魚壽司の刺身專門店

营业中

休息中

店內位無多，叫左外賣，等10分鐘度有得攞。最抵都係手卷，$12 個， 雖然料唔太多選擇唔多， 最常揀o個d 軟殼蟹都無，但適合平平地醫肚。Sushi $9 可以有海膽sushi 食，雖然真係好細 pat 海膽，但$9 一o舊，都預左喇，過下口癮都OK嘅，都新鮮食得過。虎蝦Sashimi ($30/8隻） 大大隻，同場食泰式生蝦先會食虎蝦，跟wasabi 都幾好食，都幾fresh唔霉。最驚喜係個wasabi 醬，落少少已經超辣，勁過連鎖店個d 好多，要小心慢慢加。

有時收工諗唔到食乜，我都會喺呢間壽司店買外賣番屋企。雖然都係機壓飯，但感覺好過食爭鮮，價錢又差唔多。佢有啲壽司盒係整好左，但通常我都係自己點，好多時我見自己點，同佢整好果啲計番價錢一樣，咁不如直接點，等佢即時整。前菜 $12番屋企都幾長途，接近45分鐘，所以通常我點嘅蟹籽沙律都會出哂水…下次唔會點呢個。帶子裙邊就冇乜問題，幾好食，份量唔多嘅。自選壽司點左三文魚、墨魚、鰻魚、蟹棒，可以接受啦。軍艦有蟹籽、魷魚、沙律，隔左一段時間，就當然紫菜會淋身少少。兩個人懶煮飯，都係買外賣啦，呢度都算係飯堂喇！

黎過呢度好幾次，因為放工比較夜，成日都要諗收工食乜好？坐低食定買番屋企食好？ 呢度幾乎變左我地兩個嘅宵夜之選，一諗唔到食乜，就話黎呢度食 壽司，可以堂食或者外賣~幾好生意架佢地，一路食一路都好多人order，$4起一粒，好過食爭鮮~堂食：不過留意，有d現成買嘅盒裝壽司提供嘅，自己計計數喔因為有部分同你即時嗌一樣價錢，咁我梗係即時order啦外賣：雖然係外賣左都一段時間先番到黎屋企，唯獨北寄貝同八爪魚 一般，火炙蟹棒幾好食。我覺得好食過隔離少少，價錢大家差唔多，不過果邊我見係手握的。

服務不錯，外帶有現點現做的選擇，海鮮真的很新鮮，味道也很好👍重點是以這樣的內容物這樣的價格真心覺得很超值！唯一的缺點是店面很小，堂食比較不推薦～但瑕不掩瑜，嘴饞就會想去嚐嚐的啊！

有次未食飯趕住去朗豪坊睇戲，經過呢間小店買左個三文魚手卷，發現幾抵食($12)。可以單點即叫即整，或者買分好一盒盒的刺身壽司，價錢比附近超市/餐廳平。 個人覺得飯套餐幾抵食， $35有三文魚或雜錦刺身飯送麫豉湯。鰻魚飯餐就$38，平時唔好鰻魚都覺得好好味。有次2個人來食晚飯，買左幾盒刺身、壽司加套餐，加埋唔過$200。注意: 堂食只有細細吧檯。 最重要係小店幾有人情味，同埋旺角黎講算抵食！

又黎依間幫襯因為貪佢平又新鮮!舖頭係細d，但職員服務態度都唔差! 今次買左4盒，大果盒壽司因為係即點即做，所以要等，大約等左10分鐘左右，分別有海膽蝦、玻璃蝦、海膽墨魚、黃金魷魚、芥辣八爪魚、海膽、希靈魚、鰻魚同帶子，出面食都唔少錢，依度食真係好平，好多都係平均每件5蚊!其餘3盒係已做好放定係雪櫃!三文魚刺身好肥美，都只係$68! 三文魚腩壽司$25有6件，出面平平地食一客都要$20!最後係雜錦壽司，同樣都係$25!通常比即點即做既平d，因為已預先做好放定係雪櫃，雖然話係預先做好，但一樣好新鮮，因為多客人買，好快又買哂，職員又好快加! 收銀姨姨好Nice，見我買得多，主動比左好多豉油同芥辣!3人份量好似叫少左...好似講到樣樣都咁好，咁當然有唔好，舖頭唔算易搵，堂食得2個好迫既位，試過堂食一次，好嘈好迫，所以外賣係比較好!

