魚眾不同酸菜魚 (花都廣場)

营业中

休息中

位於粉嶺的「魚眾不同」餐廳，以其獨特的酸菜魚而聞名。當天我約六點左右來到這裡，雖然人流不算太多，但依然感受到餐廳的熱鬧氛圍。進入餐廳後，輕鬆找到座位，立即開始了我的獨享美食之旅。這家餐廳的一大特色是，即使一個人也能享受美味的酸菜魚。不過，這次我並沒有選擇酸菜魚，而是點了一鍋花膠濃湯雞煲。除此之外，還點了一些小食，決心一人獨享今晚的美食盛宴。花膠濃湯雞煲：美味與實惠的完美結合首先送上來的是花膠濃湯雞煲。這道菜的花膠塊頭大且數量充足，雞件也非常大塊，肉質嫩滑，非常滿足。其實這個雞煲的分量足夠兩個人享用，但只需68元，對於我這樣的大食客來說，完全能夠吃得飽飽的。雞湯的香濃味道充滿了雞油香氣，讓人一口接一口，絕對是送飯的好伴侶。花膠爽口彈牙，喜歡骨膠原的人絕對不要錯過這道菜。其他精選小食：尖椒皮蛋與紅糖糍粑緊接著，我點的尖椒皮蛋作為餐前小食也登場了。皮蛋香甜，配上帶點麻辣的尖椒，口感十足，令人食指大動。而我最為欣賞的，就是這裡的流心紅糖糍粑。雖然現在在香港已經不難找到紅糖糍粑，但要找到流心且香脆的版本卻不多見，這道菜無疑是餐廳的強烈推薦菜式。總結：高性價比的美食體驗整頓餐點下來，總共花費僅10

雪櫃冇食材，亦都唔想去超市同人哋搶，咁咪落咗波大概四點先去食個早晚餐囉辛苦晒8號波都要返工嘅飲食業人士男朋友唔食得辣，就叫個好似好普通嘅蕃茄粟米湯底米線，但係湯底竟然係🐟魚湯底，🍅蕃茄味都濃呢個係好出乎意料地好味有驚喜見佢出咗酸辣粉咪試吓囉，價錢都算相宜，加咗$10要肉碎，份量都唔係多好多跟住追加咗紅腸喺男朋友碗粉度，因為酸辣粉冇咩食材可以加，可以加食材都唔啱我口味紅腸佢數量非常之少，得三片，其實都冇問題嘅，明白百物騰貴，但係你數量咁少，係唔係應該切返咁上下厚度啊？大家睇吓呢張相，紅腸薄到，我簡直覺得似一張Tempo紙巾都厚過佢（未打開之前）有相為證，雖然佢只係加$8 ，但係得三片咁薄真係令人好難接受囉，你覺得我$8，你係薄切嘅，起碼俾返五六片最後，當然食返我最鍾意食嘅紅糖糍粑啦，佢呢個做法同內地有少少唔同，但係佢真係即叫即整，熱辣辣，入面亦都好軟熟得我一個人食，叫半份就夠啦

粉嶺好小有酸菜魚專門店，難得黎花都第一時間試下先原來佢唔單止有酸菜魚，仲有好多唔同類型嘅菜式， 如果一家大細或者一班朋友都係幾好嘅選擇「老壇酸菜鱸魚片」酸菜的酸味較重, 好開胃，加上鱸魚肉質鮮嫩,口感醇厚,非常滑「忌廉蟹肉薯餅」薯餅外脆,餡料豐富,軟嫩細緻的蟹肉配上濃郁的忌廉醬汁， 外脆內軟，小朋友勁鍾意「臘味煲仔飯」米飯粒粒分明,臘味好香, 臘腸亦都係真材實料， 飯焦做得啱啱好， 非常香脆「紅燒牛肉酸菜麵」麵條彈牙,酸菜同牛肉的鮮甜非常融合

