魚米 (E-Max) (已結業)

點左一份炸雞髀薯條冇薯條又唔主動通知直接整好咗搵個魚餅代替就算數。唔主動問返佢都唔肯講冇薯條。除咗送餐收錢嘅時候都係零服務，入去坐低連杯水都唔俾。。⋯。。。。。

歧視一人用餐, 明明有4位枱, 無人等 , 得我一個竟然叫我企返起身出去再等, 佢話要等一陣有無4個人黎先俾我坐嗰時12:45, 我要等到14:00無人黎先食得?以後唔會再黎

🇭🇰魚米·果醋豬軟骨米線$47呢間我自己覺得相當唔錯 可以成為我係九展嘅comfort food🤣🤣佢呢度個湯底係勁夠熱 飲落去勁舒服 不過我自己覺得佢米線質地偏淋身少少 要落單係要求個度揀爽身啲口感先好啲😈之後佢豬軟骨份量都好多 而且調味剛剛好 入味得黎唔會太鹹 而且佢個豬軟骨都炆得好夠淋 係連軟骨位都炆到化曬得黎完全唔會柴 九展黎講真係相當唔錯🤤😎·📍九龍灣展貿徑1號E-Max 國際展貿中心B1樓B151-152號舖·#rby港式

落單時問收銀凍飲有冇得走冰，佢冇出聲照落左單，結果上杯熱飲比我😓我飲熱嘅都冇所謂只係叫佢扣返凍飲嘅錢，個收銀即刻叫埋其他2,3個員工過嚟一齊大聲鬧我，話凍飲走冰點樣沖，一定要用熱水開所以杯野飲係熱😓😓😓你沖唔到我落單嗰時就應該同我講而唔係後尾玩人比杯熱飲個客仲要唔肯扣返凍飲錢！除此之外落單時舉咗好耐手啲員工見到都扮見唔到😥明明嗌咗正常份量米線又擅自幫人少米，結果嚟咗碗少飯😑成間餐廳都好混亂唔知啲員工點做嘢，唔會再嚟呢啲垃圾餐廳。👋🏻

今日去呢間餐廳食lunch, 舉手落單嗰位職員明明見到都扮睇唔到👎🏻叫多兩次先至勁晦氣同你落單（態度仲要係非常之差）仲要聲大夾惡話自己做緊第二d野（乜嘢態度？），其實當時都唔係太多食客。落完單嗰位員工仲要發哂脾氣，走去同其他同事訴苦話食客質素低，好似以為人地聽唔到，呢 d 工作態度真係唔要得。Lunch 叫左一碗米線加凍奶茶，點知最後黎左凍檸茶。雖然最後肯換番杯凍飲，不過可以睇出呢位員工做事態度唔認真😩食物質素中規中矩，不過有呢 d 員工真係同倒佢老細米無分別，唔會再幫襯第二次。

天氣熱唔想食咁飽，食米線最好！今日到這間餐廳，下午茶有各種米線，我選了魚蛋魚腐米線，魚蛋幾彈牙，大大粒，魚腐滑溜溜，十分好吃。我要了清湯底，不會太濃，沒有太多味精，感覺米線淥得不錯，不會過濃。清湯配米線，夏天悶熱之選😀同事叫了麻辣豬膶牛肉炸醬米線，麻辣湯底可揀不同的辣度。這個安排不錯，能照顧到不能吃得太辣的食客。同事叫了小辣，這個微辣的感覺她很喜歡💕豬潤平時在家弄非常麻煩同事說這個豬潤也做得幾好吃，牛肉都嫩滑，而且花了大量蔥花令這個米線變得非常惹味。下午茶$41 包了飲品，即磨咖啡幾香幾濃，奶茶亦都滑滑，頗不錯👍🏻值得一提的是這間餐廳坐得幾舒服，我們到來時是下午時段，人較少不用迫迫！我們見下午茶除了米線，也有很多選擇，例如西多、三文治、雞脾、吉列魚柳、餐肉流心蛋公仔麵等等，都幾多款式，下次我們會再來試一試！

