魚眾不同酸菜魚 (花都廣場)

营业中

休息中

🍽️老壇酸菜湯配鯛魚片+米線 （$73）🍽️窩蛋免牛煲仔飯 （$69）天氣凍凍地 好岩食啲辣野暖暖胃一人套餐可以揀湯底 魚既品種 兩款配菜 同粉麵類佢連紅薯粉都有得揀 但今次我想個麵吸多啲湯 所以揀左米線老壇酸菜魚既酸菜配埋啲湯一流 酸菜唔會好濃味 酸得恰當開胃 而米線係另上既 米線順滑又帶點彈牙 唔覺唔覺一個人都可以食晒一碗另外窩蛋牛肉飯又係一流啲蛋汁加埋濃濃牛肉味既肉餅一齊食再加埋底下既飯焦增加風味同口感係澱粉質既幸福

近期火紅的酸菜魚餐廳魚眾不同又有新分店👍🏻北區朋友仔有口福👅 原來就係粉嶺花都廣場。依家鋪頭近期都好火熱，最重要都係有酸菜魚好多款式選擇，不論係湯底、配料、菜式，有大份同一人前揀！必點超濃郁湯底酸菜魚一人前！份量夠哂一個人食！今次一人點一個不同味道，分別係青花椒酸菜鯛魚、麻辣濃湯墨魚片，過過口癮😋。青花椒酸菜鯛魚🐟再配萵荀、薯仔、白飯，配菜好爽口兼入哂味，鯛魚鮮甜兼肉質比鱸魚彈牙🌶麻辣濃湯墨魚片🐙配豆皮、金菇、白飯，墨魚片彈牙唔韌，豆皮金菇都好索味！辣得幾過癮🔥🌶🌶🌶

呢間酸菜魚有唔少分店，一直想試好耐，可以一人一配碗，可以有酸菜魚配米線仲可以揀唔同嘅配料，夠哂彈性👍🏻，仲有唔同湯底，餐牌有唔同辣椒🌶️ 辣度可以揀返啱自己嘅選擇唔辣老壇酸菜魚湯🥬 可以照顧唔食辣嘅人士需要，但會偏濃味同鹹少少老壇酸菜魚湯🥬 夠正宗，帶微辣，啱我食BB 辣，都帶有適中嘅酸味，有水準之作👍🏻鱸魚片🐟 （$73）夠哂滑身鯛魚片🐟 （$73）滑之餘仲帶點爽脆，有口感，正👍🏻配料木耳🖤大大塊，夠爽脆蘿蔔🥕冇渣，夠清甜，仲可以索埋湯汁豆腐皮💛出面比較少有，必點👍🏻，豆味香，份量多到麵條咁豆卜💛索埋湯汁精華，係成度菜個靈魂鹹檸七🍹 （+$10）正宗港式味道，齊集鹹、酸、甜👍🏻利賓納梳打🍇 （+$12）甜甜地適合解辣😊

要客人用手機落單，落飲品個陣唔小心撳錯咗，走甜撳咗多甜，係自己唔啱落錯，都有同職員承認自己落錯咗，同職員講可唔可以換過一杯，店員態度冷淡”自己撳錯，真係幫唔到你換”。使唔使咁惡呀？唔緊要，我可以唔飲照俾錢，但係如果客人因為身體原因唔可以飲甜嘢，唔小心落錯單呢，照同一個方法對客人？識唔識得逆地而處？其實餐廳食嘢落單，無論職員同客人有時都會有錯，態度咁樣，要食嚟做乜嘢。食物係幾好嘅，但係最後一次。餐廳老闆你真係要多謝職員呀燕 🙂

想食酸菜魚唔洗再答車出去食，屋企附近就開左一間😄方便就腳當然要去試下！呢間餐廳都幾大幾靚，樓底好高好有空間感👍🏻餐牌有好多人一份量系列，各人可以選擇適合自己嘅辣度同菜式「鱸魚片酸菜魚米線」$73我就點左個酸菜魚，有三種魚可以選擇：鱸魚，鯛魚同埋生魚片，我揀左鱸魚片，因為比較鮮甜，如果鍾意爽口嘅朋友就可以選生魚片。魚片份量都好多，有成十塊，肉質腍滑，酸上酸辣湯，十分開胃。酸辣湯辣度適中，唔會太過辣，好適合香港人口味。每碗麵仲可以免費揀兩款餸菜，我揀左金菇同埋娃娃菜，貪佢可以吸多啲酸辣汁，夠曬惹味另外仲叫左個煲仔飯，超多飯焦，少少凍嘅天氣食感覺好正！無論食麵定飯都算係大份抵食👍🏻😙