老壇酸菜魚米線好好食。米線好軟滑，魚湯亦是他家特別的味道。近期推出了酸辣粉就不如酸菜魚經典。之前帶屋企人都試過🔥鍋版酸菜魚，湯味濃，偏鹹，但都好味。炒飯都ok。四人份水煮魚真係要四個人吃先剛剛好，好大份量，夠辣。都試過外賣，好大兜。毛血旺都好吃，但最好四人吃，兩人吃就辣到爆。環境好，易搵位，幾乎得閒就來吃。有辣有唔辣嘅選擇，所以都方便家庭聚餐或帶小朋友吃。今日仲有重慶小麵及拌面等新菜式，都可以再試試。但感覺都係老壇酸菜最經典。

最近心思思想食酸菜魚朋友就介紹咗我嚟呢度試下😆果然冇介紹錯.💎 $73 老壇酸菜湯鱸魚片 (金針菇+黑木耳+手打薯粉)以老壇酸菜湯為基底😍搭配鱸魚片、金針菇、黑木耳同手打薯粉酸菜湯既清爽酸味同鱸魚既鮮美口感相得益彰金針菇同黑木耳增添左口感豐富度😆.💎$85 香辣濃湯鱸魚片 (海帶+豆卜+手打薯粉)以香辣濃湯為特色配以鱸魚片、海帶、豆卜同手打薯粉湯既香辣味道同鱸魚既鮮嫩口感交織埋一齊海帶同豆卜增添左風味層次😋.💎$43 口水雞以雞肉搭配香氣四溢既調味汁口水雞既辣味同麻辣味道好刺激味蕾清爽開胃🤣.💎$32 涼拌海蜇涼拌既海蜇片搭配清爽既調味料口感爽脆帶有海蜇獨特既彈性🥹.💎$30 青椒皮蛋青椒同剝皮蛋結合埋一齊口感爽脆皮蛋鮮嫩滑爽😆青椒清甜提味.💎$32 紅糖糍粑(半份)這款紅糖糍粑以紅糖為主要調味口感Q彈，甜而不膩每一啖都帶黎濃濃既紅糖香氣😇😆

家人去旅行，沒有住家飯就去食堂 魚眾不同酸菜魚，在附近好方便，有時我們一家人也會光顧。酸菜魚是推介，也有一人份。今次點火鍋，之前未食過，湯底也有多款選擇。上次食胡椒豬肚雞也很美味。火鍋來了，賣相好吸引是肥牛鍋，肉質鮮紅另外配料有腸仔、牛丸、墨魚丸、金菇、豆腐、生菜、米線、薯粉等肥牛大塊，有相當厚度湯底是蕃茄濃湯，鮮甜開胃，肥牛啖啖肉，脂肪少帶點嚼口，肉味香濃，最後的米線、薯粉掛湯度高，吸收蕃茄湯底精華好滿足。

平民價錢吃到大份量酸菜魚，真是太好吃了！環境舒服，座位闊落。店員服務好👍🏻 首先是口水雞，價格只要43塊，超值啊！微辣的口感配上嫩滑多汁的雞肉，再蘸上特製醬汁，真是美味到爆炸！接下來是酸菜金湯鱸魚片配飯，這湯真是酸爽可口，鱸魚片鮮嫩滑滑的，配菜選了娃娃菜和萵筍。份量真的很多，配飯一流！😋老壇酸菜湯鱸魚片配手打薯粉，這湯真是鹹酸可口，鱸魚片鮮嫩滑滑的，配菜選了金針菇和蘿蔔增添了口感。份量真的很多！酸菜帶有一點點的鹹味，與其他食材相互融合，鱸魚片吸收酸菜湯的風味非常好吃！😍😋

