鮮芋仙 (已結業)

飯後必食甜品🌞自從芋圓爆紅咗，鮮芋仙開得越嚟越多，終於馬鞍山沙漠💃🏻💃🏻💃🏻都開咗間。熱芋圓1號推薦指數🌟🌟🌟🌟紅豆湯底配上綠豆、蓮子、珍珠。甜度適中，料非常足，份量亦都好多。熱招牌豆漿豆花推薦指數🌟🌟🌟🌟熱豆漿底配上芋頭、芋圓、珍珠。豆漿順滑配上粉糯香甜嘅芋頭，簡直絕配，招牌芋圓亦都非常岀色。兩碗湯水100蚊有找，份量真係好多，可以當一餐，仲意食甜野一定要食嘅店。🤗

之前見到呢間鮮芋圓進駐美食沙漠嘅馬鞍山☺️想試好耐, 今次終於可以試到😝第一次試以為淨係得飲品😂點知原來有超過一半係甜品😂 因我宜家仲未開返晚市堂食, 我淨係買咗一杯飲品2個人share🧋紫米小芋圓($42), 叫得「鮮芋仙」當然係芋圓出名, 我叫咗呢杯(亦係推薦飲品)☺️ 好明顯嘅3層layer — 奶(凍), 紫米, 芋圓. 不得不說十足料, 一啲空氣都冇嫁😂 紫米有咬口, 芋圓煙韌, 成杯飲品亦唔過甜, 好過好多飲品店👍🏻.雖然一杯唔平, 但好足料, 勁有水準, 個人覺得價錢可以接受. 100%會再買 順便試埋佢㕷山甜品(都好似好吸引😋

I have been to meet fresh for a couple of times as I’m craving for this huge bowl of shaved ice once a week lollll❣️It’s so massive that we couldn’t barely finish it. The taro balls are chewy and not so sweet to my liking but they’re not deeply flavoured with the sweet potatoes🙌🏻Yum:10/10🥰🥰🥰

去開馬鞍山食飯，行過見到新開左間糖水舖，由於已過10點只可買外賣。門外排滿左人群，於是決心一試。我點了係芋圓3號 $45，入面有花生、紅豆、珍珠，仲點少得有芋圓。等左大約15分鐘就到我啦。拎走，一打開個盒。嘩，見到有個小沙山，山腳下就系紅豆、花生、珍珠。糖度適中，夏天食呢個甜品真系涼到入心入肺。爽！下次值得再試其他味。

🥣好想去台灣食糖水🥣推介指數 ❤️❤️❤️❤️🤍掛住台灣，想食麻辣鴨血、羗母鴨、小籠包、滑捋捋燒仙草，仲有去夜市掃街邊檔！美食沙漠馬鞍山終於有鮮芋鮮，大約開左一個月左右，每日都大排長龍，令人腳步。今日排隊同等外賣嘅人都唔太多，咁就做外賣仔啦！假如大家都選擇困難症，不防用刪除法去決定，咁就好快可以輕輕鬆鬆去排隊落單買外買啦。🌀熱手工芋圓1號 HKD45熱芋圓湯底係紅豆湯，1號有綠豆、蓮子同珍珠！紅豆湯質地有起沙、蓮子新鮮、珍珠煙韌、芋圓軟Q彈牙可惜地瓜味芋頭味略淡，整體糖水濃稠和甜度適中。.··餐廳：鮮芋仙 (馬鞍山)地址：馬鞍山鞍祿街18號MOSTown新港城中心(4期)2樓2332-2333號舖

本身喺銅鑼灣食過，所以都好期待！見終於喺馬鞍山開咗，諗住終於唔使出咁遠都可以食到喇，內心深感興奮首先，本身打算堂食既，但見到今日寫住「不設堂食」，只可以外賣。咁都唔緊要，照叫咗4碗，買咗俾自己同屋企人。咁我自己叫咗個「招牌豆漿豆花」！Menu寫住有：芋圓、芋頭、珍珠返屋企滿心期待咁打開發覺入面一粒芋圓都冇真心灰左同嬲左😂特登食鮮芋仙就係想食芋圓，但冇芋圓！而豆腐花亦真係唔多好食.....打去舖頭亦冇人聽，mailbox亦full左，想留言都冇得留......總結：會再食，但唔會再去馬鞍山店食🤡 因為見到我已經唔係第一個叫芋圓但冇芋圓既人😂希望貴店唔會再比少芋圓比人，堂食都可以問返，外賣返屋企打開冇芋圓真心會嬲左🤣

質素差過尖沙咀嗰間太多。日日都排晒長龍，終於有次買咗碗招牌仙草冰沙，拎到返屋企發覺冇俾淡奶，然後啲芋圓又偏硬；啲仙草冰又融融哋，有忽甜有忽淡。唔值得為咗佢等廿幾分鐘！要食鮮芋鮮都係去返尖沙咀分店。

