魚米家魚湯米線 (已搬遷) 新店位置

試過幾種唔同0既米線味道都唔錯，D湯底好鮮。但服務真係差0左D，入去好耐無人招呼，D野等半個鐘先來。服務生好似見你唔到0甘行來行去，勁難catch attention。

開飯的地址有誤，地下鋪位搬咗成年有多。他們上左二期1/F已經好一段日子了！正式鋪位係奧海城II期1/F 107。因為約了朋友到他家中整高清電視，所以便推遲出門時間。來到魚米家已經差不多十時，猜想還會不會得很少顧客，想不到原來這麼遲才吃早餐的也大有人在。早餐選一個粉麵，+3可以有厚多士蛋/火腿/煙肉/餐肉/腸仔任選兩款，或者火腿奄列。豬扒炸得幾透，香口而且肉質彈牙。公仔麵應該係大光麵，麵質比較起"膠"，口感一般。火腿奄列這次做得似樣，蛋汁有少少流出來，但火腿仍然是偏少的。熱奶茶就奶味過重，茶味少了，喝了兩淡己覺得這杯奶茶不太合拍，彷彿是奶和茶分開似的。服務一般，又係上次一樣的通病：餐具全部沒有補充，我坐的那張檯一把餐刀都沒有，又要勞煩侍應生拿給我。衛生也只是一般，檯沒有抹得乾淨。以$25這個價錢，早餐算是中上價錢，但食物質素只是勉強達標。

今早又係奧海城食埋先返中環。選了在中環也有分店的魚米家。食品：環境：環境就勝在沒有甚麼人吃，不用搭檯，一個人霸四個人位。而且有電視可順道看看新聞。服務：服務員都算積極，而且上菜速度頗快。衛生：一般，但有一杯滾熱的水清潔用具。價格：$25，平大家樂五毫子，但質素略高於大家樂。(以大家都有的豬扒、麵、熱飲計)。豬扒大塊而且無炸漿，肉質不錯，少油。麵就煮得剛剛好，不會太稔。熱飲較很多地方落重料。總評：$25一個早餐，幾乎在這個通漲期已成為中位數。如果短期內不加價應該是食得過的。他們的豬扒比起雞翼來得穩陣，味道也較好。可惜餐具方面補充不足，很多檯都要舉手問佢囉。火腿奄列略為失色，預早做起可能是為了快捷，但就放棄咗部份味道。

月頭係呢間分店食過一個米線tea,覺得抵食又唔錯.是日和朋友去左調景嶺間分店度食.熱杏霜+蕃茄雜菜米線(共22元)實在超合理.魚米家的sofa位幾好坐,兩間分店的米線我都覺得淋左d,可能本身唔係咁鍾意米線,就算好出名的譚仔米線(爽口)我唔會想一食再食.更何況魚米家碗米線好淋吓.但貪佢平平地又坐得舒服.又唔駛等位.同埋值得鼓勵係,好少舖頭有雜菜食.因菜都好貴呢.雜菜米線係我的減肥之選下午茶有好多配搭.西多士,米線,面包等等朋友叫左蛋牛治,個樣都好新鮮呢.

同男友兩人搵下午茶餐食 剛好行經魚米家唔洗等位 又未試過 就give it a try 啦叫左大腸麵線 + 蜜糖雞翼 + 牛油厚多士餐 $26 + $3轉雪碧大腸都幾多件 但個湯底&麵線就好唔掂質地夠杰 但好明顯係狂落生粉 無乜味 加好多豉油& 醋去調味蜜糖雞翼加左太多炸粉 味道ok 但超油膩牛油厚多士無乜特別甜酸醬炸雲吞 $22雲吞好細隻 食唔出係咩涵 因為無乜味甜酸醬好似水咁稀 個麵線仲杰過佢向奧海城有其他更好的下午茶選擇

魚腐米線:::配同其他分店都係一樣!!!!但最值得一提係這間的魚湯特別重魚味!!!真係十分好飲!!!!好鮮明!好甜!!!好重魚味!!!蜜糖雞翼::,煎得外皮脆脆!!!內面仲有肉汁!!!好嫩滑!!!仲甜甜地!!正!!!不過2隻好似少左d!!

為左睇反斗奇兵3....決定係奧海城到食埋晚飯....上次去過上水分店...今次繼續幫襯....雲吞河蕃茄湯底上次試左個魚湯....今次就試下個蕃茄湯...兩者比較下真係各有各好...蕃茄湯比較清淡....但感覺上幾健康....同味千ge蕃茄湯比更勝一籌...值睇一試!雲吞就冇咩特別...料幾足...一碗有5粒...份量都唔差河粉方面就冇個米線咁吸引喇....都係米線好食d!紅燒牛肉米線魚湯底紅燒牛肉份量多...不過味道麻麻...唔夠上水個雞翼好食....米線魚湯底我就冇試到....不過男朋友話都係差唔多....老水豆腐冇咩選擇之下揀左個小食....味道偏少甜...豆味比"老"水味更特出...p.s 駕車人士記得埋單個陣拎張收據...可以懢返幾十蚊....

