鮮芋仙 (荃新天地)

营业中

休息中

夏天熱辣辣，同朋友食完飯出嚟啱就係食冰降吓暑🌬❄️芋圓Q麻薯牛奶冰🧊入面有包心番薯圓。小芋圓。冬瓜凍。雙色Q麻薯。雪糕🍦份量好多，嗰日食完飯四個人去食先勉強食得晒。冰底好綿密，好重好香牛奶味，亦都食得出加咗啲黑糖漿，但又唔會太甜。包心番薯圓好夠煙靭，入邊嘅餡亦都好重芋頭味。雙色Q麻薯有兩隻色，深色嘅係淡淡嘅黑糖，淺色嘅原味就唔太食得出味🤣🙈但整體嚟講幾好食😋最開心係成個牛奶冰有好多小芋圓🤩🤩啱晒我呢個超級麻薯控，又唔驚會同朋友爭食😆😆冬瓜檸檬茶🍋🍋杯檸檬茶酸酸地，可以消咗啱啱食完飯飽飽滯滯既感覺☺️

同🤴🏻六點喺美孚食完餐好飽又好味嘅點心😊😊，就去咗荃灣行街，行行吓七點幾見唔使排隊，入去坐吓先！😘😘～～～豆漿豆花4號（芋頭、紅豆）～～～可能食開香港嘅豆腐花同豆漿，食慣嗰種甜味，所以覺得甜味好似差D，但好彩有紅豆搭救，紅豆嘅甜味都彌補番少少成碗豆花嘅 甜度！😚😚另外有兩大舊芋頭，唔係好硬用個鐵匙羹都輕易‘吉’開佢來食，有芋頭味嘅但可惜唔能夠同豆花豆漿融合一齊，只能講各有各好味🤓🤓大約食咗45分鐘出到嚟已經大排長龍囉😏😏

因為當日晏晝食得太豐盛😂所以夜晚就咁同朋友share個冰算(甜品當正餐 切勿模仿🙈)-鮮芋仙我淨係之前試過一次外賣 今次堂食 8點嚟到都要等幾張檯😬入座前要喺counter叫咗食咩先 我哋咁啱好彩坐到窗邊位 對住中庭 估唔到夜晚嚟食個景都幾靚下🌃-🍨布丁Q麻糬牛奶冰 $52個冰望落好澎湃 絕對夠兩個人share👯‍♀️刨冰好重奶味 唔會齋冰咁單調 雲呢拿雪糕好食 上面仲淋咗黑糖醬 刨冰旁有布丁 小芋圓 冬瓜凍 麻糬😚芋圓好細粒 唔係幾試到個質素係點 有冬瓜凍幾特別 不過味道都比較普通 黑白麻糬幾煙韌 但係味道較淡😶布丁一黃一白 黃色係雞蛋布丁 好滑 大家望到白色嘅布丁會覺得係咩味呢？我冇諗太多 以為布丁係牛奶味😗點知朋友食咗一啖就同我講：你一定唔鍾意食🙁試咗少少 原來係我討厭嘅杏仁味🤯同我一樣唔鍾意杏仁味嘅朋友仔要留意返 下次可能叫個冇布丁嘅冰食🥲-🥛紫米鮮奶 $39🧋小芋圓奶茶 $32另外冇諗過原來佢哋啲飲品咁大杯😨早知咁大杯就唔叫 因為已經飽到飲唔落 紫米鮮奶我唔知要笑定喊好😂紫米同鮮奶個比例太離譜喇 俾咁多紫米 基本上足料到啜唔到🤨成杯我淨係飲到紫米嘅味道🤧-佢哋有個餐具回收區 食

相信大家對鮮芋仙都唔陌生🤣🤣今次就order左布丁Q麻薯牛奶冰🍧刨冰一端上嚟黎 真係嚇我一跳😨刨冰超級大個 同埋十分足料🤩入面有雞蛋同杏仁布丁 小芋圓 黑糖同牛奶麻薯 雪糕同冬瓜啫喱凍🤪全部都煙韌😆煙韌控真係必去啊🤩超鍾意佢個芋圓 入邊仲有藏有芋泥呢🤤鍾意食芋圓嘅人一定唔可以錯過啊☺️仲有呢個刨冰性價比十分高🤑超級大個之餘 仲好好味添😜所以建議同朋友一齊食👭如果一個人一定食唔晒呀😜😜

