鰻工房 (已搬遷) 新店位置

一向都係鰻魚控 自大半年都無去日本一直都想食返個高質鰻魚飯過下癮😈上網睇到呢間新開無耐既專食饅魚店，評語唔錯就試下.生燒鰻魚丼(HKD168)有得選擇白燒或汁燒，而我係選擇前者本自日本既活鰻好厚肉，白燒令到魚皮十分焦脆好香炭燒味，比起汁燒更加原汁原味肉質十分彈牙又肥美，吃得到鰻魚本身的油脂，成個口充滿油香.原條蒲燒鰻魚丼(HKD98)呢款鰻魚來自中國，厚度比起剛才既薄燒汁惹味，但肉質軟腍非軟爛，口感無咁豐富不過以價錢來説，確係性價比高.飯方面亦都值得一提，加入枝豆、大量雞蛋絲同紫菜，調味都好好食到最後可問店員拿昆布湯同紫菜，再加啲Wasabi同芝麻，泡製個茶漬飯做完美句點！

銅鑼灣真係有唔少好嘢食今次就到朋友帶我嚟食鰻魚飯！蒲燒鰻魚平時食得多 但係呢間餐廳有好多唔同嘅煮法 所以即使係鰻魚 都會有好多種唔同嘅口感同埋味道我同朋友今次就叫咗芝士焗鰻魚丼同埋白燒鰻魚丼 加$30仲可以多一隻溫泉蛋、鹹菜、湯同埋玄米茶我嘅芝士焗鰻魚丼 鰻魚上面鋪滿左好多芝士 而鰻魚同飯之間亦有蛋 層次感非常豐富 芝士嘅味道亦都唔會蓋過鰻魚嘅味道 比起平時經常食嘅蒲笑有一番獨特嘅口感 鍾意食芝士嘅朋友一定唔可以錯過朋友都分咗一舊白燒鰻魚俾我試 白燒其實即係鹽燒 冇再加其他嘅汁去調味 可以完全品嚐到鰻魚嘅鮮味 亦都突顯左餐廳係選用左新鮮嘅鰻魚 因為唔會有魚腥味同埋雪藏味 鍾意食鰻魚嘅朋友可以試吓呢個而且餐廳仲推介左我哋二食法 就係食到剩餘三份一可以問員工索取昆布高湯 加入紫菜同芝麻 就可以成為鰻魚茶漬飯總括而言呢間餐廳性價比頗高 經過銅鑼灣或者鍾意食鰻魚嘅朋友都可以一試

有次同男朋友經過，見到好多人排隊係哩間小店到，原來哩間店係專食鰻魚的而且價錢也非常平民我地二人各order了一個原條蒲燒鰻魚丼及普通的燒鰻魚丼，原條的貴$30元，鰻魚會多一塊，另外加$30可轉套餐，套餐包括溫泉蛋一隻、面豉湯內有一少少鰻魚及鰻魚肝！不會太咸和吃完沒有很口渴的感覺！還有一小碟冷盤當你完成2/3的丼時，可叫侍應加湯 將餘下的飯變成茶漬飯！味道清清的鰻魚整體燒得非常脆口，不會很乾燒鰻魚肝口感非常彈牙！

放工後約了我的妹妹一同去吃鰻魚，鰻魚有很多種食法，例如；鹽燒、蒲燒。今次我同妹妹去的餐廳位於銅鑼灣謝斐道；地點都比較方便，由地鐵站C出口向左行只需5分鐘。門面, 餐牌除了有餐廳放在中間，旁邊有其他食物名；估計是重點推介食物。門口附近有餐牌。食物價錢由68-198左右。只要加$30 由可以成一個餐；餐就包一個鰻魚肝白貝湯、溫泉蛋、鹹菜和玄米茶。食物一本鰻魚蒲燒丼，飯和鰻魚分開上。一份鰻魚有三件，每一件都有手掌這樣大的。鰻魚上面塗上一層燒烤醬汁；醬汁有少少甜但味濃。口感柔軟而且沒有骨。飯有蛋絲、紫菜、青豆；有蛋本身嘅甜鰻魚肝白貝湯：賣相有少許似味噌湯。但味道很清甜而帶有白胡椒的味道。服務態度我個人侍應都幾主動；是緣我妹妹吃完之後會收野。我要求要高湯：佢會幫我加高湯。

