魚河岸

营业中

休息中

食飯時間吾想同人迫，來到一田旁邊食日本蕎麥麵，主打買魚餅，係用日本紀文魚餅既餐廳，餐牌菜式都多選擇，有烏冬，蕎麥麵，飯，拉麵等等😄⭐️雜錦天婦羅蕎麥麵我自己對魚餅無咩興趣，覺得都係用粉打出來，所以叫左個有炸蝦既天婦羅蕎麥麵，有1隻炸蝦，1舊洋蔥餅，1塊蕃薯，1塊菇，1條魚餅卷，炸粉好厚，吾夠鬆化，估吾到個魚餅卷最好食😂😂👍咬完會keep住想食，蕎麥麵吾同出面餐廳果d, 幾好食！下次來會試下加多幾粒魚旦🤩

食滑蛋炸豬扒飯 塊豬扒啲皮淋到成Pat屎咁成餐唔知自己食緊咩塊炸豬扒橫切面應該有3cm 但係淨係計肉嘅話得1cm飯同味噌湯普普通通魚餅冇味平係平 但真係唔會去食第二次真係成餐唔知自己食緊咩

服務態度差，已經叫左佢地既野食，都忍唔住唔要啦，寧願叫第2間，貼錢買難受，姐姐態度惡劣佢寧願你去食其他或者去漁屋，都唔好食佢 可能你叫少一份，佢又做少d野掛，以星期六都甘靜係有原因既野食就未試到啦，只係受到一肚氣姐姐繼續係佢收錢位度大聲叫你，完全無禮貌同態度可言，只知佢唔想做生意其實唔食你，仲有好多選擇係假期行街行到攰，又見一田近近地，有位坐下 ，但姐姐既態度惡劣到不得了，只係叫野食之後坐低幾分鐘，已經係冷言冷語

繼食完屯門一田入面嘅天魔好有驚喜之後 最近留意多咗一田入面嘅餐廳😺 今晚嚟咗荃灣一田入面嘅魚河岸 座位唔係好多 所以都要等咗一陣位我同友人叫咗個$105嘅二人餐 有兩個飯 兩塊魚餅 同兩杯野飲🙈滑蛋豬扒飯 賣相好靚 豬扒都好大塊 不過個炸粉太過厚 唔係好食到豬扒嘅味道 滑蛋令到個飯有少少過濕 不過整體係可以接受嘅😬汁燒雞飯 有啲失望 雞係一粒粒嘅 醬油汁甜甜地同啲雞肉都幾夾 冬菇係用水烚完放上個飯面 完全冇醬油汁味 配埋食有啲怪😧 另外雞肉都比較乾身 咬落口有啲鞋日式炸魚餅 蝦味同章魚味 魚餅非常之熱辣 個人比較推介蝦味嘅 因為章魚味太腍 蝦味就幾好咬口 有少少甜不辣嘅感覺 如果魚餅有啲汁蘸吓可能會正啲🤓飲品選項都係啲罐裝飲品為主 我哋就嗌咗零系可樂整體來講呢個價錢食餐晚飯都算幾抵 或者下次試佢另一個$125既二人餐 食物會再啱我地口味多啲🤪

下午茶時間想喺荃灣廣場搵少少嘢食下，見到一田入面呢一間日式店幾平，所以就試吓。-💛關東煮烏冬 💰42 (好味道: 💛💛)咁嘅價錢見到呢個份量都幾多！而且仲有七款唔同嘅關東煮🍢😮😮 當中最鍾意食嘅係個福袋，入面有年糕煙煙韌韌👌🏻 不過其他六樣嘢全部食落去都差唔多口感😂 都係已經主導好軟好淋，同埋冇乜特別嘅味道。烏冬係讚岐烏冬👌🏻 不過唔特別嘅地方真係個湯底完全唔同日本食嘅口味🥲 如果淨係為飽肚嘅，呢個份量真係好足夠嘅。-💛原味炸雞 4件 💰28 (好味道: 💛)因為口痕想食小食，所以就叫咗幾件炸雞試吓。叫之前問過店員個大細係幾多，佢形容得比實物更加大，佢係以佢個手掌大細叫做一件😂 咁事實證明真係冇咁大嘅😑 可能冇咁大，所以佢俾咗五件我，但其實最細嗰件入面好似食唔到有雞肉🙃🙃 雖然我叫呢份係即叫即炸，但係啲炸粉好似做得唔係咁好，外皮唔夠脆，同埋入面啲雞肉偏肥😫 食食吓都放棄咗。。。最衰附近冇繼光香香雞啦！-人均消費:💰70 (免加一）環境:💛💛💛服務:💛💛💛推薦:💛💛

