魚米 (Wetland Seasons Park)

营业中

休息中

✨魚腐米線米線份量都多👍🏻唔會好硬或者好淋。魚腐就好似魚蛋，一粒粒的，裡面係明顯見到魚皮。✨薯餅呢個真係炸得太油膩，食到成口油🫠✨熱檸檬茶飲落好苦澀🥲🥲

岩岩係wetland park開果陣有叫過一次外賣，差唔多上年既事，果次啲魚湯極好飲，仲好味過細個十幾年前魚米岩岩做起果陣，我飲晒成碗魚湯都唔會覺得太咸想飲水。今次同朋友去食，飲品選擇算多，魚仲係炸得好食既，下午茶份量同一般時間一樣咁多，大食人士一定夠飽，阿姐成日顧住傾計睇唔到你入門同揮手不過語氣唔算差，呢個茶餐廳價錢唔會要求啲乜，但個魚湯水平差得太多搞到我要寫評投訴下，淡而無味，好似飲水咁，問佢拎樽辣椒油加下味，個辣椒油都好唔掂，可能已經擺左好耐，唔香又唔辣，得開始倒果下先有啲辣味。好彩朋友叫左碗好野，本身我我有奇怪黎魚米食麻辣/酸辣會唔會好唔掂，結果佢又整得幾好食喎，起碼好過一半以上係天水圍既酸辣店，魚米既酸同辣都好夠，又唔會太辣或者太酸搞到食唔落，最後我係倒左好多朋友既酸辣湯先食得晒自己果碗，我朋友都飲左好多酸辣湯，好少見佢食麵會飲湯，可見真係唔錯。雖然兩碗湯差距咁大應該俾個OK評，但因為我主力係要投訴個魚湯質素跌得太勁所以會俾差評，如果咁岩經過又想食酸辣呢間大家可以考慮下。

__________🏖餐廳環境🏖___________ 卡座座位尚算寬敞，可能當天較夜光顧，店內已經沒有什麼顧客了，印像中店員姐姐已經在做清潔，所以店內瀰漫著清潔劑的味道😷- _____________🍽食物🍽_____________果醋豬軟骨菜飯 $ 55推介指數 □□□□□看見餐牌上這個飯也佔了不少位置，所以應該是這裏的推介吧？意想不到何其地難食肉質鞋口，攝滿牙罅，軟骨位置完全炆不夠時間，硬梆梆，沒有豬軟骨應有的質地……菜飯無味，菜黃飯爛，完全不知道自己在吃甚麼😥-🐮 煎封左口魚配魚湯米線+魚腐 $ 79+9推介指數 ■■■□□魚湯沒有想像中的濃，米線口感正常，煎左口魚香滑，但不會脆，而且魚肉比較少。魚腐是整餐飯裏面唯一好吃的，米線加配的話，9元有3粒，還算可以。整體而言，如果這個配搭要價88元，實在不太吸引。- _________🌶辣椒紙總結📝__________整體：🌶🌶環境：🌶🌶員工：🌶🌶食物：🌶🌶(滿分為五隻🌶) - 總括來說，本身對連鎖店也沒有抱太大的興趣，經過今次一試，想不到食物質素真的是普普通通🤢 煎魚米線尚算可以，只是魚湯味道較淡，但 果醋豬軟骨菜飯簡直是強烈不推

路過濕地公園路，發現魚米這家連鎖店，那就來個 健康米線早餐。 好在早餐都有 經典的魚湯米線🍜 自選的 價錢都非常合理，抵食。魚腐角 相當有水準。豬排都很入味。 奶茶真中規中矩。

今日好開心同屋企人去咗濕地公園嘅一間餐廳，叫魚米，呢一間真係好有質素，一定要來食呢一間餐廳，首先餐廳位置於濕地公園附近，地方好寧靜好舒服，好似去咗一個外國嘅地方食嘢，而且環境優美，附近有好多樹，有休憩用地，所以入到去都覺得好寧靜好舒服，而且食物都好高質素，因為佢有一種好健康的感覺，同埋佢好有特色，就係一個餐，總會有一啲嘅小食半碟，所以我覺得可以食多幾種食物，我覺得好抵，我叫咗一個牛肉公仔麵，配薯條，雞翼，所以我覺得個餐好嘢未，收到個餐，食物係好新鮮，好熱呼呼的，係即叫即整，而且個薯條，都好趣好炸，然後個公仔麵都好友味道，好入味，呢一個配搭，真係一流呀，而且侍應嘅招呼都係很不錯，一入到嚟，所有侍應都好有笑容，好熱情地招呼你，所以我覺得呢一間餐廳一定要利是，如果你去濕地公園，一定推介