以和風裝修作招徠，主打 #即叫即燒🔥 蒲燒鰻魚🐟肉厚肥美，香味十足😍食到最後仲可以變成茶漬飯👻 — 店內座位不多，牆上掛滿了日文餐牌和其他日本畫布，甚有氣氛。 ====—====—====—====— 🐟🔥原條蒲燒鰻魚丼（$98） 原條蒲燒鰻魚是即叫即燒的，肉質肥厚，魚肉香嫩多汁，外層微微香脆，口感豐富，油份滿分。另外配上的白飯上配上大量雞蛋絲、枝豆和嗚門卷，飯粒圓潤飽滿。 最後留下三分一的飯製作成茶漬飯，加入昆布高湯、紫菜和芝麻便可製成，味道極佳。 +$30轉配套餐🍱💕包括：溫泉蛋🍳、鹹菜🍃、鰻魚肝白貝湯🍲、玄米茶🍵 ====—====—====—====—

一向都對鰻魚情有獨鍾去開銅鑼灣順手search下有咩食一見到鰻工房就決定兜去試下裝修好別緻好似日本既居酒屋不過舖頭好細座得好少好彩我哋去得早七點之後開始排長龍舖頭細隔離枱又坐咗個男人成程都要背貼背坐有啲辛苦唯有拿拿臨食完快啲走叫咗個原條蒲燒鰻魚飯set有溫泉蛋同味噌湯仲有兩粒車厘茄不過唔鍾意茄所以冇試😂鰻魚好濃味 頭尾會有少少燶但係份量足咬落啖啖肉好正啲飯食剩三份一再問店員拎昆布湯撈埋變茶漬飯又幾好食喎

今日happy friday約咗朋友食lunch, 去咗呢一間專食鰻魚嘅餐廳🐟 想食好耐㗎啦所以好期待🥳 呢間餐廳喺一蘭拉麵附近, 位置都唔算難搵~因為唔算好肚餓, 所以我叫咗最平嗰個鰻魚飯$68再加$30轉套餐, 想試一試水溫😌 $68 嘅鰻魚飯係半條鰻魚嘅份量, 有兩塊, 而套餐就有一隻溫泉蛋,鰻魚/鰻魚肝嘅清湯等等我朋友就叫左原條鰻魚飯套餐, 有四塊鰻魚。食到一半嘅時候可以問店員攞清湯, 享受第二食: 茶漬飯☺️ 我同我朋友都覺得好好味好滿足😋 個人認為半條鰻魚嘅份量再跟套餐, 一般比較細食嘅女仔都會足夠, 但係普通食量嘅女仔或者男士就應該要起碼食原條鰻魚飯嘅份量先會夠飽😝整體來講性價比都算高, 會再去😊

今日午餐時間經過銅鑼灣搵地方食午飯，去咗一間專食鰻魚嘅日式餐廳，「鰻工房」位於謝斐道468號百達中心地下，由港鐵銅鑼灣站C出口行2分鐘就到，非常方便餐廳環境充滿日式風格，坐低睇完個餐牌，餐廳主打鰻魚主食，考慮左一輪之後，點左原條蒲燒鰻魚飯及 鰻魚蕎麥麵原條蒲燒鰻魚飯，鰻魚燒得香噴噴，入口嫩滑，飯面上邊配合蛋絲及紫菜絲，誠意十足；餐廳建議食法，誠意推介大家試一試，鰻魚茶漬飯、蒲燒鰻魚飯，一飯兩食，絕對值得一試鰻魚蕎麥面，彈牙嘅蕎麥麵，沾上醬汁，非常好味，配上兩件蒲燒鰻魚再加一條穴子，非常滿足之前出去其他地方食鰻魚，經常都會食到細骨，感覺唔太好，個人認為鳗工房最出色嘅地方係唔會食到鰻魚嘅細骨，這點上真的很出色，絕對值得一試再試

朋友旅遊回來，相約在銅鑼灣吃午餐。早前看到朋友分享在這裡用餐的照片，感覺很特別，以鰻魚為主打，就一於來試試。店舖地方不大，但座位舒適。一本鰻蒲燒丼 $98鰻魚肥美多汁😋，飯面有蛋及紫菜等鰻．穴子之二重丼 $148原來穴子是星鰻在日文裡的漢字，星鰻和鰻魚為兩種完全不同的魚，星鰻從魚苗到成魚幾乎一生都生活在海裡，鰻魚則是以淡水為主。星鰻的肉質纖細且脂肪較少，口感緊實，卷成花朵形狀，色香味俱全👍吃過三份二的鰻魚丼，我們就根據店內張貼著的指示，向店員索取昆布高湯作為第二款吃法 - 鰻魚茶漬飯，又是另一滋味。

鰻工房 (English name: Unagi Koubou) is located in Causeway Bay specializing in all things  eel. Boyfriend was interested so we decided to go here for dinner one evening. We heard it was popular and so headed right when it opened in the evening. It's a good thing we did! It started to fill up!The place is very small. There are probably enough for 16 people to dine here. It's that small and seating is a bit cramped with a lot of table sharing.  Its so small, the napkins and seasonings are found on th

