魚米 (鈞德樓)

营业中

休息中

22/10/2024 lunchtime 同成班同事一齊叫外賣，第一次叫呢間魚米，叫左豬軟骨&魚片 酸辣湯米線。食到落最底先見到有曱甴，衛生堪憂，之後唔會再幫襯！！！

~Tea set~🍜 魚蛋魚腐米線 🍜$41~~~魚湯飲到真材實料魚味👍～～～配料：有芽菜，鮮腐竹，魚蛋，響鈴，感覺都新鮮彈牙～～～ 🥤 熱銀菊蜜 🥤唔使加錢，不過不失～～～枱同凳嘅高度比例好似有啲奇怪，唔係幾就手😂～～～想清清哋一餐嘅人不妨一試😋～～～

魚米之前試過食魚湯米線煎魚，見餐牌晚飯時段有燉湯二人套餐$179，兩個人食好似幾抵，所以今晚又走去試試。二人套餐有兩餸、一個燉湯、兩碗白飯、兩杯飲品，見好似幾抵就試一次。果醋汁豬扒，帶酸酸甜甜都幾開胃，豬扒算幾好喎，起碼唔鞋先。魚米主打魚，咁就要試下叫麵醬蒸鱸魚，魚用麵醬來蒸，蒸出來魚算新鮮味道都ok，不過不失！鮑魚姬松茸老雞燉湯，二人份量都幾足料，有幾件雞加了松茸菇，雞肉煲到鞋食唔到，但有啖湯飲下，不過我覺得稍為鹹咗啲。間舖可能唔夠人手，店員態度真係麻麻。

第一次寫食評就俾左呢間餐廳～真係好嬲頭髮金毛女職員態度惡劣，問多兩句態度已經非常唔耐煩～ 好似食免費飯甘， 黑口黑面～呢杯特飲叫水蜜桃QQ椰果，蜜桃碎都冇，成杯罐頭水加冰， 對得住加了$15呢個錢？ 成餐飯完全食唔飽仲要受氣～ 呢間餐廳永遠無下一次

工作完成後去附近醫下肚, 魚米好耐無食, 叫左海鱸魚加$轉准山麵, 另外加左杯金桔蜜叫佢較淡d, 無敢甜, 等左一陣, 杯野送到, 係淡d好d, 無敢甜, 飲落幾好味👍, 之後海鱸魚同准山麵到了, 不過坐近廚房, 原來店員出餐前會係條魚上面加d鹽, 先飲啖魚湯, 好香濃魚味又夠熱👍, 飲多幾啖湯再食麵, 個麵浸左湯幾好味👍, 條魚落左鹽, 感覺有d咸, 個人覺得唔需要加😅, 條魚表面其實炸得滯, 但魚都滑, 不過唔係太食到魚的鮮味🤣, 不過喜歡魚的你, 魚米都係一個好選擇, 但不能要求太高😸

腸胃狀態一般，想吃清淡一點，原本想吃粥，但天氣炎熱就不太想吃。想起這間提供魚湯米線的餐廳，之前沒吃過，便順道試試。餐廳選擇多，除了基本的魚湯自選米線，還有原條鮮魚飯/麵，另有其他餸料的湯飯、菜飯、酸辣米線和茶記的蔥油飯，任君選擇。我選吃嫩滑黑魚片鮮魚湯米線$48。整碗份量大，魚片亦多。除了魚片，還有腐皮、芽菜、韮菜和炸菜。米線略嫌烹調時間較長，有點軟，不夠爽口。魚片則如其名嫩滑，沒有腥味，魚肉有質感，新鮮的表現。湯底方面，魚湯顏色奶白，味道清甜，喝後沒口渴，應是沒味精，真材實料用魚烹煮。

17/10約11點元朗店，短髮女職員態度差，方包唔新鮮似隔夜硬包。點餐無奶茶時話壞左機，當時應該就走唔好食，以後唔會再去。17/10約11點元朗店，短髮女職員態度差，方包唔新鮮似隔夜硬包。點餐無奶茶時話壞左機，當時應該就走唔好食，以後唔會再去。

從來未寫過食評，今日嘅經歷實在不吐不快！午餐點咗豬軟骨菜飯加熱奶茶，張單都打咗多奶，結果上嚟嘅奶茶並沒有多奶，要勞煩服務員姐姐行多一次。豬軟骨入口一陣燶味，實在鯁唔落，鼓起勇氣同服務員姨姨講，佢提議換其他菜式，結果揀咗炸豬扒，之後等咗二十分鐘個豬扒都未嚟，個菜飯都放到涼哂，又要趕返工，唯有揾服務員姐姐追單，佢又建議改為蘿蔔牛腩。終於有得食，但係牛腩同啲汁好鹹，蘿蔔就冇味。第一次試呢間餐廳，亦會係最後一次！