估唔到酸菜魚都可以一人一碗以後想食酸菜魚都唔洗約埋一班人先食到🤣仲可以揀唔同嘅魚，因為唔想食到魚骨，所以就揀左龍脷柳，但食到最後啲魚浸到有啲爛，可以因為啲魚冇煎過仲可以揀2樣餸，啲餸普遍都係素食，但都幾特別，例如海帶、豆腐、蘿蔔、木耳...檸檬酸菜魚幾特別，冇普通酸菜魚咁咸但略嫌比較多油，寫左少油都好多油老壇酸菜魚就比較惹味，麻辣味比較出麵可以揀薯粉或者米線，仲可以免費加底但感覺唔係真係加左$60雖然唔包野食，但有咁大碗都算價錢合理

魚眾不同酸菜魚🐟📍 粉嶺百和路88號花都廣場A1-A3號舖⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈呢幾日落住雨🌨，係室外都感覺到有一陣陣既濕凍😮‍💨，真係好唔舒服。呢個時候，小編就會推介大家食酸菜魚😂，感覺上可以驅寒😎，保暖一下。另外，另間酸菜魚原來係港九新界都有分店😯，大家得閒可以去試下啦💁🏻‍♀️。🌟 酸菜金湯鯛魚片 $73呢個餐可選擇兩個配菜，魚既份量都算多🐟🤩， 另外湯底係落左酸菜，所以比平時食開既酸菜魚酸味重少少🤏，另外會有少少辣既，可以叫少辣。仲有飯或薯粉配埋， 呢個價錢真係好抵食👍🏻。🌟 老壇酸菜湯鯛魚片 $73同樣都係可以選擇兩個配菜，同埋一個飯或薯粉既主食。呢個湯底就同平時食既酸菜魚味道一樣， 唔係好辣，適合任何人😂。整體推介指數：❤️❤️❤️❤️🤍⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈

🚩 魚眾不同酸菜魚喺正我屋企樓下就有酸菜魚食‼️啱啱開張真係超級多人想食都食唔到，今日放假決定早少少同屋企人落嚟食，試吓佢係咪真係咁正〰️〰️〰️〰️〰️〰️〰️〰️〰️〰️〰️〰️〰️〰️〰️🌈山城毛血旺 $73呢個毛血旺真係好抵食裏面啲料勁足‼️除咗有Original嘅鴨血，毛肚，午餐肉之外，仲有黃喉，豬大腸～所有材料都醃得好入味😆 送飯一流🌈 青花椒酸菜鱸魚片 $73超級個性化嘅設計，可以根據自己嘅喜好選擇少油/少辣椒等等酸菜魚嘅辣度唔係好高，不過麻香味十足，食到個口痺左😆鱸魚有魚香味，入口嫩嫩的～瀡一聲就跌咗落喉嚨入面🤣配嘅係薯粉，超級大一碗，煮得煙韌又唔會太淋🌈菠蘿梳打特飲/利賓納梳打特飲 $12超級夠氣，可能因為叫咗少甜所以就唔係話好濃郁～不過食完辣嘢飲番杯都真係幾清爽

📍魚眾不同酸菜魚📍💡粉嶺平時食開酸菜魚慣咗成大班人一齊食，發現原來粉嶺都有一間一人份量酸菜魚食🐟🐠一人一碗又可以自己揀辣度真係唔錯🐥檸檬酸菜湯鯛魚片($73)呢個一人份系列首先揀咗個湯底，再揀兩份配菜同一個主食。我就唔係好食得辣就揀咗得一隻🌶既檸檬酸菜湯底，呢個酸菜湯底好濃郁同好重檸檬味🍋😆雖然話一人份量，但鯛魚片份量都多，魚肉食落好滑又唔會有骨😋配菜揀咗竹筍同黑木耳，足料，索晒啲酸菜湯底食真係一流。最後就揀咗手打薯粉食，大大碗🐥花膠濃湯雞煲($68)完全係比花膠吸引住，花膠都有兩大嚿😍雞湯好濃郁，都幾好飲。雞肉嫩滑😍🐓撈埋薯粉入去食真係好夾呀😋🐥熱檸茶(+5)🐥凍鹹檸樂(+10)食完酸菜魚辣辣地，就二話不說就揀咗咸檸樂黎解下辣，爽#粉嶺 #粉嶺美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #foodiesinternation

酸菜魚熱潮停不了，次次經過都見到好多人，所以揀咗晏晝去試。點左老壇酸菜魚一人份，好方便一個人或者兩小口share. 仲可以揀餸，今次揀咗鴨血、豆皮，主食揀左薯粉。味道夠酸亦唔算好辣，魚嘅份量都好多同朋友叫多咗個海鮮炒飯，可以揀濃味程度，今次正常鹹咗少少，下次揀返淡味先