每次經過銅鑼灣分店都超多人排隊今日早左食完飯,見唔算多人,就試下佢可能係期望愈大失望愈大,我完全唔明白有咩值得排咁耐隊🤯///🍽芋圓四號我覺得啲芋圓好普通....同台灣差好遠喎....😕 （掛住東東芋圓😭）///🍽雙圓招牌呢個就特別啲, 芋圓入面包住芋頭, 好似湯圓咁,仙草&仙草沙冰都唔錯///平均$45一碗,份量都幾大見到其他人食雪花冰真係好大碟, 起碼3-4人分量🤣😅1個人真係唔知點食得晒🥶

一入到去個店員俾咗三十秒我同我朋友睇個餐牌就狂催我哋點餐，但明明冇人排緊隊，睇多幾秒都唔俾😅而該位女店員之後嘅態度都奇差，我朋友嗌完嘢食之後去填個資，我企喺收銀度等個店員返嚟點餐，佢返嚟嗰陣用極煩厭嘅語氣叫我要同個朋友一齊點餐，但我哋鍾意一齊嗌定分開嗌關佢咩事😅之後發現嗰位店員仲落錯單😅指住個餐牌再讀一次俾佢聽都落錯，仲大聲同其他店員講我同我朋友嗌嘅嘢一樣，語氣係串緊我同朋友嗌一樣嘅嘢又要分開單，但明明係佢自己落錯單😅然後嘢食整完，完全唔值$42😅成兜嘢得三粒芋薯圓同啲紫米，係靠啃啲紫米粥「質」飽自己。食嘢途中有店員喺度大聲嬉鬧，個大粒野坐喺隔離枱係咁大嗌唔知佢講乜嘢，非常影響用餐觀感。不論係店員態度、食物價錢定用餐觀感上，間嘢都真係唔掂😅😅唔推薦去

每次食親芋丸就會好掛住去台北九份嘅日子 到底幾時先至有得返鄉下食嘢？冇得返鄉下唯有食住啲台灣嘢頂住先，三個人叫咗兩碗冰 一碗係招牌芋圓冰 一碗係番薯薏米仙草冰而家呢個天氣食冰真係爽 涼浸浸。一啖滑嘟嘟嘅仙草再加一啖冰凍嘅沙冰 嗰種感覺真係好正。跟住再食一粒煙煙銀銀嘅芋丸 夏天根本就應該咁樣過。老實講 雖然呢個價錢來講真係唔平 你話$50台幣就話啫😂但係冇辦法啦 鬼叫人哋係過江龍 喺香港地食嘢係咁上下㗎啦，最緊要好食囉！

天氣真係好熱🔥🔥🔥熱到個人真係唔想郁🌚今日叫咗鮮芋仙嘅外賣👍🏻👍🏻我唔明🤷🏻‍♀️點解外賣嘅份量越嚟越細兜🔥🔥🔥🙃🔥🔥🔥同堂食完全兩個份量😭今日叫咗招牌仙草沙冰一如以往嘅好食❤️❤️只係份量真係有啲細😭Btw 芋圓我加多左一份🤣🤣