食物品質都幾好食嘅，不過員工態度極度惡劣，堂食或外賣都試過，態度冇禮貌面容黑面問多幾句嫌麻煩，食餐飯都從未試過咁受氣 ，雖然好食但員工咁樣都唔會想再幫襯，仲有一次買外賣叫完後，先知有折問返冇禮貌地回答，望返張單只差一分鐘先有折扣但購買時員工沒有提醒，連一句道歉都沒有極度不滿意

因為工作關係，大元邨既魚米曾經我係一星期食一次事隔四年，再係元朗食魚米平時經過以為入面好大。。點知入去就發現入面唔算多位而且明顯人手不足，店員要負責收銀，執位，送餐，安排座位，比水， 真係樣樣都要等叫左蛋皮餃子生菜酸辣蛋皮餃子唔係好多地方有，一於試下蛋皮唔錯，餃子肉細細粒，一口一啖岩岩好當年食酸辣都唔係好食到，依家完全無問題辣既程度岩岩好。唔會食到好辛苦我鐘意魚米多過譚仔，因為佢個米線依度米線有少少彈性同韌少少，同埋依度清湯個底都會feel 到少少鮮味，而唔係譚仔甘乜味都無米線份量好多，真係女仔食送食配料都夠

今日去咗魚米，叫咗個《胡椒豬肚湯飯》～湯同埋飯分開上嘅，另外豬肚&配菜都好多，個湯都幾好飲帶有少少胡椒味，胡椒係用嚟霹咗豬肚本身嘅腥味，所以整體感覺食落去都幾好，食唔出有腥味。而呢個份量都幾大喔，對一般女仔來講都未必食得晒😹另外《魚片魚蛋米線🍜》，湯底係用魚湯的，清清地但係都唔會話好淡，味道啱啱好👍🏻

近日開始變凍，所以唔想再食一啲壽司等之類嘅冷嘅食物。於是就想試下呢一間主打魚湯米線嘅魚米餐廳。款式選擇有好多，亦都有一啲嘅肉燥飯，小食等等。佢哋最招牌嘅就係原條魚魚湯米線。因為唔係好肚餓嘅關係，所以都係揀咗個普通嘅魚湯米線。配答咗兩款餸菜。米線係偏淋嘅口感，未必個個鐘意。但我自己又幾鍾意，加上我轉咗做麻辣湯底，熱辣辣又暖笠笠嘅感覺好舒服。加上晚市嚟講價錢一啲都唔貴，應該會成為一間我固定成日都會食嘅餐廳。等我下次再試下佢啲原條魚米線先，哈哈。

今日一早十一點零鐘右左 到達魚米 那時只有數位客人 待應們和一位黑衣主任都非常悠閒一入到去已經覺得地方不整齊 台下面更是污穢的 感覺已經不是太好 當時還有早餐餐牌11:30前還可以叫早餐食正當我想看早餐餐牌時 其中一位待應A 一句「你不叫早餐 我就收了」就直接把早餐餐牌收走了 我根本連看都沒有看就被收走了 但不打緊 因為我進來是一心想食碗米線的11:20 我叫了一碗 芽菜 米線 中酸辣 走腐皮$35元 是一位待應A為我下單的11:32 我收到待應B拋在我桌上的單 上面寫著 一碗XX魚米線 中酸辣 走腐皮 $51 我立刻跟那位待應B說「這不是我的單 我沒有叫這碗米線 我只叫了芽菜 米線 中酸辣 走腐皮」待應B沒說話 待應A走了過來說「對呀這就是你叫的芽菜 米線 中酸辣 走腐皮呀」我把餐牌拿比她看 我那碗米線只是$35 而單上那碗是$51 這時她才把單拿給黑色衣服那位主任說是待應B打錯單 不關她事 中間待應A說待應B打錯單 待應B又說待應A寫錯單 兩人互相推卸責任 叫廚房不要做我那張單 卻沒有人向我交代或說聲抱歉 數分鐘後 待應A重新把單給我 11:50 我足足等了半個小時 米線還未到 眼

呢2日胃口唔好想食清淡D，見到魚米都係一個唔錯ge選擇，不過佢就好多係成條魚咁上，但係我又食唔到魚，想再食清D，咁就叫左魚蛋魚片蘿蔔米粉啦，再另外叫左個上湯時菜。元朗呢間都唔算好多人，坐得都幾舒服。魚蛋好好食，肉質好彈牙好滑身，個蘿蔔就差左D，蘿蔔都好林身，但係就好多根位，咬落唔太好食!!!米粉份量真係好多下，當然最後係食唔曬啦，不過米粉都幾好食。個菜唔算多，不過都係咁上下啦，不過不失啦冇咩特別。

魚米，故名思義，鮮魚魚湯米線。菜牌上有不同魚類選擇，不喜歡食魚的，有一般米線店的選擇。友人點了黃花魚煎魚可以選擇另上，魚身不細，煎得香脆。黃花魚特點肉質細嫩幼滑，但細骨較多，吃時要很小心。我選了倉魚倉魚肉厚結實骨小，魚身比黃花魚更大，煎得香脆，魚尾脆如薯片。魚湯米線配料足，魚湯鮮濃。魷魚仔十分新鮮，醬油令魷魚鮮味更上一層。