醒起同事介紹既外賣壽司店，係旺角都好方便，反正唔遠就試下，不過每款起碼要叫2件，等左10分鐘左右就整好，如果唔等都有d已做好既什錦壽司同刺身，仲有少量零食賣，不過價錢當然比759阿信屋貴d!整好打開睇下先，海膽好細粒，其他就正常size!渣車番去好快就到，無散開過，新鮮程度一般，三文魚都ok肥美，玻璃蝦好薄好透明，希靈魚d肉切到爛爛地，海膽麻麻地，不過好多款式都係$3-$5一件，真係好抵，咁既價錢算係ok!

8點鍾放工 行完朗豪坊 想搵d野食買番屋企食朋友推介有間新開既外賣壽司店,,入去試左 感覺5錯120%抵食 買番屋企同阿媽食 岩岩好 !!價錢$200有找.師傅話幸好我地早d來因為.三文魚差5多都賣曬呢2盒都係佢即刻係雪櫃拎 出來切間野重點係 即叫即整以上d壽司,,刺身同飯都係即叫即整可能太夜同埋order 太多 而且不斷有客來要買野鋪面5太夠人都要等15分鍾先拎得走.....即刻試左2件沙律三文魚壽司 真係5錯 重點係夠新鮮由於係旺角番到去觀堂 坐的士都要半個鍾搞到有d軍艦壽司變左形 但味道都還可以不過我建議佢地會加番d冰會好d 尤其係3文魚刺身個口感應該會更結實 更正!! 老闆娘 話會考慮下!!.另外有同行朋友買左3盒刺身拎番屋企同女朋友食$105 有24件咁厚既三文魚...真係勁抵食比出面d壽司店更抵食仲話 其實有無錢賺- - ??.anyway, 問落先岩間野其實係開左幾日去開mk 行完 真係值得一試!

日式料理最大的好處是種類多元化，無論是壽司刺身、拉麵烏冬、煱物、鐵板燒、咖喱以至天婦羅等，口味有濃有淡，悉隨尊便，相信總有一款符合口胃。這天近黃昏時份路過旺角上海街，由於有點勞累，已沒有在外用餐的意欲，赫見附近有家新開張的壽司刺身專門店，舖內設計簡潔衛生，壽司與刺身的款式頗多，但只設外賣服務，把心一横便決定在這裡揀選心水回家作晚飯。雖然從經濟學角度而言，價錢與食物質素掛鈎是必然定理，但現實並非純單一理論，加入了外來或客觀因素就形成了出人意表的結果。何解突然在此發表「謬論」? 正好因為吃過魚壽司の刺身專門店所購買的24件壽司與一客甜蝦刺身後有感而發。先說最基本的壽司體積屬正常並沒有將貨就價，帶淡淡醋酸的珍珠米飯仍帶點微溫，組織密度與黏稠度恰當又不鬆散，大家亦明白食材本身只要夠新鮮已是踏上成功道路的基石了。三文魚壽司 HK$6@2件三文魚厚薄均勻，色澤油亮，再看魚肉上脂肪分佈紋理和密度便肯定了貨色的新鮮肥美。咬一口肉質軟滑中富彈性，味道甘甜油潤，吃得滿咀油香，僅售港幣6元兩件的確做到價廉物美，還可以說不滿足嘛?醋黃魚壽司 HK$6@2件估不到在這裡也有江戶前代表菜式的小鰭供應，輕微的魚腥氣