鮮芋仙 (已搬遷) 新店位置

每次黎親都會嗌佢個超特大雪糕牛奶冰。裏面有雲呢拿雪糕、寒天、湯圓、麻薯、芋圓粒粒。其實點呢一個最抵，因為其他一人份量嘅糖水都40幾蚊，呢個只係多多幾蚊就夠晒兩個人食，好滿足！

以性價比黎講，真係無得頂🤣40-50幾就有一大碗！真係一大碗黎！絕對係幾個人share先食得哂😹果陣5知佢咁大碗，仲叫左1人1個🥲真係唔會食得哂😳平時以呢個價錢真係1d好普通既糖水，味道又唔差，不過就唔會有一種好驚艷既感覺🤔之前未食過果陣都已經聽過呢間，但係本人就覺得味道係正常，所有野都係正常發揮，無咩特別，不過就住佢既性價比黎講，就絕對對得起！只不過通常都要排隊，排左1個鐘到先有得入😹用餐時嘅就75分鐘，野食都係5-10分鐘就有，都好快！😋個人覺得個冰係最好食，會有好多種配料，布丁都有2款唔同味，一款係杏仁味另一款芒果味，可能因為本人對於杏仁就麻麻，所以覺得芒果會好d🤣豆花，好似成碗湯咁😹😹😹但係味道都幾好，係底有配料，配料就同其他大致相同😹總結以上既就係性價比都好高，大家不妨都可以試下，但係都應該要預左要排🤪

好耐之前食過，一直都想再食，因為真係超出色，性價比極高！天氣好熱，今次專登早少少到，終於食到！原來而家限時45分鐘，可能真係太多人。今次食左呢個組合芋薯圓Q麻糬牛奶冰完全係我喜歡嘅野，加左3蚊配埋個仙草凍直頭完美！佢嘅麻糬同芋圓都煮得剛好，唔會硬，煙韌有咬口。而且唔會太甜，全部配合得恰到好處。不過食起上黎要好小心，因為堆得好高所以會好易跌落黎。其實仲有好多選擇可以加配，但今次食呢個已經分量十足, 食完大滿足！

今次想推介美味輕食，早晚餐可以選擇有益健康啊！呢間好多人排隊㗎好難先可以食到！星期六我一個人排咗一陣啫！所以呢其實見到佢長龍都可以排下，大概10零20分鐘都可以入到去因為有限45分鐘進食時間！見到健康系列豆腐花豆漿精選仲可以走甜我就嗌左個2號豆腐花豆漿地瓜薏米！果然係非常之好味好多料好大碗！啲豆花係滑到不得了！有大大嚿地瓜同埋好多薏米！走甜就啱晒健康人士之選而且仲好飽肚。入得嚟㗎佢都想試吓其他小食，就叫咗個雞蛋布丁配麻薯！呢個就普通咗啲囉！但係喺雞蛋布丁上邊嘅珍珠就真係好好味！但我自己因為怕甜野好肥所以就冇完全食晒，但係親埋個雞蛋布丁個味就真係絕配！啡色嘅麻薯就好食好多！下次可能叫綠茶或者伯爵茶布丁

鮮芋仙(厚福街)——————————————————1. 芋薯圓Q麻糬牛奶冰 💸$52完全冇諗過會咁大份，我見隔離枱都係細細兜，中式糖水碗咁大，好彩我兩個人嚟，唔係死得。佢啲芋圓好好食好QQ，上面有球奶味雪糕，佢啲冰唔係雪花冰，係刨冰再淋煉奶上去，都好好食。兩個人食呢碟嘢都有啲吃力，咁樣只係$52，性價比真係好高，超值。——————————————————📍鮮芋仙(厚福街)地址：尖沙咀厚福街3號華博商業大廈地下2-3號舖

今日下午帶同小女出到尖沙咀有嘢做， 天氣又炎熱， 做完啲嘢想食個下午茶都冇胃口，見到成日都排長龍高人氣嘅鮮芋仙 因為係平日嘅下午唔使等， 即刻帶埋個女入去嘆下冷氣休息下 ，叫咗個冰芋圓4號加多個半糖招牌豆漿， 合共87蚊！小朋友見到當然開心到見牙唔見眼，冰芋圓4號正好幫助在炎熱嘅氣溫下降溫，唔太甜口感正常，招牌豆漿半糖加啲珍珠趙下，消暑解熱一樂也。不過平時太多人，湊住小朋友企喺門口等位嘅話，就不用客氣了。 門口等得耐， 又唔好意思坐咁耐， 有小朋友就唔係咁值得了。