今日去左👉魚眾不同酸菜魚👈食酸菜魚+薯粉🐟🍲食店寬敞明亮，裝潢簡潔現代。裏面啲枱櫈擺得好企理 ，用餐空間比其他一般小店寬闊舒適，唔會令人覺得擠擁或壓抑。餐廳用掃碼點餐，岩晒我呢d又要少辣少甜少冰嘅人，可以按個人習慣同喜好自己落單，非常方便。食物種類除左有小食、酸菜魚外，亦有唔同嘅套餐同新菜式，一人火鍋都唔會尷尬。青椒皮蛋是我比較喜歡食嘅開胃小食，皮蛋質地飽滿，味道香濃，配埋青椒嘅清爽，口感很好。味道方面，我覺得非常辣😂，算係我暫時食過嘅比較重辣口味皮蛋，好彩辣椒醬鋪面，我可以撥開，刺激度真係滿滿，呢個辣度係以bb辣級別嘅我盡量客觀評價，食唔到辣嘅要慎重。老壇酸菜湯鯛魚片配手打薯粉係我最喜歡食嘅。酸菜湯嘅酸味清爽，蒜香味濃，香辣味強，簡直胃口大開。鯛魚片鮮嫩可口，肉質彈牙爽脆，搭配手打薯粉更加係絕配，份量亦非常足夠。叫左杯利賓立梳打特飲，就係利賓立檸檬冰底，加入無糖梳打水，甜度剛好，加入新鮮檸檬，味道非常清新怡人，岩晒食辣時飲，有助解辣。紅糖流心糍粑好好食，外面炸得非常酥脆，Q彈嘅糍粑包住紅糖流心，當咬開糍粑時濃郁嘅紅糖瞬間湧出，甜度適中，口感絕佳，食多幾件都未有膩感，令我一口接一口食唔

平時喺花都嗰邊做嘢 落樓下睇下有咩好食 呢間魚眾不同成日都大排長龍 主打正宗又好食嘅酸菜魚 而且佢哋有好多分店 咁近我當然要試下啦~午市套餐同下午茶套餐都好抵食 而且份量好足 基本上好多學生同打工仔都會食🤣▫️番茄濃湯米線薯粉爽口彈牙 吸收哂湯底精華 魚片啖啖肉無骨 而且份量好多！！我在額外加咗$20要多咗個鴨血 估唔到放落蕃茄湯度煮到咁好味 一份有四至五隻鴨血 厚身之餘好滑溜😍佢哋午市價錢唔會話好貴▫️臘味煲仔飯估唔到酸菜魚鋪頭都有臘味煲仔飯食 煲仔飯即叫即整 大約要等30分鐘 拎出嚟焗一焗佢個砂鍋底會有飯焦😍😍即場會俾個豉油你自己落 煲仔飯好足料 對面有臘腸潤腸同臘肉 香口惹味 臘腸油脂滿滿🥰▫️滷水雞中翼呢個真係必叫 大隻啖啖肉 而且滷水好入味

呢日去咗粉嶺另一邊覓食，喺花都廣場見到間墨綠色裝修嘅餐廳好養眼，仲要有酸菜魚食，決定一試！呢間餐廳位於花都廣場停車場入口隔離，轉角位嘅鋪頭～ 除裝修唔錯之外，店舖都幾大，都有幾多張檯。一打開Menu，魚片同湯都有幾種選擇😳#鱸魚片 / #鯛魚片 / #生魚片#檸檬酸菜湯 / #老壇酸菜湯 / #青花椒酸菜湯最尾揀咗 鱸魚片+老壇酸菜湯+ #手打薯粉！至於餸就揀咗 #豆卜 同 #黑木耳另外再 +$15 #牛丸 同 +$12 #菠蘿梳打特飲 🤭一嚟到見到都幾大碗，而且啲餸好澎湃😂除咗好多舊魚之外，有4粒大大粒牛丸+N咁多舊豆卜😂食落個湯底辣度同酸度啱啱好，襯埋薯粉一流🫶🏻另一個叫咗 #肥牛 + #蕃茄濃湯 + #米線+$15 午餐肉 、+ $12 利賓納梳打特飲 蕃茄湯超濃，好入味，揀米線揀得好，可以吸晒啲湯～呢碗一樣好足料，勁多肥牛同午餐肉，食到好飽😂

上星期喺元朗食過「魚眾不同」酸菜魚,覺得味道唔錯又抵食。原來粉嶺都有這家酸菜魚,今日去粉嶺探契媽,就約埋一齊去食。呢間餐廳都幾大,樓底高,空間感足夠。服務員親切又有禮貌。手機點餐,夠曬方便。花膠濃湯雞煲配薯粉(1人份)$72一上台就聞到雞香味道,湯底呈乳白色。花膠都有(兩大嚿),質地彈牙。雞肉嫩滑多汁,薯粉吸收濃郁鮮味嘅湯汁,令人回味。凍鴛鴦(後加)$7奶茶香滑,咖啡香濃,兩者加埋好夾。老壇酸菜湯鱸魚片配薯粉$73酸菜魚湯底鮮甜,微辣,鱸魚片厚實鮮嫩,而且不易碎裂。豆腐皮好香豆味,份量又多。黑木耳,爽脆好食。薯粉係分開上的,唔怕浸喺湯度會淋曬,值得一讚。菠蘿梳打特飲(後加)$12菠蘿梳打飲落夠清爽,唔會太甜,可以解辣。