估唔到喺今時今日嘅香港，仲要係喺荃灣廣場嘅一田，竟然可以用100蚊多啲就食到個好飽嘅二人餐，開喺旺區都做到咁平，相當難得，佢個饅魚飯係最受歡迎，因為分量多味道就一般啦，不過佢嘅蝦味魚糕同粟米味魚糕都好好食，而且份量夠曬男仔食，值得再去。

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃 ♡• 𝙲𝚛𝚘𝚚𝚞𝚎𝚝𝚝𝚎 𝚄𝚍𝚘𝚗 (コロッケうどん) 🍜 🍥烏冬彈牙好味，唔會太淋。 牛肉薯餅真係好好味，十足日本食既可樂餅，外皮炸粉炸得好炸，入面既薯蓉好綿好綿再加上牛肉碎。湯底就係鰹魚湯，清淡得黎好好飲。-• 𝙳𝚎𝚎𝚙 𝚏𝚛𝚒𝚎𝚍 𝚌𝚑𝚒𝚌𝚔𝚎𝚗 𝚜𝚎𝚝 (チキン南蛮定食) 🍛 🥠 炸粉係一片片果種，我個人冇咁鐘意，但雞件本身係好食既。再加埋d 沙律汁，邪惡又好味。📍𝐔𝐨𝐠𝐚𝐬𝐡𝐢 𝐀𝐠𝐞𝐭𝐚𝐭𝐞 𝐊𝐢𝐛𝐮𝐧 & 𝐃𝐨𝐧𝐛𝐮𝐫𝐢 𝐑𝐞𝐬𝐭𝐚𝐮𝐫𝐚𝐧𝐭𝑌𝐴𝑇𝐴 𝐷𝑒𝑝𝑎𝑟𝑡𝑚𝑒𝑛𝑡 𝑆𝑡𝑜𝑟𝑒, 4/𝐹, 𝑇𝑠𝑢𝑒𝑛 𝑊𝑎𝑛 𝑃𝑙𝑎𝑧𝑎, 4-30 𝑇𝑎𝑖 𝑃𝑎 𝑆𝑡𝑟𝑒𝑒𝑡, 𝑇𝑠𝑢𝑒𝑛 𝑊𝑎𝑛, 𝐻𝑜𝑛𝑔 𝐾𝑜𝑛𝑔

上次去荃灣廣場試左虎藏食堂 同時地朋友就食左係隔離既魚河岸😆✅魚河岸主要以關東煮，烏冬同蕎麥麵為主有唔同既餸配搭 例如天婦羅蝦🍤炸豬扒，魚餅等🔆咖哩烏冬 $38因為想試關東煮又唔想食咁多餸 所以就叫左個淨咖哩烏冬佢個咖哩好香 有日本feel但又唔係好純正既日本甜咖哩既味道好香帶有少少微辣入面仲有啲野菜做配粒^_^料平凡中帶點不平凡🤣烏冬彈牙 食得出唔係軟腍腍既質地要黎掛湯好味🤩味道: 3.5/5賣相: 2.5/5🔆關東煮 $32一個價錢可以食到至少6樣既關東煮有基本既魚糕，福袋，竹輪仲竟然有個小薯仔！真係好驚喜佢個湯甜甜咁 但就略嫌失色食唔到係日本個種風味 同埋唔夠熱所以都差緊啲🤧味道: 2/5賣相: 2.5/5價錢黎講佢就真係幾抵🤣不過關東煮就唔建議試啦推介咖哩烏冬！🤤🤤🤤

魚河岸🐟- - - - - - - - - - - - - - - - - - - - - - - - - - -關東煮烏冬 HKD 42 💯有驚喜，本身以為咁平一定好求其，點知烏冬幾彈牙，又好足料，關東煮好煙韌，福袋好精緻，咬落去超驚喜係麻糬黎，呢個價錢有呢個質素真係冇得輸！- - - - - - - - - - - - - - - - - - - - - - - - - - - 呢間店有兩間分店，都係開係一田超市入面！環境舒適度 3/5食物好味度 4/5影相打卡度 3/5 📍荃灣大壩街4-30號荃灣廣場4樓一田百貨美食通分店：🚩旺角MOKO新世紀廣場5樓一田超市內

