影片
港铁铜锣湾站 F1 出口, 步行约4分钟
继续阅读
电话号码
90830805
开饭介绍
高质寿司店，由日本直运新鲜食材制作厨师发办。日式木系装潢气派十足，配上金黄色的灯光，明亮舒适，坐在寿司吧台更可近距离观赏师傅制作菜式。
继续阅读
营业时间
今日营业
12:00 - 15:00
18:30 - 23:00
星期一至日
12:00 - 15:00
18:30 - 23:00
以上资料只供参考，请与餐厅确认详情
有关奖赏计划
2078 浏览
自从肥肥家族最爱嘅寿司店结业后，家人真系少咗食鱼生，旧年都系应雀友吹鸡先去铜锣湾一家楼上寿司屋「鮨本」食厨师发辧晚餐。占用面积全层嘅餐店光线充裕，大方阔落，倾斜设计嘅木造天花及枱櫈新潮中不失日系风格。用餐大堂有多个吧位围绕住师傅嘅舞台。单凭清酒架上嘅摆设，估计店主应该系奶龙粉！最入位置原来仲有间可容纳上八位客人嘅私人寿司吧房，高雅有格调。贵客如欲自携佳酿，开瓶费为$250/樽，都好合理。每位席上摆有自用嘅筷子及餐碟。厨师发办晚餐共有两款可选，均包有刺身、酒肴、寿司、玉子烧、汤汤同甜品，价格分别为$1,380/位及$1,680/位，不同之处在于后者会多一款刺身或酒肴及两件寿司。应师傅建议，大家先点咗$1,380/位，真系唔够食的话佢可以安排加到去$1,680/位。落好单后，妹妹仔随即送上清爽开胃嘅渍物。刺身或酒肴五品之沙甸鱼矶边卷：卷到成朵花咁艳丽嘅沙甸鱼矶边卷夹入咗清新爽嫩嘅黄萝卜及芽葱，一口一件，鲜浓中散发著阵阵芬芳，极之可口！刺身或酒肴五品之帆立贝卷：轻轻烧焦咗外层嘅帆立贝紫菜卷暖手嘅外层十分香脆，帆立贝肉厚甜润，送酒佳品也。刺身或酒肴五品之松叶蟹茶碗蒸：如相所示，舖喺炖蛋面嘅松叶蟹肉份量绝对足，且幼嫩甜美，蛋蛋绵滑够热，毫不溜滞，超！寿司十贯之春子鲷寿司：师傅事先讲明所有寿司已预先调好味。第一件暗闪彩光嘅春子鲷寿司清香淡泊。寿司十贯之墨鱼寿司：白雪雪嘅墨鱼寿司粘滑厚身。寿司十贯之野生中拖罗寿司：粉嫩有光泽嘅野生中拖罗寿司半溶于舌上，鲜味迅即洋溢口腔，齿颊留香。刺身或酒肴五品之烧目光鱼：席上嘅鱼王鱼后大赞烧鱼鲜甜，最难得就系鱼肉熟咗都可以咁滑。刺身或酒肴五品之樱煮八爪鱼：以茶叶樱煮嘅八爪鱼肉质感松润柔软，同伴配嘅萝卜一样入哂味。寿司十贯之北寄贝寿司：北寄贝寿司虽外形不甚吸引，幸好食落都好爽脆。寿司十贯之池鱼寿司：皮层银光闪闪嘅池鱼寿司鲜爽得黎鱼味浓郁。刺身或酒肴五品之象拔蚌：呈橙肉色嘅象拔蚌刺身Q弹有嚼口，唯一个人觉得当中嘅青柠味重咗啲，盖过咗象拔蚌原有嘅鲜甜。寿司十贯之赤竹海老寿司：橙白纹理鲜明嘅赤竹海老寿司肉厚润泽，爽脆尤甚。寿司十贯之金目鲷寿司：油润嘅金目鲷鱼被师傅轻轻炙烧过并迫出油脂，直令寿司更为香口滑溜。寿司十贯之胡麻鲭鱼寿司：鲭鱼寿司其实都几爽润，无耐小肥唔系咁钟意突出嘅鱼味及鱼皮散发出嘅烟熏味。寿司十贯之白海胆寿司：金亮鲜美嘅白海胆寿司绵滑幼嫩，不过当中嘅海水盐味比起平时食开𠮶啲海胆劲，咸多过鲜。寿司十贯之野生大拖罗寿司：粉嫩有光泽嘅野生大拖罗寿司大啖滑落口，甘香与鲜甜溶到入心呀！玉子焼き：用上梦王蛋蛋造出嘅玉子烧松软唔甜。吸物：喺寿司屋饮嘅唔系鱼骨汤就系面豉汤，真系冇谂过会系呈奶白色嘅鸡汤㖞！味道较清淡嘅樱姬鸡汤十分暖胃。甘物：结尾嘅豆腐奶冻白滑清凉，微甜不溜滞，简单洒上黑糖曲奇碎令甜品嘅口感更丰富。铜锣湾楼上寿司店「鮨本」环境时尚雅致，服务生友善体贴，多道菜厨师发办料理货真价实，海材新鲜美味，最紧要系同师傅冇隔膜，雀友们饮得够尽兴！
继续阅读