今天，我和同事再次約定在花都廣場共進午餐。我們在眾多的餐廳中經過挑選，最終選擇了與眾不同餐廳。我的同事點了一個不辣的老壇酸菜鱸魚薯粉，搭配著黑木耳和豆腐。這道菜色香味俱全，老壇酸菜為整道菜增添了一絲酸爽的口感，鱸魚鮮嫩可口，搭配薯粉更是美味，而黑木耳和豆腐則提供了豐富的口感層次，湯底亦很清新。而我則點了一個花膠雞湯薯粉。這道菜以花膠和雞件為基底， 香濃的雞油浮在湯面上，營造出濃郁的湯底。花膠的滑嫩口感和雞湯的鮮美相輔相成， 雞塊有咬口有鮮味應該是新鮮雞， 每一口都讓人感到舒服和滿足。我們坐在一起，享受著美食的同時，互相交流著工作上的點滴。 魚眾不同的環境舒適，餐廳的服務也很周到，讓我們能夠放鬆心情，享受愉快的午餐時光。我們已經計劃下次再來，探索更多不同口味的美食。

嚟到這間餐廳，自己一個嗌酸菜魚，實在係寒冷天氣嘅心靈安慰劑😌！首選梗係招牌嘅檸檬酸菜魚嘞，魚肉滑嫩，唔使啃魚骨，真係一流！再嚟個龍脷柳，煮到微微嘅爛，湯湯水水口感正！至於配餸，就揀咗海帶同蘿蔔，清新提味，啱晒我少女心！跟住試下佢們嘅老壇酸菜魚，有啲辣得嚟又唔會熬舌，麻而不辣，咸香得嚟帶點酸酸地，食落開胃得嚟過癮！搭配嘅薯粉或米線，我就選咗米線，吸滿咗湯汁，令人食到停唔到口👍。喔，仲有呀，佢哋嘅窩蛋免牛煲仔飯，蛋汁滑溜溜淋喺牛肉上面，濕潤咁滲入飯焦，一咬嘅滿足感，真係正！總結落嚟，這間餐廳嘅酸菜魚係我食過其中一款好食嘅版本，份量足夠，令人食咗心暖笠笠。嗰啲愁雲慘霧嘅陰天，來碗熱辣辣嘅酸菜魚，保證你心情都跟住暖笠笠🍲。

屋企附近開咗呢間酸菜魚一段時間，終於有時間去試吓，我哋叫咗老壇酸菜魚，揀咗鯛魚片，湯底辣得來又唔會太辣，鯛魚片好爽口，配料都好足夠，整體嚟講唔錯，價錢都唔貴，佢仲可以揀一人份，一個人食又得，一班人食又得👍🏻

估唔到爸爸先係最識野，揀花膠濃湯雞煲 $68抵食，花膠爽口滋潤，娃娃菜索晒濃雞湯幾入味，雞肉有驚喜，唔係好淋果種，有啲雞味同埋口感。雞湯冇咩味精食完唔口渴配飯就變湯飯，配麵好似飲得多啲湯，建議配麵。黎食賣酸菜魚既地方食酸菜魚非常正路，青花椒酸菜鱸魚$73 ，辣就夠辣，因為可加兩個菜，揀左娃娃菜同生菜，辣過啲魚。魚肉嫩滑唔腥，青花椒味再濃烈啲麻啲就更好，呢個一定係配飯，如果係珍珠米更好。加$5有奶茶，加$10咸檸7, 有開胃奇效。💐💐💐💐💐💐💐💐💐💐💐💐💐💐💐💐💐#hkfood #hkfoodblogger #hkfoodreview #hkig #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt #travelhk #必食 #必食推介 #美食 #美食推薦#pasta #setdinner #酸菜魚 #shrimp #魚眾不同酸菜魚 #魚眾不同 #雞湯 #雞煲 #pizza #打卡 #湯飯