鯉魚門大興餐廳

营业中

休息中

放工約埋女友去鯉魚門食飯，大興餐廳係朋友介紹，一早打電話訂枱同柯打咗招炎賴尿蝦，炎油水花甲，豉椒抄聖子同抄飯，炎油水花甲好大隻，又鮮甜，賴尿蝦都好大隻，味道唔錯，聖子最好味，抄飯好大碟，兩條友食晒枱面啲餸都飽晒，跟住埋單，係附近行一陣先走。

第一次跟同事入鯉魚門食海鮮，嚟到呢間大興，價錢改為$348 ，免加一另包一支汽水或一杯飲品，非常之有驚喜嘅海鮮餐。每碟都非常大碟，海鮮都好新鮮，有龍蝦、扇貝、聖子、魚、蟹等。非常好味，食材新鮮，而且烹調一流，我們十個人跟本無可能食得囇，非常大碟，海鮮迷真不能錯過。

又係食海鮮時間鮑魚好新鮮，仲有好juicy🤤雖然佢唔算好大隻，但係都幾厚實👍總結一下我係鯉魚門食海鮮份量真係好夠好飽😸😸11個餸 💲3️⃣2️⃣8️⃣，免+1仲包一人一支汽水，算抵吧？仲有啲雞、菜同飯等等嘅冇影美中不足之處就係啲海鮮唔夠新鮮😬但呢個價錢算係咁啦👍

朋友從外國回，指明要食海鮮，之前有朋友推介，就試下呢間蒜蓉粉絲蒸元貝乾身咗少少，唔太夠味果皮蒸鮑魚味道岩岩好，好鮮味鼓椒炒蟶子食落爽口上湯龍蝦伊麵大碟到呢，龍蝦不是只得殻..仲有好多肉椒鹽賴尿蝦雖然不是大隻，但隻隻都好厚肉砵走蠔炸完既𧐢，鎖住咗蠔既鮮味，加上配料少少辣，好野味油鹽水浸花甲因為沒有東風螺，所以轉左花甲隻隻花甲都有肉，不同出面殻多過肉少少辣帶少少鮮味，唔錯清蒸沙巴斑 （食到呢到已有8剩飽）不得不讚，煮得岩岩好，好滑鼓油雞鹹咗少少，但都唔錯揚州炒飯+油菜 （沒影油菜，但油菜份量是差不多2個生菜）大碟到其中一人要用食物盒帶走每位$328，仲要唔駛加一，有支細可樂跟，+$5可轉大支可樂外國朋友讚不絕口，朋友話走前要食多餐先走我地4個人食，好似食緊6人餐咁，大碟到要打包走，整體來說，無論食物同侍應服務都唔錯，下次可試其他食物

有朋友推介就即管試下，茶記門面不起眼，上一層就整潔簡陋食店(豪客不合)，份量一定夠(侍應姐姐話，枱枱都一定打包走), 簡單食個海鮮餐328一位賣相味道算係合格有餘，店主有誠意安排出菜時間，唔會一次過出菜，海鮮放涼就唔好食，聖子/魚/鮑魚/油雞/炒飯/扇貝 已經價回票價…咁都彈就去龍門啦～

門面細細，原來有兩層嘅，樓上多數係大圓枱，而地下就係一般茶記嘅枱，可以坐到2-4人吧！粟米魚柳飯~汁夠多，魚柳份量很足，其實以粟米罐頭湯開出嚟嘅汁，好難會出事，一個午餐嚟講，算係合格！有相有真相，整起d檸檬後就見到油淋淋嘅油漬浮哂上面嘅熱檸水，其實預咗茶記唔會非常衛生，但見到咁，真係飲唔落囉！另外，佢有一大煲湯可以自己裝，但由於係真係商業用嘅size，以一個女仔嚟講，真係有啲吃力，所以，我放棄了！

今日提早慶祝母親節，老板話日本元貝係咁細隻，死唔認貨不對辦，$328 一位，以後不會幫親你！！@ 鯉魚門大興餐廳*一開始職員話，母親節無加價，所以咁細隻*之後老板話呢d係日本元貝來貨係咁細，蒸完縮水wor，一定無呃我！ 最多補返幾粒肉俾我，問我邊隻唔滿意？！ * d 扇貝肉係離殼，切碎，得1-3粒bb肉

第一次幫襯, 黎之前係擔心嘅, 驚遊客區海鮮檔, 放人血絕不手軟但既然有長輩介紹兼安排, 唯有一試.  當海鮮一碟碟上枱時, 喜出望外, 食材新鮮, 夠哂鑊氣, 碟碟色香味俱全,  11人食三千蚊, 好抵!  個個捧住個肚走, 仲抵過旺角D放題自助餐, 正!!

嚟到呢邊,不過仲未食晏,於是就去咗呢間好當眼嘅大興茶餐廳食下午茶.下午茶餐價錢大約廿幾至三十幾不等,午餐就四十幾左右,價錢都算合理.朋友叫咗午餐嘅葡汁腸仔雞扒飯,雞扒大約有兩塊切件,腸仔就有一條,同埋係用炸嘅方式處理,比較香口.呢份午餐仲跟埋餐湯,湯質濃,同埋有幾多切件蓮藕,感覺足料.我就叫咗下午茶餐嘅炸雞翼配沙律,雞翼係整隻全翼,雞皮炸得薄脆,入面仲有啲肉汁,唔會太乾身,食落似係用美極調味.沙律入面就有切粒胡蘿蔔,馬鈴薯同菠蘿椰果等等罐頭雜果,咀嚼起嚟都幾爽口,同埋冇出水嘅情況,以廿幾蚊一份嚟講份量適中.餐飲揀咗凍熱奶茶,茶味奶味唔濃,不過口感都幾順滑.