　去不了台灣，最掛念的就是台灣的芋圓。　一直都有許多人推薦這一家☺️，前幾天經過看𣎴算多人排隊，就終於試了。.◇招牌仙草沙冰（+紅豆/+薏仁）◇$51因為我本人超級喜歡仙草，所以必點仙草✨仙草凍跟沙冰搭在一超很清爽，整體甜度適中地瓜圓和芋圓都偏大顆，口感有嚼勁不錯💛追加的紅豆和薏米都煮得很稔，不會過甜👍🏻.◇Q麻糬奶茶布丁拼盤◇$38奶茶布丁有驚喜，味道超級濃郁❣️😮像是把一大杯奶茶濃縮成小小一個布丁🍮似的跟珍珠搭在一齊吃像是在吃一杯珍奶一樣😆不要看麻糬賣相不怎麼樣，口感超Q，很棒☺️.其實它最有名的是刨冰🍧，不過因為非常大碗，當天只有我和一位友人去吃，所以未有膽量挑戰🙈🙈下次再多約兩位朋友再去試一試吧～.𑁍　☼︎　𑁍　☼︎　𑁍　☼︎　𑁍　☼︎　𑁍　☼︎　𑁍.⭐ 推薦程度: 8.5/10⇨味道: 8.5/10⇨環境: 7.5/10⇨性價比: 8/10

哈哈鮮芋仙again!!!🥰果然鮮芋仙係比左一個不錯的印象NANA😽食咗第二次除咗都係要等位同個冷氣好凍之外都冇乜大嘅嘢要挑剔🤣所以應該會繼續有第三第四第五次☺️-招牌仙草冰沙 $45呢碗冰沙一上枱 驟眼睇貌似係一碗普通嘅仙草芋圓 但真係食落先知道內有乾坤😎有一點好鍾意佢嘅係花奶可以自行選擇落定唔落！啱晒一啲想食甜品但又成日驚好肥好甜嘅女生（即係NANA我哈哈😝）但係第一次食我都係選擇落晒因為想食佢最真既味道😽-首先講吓佢啲芋圓 同樣地係好淋好煙韌 好有番薯嘅味道 好符合NANA對芋圓既要求👍🏻然後再講下佢啲仙草 夠滑而且份量足夠 係正常嘅仙草味！〰️而最驚喜就係佢最下面嘅冰沙✨✨✨因為又係黑糖味！！絕對唔係冇味既冰 可以令冇乜味嘅仙草更上一層樓💯-整體來講呢碗招牌仙草冰沙係好食的😋冇特別可以挑剔嘅地方 下次NANA絕對會繼續試佢嘅芋圓1號2號3號4號...🤣

話說今日特登落荃灣食米線食完太難受（可ref 我上一段食評）於是搵間開心仔糖水過一過隱🙃.鮮芋仙出哂名芋圓collection一入去下午環境尚算舒適唔多人堂食感覺不錯於是決定坐底慢慢食.嗌左個豆漿紅茶+仙草另外外子嗌左份熱芋圓4號.豆漿紅茶唔會太甜 讚加左仙草有食開既人都知道佢既仙草口感真係好好 再讚.而芋圓4號有入口軟糯嘅芋頭大大舊x2芋圓 蕃薯圓珍珠 紅豆底湯水熱辣辣又唔會死甜.兩款都表示滿意抵你又開分店ge

好耐之前就食過一次鮮芋仙嗰時就食熱野嘅 今次同朋友嚟就食凍嘢😆本身大家諗住一人一個甜品 後尾都係改做share嚟食😌好彩後尾有咁做如果唔係都唔知點食得晒咁大碗嘢😗.我哋叫咗🍧布丁圓Q麻糬牛奶冰呢個甜品就有好多唔同嘅配料 e.g. 雞蛋布甸 杏仁布甸 麻糬 冬瓜凍 雲呢拿雪糕 小芋圓 之後我哋另外再叫咗芋薯圓食完啲就覺得都幾失望😞😞😞👉🏼👈🏼.首先個冰唔夠碎 入面有唔少大大粒嘅冰然後仲要食落無味😣同我想像中嘅牛奶冰好唔同...都唔知係咪好彩有啲煉奶同糖漿係度 食落先有返啲甜味😟至於啲配料整體就普普通通 冇咩特別但個2款麻糬真係搞唔掂😫😫😫😫口感係煙韌嘅 但2款味道都偏淡白色個款好淡 淡到冇咩咁深色嗰款就相對甜少少 不過其實都係淡加上食落好粉 食咗一啖就已經唔想再食🙈🙈整體食完 我同朋友都覺得麻麻地🙈

