 蚊 ， 配湯及飲品）慢煮豬扒配紫薯☺️豬好淋，意想不到🥳🥳🥳他他三文魚扒夠厚身，味道不錯， 伴碟沙拉好fresh 卡邦尼好creamy 第一次點甜品一上枱，被精緻的外表吸引猶如一件藝術品點了一個檸檬🍋批， 及朱古力批先吃檸檬味道好fresh , 餅底夠脆再嚐朱古力批， 味道香濃， 入口濃濃的朱古力係我的菜🤭👻味道都都冇失望好食🙈☺️☺️☺️要講係，個海鮮湯對的來說有點咸

鋪頭開左係格離，一直都想黎食依間，今晚準時收鋪約埋朋友仔黎試下😋一入到餐廳好似去左魔法世界咁，佈置得好靚睇得出好用心去設計過叫左2個dinner set再加$38就可以任食沙律吧🥗好抵食，沙律吧除左有沙律菜，仲有蕃茄仔、粟米粒、青瓜、菠蘿、洋蔥、三色椒、橄欖、酸蘿蔔…………有成十幾款非常豐富，醬汁都有3款可以選擇餐包：唔同出面食既餐包，口感非常豐盈餐湯：濃郁既南瓜蓉，加上忌廉更加滑溜扒大虎蝦配龍蝦汁扁意粉$178烤過既虎蝦好彈牙配埋龍蝦汁非常惹味旁邊仲有粒粒帶子三色芝士美式豬肋骨配烤鮮菠蘿薯角$178一上台已經非常吸引，切開豬肋骨既時候芝士拉絲既效果望住都流哂口水😆豬肋骨既肉好嫩滑加上芝士真係一流👍🏻驚食到會好濟咩，餐廳已經細心地配上烤鮮菠蘿🍍酸酸甜甜食落仲有燒烤既香味即刻可以再食多條豬肋骨😝青蘋果梳打漸變既色彩靚到已經忍不住馬上要影相打卡，裡面仲有一片片青蘋果藍柑檸檬梳打第一次飲藍柑檸檬，夢幻既漸變色，解膩又 解渴

以價錢論, 真的抱著可以基本填飽個肚的心態去吃。不過, 由沙律, 餐湯, 熱葷, 以至甜品, 都俾到我一些驚喜, 絕對唔係 hea 的。一坐低, 就出去走一轉先啦。首先係蒜蓉包, 蝦片, 兩款餐湯, 但無影相。跟住到沙律區, 羅馬生菜, 甜椒, 西瓜, 雜果沙律, 粟米粒, 青瓜片, 蕃茄仔, 菠蘿粒, 基本都算齊, 仲有三款 salad dressing 揀! 另一邊 corner 有芝士同 pizza! 甜品區以泰式甜品, 如芒果糯米飯, 椰汁糕等為主。西餐湯有我至愛的磨菇湯, 算足料也夠味, 飲左 2 碗, 唔錯的。牛臉脥肉, 剛坐低第一盤非常淋也很入味! 但第二次 refill 就完全唔入味。青咖哩雞, 雞件很好味也滑。甜品呢款芒果糯米飯好味, 略嫌芒果肉太少又切得太薄, 多吃幾碟 ok! 沙律很新鮮。茶包有多款選擇, 伯爵茶好味, 飲左 2 杯。整體不錯, 埋單連加一 $328, 每人大約 $110, 以價錢論是合格的。

今日黎左觀塘呢一間樓上餐廳食午餐，午餐時間超多人!!!! 大概排咗10分鐘隊先至有位，呢度裝修都幾特緻，樓梯有好多好靚嘅燈飾同擺設，上到去門口仲有一幅好靚嘅植物牆，未開始食已經令人心情好舒適☺☺☺餐廳叫"魔膳"，同呢度嘅裝修非常相襯，好有入咗魔法世界嘅感覺!!!今日我同朋友都點左午市套餐，包餐湯同飲品! 今日係南瓜湯同雜菜湯 😋 餐包熱辣辣上枱好軟熟，又有提子乾嘅高質餐包 🥖🥖🥖呢度仲有一個好靚嘅沙律吧，午市套餐加$20就可以任食，不過因為今朝早餐已經食咗一盒沙律，所以今次就冇嗌啦，下次再試吓啦。燒汁牛仔骨牛仔骨分量超多，兩塊大大塊，牛仔骨肉質比較結實，好重牛味，再配埋燒汁送飯一流，分量咁多真係切到切到手軟🤣🤣🤣。香煎美國西冷牛扒都好大塊，我諗差唔多有成10安士，我哋揀咗五成熟，上到嚟真係啱啱好5成，唔會放到overcook先上枱，fit晒👍👍👍牛扒煎得好香脆，完全保留到牛扒嘅肉汁，點小小黑椒汁上去好好味。 但估唔到重點係個薯菜!!!!係鮮炸薯角熱辣辣，外脆內軟超美味😍😍😍 驚為天人，如果可以有得單嗌我一定會再添架!!!玫瑰咖啡🌹🌹🌹入未入口已經聞到玫瑰清香，玫瑰味道偏甜 但又唔會冇咗