Emax睇完戲喺附近搵野食，處晏晝食左豐富嘅late lunch，夜晚食少d，叫左個魚蛋魚片米線同埋鹵肉碎黃花魚飯。麵份量幾多，魚蛋魚片都唔少每樣各4個，湯底呈奶白色有魚味清淡帶微微胡椒味飲落舒服。 黃花魚成條炸過黎但唔會好油，上面亦灑上胡椒粉，魚唔算多骨魚肉嫩滑，鹵肉飯份量一樣唔細，不過相對黎講就比較普通。想食清清地又飽肚，呢間係唔錯嘅選擇。

叫左個2餸魚湯米線（竹笙+腐皮墨魚卷）$52外賣湯同米線係分開，雖然唔環保，但可以防止啲米線浸淋左竹笙有3條，浸係湯入面，爽口朔左啲湯汁好好味腐皮墨魚卷好彈牙，本人好鐘意食墨魚丸，所以覺得好好味

我和Honey到九龍灣辦事，平常會在G/F XXXX吃早餐，但那地方比較不太乾淨。今天轉來魚米，試試。我叫炒蛋/多士/火腿通粉/熱奶茶 $33多士是一大片，炒蛋嫩滑。火腿通粉好大碗。奶茶都不錯，茶濃。Honey叫歐陸早餐，他選漢堡扒/煎雞扒/煎蛋/多士/奶茶 $37雖然雞扒是炸的，但是，好香脆，不肥膩。兩款早餐都大大份，味道不錯，奶茶也 ok。最重要的是，人不多，地方乾淨。有時，吃不只是為吃，環境/服務/地方整潔度也相當重要。

好耐冇食魚米， 九龍灣展貿中心的餐廳我差不多試盡了， 今次又返嚟魚米吃午餐，豬軟骨菜飯$53、 涼粉紅豆冰$9、 魚腐米線$42、即磨咖啡。 豬軟骨菜飯酸酸甜甜都幾開胃， 豬軟骨口感有點硬， 涼粉紅豆冰落足料， 重量級涼粉， 紅豆冰味道唔算甜。 魚腐軟滑， 米線軟硬適中， 我都幾鍾意魚米嘅米線。 即磨咖啡味道都可以， 起碼唔會水汪汪。魚米係一間連鎖經營嘅餐廳， 質素普普通通冇乜特別， 但勝在價錢親民， 今次九展呢間魚米的店員服務都幾好。

永不再光顧的餐廳，米線難食，夾起即斷，麻辣湯底竟得個咸毫無其他味道，八寶料完全係差，另外豬扒菜飯，豬扒用鬆肉粉la 到口感係糜，菜飯，菜係黃左，感覺俾左隔夜菜飯..........，服務質素更無可言，隻字都不想提，浪費打字，相片都唔相post

以前在銅鑼灣返工好鍾意買魚米的米線做午餐，前排經過九展估唔到又開了一間， 米線引發作立即入去食返碗。 點了一個二人套餐$148 （ 紅衫魚米線，豬軟骨菜飯，香茅雞翼兩隻，南北杏木瓜雪耳，杞子桂花糕，熱水蜜桃汁和熱柑桔蜜）。紅衫魚米線～ 兩條紅衫魚仔煎得脆卜卜， 金黃色的外皮， 配上健康美味的魚湯米線，好味。豬軟骨菜飯～ 豬軟骨夠腍， 味道甜甜酸酸。香茅雞翼～ 炸得夠香脆。南北杏木瓜雪耳～ 味道偏淡。杞子桂花糕～ 桂花味偏淡， 口感有點似大菜糕。熱水蜜桃汁～ 藥水味重。熱柑桔蜜～ 飲品都係呢款最穩陣。魚米在香港有很多分店， 相信好多人都有食過，這裏最有特色都是有好多款不同種類的魚可以選擇， 也是我間中會來吃的原因。