已经好耐冇喺香港食omakase (不过我本身都唔系食过好多)🤣前排细妹生日 话想食omakase就去左 @sushimotohk 妈妈食过一次觉得唔错所以我地再去!🥳师傅好吹得又照顾周到 鱼料食材都好新鲜又岩季节 整体食得几开心✌🏻今次dinner去食呢个set系5品12贯 $1,780 pp.✨(自己真系唔舍得系香港食咁贵omakase🥹不过家人生日一年一次啦)▪️北海道笠贝（响螺）▪️富山湾萤光鱿鱼▪️香箱蟹▪️北海道𩽾鳒鱼肝▪️岛根县黑鲍鱼▪️江户前玉子烧▪️鹿儿岛乌贼寿司▪️中吞拿鱼腩寿司▪️葱蓉胡麻靖鱼寿司▪️富山湾白虾寿司▪️小肌鱼寿司▪️大沟贝寿司▪️䲠鱼寿司（鲛鱼）▪️喜之次鱼及鱼肝寿司▪️酱油渍吞拿鱼寿司▪️北海道马粪海胆寿司▪️冰见寒狮鱼寿司▪️寿司卷꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍鮨本铜锣湾渣甸街66号亨环9楼🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_铜锣湾🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_omakase #joys_日本菜
继续阅读
On a Sunday night一个师傅serve 11个人!?我以为去咗食回转寿司依家讲紧$1700一位嘅omakase㖞但咁嘅情况下师傅仲可以成晚non-stop同最左边𠮶家人吹水同饮酒有冇尊重吓其余嘅人？咁如果谈话内容真系好引人入胜都算啦师傅话青森位于北海道？佢哋一直r师傅切大旧啲鲍鱼，but多啲海胆比佢。。。「你返番去食双𩠌饭啦不如」我抑制住内心嘅感受，啦啦声食完走算啦另外quality 亦不值一提啦，完全 justify唔到呢个价钱
继续阅读
今次拣左$580 嘅Omakase 套餐，可以话系价廉物美🤩，师傅嘅刀工细腻之余介绍都好清晰，上嘢次序啱啱好！成个体验都超难忘❤️。 萤光鱿鱼茶碗蒸🦑不得不提呢个无人能敌嘅开胃前菜，茶碗蒸个质感好顺滑，蛋味又够，萤光鱿鱼同蛋夹得非常好，唔会喧宾夺主。半熟帆立贝🔥对帆立贝嘅处理方法非常了解，半熟嘅状态令到个甜味岀晒黎，完全抗拒唔到😚。 小肌鱼🐟熟成好讲求技术，而佢就啱啱好，鱼肉有齐晒酸度同甜味，成件事超平衡🥹。 半生熟青竹海虾🦐虾肉嘅肉质新鲜弹牙，半生熟keep到虾嘅甜味，放入口𠮶阵啲鲜味喺口入面涌岀黎。 寒狮🐳呢种鱼比较少见啲，但作都不得不提下佢，佢个肉质唔肥得黎甜味又足，口感劲特别。 海胆❣️海胆品质唔使讲啦，入口即化，成个口都系佢嘅甜味，绝对系成场 omakase 嘅其中一个重点。 江户时代玉子烧🥚玉子烧有经典嘅江户风味，甜度啱啱好，口感湿润得黎唔会觉得浮夸，用嚟做成个set嘅收尾冇得挑剔🤤🤤🤤一句讲晒无论系食材嘅新鲜度，定系寿司熟成，定系切割嘅技术，都将师傅嘅功力露晒岀黎😆。每一道料理都感受到师傅对食材的尊重同追求，尤其系海胆，一定一定要有❣️真心值得推荐比身边嘅朋友仔食！
继续阅读
我朋友生日🎂去咗试呢间嘅omakase🤍今次拣咗$780嘅套餐～内容都好丰富！前菜系我最钟意食嘅白子😍而且佢系炭烧过㗎！底有青柠+昆布～将白子嘅香味升华咗！萤光鱿鱼茶碗蒸都系我觉得好好味嘅item🥺茶碗蒸蛋超顺滑，一吸就滑落个口到😋而萤光鱿鱼又好爽脆🦑两样加埋一齐真系意想不到嘅match！不得不提，师傅特地叫我地试嘅江户时代玉子烧🥚食落甜甜地，但系口感好松软～软绵绵嘅口感真系好得意呀😆寿司方面，我地试咗石雕鱼、三文鱼、烟熏春鱼、半熟帆立贝、小肌鱼、半生熟青竹海虾、寒狮、海胆🥳个人感觉最特别系半生熟海虾🦐口感好鲜甜，厚身得嚟又够爽口👍🏻每一啖都系好满足嘅肉感我最爱嘅一道寿司系大拖罗😍肉质肥厚，咬落去食到满满嘅油脂🤤呢个我俾一百分！！！比较特别嘅系竟然有烤一夜干🐟平时出去居酒屋食都好贵😚估唔到omakase都食到咁高质嘅一夜干甜品我拣咗茶味雪糕🍧好香茶味🍵食完omakase用呢个雪糕做结尾就啱啱好啦！总共食咗十五样嘢😎完全系over my expectations❤️🔥十分推荐庆生/情侣庆祝过嚟食饭
继续阅读