紫薯牛奶冰看了一下官方Instagram，紫薯牛奶冰是限定商品，只供應至8月6日。比常規牛奶冰貴了足足$28，值得嗎？。紫薯醬。紫薯醬夠濃稠，掛在牛奶冰的外層，看得見紫薯的纖維紋理。吃下去是紫薯天然甜味，配合牛奶煮成的醬汁不是走順滑路線，反而有點顆粒起沙的感覺，吃下去更濃厚。紫薯醬太少啦！吃完第一層之後跟普通牛奶冰沒兩樣，價值$28。雞蛋布甸。一向覺得鮮芋仙的雞蛋布甸有點太甜，雞蛋香味不足，唯一取勝之處是非常滑溜。。白玉。白玉有點像外面的小丸子，如果可以更大粒或許口感會更煙韌。如果可以做到像日式抹茶甜品裡的白玉就好了。。冬瓜凍。冬瓜凍是十分出色的配料，它或許並不搶眼，但它是唯一一款清爽的配料，搭配牛奶冰或紫薯皆宜。。經典雲呢拿雪糕。鮮芋仙的雲呢拿雪糕的煉奶味很重，雲呢拿雖然偏向香精的味道，但總會吃得有點上癮，口感倒是很綿密。既然這個系列主打紫薯，如果能把雪糕換上紫薯口味應該會更貼題。。迷你芋圓。這根本就是雞肋！口感不夠大顆的芋圓煙韌，香氣又因為太細粒而不太吃得出，卻又非常飽肚。下次我會走迷你芋圓！。日式Q麻薯。店中皇牌之一，也是The Big的最愛，無論黑糖還是牛奶麻糬都超美味！外面微

🔻芋薯圓q麻薯牛奶冰 $52 (8/10)除咗經典嘅芋圓4號牛奶冰都好值得一試！配料多 重要大大份足夠三人分享 抵食❤️最愛有芋泥夾心既芋圓同黑糖麻薯💕煙韌軟糯 口感一流😚絕對係炎炎夏日既消暑聖品😝——————————————————除咗長期要排隊外 鮮芋仙真係冇得輸🤣by C

夏日炎炎，最岩就係去食沙冰，今次去咗一直都好多人排隊既〈鮮芋仙〉😍😍😍 係街到行到好熱，就會希望可以食到冰冰涼涼既雪糕或沙冰。今次特登去排鮮芋仙，想試下佢既牛奶冰。原本打算試芋薯圓Q麻糬牛奶冰，但好彩職員提醒咗呢個係兩人份量，所以轉食咗仙草沙冰﹝粉條、粉粿、珍珠﹞🤪入到去，已經留意到好幾張枱客人都係點牛奶冰。睇上去大大份，真係好抵食，$52已經夠兩個人食。但係，如果係想同朋友試唔同口味既，都係叫返兩款甜品比較好😎😎如果大家鍾意煙韌口感，真係要試下仙草沙冰六號，每種配料都好有嚼勁😌😌😌沙冰會慢慢融，食快啲，就會一啖啖冰。食唔到太凍都可以等冰融。沙冰融咗之後會同奶汁混合，變成冰涼既糖水。兩種都好好食，推薦做消暑既甜點😋😋要留意返既係，入座前要先落單比錢😉

夜晚食飽晚飯後加上係Happy Friday👏仲要係咁濕同熱既香港夏天🥵🥵梗係要去食甜品慰勞一下自己既身體🥴滿足下自己對甜品既慾望😈鮮芋仙係台灣品牌之前去台灣旅行時都會經常幫襯黎到HK都好受歡迎經常遇到full 到截左派籌。。所以汲取經驗後醒目既我地早已係晚飯前拿定張籌食完dinner 番轉頭就剛剛好有位啦😼😼(不過要食得快d, 因號碼除時過左龍）呢到係先落Order 再入座大家門口等既時候可以諗定食乜咁一有位就可以點餐 唔使咁論盡啦用餐環境係非常舒服 乾淨因為不論二人定4人佢都安排4人座位比你坐 夠晒空間擺埋袋值得一讚！今次同女友Order 左布丁Q麻糬牛奶冰店員提醒呢個係二人份量黎。所以我地只係order 呢個share 食order 完好快就有得食嘩😳😳真係成大座山咁樣座山個頂仲有雪糕波🥰同最近既東京奧運聖火個壇咁岩有d 似 haha!個造型好靚 打卡一流🎉🎉刨冰：佢唔係雪花冰果種軟滑，佢係真係碎冰食食下會幾凍入心。甜味來自佢係上面淋既醬料都幾香 應該係黑糖/焦糖味黎既配料方面布丁有兩舊 黃色同白色一啖試下黃色好驚喜 係好香既雞蛋布丁一啖試下白色 omg.. 唔中意呀原來是杏霜的