19/11/09 (星期四)今日剛好要去奥海城買嘢，順便在商場內找地方吃飯，未試過這家食店就入去試下，我叫咗一個魚湯米線套餐試下，包一款小食及飲品。順德魚腐魚湯米線： 魚腐炸過，味道一般啦，米線質地比較煙韌，唔會太淋，不過魚湯底的魚味唔夠，要扣分。灼生菜： 有菜，都幾健康。

真的有點大鄉里，麻酸樂的英文名字是Marsino直接翻譯過來的，分店也有7間之多，位於奧海城二期的此間位置理想，所以假期每每要等候位置良久才可以入座。最近推出一種叫人參湯米線的套餐，人參湯底不見得很重的人參苦味，只是跟一般湯底差不多，不過米線中的餸菜比較清淡，有手撕雞，人參（但是我找不到）和木已子等等；價值35元一個套餐，送煎雞餅連炸物和一杯熱菊花蜜。環境不錯，外面的聖誕樹發亮不同的燈光好不耀眼。去奧海城看一套首映電影，但是我不是打算在此評論電影，只不過想借電影中說到得有關飲食的話題借題發揮一下。電影中提及女主角對煮食的一份堅持，最後令她可以得到一個出版烹飪書的機會，成為有名的烹飪節目主持人等等。另外一位女主角就因為事業停濟不前，所以就決心在網上寫網誌，堅持在一年內完成500多個菜式，作為對自己的一種鍛煉，最初是沒有人看好和認同，連她自己在內也懷疑自己是否會堅持下去，不過最後得到非常多網友的回應甚至是雜誌社和出版商的青睞，出版書籍，成為作家。其實我也試過在想其實寫那麼多食評到底只是為了獎品還是真的想跟其他人分享對食的心得呢？的確有時候會有所懷疑，不過要是您沒打算想改變世界或是對自己要求

做完四小時運動，時間已不早，不再搭車出去九龍城吃消夜，與兩位相熟食友在附近吃點輕食便可。十點鐘的奧海城，大部份食肆都已打烊，看見魚米家仍在營業，便走進去。不喜歡吃湯米線，隨便要一客撈米線，就去骨豬肋骨撈米線吧！肉質算是鬆化，也入味，但冇骨的豬肋骨，感覺總是怪怪的。Oli同樣說，豬肋骨要有肉連著骨才好吃的，所言甚是。至於米線，是較稔身的，個人還是喜歡有咬口的米線，幸而，米線吸收了醬汁的精華，味道亦不太差。對於不是貓頭鷹的我們來說，時候真不早了，快快埋單走人。又是食友付了鈔，真不好意思，再次說句多謝！

今日行奧海城,四點幾肚子餓,Food republic 又唔係咁岩食所以就黎左魚米家試下下午茶都有好多選擇,有成50 choices,既然佢以食魚湯米線出名當然就要試下,所以就同媽媽各叫左一個魚湯米線tea set,落完單先知原來魚湯tea set 有小食送,有火腿奄列,蜜糖雞翼,灼生菜等選擇,我最後選擇蜜糖雞翼,再加左$5轉要珍珠奶茶1. 珍珠奶茶麻麻地,珍珠太冧,奶太多茶味唔夠,勝在少冰夠大杯2. 香芽豬扖魚湯米線,我食唔出有香芽味,其實只不過係炸豬扖米線,魚湯清清地無咩味精,米線太冧唔彈牙的,配料都好多,豬扖夠冧3. 蜜糖雞翼好surprise 有2隻,我開頭以為得一隻,只係好普通o既炸雞翼加蜜糖4. 媽媽的蘿蔔牛腩米線,牛腩貨色一般,夠冧但無咩牛味,反而蘿蔔配魚湯仲好味5. 轉檸蜜唔洗加錢,檸蜜沖得唔錯,唔會苦澀,有香香的蜜糖味,比珍珠奶茶出色經濟型的母親對魚米家讚不絕口,當然$24 有3樣野食真係抵,而且大大件咁,下午茶黎講算好飽,但好味又唔稱得上,只係大眾化o既口味,唔差!

一向十分喜歡食米線，因為覺得佢好滑，又吸哂d湯既味，正!!!十分欣賞魚米家，因為佢個魚湯真係好正，雖然分店不算多，但一有機會就幫親。今日去開奧海城，一定要食魚米家。點知....有d失望。魚腐米線﹕魚腐都有好多舊，但米線太腍，好易斷，魚湯普普通通。凍檸茶﹕又細杯，又苦澀，檸檬仲只得2、3塊。真可惜。佢已被我打入非必吃不可的食肆了!!!

it was a good restaurant when it was still located in charming garden. the boss sat at the cashier all the time and the food quality was excellent. BUT NOW IT IS RUBBISH!!!! the noodles are overcooked and the soup contains a lot of MSG. i have to drink gallons of water to quench thirst. So, I swear I wont patronise this shop again.i dont understand how he can make such bad taste food and sell at a high price. the hygiene, service, and most importantly, food quality are F grade.

剛剛買了魚腐米線返屋企食, 見到碗米線真係好失望, 真係好懷疑係佢唔係轉左老細。宜家嘅質素同以前喺富榮花園或剛在奧海城開張時個碗真係差好多, 魚腐好薄, 冇魚湯味, 配菜得返幾粒粟米同紅蘿蔔絲。其實佢宜家佢D野食真係差左好多, 之前食個早餐塊豬扒好似成舊粉咁, 食唔到有肉, 真係食到怕, 而家連最出名嘅魚腐米線都咁差!其實見到佢話加一蚊有野飲去吸引人去食, 可能要拉上補下, 攪到食物質素下降, 我寧願唔要杯野飲, 變返好似以前0個間細細間0既漁米家咁~至少以前碗米線好味好多囉

每次都係因為係奧海城睇戲而無乜選擇既情況下去呢度食,其實前幾次都ok,但係今次值頭係失望,我叫左個喇沙雞柳炒米線+凍奶茶,米線無乜喇沙味,雞柳勁少,杯奶茶好苦澀,而老公叫左個滑旦雞扒飯,根本就係炒旦邊係滑旦啫,D汁就好似日式既燒汁,都唔夾既唔好食,佢杯凍咖啡又係唔好飲,咖啡味好淡,又多奶,應該下次都唔會黎呢間嘞!