已經第二次幫親，味道不錯兼抵食的一間酸菜魚。酸菜魚：最緊要梗係最緊要魚，雖然沒有算不上鮮味十足，魚肉爽口彈牙。鯛魚味道唔錯，9成都係完全冇骨，食到一舊有少少碎骨，但食埋落肚冇問題。魚片份量一人餐來說都算多，價格偏低抵食。酸菜魚湯底：濃郁得黎都有咁上下辣度，一度辣椒，食得辣的人都有感，辣味不會辣嗆口。食得辣之人建議點青花椒1.5度辣果個，會更辣更過癮推薦加鴨血同娃娃菜，呢個湯底配呢兩樣十個夾。麻辣豬耳：非常普通，辣度足夠，算不上好食，亦不難食。豬耳太厚，食多有少少牙痛。冷熱水自由斟，白飯免費多飯呢兩點亦有少許加分，新裝修環境乾淨企理，午市上菜快手整體黎講都算唔錯，酸菜魚值得嘗試，其他送菜自行斟酌。

重遊舊地，細細個嘅時候粉嶺花都呢邊都唔算好多嘢食選擇。不過兒加完全係搖身一變，各式各樣的食肆雲集。不嬲都係酸菜魚迷嘅我，今次先滿足下個胃，簡咗「魚眾不同酸菜魚」睇吓有乜咁特別！打開個Menu 真係心思思，唔同一般嘅餐廳。呢度嘅選擇好豐富而且好多變化😋，除咗最常見鱸魚/龍利柳外，仲有鯛魚/生魚/毛血旺/墨魚/肥牛片等。而且湯底仲多達8個選擇，完全係呼合大眾嘅口味。老壇酸菜鱸魚🐟配薯粉（一人餐）熟悉嘅味道配上份量又足嘅配菜。酸麻辣比例恰當好處👍🏼。店家好貼心，落單時仲可提供少油選項，飲落湯個陣更順口。而且薯粉另外上，唔驚淋過頭。除咗酸菜魚，今次仲叫咗佢哋另一個推介嘅炒飯。一樣嘅玩法，炒飯都可以有好多玩法。成七種醬口味同你叫嘅炒飯cross over.海鮮炒飯（自製排骨味）成個炒飯好濃郁入味但又唔會好咸😚。炒飯粒粒分明，不過因為加入左特製醬汁去炒。會帶少少濕潤，反而幾啱我食。一樣都係可以叫少油少醬，雖然出街食但都可以健康少少咁，幾值得推介呢一點～🤩加多左創意與眾不同的酸菜魚，而且價錢都抵食☺️

見呢間「魚眾不同」最近係好多地方都有分店咁看得出大家對酸菜魚既喜愛🐟係晚餐時間見都人山人海 但唔洗等好耐就入到店内都大，坐位都好多🔸青花椒酸菜墨魚片 $80這個是一人份系列來的，我地就簡左墨魚片，因為平時都係配搭魚或者牛，第一次配搭墨魚片，有好多塊而且咬落好爽口😬另外有可以選擇兩款配菜，我就簡左海帶和豆腐。再可配上飯、手打薯粉或者米線，我叫咗薯粉仲可以叫多手打薯粉😆呢個青花椒酸菜底，食落不算太辣，不過食到最後個嘴會有少少麻麻哋😂 好正～🔸海鮮炒飯$59個炒飯好有鑊氣👍🏽 每一啖飯都食到蛋和海鮮配料，炒飯嘅口味有七款選擇，我叫左韓式泡菜味，原本以為剩係得泡菜嘅醬，嚟到嘅時候發現有泡菜😆 🔸凍鹹檸七 +$10食酸辣嘢，飲杯鹹檸七係一個好嘅配搭😆🔸紅豆冰 +$12紅豆🫘煮到起了沙👍🏽好好味

非常不滿意食物質素叫左酸菜魚米線，炒飯及煲仔飯首先，酸菜魚米線份量唔夠。味道更洗講，完全唔知食啲乜，魚冇味，湯底又係冇味，酸菜得個少少，食過最差既酸菜魚米線。個煲仔飯叫完先知要等七個字。個落單app 完全冇講過，個店員話個餐牌有，但落單個陣得個QR code。啲飯好似重係生米咁。眾所周知煲仔飯係用甜豉油，佢就俾支咸豉油黎，啲雞重要咸過支豉油。杯奶茶同咖啡就澀過檸檬茶，超級難飲非常差的用餐體驗，物非所值。不建議大家去

之前聽人講ma ma 地，但試試又ok 呀可能個人口味唔同79蚊連杯凍飲，要求不能太高湯味道唔錯，啱我口味魚片有幾塊有d腥份量嚟講，魚及配菜都算多總括而言, 值得encore