鮮芋仙 ( V Walk)

营业中

休息中

Meet Fresh鮮芋仙🧋🍮 (V Walk店)招牌仙草冰沙 $48招牌台灣古早味仙草，味道又濃又爽口又滑，仙草份量好多👍傳統工法，香Q芋圓和地瓜圓， 彈口百食不厭。珍珠奶茶布丁冰 🧋🍮🍨$68好特別的奶茶刨冰，冰在口中好似飲緊凍奶茶咁🤣👍再夾Q彈珍珠和奶茶布丁冰，口感曾次好豐富。甜味也剛剛好，份量也多可以2人食也可以。坐位不多，如假期就要等位啦。📍深水埗深旺道28號V Walk 2樓L2-16號V Walk, Shop No. L2-16, Level 2, 28 Sham Mong Rd, Sham Shui Po

鮮芋仙嘅招牌芋圓冰，配料足料，有齊珍珠、小丸子、芋圓、冰底🌟👍🏻 食落超滿足，每一啖都可以食到唔同嘅配料，芋圓煙韌，珍珠香甜，配搭一流👍🏻 每人有最低消費$30，細食嘅可以三個人叫一配甜品再加配一款配料，咁就可以兩個人share一碗，一碗份量已經非常大碗😋

飯後想食啲消暑又解膩嘅甜品經過鮮芋仙就坐低揀左仙草1號$48 同埋 仙草4號$52仙草好滑好好食 入口唔易散 唔錯👍🏻白玉湯圓好煙韌珍珠係細珍珠 同平時飲珍珠奶茶一樣薏仁 紅豆 甜度適中 好加分👍🏻芋頭有兩大舊 味道ok 不過不失不過份量超大碗 我地兩碗都食唔曬😂但整體係好食嘅😋

最近在鮮芋仙 (MeetFresh) 試了一次他們的紅豆沙芋圓，感到非常失望。記得以前這道甜品是那麼的美味，紅豆沙香濃，芋圓Q彈有勁。然而，這次的體驗卻大相逕庭。首先，紅豆沙的質感變得稀薄，口感不再那麼細膩，味道也淡了許多，見到好明顯是溝了很多水。芋圓的質量更是令人失望，感覺不再那麼Q彈，反而有些硬，有些甚至有點過熟，完全失去了以前那種彈牙的口感。整體來說，這次的紅豆沙芋圓完全沒有以前那種令人回味無窮的感覺。看到品質如此大幅度的下降，真的是非常令人失望。希望鮮芋仙能夠重視產品品質的維護，找回以前那種讓人愛不釋口的味道。畢竟，顧客期待的是一份穩定且高品質的甜品體驗。咁既質素真的不能說香港人要返大陸食嘢。

踩入鮮芋仙，今次心思思想試下新鮮滋味！紅豆牛奶冰面頭一眼望去，真係白雪雪、紅彤彤，賣相掂晒！食落去，紅豆嘅香甜夠哂力，牛奶冰滑嘟嘟，完全係消暑大利器啊！😋再望向隔籬得個布丁Q麻糬牛奶冰，我都心郁郁想點一份。呢個更加係雜錦拼盤，每樣小吃粒粒都有驚喜，啲Q彈麻糬真係扑晒面，每咬一口，布丁嘅滑溜與麻糬Q彈完美結合，簡直係開心到喊！🥰夏天熱辣辣，呢度正正好提供清涼一刻，坐得舒服兼得咁多款選擇，真係食客福音。下次我都知點揀咯，打算攞款「創意滿分」嘅紅豆牛奶冰來個豪華升級版，真係期待到不得了！🍧鮮芋仙嘅各款甜品，無論係視覺定味覺都係百分百賞心悅目，仲可以滿足到我嘅甜品癮，我話你知，呢一遊絕對值回票價，係我嘅芋圓小天地啊！