唔知有無人同我一樣會突然間想食芋圓㗎呢？🤔 今日經過馬鞍山發現呢度新開咗間鮮芋仙！芋圓果然無處不在，總有一間喺左近😏店前面有好幾個人喺度等外賣，點餐嘅人反而唔多，所以我即刻order咗個外賣食😋 點知收銀職員收完錢後同我講要大概等30分鐘...唯有周圍行吓邊行邊等🙂 結果等咗40分鐘先拎到我個外賣，我覺得出餐速度可以改善吓，今日堂食食客同外賣客人已經唔算多，如果多人嘅時候應該好容易冧檔！❤️ 招牌仙草冰沙 $45呢款甜品我次次食鮮芋仙都必叫！🤭 外賣有附送淡奶，我個人鍾意食一啖原味再落淡奶😜 芋圓偏細粒，好彈牙煙韌，食落就無乜芋頭同地瓜味😗 仙草好滑溜，質感介乎啫喱與布丁之間，唔似涼粉！呢間嘅沙冰仙草味濃，而且沙冰比我預期中溶得慢，拎到外賣後10分鐘內食都無乜問題，無乜點溶👌🏻 有啲失望係外賣比堂食分量少，下次可能會堂食！好食度：⭐️⭐️⭐️✨ (3.5/5)餐廳推薦度：⭐️⭐️⭐️ (3/5)間間鮮芋仙水準都差唔多，味道上差別唔大！不過呢間分店出餐真係有啲耐，希望以後會有改善👀

馬鞍山嘅鮮芋仙終於開咗啦🤩！超開心🥳！特登去食！為咗養生，叫咗熱甜品。我叫咗熱芋圓6號(粉條、粉粿、珍珠)($45) - 熱嘅芋圓系列都係以紅豆湯做湯底。紅豆湯底原來係無咩紅豆🥲，而且有啲稀，似紅豆水，不過勝在唔會太甜，反而係配料帶啲甜味🧐。熱芋圓嘅芋頭比凍嘅更加出😚，唔會煮太耐。珍珠有少少黑糖味。粉條係入面有啲似偏腍身嘅面😂。粉粿有3、4舊，都係偏腍身。不過個人認為都係刨冰做基底好食啲，下次都係食冰！

點了芋圓2，同燒仙草熱外賣。排隊買15分鐘，等了40分鐘才有食品，仲要發現俾我後的訂單（同款食物）比我早取食品，查問下職員話同事攪亂。返到屋企又發現其中一款食品是錯的，我點的燒仙草款式不見了！仲要燒仙草是貴$3。因為住得遠，我都無回去換番。諗住打電話去問，點知電話長期無人接。另外，芋圓果份食物，裏面d材料少到只可以話係飲梗紅豆湯，芋圓等等十粒都唔夠。呢點嚴重失望（我懷疑係唔夠貨俾客，因為都幾多馬鞍山人等候，減少每碗材料分量）之前上deliveroo 訂過一次，唔知係咪接唔切單，訂咗兩次都（被）cancel 單！ 本來對鮮芋仙好高期望（因為平時去開銅鑼灣食，好高質）但呢間分店令人失望指引1-10分（1分最差）我只可以俾2分。

馬鞍山終於開左鮮芋仙啦！在新港城商場開店位置超方便，商場連接多個大型屋苑。行過路過都可以買杯台式飲品☺️另有甜品供應只是堂食位置不大，好快 full 曬住附近外賣甜品返屋企都不會太影響食品品質。今日係開業第一個禮拜的星期日，無論咩時間好多人排隊！主要都係買外賣，店員講大約等 15 - 20 分鐘。聽落好似要等好耐，不過廚房手腳好快所以自己都是等 5 - 7 分鐘左右熱珍珠鮮奶茶奶茶好香奶味，入口溫度適中，不會熨口。珍珠細細粒，口感極煙韌。最重要是成粒珍珠都是煮到熟的，裏面不會咬到有粒硬野！奶茶少甜都好夠味。餐廳處理熱飲方面非常貼心👍🏻會預先入好紙套，店員亦會問需唔需個個膠袋，不過熱飲唔係燙手，所以紙套都已經足夠了

新開張 落單都要排超過15分鐘 落單時問清楚想叫嘅兩款糖水係咪都有芋圓 唔需要另加 收銀姐姐話係返到去打開 兩碗都冇芋圓！係其他分店買過係有...忙都好，連個重點都可以漏...40幾蚊買碗咁嘅嘢 豆腐花唔滑 份量少 珍珠硬 唔會有下次