是日去同親故們打去沙排重拾一下青春的尾巴，打之前肚仔餓就搵間餐廳好好補補叫左：1/ 招牌魚湯魚腐米線魚腐炸過之後入湯，好香口好夠味，味道調得好好，大粒得泥仲有5粒咁多添，的確好抵食，就算同行嘅親搶左一舊之後都仲有4大舊，的確叫得過-叫得魚米就當然同佢個魚湯底好出名有關，的確又真係無改錯名，好濃嘅魚湯味，飲落好舒服，無味精感覺，吾會飲完口乾要灌水先得-2/ 豬扒魚湯米線醬燒豬扒好夠味，豬扒厚切，蔥同腐皮芽菜好多好夠配料，同米線一齊食啖啖脆卜卜亦有吾同嘅配料香味，好好食-份量好多，開心share左打完個沙排仲未覺肚仔餓，抵讚

朋友約左夜晚去附近嘅沙灘排球場玩沙排、閃避球。玩之前去Wetland Season Park 睇下有咩食，見魚米冇乜人，同埋聽講佢個米線湯底幾好飲。-魚蛋魚片鮮魚湯米線 $37.00湯底鮮濃，魚片同魚蛋都好彈牙，而且有魚香，米線爽滑，大大碗，好夠飽。-蜜汁豬扒菜飯+熱柚子蜜 $53.00豬扒厚身，唔韌，煎得好香但冇乜蜜味，啲飯有啲腍，冇咬口。柚子蜜正正常常，感覺就係自己喺屋企用韓國出嗰啲沖嘅柚子蜜咁。食物質素中規中矩，但服務就真係麻麻，就咁放低碗野喺枱面就行開，都唔問下邊碗/碟野喺邊個嘅。

下午同家人去食，諗住叫野嘅時候睇到店內侍應得兩三個，兩個送緊餐一個去收銀收錢，我哋果枱等左幾分鐘收銀果果先過黎幫手落單，侍應數量明顯不足。再來係食物質素，我哋一共叫左三個餐除咗左口魚餐同下午茶set叫做正正常常可以接受之外最離譜就係個比目魚，第一次上果條外表睇落無咩事，但係一切開裡面係生嘅，攞手指掂下中心係凍架！好似啱啱係雪櫃攞出嚟咁，叫果侍應過來幫手換左佢，好啦，換完啦，睇落炸得幾好睇又出曬煙咁，心諗今次點都得啦應該，一樣切開，驚人嘅事情就發生了，裡面又係生嘅，攞手指試温，凍嘅，emmmmm.......認真第二次都係咁，你不如唔好做算啦！最後服務質素，碟比目魚無喐過，買單準備俾錢，去收銀果邊，同佢講取消比目魚嗰一個餐，佢話去搵經理，走過去果陣仲要講你應該上餐個陣就取消，頂佢，不知所謂，而家係你嗰餐啲質素唔掂，舊魚唔熟所以我先取消，加上條魚外表睇落無事係切開先至知唔熟，借問聲我要點樣即刻取消？當我有透視眼睇到舊魚係生架？？經理出嚟幫手取消咗個餐，態度都好啲識得say sorry，不過嗰侍應就真係pk。總之一句講曬下次絕對唔會再幫襯！！(附上第二次上嘅比目魚，同收據嘅相，證明我真係有在

53蚊又貴又難食雞翼上海菜飯，炸雞翼係正常味道，有4隻，但d飯好差，好水好軟淋淋，似food court 飯盒果d平價飯，正常餐廳用珍珠米或泰國香米，呢度用廉價米，煮到好差，收人53蚊很不該。

成8點半先食到個Dinner.. 真心攰附近開左幾間鋪💭去撞下彩，睇下人地收檔未🥴🥴其他鋪都冇咩人，有d又收左鋪好在仲有魚米仲有d人氣一於就食魚米，頂頂肚先見到麻辣酸辣就心心眼😍😍我叫左酸辣酸菜鯇魚片米線可能我只係叫左小辣酸味比較重，不過都幾香😋勝在夠多料，魚片多到食唔完🤣另外叫左麻辣八寶米線 魚蛋 魚片 貢丸 牛肉 炸醬 腩肉 豬潤 豬肚有齊8款，都真係幾豐富下😋👍依個麻辣米線真係色香味俱全👍越食越起勁🤣 辣先開到我胃口~總括而言，黎餐飯快靚正又平，喺一個唔錯嘅選擇～