鮮芋仙係香港開鋪以黎人流一直無停過，分店越開越多，而荃灣呢間分店已經唔係第一次食，而今次不得不讚既就係上次黎食果時係需要自己入鋪頭搵位坐，形式就好似快餐店咁，呢種做法的確係節省到人手，但係就令顧客好混亂同要企係度等位，尤其係荃灣呢間分店唔算太大，而啲顧客企哂係度等位，就會令到成個場好逼。而今次黎食個情況就好左好多，終於有部自助取票機比人拎位，咁樣既安排好好多，食果個同等果個都感覺好啲👍🏻一如以往食鮮芋仙咁都要等位，大概15分鐘左右就可以入坐啦～芋圓紫米粥（$42）份量大碗，而芋圓一貫都係鮮芋仙既招牌，切成粒狀，口感煙韌亦唔會太滯，紫米粥夠杰，味道不會太甜，擺埋一齊個味道十分夾👍🏻👍🏻紅豆湯（$36）味道同樣地唔會太甜，紅豆亦煲到十分綿，加上佢係台式甜品既關係，口感並唔似紅豆沙咁，反而食落並無似食完紅豆沙咁滯，算係水準不錯👍🏻總結一共食了$78，雖然價錢不算十分平，但份量取勝，每碗糖水的確十分大碗，性價格不錯，亦係解釋左點解永遠人流絡繹不絕既原因之一👍🏻👍🏻

🔎：《 #鮮芋仙 》⁣⁣⁣⁣⁣💬：⁣⁣⁣⁣ 全場最抵食二人份麻糬冰‼️鮮芋仙經常都排長龍 今次就廢事等位買外賣番去食佢外賣同出餐都算快 堂食就要自己揾位 都要啲時間不過尤其係食冰既話堂食份量會多啲 外賣既就佢個盒空間有限所以無堂食甘大份但都好夠2個人食 係好滿足！⁣⁣⁣▫️芋糬圓Q麻糬牛奶冰超級推介👍🏻👍🏻👍🏻依個係全場CP值最高最抵食既甜品因為佢好味之餘仲要好大份 2個人食係超級滿足☺️重要好抵食 $52 每人先$26蚊🤓如果就甘叫其他一碗都要$4x幾入面有芋薯圓、小芋圓、Q麻糬、冬瓜凍、一球雪糕球全部料都好煙韌 每款料都只係小甜 所以夾埋冰同煉奶食 甜度岩岩好 特別一提係芋薯圓好似湯圓甘 入面仲有啲番薯茸 好有番薯味另外我地加配左紅豆 依個真係推介要追加 紅豆好淋帶甜 溝埋一齊食好夾由於我地都好中意煉奶 所有額外叫職員比多啲煉奶我地 對上一次食個冰唔夠煉奶唔夠味 今次加多左煉奶真係無得彈！

話好食又唔係話超級好食話難食就一定唔係但自己就都幾鍾意鮮芋仙禁咗晚市之後唯有經過買外賣返屋企食凍&熱芋圓4號(芋頭 紅豆 珍珠)凍仙草4號 (芋頭 紅豆 珍珠)三碗唔同之處其實都係在於個湯底一碗熱嘅係紅豆湯紅豆湯再配紅豆其實都幾飽凍芋圓原先應該係黑糖刨冰底但唔知點解買外賣變咗黑糖糖水唔知係溶晒變水定店舖自己轉左奇怪嘅係仙草系列會係仙草加仙草刨冰然後佢又無溶到 有冰食倒😅配料方面紅豆無特別珍珠唔會係手炒珍珠煙煙韌韌 但唔會比李圓圓小黑糖個啲手炒珍珠好食芋圓好煙韌不過芋頭同番薯味都唔係好重要求唔高嘅會覺得幾好食最後要介紹嘅就係我最鍾意嘅芋頭作為芋頭控佢嘅芋頭真係暫時第一位又棉又粉又甜又大舊無芋頭我都一定會追加😠而呢個就係我會食鮮芋仙嘅主要原因🤣🤣以連鎖糖水店來講佢嘅質素同價錢都算係好唔錯👍🏻