鮨孝

营业中

休息中

復活節假期嘅開始臨飛之前諗住入去機場禁區食個早餐，然後開開心心咁去旅行見到周圍都大排長龍，唯獨係呢間聽聞係米芝蓮嘅餐廳冇人排隊，見到價錢又唔係太貴就入咗去，點知中伏了。叫咗一個牛肉烏冬，一個叉燒拉麵同埋一個雀巢檸檬茶。嗰碗$73嘅叉燒拉麵味道一般，但係見到得一塊叉燒真係呆咗有問過職員姐姐係咪得一塊(因為覺得可能早得滯,唔小心比少咗或者比漏咗😂)但係個職員姐姐同我講話係得一塊🙃一個拉麵配一塊叉燒，係一塊，真係覺得好慘。老實講，唔介意俾多幾十蚊，但係得一塊叉燒成件事真係好肉酸😂希望以後會有改善啦

I have always wanted to try Sushi Taka and didn’t realised they opened at the airport! I enjoyed the seating that wasn’t part of the food court, it is like a small restaurant on the side of the food court inside the airport! We ordered a char siu ramen, the broth was very tasty and ramen was cooked nicely! Then we ordered a deep fried chicken with udon. In the photo, the chicken was put inside the soup but instead it was served on the side, which is much more desirable as it will keep the chicke

撘飛機前仲有好多時間就係客運大樓呢邊睇下有咩食☺️諗住食飽之後啱啱好可以上機😎揾左一陣餐廳後 最後決定選擇鮨孝😝見到餐廳有唔同嘅定食 烏冬等而且啱啱好一去到就有位😝買完野食之後 會比個號碼你不過見到啲餐已經出左一陣但係都未有人拎嘅時候店員就會好大聲用3種語言讀出你嘅號碼拎餐😂今資就叫左牛肉烏冬🤣牛肉都算入味 不過份量就唔算好多洋蔥都係偏硬身烏冬嘅口感亦都係不過不失整體嚟講食物質素比較普通😣感覺純粹真係就咁依飽個肚😂

嘩原來喺機場入邊開咗間米芝蓮餐廳，咁就梗係要喺度食個早餐啦。呢度環境都算唔錯，有吧枱有餐枱，好方便旅遊嘅人士。因為早餐所以揀咗兩個飯團同埋水清清地，好好味。📀📀📀📀📀📀📀📀📀📀📀📀📀📀📀真係好欣賞呢一個包紫菜嘅設計，令到你隨時隨地都可以食到一啲好趣嘅紫菜。呢度仲好細心，佢哋仲有個迷你烏冬，俾你試吓佢哋嘅日式烏冬，口感唔錯，湯底非常好。估唔到入到機場都可以食到咁正嘅早餐!

機場終於有好西食，高級日本料理餐廳「鮨孝」，平時價錢係機場餐廳中叫最貴嘅，但係喺疫情影響吓，推出一啲優惠定食，以平民價去享受高級餐廳質素，吸引到我終於可以食到啦！分別三日食咗唔同嘅定食，每個定食都會送一碗麵豉湯。首先係滑蛋吉列豬扒飯定食，熱辣辣嘅飯，配上濃味滑蛋，好正呀！每啖飯都係用正宗日本米去煮，日本米有個吸引人之處就係好飽滿同埋掛到啲汁，所以入口女香好滿足！咬埋一口豬扒，嘩！啱啱炸起，好熱呀！而且豬扒好脆好香口，好Juicy，好多肉汁！估唔到俾啲醬汁包住都可以咁脆，又唔會變腍，意想不到嘅好味，令我食慾大增！咖喱吉列豬扒對比下就反而失色，原因就係個咖喱汁係暖，唔夠熱，但都好香好食，日式咖喱汁甜而不辣，配上豐富嘅蘿蔔薯仔粒，好似真係喺日本食緊咖喱嘅感覺！吉列豬扒都係好熱好脆，可惜個汁真係唔夠熱累事😩蒲燒鰻魚飯定食係三個定食中最貴，亦都係最令人失望嘅一款！呢個鰻魚飯比較普通，又無鰻魚汁喺飯入面，食落較為乾，好寡呀😭！後來我忍唔住叫佢俾個鰻魚汁嚟點綴吓個飯，但個汁好甜呀！同個鰻魚飯唔襯，唔加好過加！鰻魚唔夠肥美，食哂成個鰻魚飯都好似感覺上無乜食過嘢！失望😞總結，機場難得有好嘢食，食吓無妨，

疫情期間出遊, 顯然少了很多人出門, 早上的機場出境後的食市都無人掛隊, 還有店員在門口招攬客人, 和以前趕時間想食個早餐先上機但又間間排長龍的景況很不同, 發現有間食日本野的店鋪, 行去看看, 早餐價錢不貴, 就入去試下~order 了一個親子烏冬, 烏冬附送腐皮壽司兩件~ 首先試下個烏冬, 湯底很熱, 好正, 感覺是即煮出來先會咁滾, 個湯底是用蛋花混入湯底煮成, 是很濃的感覺, 像粟米湯的質感, 湯底很好味, 配上青蔥, 很配合, 伴埋烏冬一起食,  烏冬亦很彈牙, 熱辣辣好正~到腐皮壽司: 雖然沒有任何醬油去點來食, 但咬落去很軟熟, 壽司飯軟硬度很好, 很好味~腐皮很薄很甜美~這早餐非常滿足~下次有機會下午來要試下佢的壽司~  

上飛機之前梗係要食個豐富嘅早餐，喺機場裏面間間餐廳價錢都唔平仲要大排長龍！見到呢度唔單止無乜人排隊，又有我鍾意食嘅烏冬價錢仲要唔算貴同有好多位可以坐，即刻決定喺度食😊😊炸雞份量都幾多不過有少少硬，烏冬彈牙有嚼口👍🏻腐皮壽司亦都唔錯😊最重要係有私家座位唔使喺foodcourt度同人爭位坐👍🏻

機場裝飾多時，終於等到呢間日本米芝連壽司店開業，咁梗係試試啦。佢唔屬於美食廣場，佢有自己嘅舖面，都幾靚嘅。價錢方面，當然都唔平，我試8件特上壽司，都要$328，值唔值？如果以呢8件黎講，唔值。食材，主打金搶魚，同意嘅，真係有家鄉不錯嘅味道，不論中拖羅同大拖羅，都甘香，非街邊一般可比，穴子魚都唔錯，其他就....一般般，真係好一般般。另一個靈魂係壽司飯，唔知係咪我坐嘅位置有啲風，定係用左半分鐘比相機食先，我只係覺得暖暖的穴子魚壽司啲飯，係暖軟的，其他一概都偏凍和少少硬，我真係懷疑係咪食緊$8碟嗰啲飯。所以總括黎講，鍾意為金槍魚，上機前要過下口癮，可以一試，佢有唔少金槍魚的選擇，但如果冇呢個癮，就响美食廣場食就算喇。