我係個芋頭控，今次去咗鮮芋仙食芋圓4號。入面有芋頭、芋圓、紅豆同珍珠。我嚟形容下每一款嘅美味啦不過要講返，佢係冰底嘅，雖然加咗黑糖水，但係冰底本身嘅味道有啲淡。首先講講芋頭，真係芋頭控嘅我最愛。佢哋嘅芋頭熬煮得好軟糯，香味四溢，真係好好食。芋頭嘅味道好濃郁，入口即化，令我回味無窮。再嚟講芋圓，佢哋嘅芋圓有啲Q彈，就係咁啱咁多水。咬落去有種彈牙嘅口感，好有嚼勁。配埋芋頭一齊食，真係絕配，味道更加突出。紅豆都幾好食，煮得軟軟地，甜度啱啱好。佢哋嘅紅豆唔會太甜，有啲自然嘅甜味，同芋頭同芋圓一齊食，口感更加豐富。最後係珍珠，佢哋嘅珍珠都好有彈性，有種嚼勁。雖然無咩味道，但係佢哋嘅口感同其他材料一齊食，令整個食物更加豐富。不過要提返冰底部分，雖然加咗黑糖水，但係冰底嘅味道相對來講比較淡。可能係因為黑糖水嘅比例唔夠啱，令冰底嘅味道冇咁突出。不過，如果你係芋頭控嘅話，我仲係會推薦你試下，因為其他材料嘅美味都可以彌補返

點解公司會有呢啲規矩，明明店內好多位，排隊亦無幾人，我哋諗住坐低睇吓食咩，店員同我哋講要門口落order再就座，我哋在收銀前睇吓食咩，但後邊有人排隊等，極度唔好意思阻人時間，點解唔可以坐低諗好再出去點餐？搞到冇晒心情食甜品☹️☹️

朋友上個星期見到「鮮芋仙」推出返夏季限定嘅「芒果」主題，就喺臨近打風🥵30度咁熱嘅天氣下捉埋我出去 V-Walk 食清涼冰品降降溫，消下暑！😆𓂃𖠚∗ᤲ𑀇 · ┈┈┈┈┈┈ · ꕥ · ┈┈┈┈┈┈ ·▸ 迷你芒果白玉冰 ┅ HKD 58▎ 迷你芒果白玉冰嘅配料有 芒果粒、牛奶冰、白玉湯圓同芒果醬 雖然名就寫「迷你」 但都夠朋友同我一齊分😛算喺街外一個正常甜品加量版😋 食落都無諗過 牛奶冰同芒果醬味道喺咁搭配 牛奶冰甜味中和返芒果嘅酸味✨ 芒果粒份量十足又好味🤤 白玉湯圓 口感煙韌 好滿足😍· ┈┈┈┈┈┈ · ꕥ · ┈┈┈┈┈┈ ·𓌈˒˒ 鮮芋仙Meet Fresh❜ 深水埗深旺道28號V Walk 2樓L2-16號舖Shop L2-16, 2/F, V Walk, 28 Sham Mong Road, Sham Shui Po— @meetfreshhongkong · ┈┈┈┈┈┈ · ꕥ · ┈┈┈┈┈┈ ·‎‎܀ ‎‎܀ ‎‎܀‎‎܀ Follow @chillfood.basis for more 📸

食完晚飯落左去vwalk行商場散步順便消化吓頭先晚餐食既卡路里但又忍唔住買碗糖水返去食😂芋圓5號：花豆、白玉、珍珠示範圖同實物係有啲出入既😹天真的我🙈以為配料好似示範圖咁佈滿係面凍食系列會以刨冰為基礎但個刨冰實到都整唔碎到食晒啲配料都塊冰都仲未溶😹不過芋圓同白玉都依然咁高質👍之後都係堂食會好啲😉📍鮮芋仙🔎深水埗深旺道28號V Walk 2樓L2-L16號舖港鐵南昌站D1出口，步行約2分鐘

卒之都同老公去拍拖睇戲呢度嘅戲飛相對比較平未夠時間就喺商場周圍行見到鮮芋仙有位即刻飛入去原來要order咗嘢食先可以入去我哋見咁啱有一堆人擁埋佢即刻沖去落order嗌咗個芋圓沙冰🍧呢個發現係我哋太心急買錯咗我哋應該係想燒仙草底太多冰唔啱😂啲配料都幾好食芋圓好煙韌我本身諗住一碗share 點知侍應話一個人最低消費，$25所以加咗個芋薯圓都幾好食我諗下次要食燒鮮草底沙冰太凍啦不過炎熱嘅夏天係好解暑嘅😂