落荃灣廣場一田買完野，口痕痕走左入去旁邊「魚河岸」，座位雖然唔算好多，但清潔人員都keep住清潔，感覺乾淨衛生。餐廳採自助形式，於櫃枱order食物及付款後再到座位區享用。我們選擇了八爪魚炸魚餅同埋手製炸魚丸，八爪魚炸魚餅好好味非常彈牙，食完先醒起唔記得影相。手製炸魚丸都好好食，每粒有唔同餡料，最鐘意蒜頭和枝豆，20元有八粒真係好抵食。不過服務就強差人意，幫我地既係一位戴眼鏡身形略胖的女士，點餐過程中已經用不太友善語氣對答，選擇手製炸魚丸味道時更加表現不耐煩，本以為只是對我們態度差，怎知排我們之後的小妹妹時，落單語氣一樣惡劣。服務態度真的有待改善。

在魚河岸吃個下午茶，叫了一個關東煮烏冬，這大都是魚肉產品，另有油豆腐福袋，外皮係炸豆腐，內裏有年糕，軟軟糯糯不黏牙，好有質感。魚竹輪是魚肉製品，還有一個可愛的新薯，好入味，大大碗只是$42 ，抵吃。另外叫咗一個自選炸魚餅烏冬，選了帶子炸魚餅，這個魚餅就唔得啦 好腥，佢又唔係壞嗰種，但係好腥，但個烏冬就幾好味。

剛剛參加完生日會，吃了很多好味的食物和生日蛋糕，回家前總要吃小小東西，好味又平價，份量唔需要太多，我們選擇了 魚河岸。自選炸魚餅烏冬，日式炸魚餅有好多選擇，有八爪魚、魷魚、蝦、帶子、粟米、五目野菜等。今日我哋 選了八爪魚炸魚餅和 蝦炸魚餅，其實味道大致上分別唔太大，但係都係一個好吃的魚餅，每次你食烏冬，都覺得個烏冬非常彈牙而且沒有那種酸酸的味道，湯底亦都非常熱，直至你吃完整個烏冬湯還是的。

終於有時間黎試下，叫左每隻款一粒。環境: 十分舒服，夜晚黎食亦冇咩人，好似包左場咁慢慢食都得。服務: 姐姐都好有禮貌。食物: 最好味係童星點心麵味，第二好味係三文魚味，但係其實唔太特別。但想提一提大家佢翻熱d丸係用微波爐。

荃灣廣場4樓 有便宜好吃的輕食到荃灣廣場購物是一件樂事，商場幾好行，各式各樣的店舖都齊備。有時候又會舉行商場推廣活動，有汽車、各地食品、圖書活動…等等。 今天行完商場 只想吃少少東西，上四樓買了一杯台式奶茶，之後走到一間很多小朋友在進餐的 魚河岸。這兒有很多炸魚丸和炸魚餅等東西，怪不得小朋友都喜歡來吃啦。我選了一個 八爪魚炸魚餅配蕎麥麵，湯是清澈的但夠味道，八爪魚炸魚餅都幾好味，雖然魚餅本身加了些粉，但質感唔差，蕎麥麵的熟度剛剛好，不失便宜又好吃的輕食，以$36.00一個麵食，這還是可以的。

假日瘋狂外出吃飯，擔心長期糧尾之際，偶爾路過魚河岸！咦！$40有交易，平到笑！立即試試！店家雖然位於超市旁邊，但是環境很整潔！和友人看到價錢都大感驚訝！嘩！今時今日竟然有3字頭出現！店內還有很多不同種類的小食可以加配！等了幾分鐘，已經可以拿熱騰騰的食物回座位，店員姨姨很友善，還有溫馨提醒我「重呀，拿的時候小心～」我和友人點了滑蛋豬扒飯、山菜蘑菇烏冬和野菜薯餅，送了一碗味噌湯，不知道是滑蛋豬扒飯還是山菜蘑菇烏冬送的。以$40來說，滑蛋豬扒飯已是不錯的等級！可惜在醬汁不夠多，吃到中間完全是白飯，而且蛋不夠滑，有點過熟了～但整體來說，CP值算高！因為豬扒很香脆，而且蛋的味道剛剛好，不會過甜或鹹！近看會更清楚看到豬扒的皮不會過厚～友人點了山菜蘑菇烏冬，山菜和蘑菇都很清爽，可惜湯底略鹹～我們另外加配野菜薯餅，外皮很薄很酥脆！完全是意想不到的好吃！值得推介！味噌湯味道溫和，不會覺得鹹～順帶一提，店家在桌上都有貼上貼紙提醒客人要把吃完的餐盤放到回收車～記得要放好呢！另外值得一讚的地方是素食選擇不少，即使是小食都有素食～推薦給長期糧尾/素食的人士