🍴鮮芋仙—————————————久仰呢間鮮芋仙呢間大名好耐但一直都好多ppl 所以都懶得排🤫成日見人一碗碗外賣咁食好似好oishii咁🤔所以今次食飽飯當飯後甜品，邊行下邊等入🚶🏻‍♂️等咗成30張飛左右先入得 45分鐘左右吧⏰？✨芋薯圓Q麻糬牛奶冰 $52笑死，食飯果陣我仲問甜品是咪一人一碗。入座前係counter落單先而去到我淨係負責食🤪我腦入面淨係有啲人外賣細細碗咁樣😶‍🌫️心諗一人一碗應該先填得飽我肚子餘下嘅空間碗嘢送到嚟 先發現tebaaa！原來咁大碗lol 但$52好抵喎！最中意食呢啲咩配料都有嘅甜品又是滿足貪心的我xd啲冰啖啖都有味，啲芋圓好軟糯，唔會好硬好粉每啖都要配啲雪糕呀糖漿呀布丁呀雪糕呀麻糬呀冬瓜凍撈埋食係個口好ice 咁咯 🥶🥶但都食到停唔到口haha係個杏仁布丁真的麻麻地見到佢仲有香芋口味想try 推薦：❤️❤️❤️❤️🖤

今晚去尖沙咀，食完飯後就去鮮芋仙食甜品😀我哋一行二人叫咗個布丁Q麻薯牛奶冰果然份量十足😮，店員話係兩人份量，但如果細食嘅話我諗三至四個人share都食到😋佢啲刨冰份量好多，個布甸一個係原味一個係杏霜味，我就覺得杏霜味麻麻。另外個雪糕球加咗醬又甜又好食😋麻糬條都好好味又夠煙韌整體來說，性價比高值得一試！

朋友一直都好想食台灣嚟嘅鮮芋仙，同佢喺尖沙咀行街行到差唔多6點幾，行過見到唔算好多人，攞飛後等咗20分鐘左右就入得啦👏🏻👏🏻但7點左右真係好多人排隊，所以唔想排咁耐可能真係要6點左右就去到朋友叫咗冰芋圓4號，真係好足料，芋頭好綿密好好味，鍾意食芋頭嘅朋友唔可以錯過，啲冰加埋啲煙韌珍珠芋圓真係又消暑又有口感我叫咗芋圓紫米粥，太鍾意食紫米所以都試吓雖然睇落平平無奇，但入面都有好多芋圓，紫米煲到好綿好好食，食完好飽肚搞到最後無食到晚餐撇除佢要排隊同等之外，其實環境好舒服45分鐘用餐時間都夠同朋友傾吓偈，下次如果都唔使排咁耐，會想再試吓佢出名嘅仙草

今日同朋友去尖沙咀行街，夏天嘅天氣真係又熱又焗，我同朋友都忍唔住想要食啲涼浸浸嘅嘢！行行下見到一間鮮芋仙，平時聽得佢嘅名多，又真係未試過！所以我哋就決定去試吓啦，真係唔係講笑，條人龍超長，我同朋友等咗差唔多九個字，呢九個字都係滴緊汗，當排到我哋，入到餐廳坐低，就覺得好似去咗天堂咁，我哋都迫不及待即刻嗌左人氣芋圓4號同牛奶冰，係呢啲天氣食呢啲又凍又好味嘅甜品，真係覺得好爽雖然佢嘅價錢比起其他甜品店有點貴，但係佢嘅分量都多！唯一嘅缺點就係等候時間太長啦

勁大份先50幾蚊，好抵食🤩雲呢拿雪糕加上糖漿好香甜，牛奶冰奶味香甜😋最鐘意食d麻薯同細粒芋圓😍口感煙韌得嚟又軟糯，好正！白色布甸好濃杏仁味，黃色就淡味d，唔太食得出咩味🥲