就快夏天啦~ 🌞🌞又係可以開始食冰嘅季節！🍨🍧相信鐘意食甜品嘅人對‘鮮芋仙‘’ 依間台式甜品專門店絕對唔會陌生！以前無咩分店嘅時候要排隊、拎飛，等差唔多成個鐘先食到嫁！宜家可以直入食到一樣質素嘅甜品，真係好幸福啊！鮮芋仙主打各款芋圓、仙草、雪冰等台式甜品，以純手藝製作出煙韌嘅芋圓甜品。唔怪得同平時出面啲甜品店嘅味道唔同啦！今次試左芋薯圓Q麻糬牛奶冰+布丁。我本身係麻糬嘅超級Fans鮮芋仙嘅麻糬真係好QQ好彈，完全滿足到「煙韌控」嘅我啊！係台式牛奶冰上擺滿芋薯圓、小芋圓、Q麻糬及冬瓜凍，每款配料都好多份糧，2個人食都食唔曬。✨性價比5/5✨味道4/ 5✨環境3/ 5✨服務4/ 5

同阿仔去荔枝角公園嘅嶺南之風影相行到攰晒，口渴想飲嘢，但係附近又睇唔到有乜嘢地方有嘢飲。因為從來未去過南昌站嘅V·Walk，橫掂一個站，咁就一齊去逛吓。在商場內行咗一輪，其實都係冇乜選擇，忽然間睇到呢間鮮芋仙，阿仔又話有少少肚餓，反正有位，所以就決定堂食，順便唞一唞。阿仔嗌嘅喺招牌仙草冰沙，佢話冰沙只能夠堂食，如果買外賣嘅話，返到屋企就變咗一碗糖水。除咗仙草，呢碗冰沙仲有原味同地瓜味芋圓，另外仲俾咗些少花奶，可以依照個人喜好添加。阿仔話碗冰沙甜味啱啱好，啲芋圓煙煙韌韌好咬口。我一向仲意紫薯，所以對杯紫薯紫米珍珠非常滿意。首先係啲紫薯搞拌得非常之爛，溝埋紫米同牛奶一齊，用飲筒都啜得到。啲珍珠俾得妥多，飲完杯嘢其實都覺得幾飽肚。找數$94蚊，阿仔埋單，多謝晒！

今日等睇戲既時候 叫左個紅豆牛奶冰因為以往去食鮮芋仙 都係叫芋圓同仙草 今次係第一次叫牛奶冰 原來份量係咁多兩個人最後要食淨一半見到隔離台叫左個布丁Q麻糬牛奶冰 仲抵食好多 有勁多料 又有布丁 又布麻糬 又有小芋圓 仲有其他唔知咩配料我地叫紅豆牛奶冰 淨係得紅豆 相對好似無咁抵食🤣 但係都好好食😆😆下次知道要點嗌了！可能因為我地早去 無咩人 坐得幾舒服啲冰食左半個鐘都唔溶 真係值得一讚 夏天應該會成日過黎食！不如下次要試其他組合！

.鮮芋仙🍧MEET FRESH@meetfreshhongkong .成日見到鮮芋仙咁多人排隊等位、等外賣🥡😯都好想試下😆但👩🏻‍🦰唔食芋圓😵所以無機會試下呢間甜品店🍧🙈………..今次機會黎啦!!!!今次新出嘅芒果系列岩曬唔食芋圓嘅👩🏻‍🦰🤤……….我地2個人本身想叫個超級芒果🥭冰，但原來店員話其實芒果🥭白玉冰($48)🍧都夠食🤤………..芒果🥭白玉冰其實都好大份😂😂👩🏻‍🦰一個人一定唔會食得曬😂………..呢個甜品令我諗💭起消失左嘅許流山🥺對比之下我會更喜歡許流山嘅芒果🥭小丸子😝……….食完感覺好凍😜😂😂😂岩曬而家34度嘅天氣🥵☀️……….味道：🌕🌕🌕🌕🌑4/5而且又平又大碗😆🍧……….

夏天睇戲前都要食咗最新推出嘅超級芒果冰！🥭$75既份量 係要兩個人先食得晒！呢個份量真係完全誠意搭夠！😻牛奶雪糕球下面係滿滿嘅芒果醬加芒果肉沙冰！芒果夠甜夠熟！每一啖嘅沙冰都可以有果肉！完全唔會剩返白色冇味嘅冰！夏日炎炎真係要同朋友分享！👐🏻