今日去銅鑼灣買嘢，同老婆心血來潮想食個鰻魚飯，不過講真香港好少啲淨係食鰻魚嘅鋪頭咁專門。 之前聽到朋友講有間叫鰻工房，所以我哋就去找一找。鋪頭位置都幾方便門口附近有的士站。😘😘門面入去嘅時候好有日本嘅感覺，雖然入邊座位不是太多，但係裝修一啲都唔簡單的，真係好似去咗日本食緊鰻魚料理咁。😍😍我哋叫咗唔同嘅鰻魚食下，穴子鰻魚，食落去口感比起一般嘅鰻魚更滑，雖然不比普通蒲燒鰻魚，味道濃厚，但係鰻魚嘅鮮味更為突出。🥳🥳🥳一本鰻魚，厚厚嘅鰻魚，配上香濃嘅鰻魚汁，點可以唔滿足。呢度嘅特別之處，係全店都採用日本米。食到差唔多嘅時候，有唔同嘅食法，可以以昆布湯，造成湯飯，配上紫菜同埋芝麻。😍😍😍😍

同朋友行街經過見到$68食鰻魚睇相好似都唔錯，咁啱我地2個都鍾意食鰻魚就去試試佢啦！味道同賣相都要比個like👍🏻香港依家要食到好味嘅鰻魚都要過百，所以呢間絕對超值

鰻魚入口的油分充足，而且肉質彈牙，這店專門提供鰻魚，就讓我們慢慢細嚼。先來一本鰻蒲燒丼，這是店家首推的，當然要試一試，鰻魚經過烤煮，肉質軟滑帶點爽口，油分在口腔內爆發，醬汁使用份量適中，沒有過甜，還給味道提升鮮味，另外這裏的飯甜度較高，而且圓潤飽滿，飯內加了支豆及外面加了蛋絲，所以風味十足。還點了活鰻丼，選了白燒，鰻魚只加了鹽來燒，這樣可突顯鰻魚本身鮮味，還有這個是非常厚身的，所以口感豐富，油分滿分。最後當然要試加入昆布高湯配上紫菜及白芝麻，可以說是味道極佳，而且芝麻味道突出，使整體好吃度再加分。味道: 一定要試環境: 比較窄衛生: 整潔服務: 尚可抵食: 超值

朋友是鰻魚控，星期六就來試試這家專門食鰻魚小店。店內地方小小的，佈置得跟日本地道小店一樣，我們像是去了日本吃午餐呢！我們點了原條蒲燒鰻魚丼和鰻魚蕎麥麵，都加$30升級了餐，有前菜漬物、溫泉蛋、鰻魚肝白貝湯和玄米茶。原條蒲燒鰻魚丼賣相好吸引，原條鰻魚已切開放便食肉，飯面鋪滿蛋絲、紫菜絲、幾粒枝豆肉和兩片魚旦，色彩繽紛。主角鰻魚燒得很香，很肥美厚肉，加上鰻魚汁，春蛋一口鰻魚，一口飯，滋味無窮。我們不知不覺已差不多吃完，忘記了餘下三分一的飯可以問店員拿昆布湯，加入芝麻和紫菜做茶漬飯，下次要再來吃。鰻魚蕎麥麵有兩串蒲燒鰻魚，同樣肥美肉厚。另外，還有一整條穴子，即是小鰻。相比大鰻，穴子肉質較幼嫩，皮較薄，口感不一樣，同樣好食。蕎麥冷麵伴入鵪鶉蛋液和蔥花，浸入麵湯汁，很輕盈的感覺，用來配鰻魚吃亦佳，一濃一淡，中和鰻魚的油膩。總括而言，這鰻魚小店製作認真，很有日本風味，朋友很滿意。

午市時段來鰻工房一定要早，因為店內位置不多。蒲燒鰻魚丼（半條）- 兩件燒鰻魚肥美軟嫩、燒汁惹味，佐飯一流。飯中加入蛋絲和毛豆，口感更豐富。如果食量大的，可以選擇全條鰻魚丼。加$30可轉套餐，以木盤盛著温泉蛋、漬物和白貝湯。玄米茶以茶包沖泡温泉蛋有流心效果鰻魚肝白貝湯比較清淡，吃畢鰻魚飯後喝，可清清味蕾還餘下三分一米飯時，可以向店員要了一份昆布高湯，自製茶漬飯。高湯有鮮味，推介一定要試。燒鰻魚串同樣是水準之作，微微焦脆、很香口。