話說專登落街想食個豐富原條魚午餐但始終抵不住肚子餓的響聲倒不如就點個豐富早餐啦!!早餐既價錢非常合理，好抵食添叫多少少唔怕唔飽!!特式金桔檸只需加多$3又大杯又凍又健康既飲品樣樣都想試，那就不如加多少少錢食埋佢個滑蛋、炸豬扒炸豬扒 肉雖薄，但好鬆化咬落仲有肉汁流出真係好神奇，D豬扒肉既甜味起個口腔打滾牛奶味濃濃的炒滑蛋，炒得岩岩好，一D都唔老好滑帶一點點流心感甜得黎又有蛋香超值的港式早餐$35魚腐、牛肉、雞翼覺得佢出品的炸物真係幾出色，雞翼同豬扒都整得好juicy同埋呢個米線湯底係魚湯味好重，好好飲最後都係忍不住點多個甜品涼粉紅豆$16 輕食一下滿滿的紅豆，涼粉切出黎既size好特別，細粒但黎好有出面賣開既寒天感覺好好咬口

今日放假，入天水圍探朋友仔，仲參觀左濕地公園，玩左半日，開始有啲餓餓地，係時候食下野。離開公園就之後，又唔想食得太heavy，見到魚米食米線都好啊。好，坐低睇下有咩好食先。腐皮魚角麵，叫左酸辣湯底，味道啱啱好又唔會太辣，仲有超大塊魚角，跟淮山麵，食落感覺有少少似上海麵，口感比較有咬口。香茅雞翼，剛剛炸起，夠脆口，如果香茅味再多一點更好。杞子桂花糕，食麵都有甜品食，桂花糕唔太甜，幾好。涼粉紅豆冰，岀面熱辣辣，飲完爽呀！

 米線癮起過嚟食碗魚湯米線，我幾鍾意魚米，佢哋個湯底幾唔錯。下午茶時間平啲啲，識食一定係兩點幾過嚟。奶白色嘅湯底，啖啖都係魚味，唔腥，鍾意飲魚湯嘅朋友必試！腐皮魚角係我最愛，口感煙煙韌韌真係好好味！出面街唔多地方有呢個，嚟親都係叫呢個餸。啲米線偏淋，但都有彈牙感，唔係煮到一pat漿糊嗰隻，合格。加埋啲配菜芽菜嗰啲，都幾好架！因為呢度其實同湯加係兩兄弟，共用廚房，所以下午茶時間除咗米線以外都有呢啲港式嘢食㗎！如果一個想食魚湯米線，一個想歎炸雞脾西多士，絕對冇問題丫！啲出品好好，真心抵食！

#meloin #魚米天水圍濕地公園環境優美，附近的大型屋苑最近落成，樓下的商場進駐了不少餐廳，今日選了一間專門食魚米線的餐廳。💫比目魚米線$65魚的種類繁多，今次選了比目魚，旁邊加上檸檬🍋上面灑上海鹽，帶出魚的鮮味魚肉外脆內軟，比目魚魚骨較少，食用時非常方便，魚較厚身，仍能保持熟透且肉質滑溜💕💕米線軟硬度適中，湯底選了酸辣魚湯，不會有味精的感覺，吃完不口渴😛💫粒粒紅豆冰$15炎炎夏日當然要似凍飲🥤紅豆大粒淋身，花奶、紅豆比例完美，味道濃厚😇💫杞子桂花糕$11成日望住手機，對眼一定好攰。食翻杞子養目🥰🥰甜度適中，有2大粒💕軟厚度如啫喱般，夾起來不會散開☺️📍 魚米 (天水圍)天水圍濕地公園路9號濕地公園商場地下5號舖5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

foodpanda叫了外送 兩碗米線加了一個小食一向有在元朗分店買外賣 質素及味道不錯天水圍開新店了 所以馬上試食但食物質素差很遠 令我懷疑是否同一間店湯底很稀 沒有味道 像清水加了點鹽 果醋豬軟骨－味道還可以 但份量是少得可憐 是有2件一口的尺寸 太離譜了吧腐皮墨魚卷 － 空心的 跟過往是圓柱狀的不一樣 而具炸得很乾雞翼 － 2隻 份量正常 但也是很乾另外叫了一份果醋豬軟骨單點 48元一份 只有三件 還有兩件是一口的 離晒譜絕對不如再幫襯 ！！！